السلام عليكم .
جماعة الخير ان شاء الله راكم بخيروعلى خير
اليوم قلت نجرب بفتات نتاع النت اللي عندي نشارك فالمسابقة
راكم تقولو هذيك الكلمة منين جابتها ليليا
ديموراليزيك......
الكلمة جاية من المورال وديموراليزيك معناها ناس مصنوعة تهبطلك المورال ارواحو نشوفو عينات
نلقاو ام وليدها جاي فرحان بنقطة ففرض او إختبار ....وتبداه من الباب بالمعاير سيادك جابو كذا وكذا انت تسمعها تقول مدابزة مع ضرتها وهي غير مع وليدها اللي يقرا سنة أولى .....لالة إذا انت فاشلة ماكان لاه تحكمي على وليدك أو بنتك من اول حاجة لازم ديريلو الكوراج نورمال لوميه مي باه تشجعيه مش تحطميه
لو الطفلة يااااا لوكان نبدا نحكي شعال من مرة حطمونا المورال تجيبي مليح ما تسلكيش ما تقرايش ما تسلكيش وحتى القاعدة فالدار المرا دايما يجي ذاك المخلوق الزحلي يهبطلها المورال يا راجلها ويعلق على الماكلة يا خوها وهذو قافزين غير فهذي يديك مكسرين يا فاشلة يا عرة للياتك .... شوفي فلانة وشوفي علانة يكرهوك فمعيشتك .... وابسط شي لو مثلا راحت تشري حوايج انا يمى ندي سكان الكرة الأرضية ومانديهاش معايا تحطملي المورال يخرج يقطع لوتوروت قدامي وينتحر تعلق وتمد رايها وحاجة ما تعجبها ويا ويكمل عليها ويقول السومة وتكون غالية تبغي تقتلو ذاك اللي يبيع
وليت نختار وقت تخدم مربوطة ونروح وحدي وما نديهاش معايا .....ناس اخرين تلقاهم من لافامي من للاصحاب عمرهم لا يعرفو حاجة واسمها كوراج أو يطلعولك المورال حتى بعض الأصحاب في بعضهم لو ناوي يدير بروجي تلقى الف واحد يوقف ضدو ويا ريتهم فالحين خدمتهم هاكا يهبطلك المورال أو يديموراليزيك هاكا خدمتو يشوفك محطم
واش رايكم
صراتلكم وين هبطولكم اللي معاكم المورال أهل أو صحاب وكيفاه ديرو صح يأثروا عليكم وإلا لالا؟
احكونا مواقف صراتلكم هاكا واكثر انسان تشوفوه دايما يديموراليزيكم فكل حاجة ديروها
شكرا وأي مشرف يضع ختم المسابقة راني من تلفون
شكرا
آخر تعديل بواسطة المشرف:
