ماهي أفضل لهجة في الجزائر ؟؟

[جليلوس]

السلام عليكم
يا خويا بدون أخذ ورد بنت قسنطينة وتحيا لهجة قسنطينة
أحبها وأعشقها :Love:
وسأصوت لها
فقط تعقيب صغير على رد الأخ حليم
لهجة القسنطينية لا تشبه لهجة العنابيين مع احترامي الشديد لهم
هوما عندهم لحن مميز وكلمات كثيرة مختلفة
يعني لو تحط قسنطيني وعنابي تفرق بيناتهم بسهولة
اكيد كاين امور مشتركة وكاين امور مميزة عند كل مدينة
وصراحة احترم جميع اللهجات ونفرح بزاف لما نشوف هاداك التنوع بين لهجات الشرق والغرب والجنوب والشمال
يعني عمري لا ضحكت على لهجة معينة كل لهجة حلوة الله يبارك ومميزة
ولكن اكيد تربيت على لهجتي ونحبها بزاف
تحياتي ​

اهلا بيك خيتي يعطيك الصحة
تحية لناس قسنطينة مدينة الجسور المعلقة
هي في الحق كل منطقة ليها لهجة خاصة بيها وكلمات تميزها عن غيرها

وان شاء الله مايكونش الموضوع للتفرقة حاشا رانا هنااا باش نتلمو ونحكووو
ارتقبوني في موضوع آخر وفي نفس القسم هنا غادي نبدلو شوي روتين تاع المواضيع الجادة والنقاشية

 

[البحر الهادي]

اللهجات في الجزائر متقاربة لكن ليست عربية لأنها مزيج من اللغات
تم التصويت

 

[جليلوس]

واللهجة النايلية وين
القبالية والشاوية كيف كيف يختلفو فقط في اشياء يعني امازيغية واحدة
اما اللي نقولو عليهم لهجات
الجواجلة صح عندهم لهجة الوهارنة
قسنطينة ماهيش لهجة يعني هدرة سامبل واش هو عندهم ترقيق في الحروف اما اللهجة اللي تعجبني خاصة هي العاصمية واش هو العاصمية مش المخلطين نتاع الفرنسية والهرطي هذااك
جماعة الصحراء يعني نحمي على اشقائنا في تمنراست وادرار يعني لغة وحدها هههه تعيا تفهم بصح حلوة صحيت خويا

خويا حكيم مرحبا بيك
اودي غير سمحلي ضربني ريح العشية غير ماتزعفش مني دوووك نشوف كيفاه نعدل ونزيدها
مام انا نسيتها والله
هدرة العاصمييين هايلة بصح خسروها هادوك تاع التشيكولا راك فاهم معا احتراماتي ليهم كاااامل

الله يحلي ياماتكم شكرا ليكم

 

[جليلوس]

نحب العاااااااااااصمية :kiss:

الله يحفظك شكرا ليك

 

[جليلوس]

@hakim story
@لؤلؤة قسنطينة

خاوتي ربي يحفظكم راني نشوف تعليقاتكم
كي القط والفار ماغاديش نرد زكارة فيكم
نتفرج نتفرج نيهاهاهاهاهاها
اشششششششششح


ربي يخليكم ويهنيكم ويمتعكم ويعطيكم ماتتمناااو

 

[جليلوس]

كل واحد هنا يضرب على لهجته هو قال اللهجة المفهومة كتر..
كيما انا مانفهمش القبايلي وهدرة الشاوية البعض منها اما الصحراء والله مانفهملهم حبة..
بيانسير نبغي لهجتنا لهجة الغرب (بلا زعاف) :kiss:

واه خيتي واه ربي يحفظك

بصفة عامة نحب كامل اللهجات
مي لفريبة ليا نتاع الشرق بصفة خاصة

عاش من شافك خيتي
هادي غيبة ياااتل وينااااك

العاصمية هي اللهجة الوحيدة المفهووومة هههه

ربي يحفظك ومرحبا بيييك

السلام عليكم
أكيــد لهجــة الغرب

واه خويا جمال في ميزك
هههههههههه

الله يحفظكم خاوتي
دمتم بخير

 

[جليلوس]

اللهجات في الجزائر متقاربة لكن ليست عربية لأنها مزيج من اللغات
تم التصويت

اكيييد لهجاتنا طغاات عليها معظم اللغات الأجنبية
شكرا خيو ومرحبا بييييك

 

["viola"]

ارواحي نتي وفهميني كيفاه نعدل على الموضوع

مشكلة والله حصلة دووك يزعفوا مني ولاد نايل وناس عين الفوارة


حشوومة حق ربي

منك بصح.. ياودي نورمال بلعطهم قال السطايفية تابعة للشرق
خخخخ بصح بيناتنا النايلية حڨرتها بسك قادرين نديرو دولة بنو القاف عاصمتها الجلفة و تحدها كل من الشلالة و عين بوسيف و مسيلة و شوي من غرداية و البيض وبعض الدويلات و عملتها اللويز خخخp: نتمسخر رانا قاع بلاد وحدة نايلي و لا شاوي و لا قبايلي ولا صحراوي جوسوي جزايري خخخ وشراكم لباس خخخ​

 

[جليلوس]

منك بصح.. ياودي نورمال بلعطهم قال السطايفية تابعة للشرق
خخخخ بصح بيناتنا النايلية حڨرتها بسك قادرين نديرو دولة بنو القاف عاصمتها الجلفة و تحدها كل من الشلالة و عين بوسيف و مسيلة و شوي من غرداية و البيض وبعض الدويلات و عملتها اللويز خخخp: نتمسخر رانا قاع بلاد وحدة نايلي و لا شاوي و لا قبايلي ولا صحراوي جوسوي جزايري خخخ وشراكم لباس خخخ​

سبيطار نتي وحق ربي
خخخخخخ راني هابل بالضحك يا جدك
ياو الله يحفظكم وليدات بلادي زانقا زانقا دوار دوار

 

[لؤلؤة قسنطينة]

@hakim story
@لؤلؤة قسنطينة

خاوتي ربي يحفظكم راني نشوف تعليقاتكم
كي القط والفار ماغاديش نرد زكارة فيكم
نتفرج نتفرج نيهاهاهاهاهاها
اشششششششششح


ربي يخليكم ويهنيكم ويمتعكم ويعطيكم ماتتمناااو

هههههه حرب أهلية نايضة ههههه
وحاشا أنو موضوعك يكون للتفرقة بالعكس، الله غالب ياك رانا خاوة
والخاوة في الدار وتلقاهم كي القط والفار هههه ومستحيل حوار كيما هكا يكون فيه تفرقة
مالا كن شفت موضوع راني زعفان 4 مرات وحنا نقتابسو في ردود بعضانا
والرد الواحد يدير 2 ميترات تدخل تحوال ههههه
شكرا على الموضوع خويا جليل
وحنا نحتارمو كل مدن الجزائر من الشرق للغرب ومن الشمال للجنوب
وصراحة رانا عندنا كنز والجزائر في حد ذاتها قارة
لدرجة تغير المدينة تلقى ناس عندهم لهجة مختلفة عن المدن الاخرى
وكل مدينة وتقاليدها وكل مدينة ولهجتها وكل مدينة وأكلتها وملابسها
هادا التنوع في بلدان العالم كامل ماتلقاهش
على هادي نحب بلادي ككل ومدينتي بالأخص خاطر تربيت فيها وكبرت فيها
على هادي أكيد نسبة الحب تاعها زايدة
بالمناسبة راني ندخل للمة نلقى التنبيهات تاعي 30 وكامل اشارات من عندك ههههه
قداه من موضوع تحط في الساعة برك؟ ههههه الله يبارك عليك
بارك الله فيك خويا وربي يهنيك، وشوف مع حكيم قولو مايزيدش يقولي ماعندكمش لهجة
هههه تحياتي​

 

[آمِيْرَتُه]

السلام عليك
بصراحة كل لهجة ليها ميزة خاصة بها و بما أنني وهرانية فأكيد راح نصوت على لهجتي بحكم وين نروح يقولولي لهجتكم شابة واه خويا جليلوس تحيا الغرب
وتحية لناس الشرق و متزعفوش مني

 

[Salah eddin]

السلام عليكم

و الله لزعفتونا يا صاحبي


ولاد نايل اكبر عرش في افريقيا و راكم ما درتوش اللهجة تاعنا

هذيك لازمك تخلفهالنا خونا @جليلوس

رغم هذا رانا شاركنا و درنا اللهجة الصحرواية

المرة الجاية اعرفو كفاه اديرو و الله ههه​

 

[جليلوس]

هههههه حرب أهلية نايضة ههههه
وحاشا أنو موضوعك يكون للتفرقة بالعكس، الله غالب ياك رانا خاوة
والخاوة في الدار وتلقاهم كي القط والفار هههه ومستحيل حوار كيما هكا يكون فيه تفرقة
مالا كن شفت موضوع راني زعفان 4 مرات وحنا نقتابسو في ردود بعضانا
والرد الواحد يدير 2 ميترات تدخل تحوال ههههه
شكرا على الموضوع خويا جليل
وحنا نحتارمو كل مدن الجزائر من الشرق للغرب ومن الشمال للجنوب
وصراحة رانا عندنا كنز والجزائر في حد ذاتها قارة
لدرجة تغير المدينة تلقى ناس عندهم لهجة مختلفة عن المدن الاخرى
وكل مدينة وتقاليدها وكل مدينة ولهجتها وكل مدينة وأكلتها وملابسها
هادا التنوع في بلدان العالم كامل ماتلقاهش
على هادي نحب بلادي ككل ومدينتي بالأخص خاطر تربيت فيها وكبرت فيها
على هادي أكيد نسبة الحب تاعها زايدة
بالمناسبة راني ندخل للمة نلقى التنبيهات تاعي 30 وكامل اشارات من عندك ههههه
قداه من موضوع تحط في الساعة برك؟ ههههه الله يبارك عليك
بارك الله فيك خويا وربي يهنيك، وشوف مع حكيم قولو مايزيدش يقولي ماعندكمش لهجة
هههه تحياتي​

واااه خيتي
الجورناليستااا يعجبوني ردودك شحال من خطرة نقولهالك
ياودي رانا خاوة قاع وناكلو في طاوة هههه تاع بكري هادي
خويا @hakim story خلي خيتك طرانكيل هاا تعاشرووو

وجدو رواحكم غادي نهبلكم ... الناس لي قالت جليل فنيان
دوووك نوريلهم نيهاهاهاهاهااهاااا
غادي نطاgيكم منا ليوم الدين مانكرهش
بلاكو تكرهو مني

ربي يحفظك خيتي

 

[cosette]

الَلهحۃ العاصميۃ مقربۃ لهحۃ البليديين
^^

 

[جليلوس]

السلام عليك
بصراحة كل لهجة ليها ميزة خاصة بها و بما أنني وهرانية فأكيد راح نصوت على لهجتي بحكم وين نروح يقولولي لهجتكم شابة واه خويا جليلوس تحيا الغرب
وتحية لناس الشرق و متزعفوش مني

واه امينة ختي واه .... هادي غيبة ياااه
تحيااا ناااس الغرب وولاد بلادي وين ماكانواا

 

[جليلوس]

الَلهحۃ العاصميۃ مقربۃ لهحۃ البليديين
^^

الله يبارك
ربي يحفظك

 

[جليلوس]

السلام عليكم

و الله لزعفتونا يا صاحبي


ولاد نايل اكبر عرش في افريقيا و راكم ما درتوش اللهجة تاعنا

هذيك لازمك تخلفهالنا خونا @جليلوس

رغم هذا رانا شاركنا و درنا اللهجة الصحرواية

المرة الجاية اعرفو كفاه اديرو و الله ههه​

وعليك مالسلام ورحمة الله
والله قا نسيتها والله ها مالك صلاح الدين خويا
علابالي وناسي وحبابي تما ونتا واحد منهم
تنساكم الموت ان شاء الله

دوووك نشوف كيفاه نموديفي غير ماتزعفش انا وراسك العزيز

هههههه

 

[Hakan]

واااه خيتي
الجورناليستااا يعجبوني ردودك شحال من خطرة نقولهالك
ياودي رانا خاوة قاع وناكلو في طاوة هههه تاع بكري هادي
خويا @hakim story خلي خيتك طرانكيل هاا تعاشرووو

وجدو رواحكم غادي نهبلكم ... الناس لي قالت جليل فنيان
دوووك نوريلهم نيهاهاهاهاهااهاااا
غادي نطاgيكم منا ليوم الدين مانكرهش
بلاكو تكرهو مني

ربي يحفظك خيتي

خخخخ ياودي ماهيش موالفة عندها يامات راهي دير في الكونطر آطاك
راهي بدلت الخطة نتاعها هههه الهجوم اثناء الدفاع موالفة عاقلة
معليه تعرفني ياك انا عاقل احم
وبالعكس توحشناك طاقينا وخاطيك اوموا ننفضو الرتيلة على رواحنا ​

 

[Salah eddin]

وعليك مالسلام ورحمة الله
والله قا نسيتها والله ها مالك صلاح الدين خويا
علابالي وناسي وحبابي تما ونتا واحد منهم
تنساكم الموت ان شاء الله

دوووك نشوف كيفاه نموديفي غير ماتزعفش انا وراسك العزيز

هههههه

ههه الله يعزك خويا جليلوس
تقلقت شوي صح ههه بيا اصلا من الاول مديقوتي من الامتحانات و لقيت وين نفرغ
ماعليش صاحبي في قرضك ههه
اقضي شقلك ههه
ما كاش حساب بين الخاوة يا شيخ
يعطيك الصحة​

 

[جليلوس]

خخخخ ياودي ماهيش موالفة عندها يامات راهي دير في الكونطر آطاك
راهي بدلت الخطة نتاعها هههه الهجوم اثناء الدفاع موالفة عاقلة
معليه تعرفني ياك انا عاقل احم
وبالعكس توحشناك طاقينا وخاطيك اوموا ننفضو الرتيلة على رواحنا ​

ههههه يااك مالا بدلت planninG
ااا مآعلاباليش خخخ

ياودي راكم مسدييين ... راني حطيت ميضوع في كل بلاصة وطاقيتكم ها وين راكم
حشمتوني نندب بالقرداااش