مشكلتي كيف اجدد ثقتي بزوجي

[مشكلتي]

لجأت اليكم و انا كلي أمل بجميع الأعضاء .مشكلتي باختصار هي مع زوجي،انا متزوجة حوالي 5 سنين لدي 3 اطفال و الحمدلله ظروفي الحمدلله اسكن مع اهل زوجي اناس طيبون يحبونني و أحبهم و خاصة عجوزتي و شيخي الحمدلله علاقتنا رائعة و نحسد عليها اما المشكلة هي زوجي .في هذه الفترة اكتشفت خيانته 3 مرات و يحدث ما يحدث لكني لم اغضب عند والديا لاني شفت لوجه عجوزتي و شيخي و كذلك المرات الاخرى حتى اني تعبت منوا رغم انوا كل مرة يحلفلي ماراه يعيدها و يعترفلي بحبوا و ما يحبني نبعد عليه انا و اولادوا المهم المشكلة الآن هي اني ماعدت نثيق فيه رغم اني حاولت لكنوا دايما يخيب ظني انصحوني كيفاه نعاود نجددها مع علم زوجي علبالو بيا منثيقش فيه و راهوا يقولي وريلي وش نعمل باه تعاودي تثيقي فيا نحسوا نادم لكني لا اعلم؟ لقد حاولت اختصر اعتذر عن ازعاجكم

 

[الامين محمد]

أولا لازم تحمدي الله على هاذ العايلة و هاذ الناس اللي راكي في وسطهم
ثانيا أختي لازم تفكري مليح أنه الله يغعفر اللذنوب و هو صاحب الفضل كله
يعني ربي سبحانه اللي خلقنا و عطانا كلش و لما نغلط و نتوب يفرح بتوبتنا
لازم تعاودي تبني الثقة بينك و بين زوجك بالصفح عنه حتى إذا ما بينتيهاش ليه
ثم عندك اولاد من أجل أن اولادك يبقاو يحبو باباهم و ما يخيبش ظنهم فيه
لأنه إذا خاب ظنهم في والدهم رايح تتعبي معاهم في التربية
في الأخير الصفح و الصفح جميل بلاك يرجع الراجل لعقله و يصبح مخلص ليك إلى الابد
و هذا اللي راني متأكد أنه سيحصل رايح يكون نعم الزوج و نعم الأب لأولاده

 

[Ma$Ter]

السلام عليكم
اختي ادعيلو واصبري عليه
وربي يسهلكم

 

[إلياس]

الدعاء فهو في ظلمات الليل و الله يستجيب و لا تنسي الصدقة

 

[بشرى ملاك]

مشكلة صح بصح لازم تتغلبي عليها وماتخليش الفرصة لبنات لحرام يدخلو بينك بين راجلك اول حاجة اهتمي بنفسك خلي كلش وتلهي بروحك، ثانيا ادا كنت من النوع نڨراش وكثيرة الاسئلة بطلي هاد العادة بالعكس تكوني مزعفة منه حدك قابليه بوجه بشوش وابتسامة عريضة يا لوكان من فوق القلب المهم ستقبليه مليح، ثالثا منعيه باي شكل من الخروج ماشي توقفي كيما بوليسي وتقوليله ماتخرجش وادا خرجت ماتلقانيش لا دلقيه وترجيه مايخرجش قوليله راني نتوحشك ونكره بلا بيك نحس روحي وحيدة بلا بيك وهكدا بالكلام الزين شغليله وقته ومنعيه قدر المستطاع من الخروج بطريقة غير مباشرة..
نعطيك مثال اختي تكوني تاكلي مثلا في صحن وماتلقيش واش تشتهي اكيد تروحي لصحن آخر مع العلم انت خيرتي الصحن الاول...
معناها راجلك ماراح شاف برا حتى ناقصة حاجة انت تعرفي واش لي تبدل فيك الا من ناحية الاهتمام بالنفس او المعاملة نتاعك معاه غيري من نفسك وصححي امورك يوليلك راجلك..
نجو للثقة لازم الثقة ماتخليش الشيطان يدخل بيناتكم ويوسوسلك قنعي مخك بلي راجلك سايي ولالك وماتبقايش تبينيله بلي شاكة فيه ودابزيه دايما هاك والله غير يزيد باسكو اي راجل عنيد مايبغيش مرته تتحكم فيه ولو غالط...
قلعي الوسواس من راسك انت طبيبة نفسك انت داوي روحك بروحك نسي كلش وبداي من جديد ومع الوقت تولو احسن من لي كنتو والدعاء الدعاء الدعاء...
وان شاء الله ربي يطيب بيناتكم وما يكون غير الخير..

 

[الفارس النبيل]

أولا يا أختي أنت لم تبيني طبيعة هده الخيانة ، فهده الكلمة مبهمة وتحتمل عدة أمور

ثانيا : إن كان تاب وهدا هو الواجب عليه والواجب أن تنصحيه به بأن يتوب إلى الله ، فإن تاب فإن الله غفور لكل عبد منيب والتوبة تجب ما قبلها

و يجب أن تثقي بزوجك إن تاب ويجب أن تعرفي مادا ينقصه و صارحيه تكلمي معه لا تبقي كل شيء مكتوم

وربي يوفقكم

 

[Salah eddin]

السلام عليكم و رحمة الله و بركاته

على كل حال و كيما قال الاخ الامين ...

احمدي ربي و اشكريه على العايلة الي حطك فيها

يعني اهل زوجك الي راكي على علاقة طيبة معاهم

...
اما في قضية زوجك وش نقولك ... ادعيلو بالهداية

و مادام انو لسع يطلب في العفو منك معناها راه نادم

و النادم يستاهل فرصة ... و نتي راكي درتي الخير كمليه

مادامك صفحتي عنه مرات غيرها ... كملي خيرك و اصفحي عليه مرة اخرى

و حافظي على اسرتك و اولادك

و عليك ايضا بالدعاء

و الله يجبر بيناتكم و يكملها بينكم بالخير نشالله
و
الـسلام عليكم


​

 

[لؤلؤة قسنطينة]

السلام عليكم
أول شي اختي ربي يهنيك وربي يوفقك في حياتك
والحمد لله انو ربي عوضك بعائلة مليحة يعني كي تجيك الضربة من راجلك تلقاي وين تحطي راسك
ماشي كيما يكون كلشي ضدك، ثانيا الخيانة أنواع
كاين خيانة نسامحو عليها وتعتابريها مجرد هفوة وكاين خيانة كبيرة جدا لي تقتل كرامة المرأة
بصح أكيد راني نتكلم على العموم ونتي لي تعرفي راجلك مليح وواش دار وتحسي ربما الصدق في كلماتو
انا اكيد رايي من رأي الاخوة يعني 5 سنوات عشرة وزوجك طالب الصفح ويحوس يبدا بداية جديدة
اسمحيلو واعطيه فرصة وابداو بداية جديدة شرط انها تكون آخر مرة تسامحي فيها باه يعرف العواقب
انا ماش نحرش فيك ولكن حتى نتي مرأة وعندك كرامتك وانا مع المرأة الصبورة لي تحمي عايلتها من الشتات
ولكن حتى الرجل لازم يكون عندو دور في الاستقرار، بزاف انو المرأة تتحمل صدمات متتالية وتبلعهم لداخل على جال راجلها
وهو جايتو عادي، علاه معظم الرجال مايصبرش على المرأة حتى ولو تغلط غلط صغير ماعندوش حتى علاقة بالخيانة
يمكن حتى يكون متعلق بالطبخ وتلقايه يهددها بالطلاق و المرأة لي تتحمل الخيانة وهي اصعب كلمة في الحياة الزوجية
وهكاك الرجل يبقى يدوسلها على كرامتها، على هادي اختي نتي بنت اصل خممتي في كبار الدار ودرتيلهم قيمة
وكذلك مديتي احترام لزوجك خاطر ما آذيتيش والديه وراكي صابرة، وبما انك انسانة واعية اقعدي نتي وزوجك واحكيو مليح
خبريه بلي راهو زوجك واب اطفالك وحتى ربي ويسامح عبادو مالا حتى نتي مسامحتو شرط انو يعدل روحو يعني
يكون اول شي مثال الاب الجيد لاطفالو ويكون نعم الزوج الوفي ليك، اذا خان ربي يسامحو ويغفرلو ولي فات مات
لكن الاهم هو القادم واش يكون فيه خبريه انها رايحة تكون آخر فرصة ليه حتى ولو غلط مرة اخرى وناوية تسامحيه
لكن لما تخبريه انها آخر مرة رايح يفكر مليح، وكذلك فهميه انك على جال والديه لي حاملة كامل واش دار
باه هو كذلك يحس بالمسؤولية اتجاه عايلتو ويخمم فيهم كيما نتي تخمي فيهم وان شاء الله يتغير
ونتي من الاول عندك هدف في راسك وهو باه ماتفرقيش عايلتك مالا كملي هكا وكوني قوية باه تخافظي على اسرتك
خاطر كاين نساء كان راجلها يشرب الشراب وكلشي وردتو للطريق الصحيح يسما تقدري بإذن الله تجمعي اسرتك وتحافظي عليها
وربي يهنيكم ان شاء الله وربي يدوم عشرتكم ويحفظلك هاد العائلة يارب
تحياتي
​

 

[ليليا مرام]

السلام عليكم
والله يا أختي ماراحش نعاودلك هدرة الإخوة لأنو سمعتيه من عجوزتك واللي حولك دارك وولادك وإصبري عليه انا انسانة واقعية راح نحكي عليك انت وشعورك كمرا
شوفي انو خانك شعال من مرة وسكتيلو خلاه يعاودها علجال عارف تسامحيه وعارف ما تخليش دارك علجال وولادك وعجوزتك وشيخك بصح وانت يا ترى لو انت خنتيه يقولولك نفس الهدرة محال عقلية إنوا المرا دايما متفرة فبها ودايما إصبري علجال ولادك خلات بعض الرجال يشدوا النسا من اليد اللي توجع أنا نقولك إنوا طلب فرصة وندم مديهالوا لآخر مرة ولو عاود انا نقولك لازم تخليلو دار وتروحي علاأقل تخوفيه فترة تبعدي حتى يبعد عالطريق هذي لأنو صراحة اللي يخون مرة يخون الف مرة وشعال تعياي تشوفي لوالديه وانت واحساسك انت معاه وانت تشوفي فيه إنوا خانك كمرا توجع بزاف
ومانيش مع الأخت @بشرى ملاك لما قالت ممكن انت ناقصك شي خلاه شاف لبرا لالا إسمحيلي هذاك عذر تافه انا شفت كل من خان مرتوا هو نتاع نسا مرتوا ما عندو ما خصها كاين شي رجال فيهم الفيس خلاص المرا غير تولد يولي يحوس عالجديد براوهكذا واحنا ولفناهم اصبري على ولادك ودارك لحد وينتا مش ساهلة تشوفي فراجلك وانت عارفة كان مع وحدة أو تحكميه يهدر معاهاوالأكيد يتلاقا معاها اسمحولي صعيبة بزاف
انت طلب فرصة مديهالوا لآخر مرة أما كيفان توثقي فيك قولو انت رجعلي ذيك الثقة مش انا نوريلك ربي يهديه

 

[بشرى ملاك]

السلام عليكم
والله يا أختي ماراحش نعاودلك هدرة الإخوة لأنو سمعتيه من عجوزتك واللي حولك دارك وولادك وإصبري عليه انا انسانة واقعية راح نحكي عليك انت وشعورك كمرا
شوفي انو خانك شعال من مرة وسكتيلو خلاه يعاودها علجال عارف تسامحيه وعارف ما تخليش دارك علجال وولادك وعجوزتك وشيخك بصح وانت يا ترى لو انت خنتيه يقولولك نفس الهدرة محال عقلية إنوا المرا دايما متفرة فبها ودايما إصبري علجال ولادك خلات بعض الرجال يشدوا النسا من اليد اللي توجع أنا نقولك إنوا طلب فرصة وندم مديهالوا لآخر مرة ولو عاود انا نقولك لازم تخليلو دار وتروحي علاأقل تخوفيه فترة تبعدي حتى يبعد عالطريق هذي لأنو صراحة اللي يخون مرة يخون الف مرة وشعال تعياي تشوفي لوالديه وانت واحساسك انت معاه وانت تشوفي فيه إنوا خانك كمرا توجع بزاف
ومانيش مع الأخت @بشرى ملاك لما قالت ممكن انت ناقصك شي خلاه شاف لبرا لالا إسمحيلي هذاك عذر تافه انا شفت كل من خان مرتوا هو نتاع نسا مرتوا ما عندو ما خصها كاين شي رجال فيهم الفيس خلاص المرا غير تولد يولي يحوس عالجديد براوهكذا واحنا ولفناهم اصبري على ولادك ودارك لحد وينتا مش ساهلة تشوفي فراجلك وانت عارفة كان مع وحدة أو تحكميه يهدر معاهاوالأكيد يتلاقا معاها اسمحولي صعيبة بزاف
انت طلب فرصة مديهالوا لآخر مرة أما كيفان توثقي فيك قولو انت رجعلي ذيك الثقة مش انا نوريلك ربي يهديه

سمحيلي @ليليا مرام راكي غالطة ختي وهدرتي راني نهدرها من واقع باسكو نهار يجوك لولاد وتكتر المسؤولية كاين لي تسمح في روحها وفي راجلها بلاما تفيق من كترت التعب وتاكدي الرجل مايخونش ادا كان قانع في داره مثلا انت تكوني شبعانة كرشك ويجيبولك منعرف شاه والله ماتكلي راكي متخومة ماتقوليليش الرجل متهليا فيه مرته وقايمة روحها ويخونها مستحيل انا وصلت هاد المرحلة رجع راجلي اخر حساباتي ماخانيش بصح وصلت للطلاق لانه كره واستعرفت بغلطتي وصححت اموري وشفت واش لي تبدل فيا والحمد لله رجعت المياه لمجاريها وادا قرات الاخت ردودنا تعاود تدخل وتحكي بضمير وماتكدبش وتقول واش لي نقص منها وتاكدي والله غير كاين نقص اصلا هي عايشة مع اهله معناها مسؤولياتها دوبل ولادها واهله اكيد هو نساته تعاود تولي معاه كيما كانت اول زواجهم وتشوفي كيفاش يولي اصلا لوكان جا نتاع نسا ماعلابالهش بيها خلاص مايطلبش السماح يخليها واش غادية ديرله بالعكس يروح ويخليها ولا يعاود الزواج وديجا راكي تسمعي القصص وواش راه صاري..
المهم انا قلت رايي بناءا على واقع وهي حرة على من بغات دير دير المهم يرجعو مع بعض ملاح..

 

[ليليا مرام]

سمحيلي @ليليا مرام راكي غالطة ختي وهدرتي راني نهدرها من واقع باسكو نهار يجوك لولاد وتكتر المسؤولية كاين لي تسمح في روحها وفي راجلها بلاما تفيق من كترت التعب وتاكدي الرجل مايخونش ادا كان قانع في داره مثلا انت تكوني شبعانة كرشك ويجيبولك منعرف شاه والله ماتكلي راكي متخومة ماتقوليليش الرجل متهليا فيه مرته وقايمة روحها ويخونها مستحيل انا وصلت هاد المرحلة رجع راجلي اخر حساباتي ماخانيش بصح وصلت للطلاق لانه كره واستعرفت بغلطتي وصححت اموري وشفت واش لي تبدل فيا والحمد لله رجعت المياه لمجاريها وادا قرات الاخت ردودنا تعاود تدخل وتحكي بضمير وماتكدبش وتقول واش لي نقص منها وتاكدي والله غير كاين نقص اصلا هي عايشة مع اهله معناها مسؤولياتها دوبل ولادها واهله اكيد هو نساته تعاود تولي معاه كيما كانت اول زواجهم وتشوفي كيفاش يولي اصلا لوكان جا نتاع نسا ماعلابالهش بيها خلاص مايطلبش السماح يخليها واش غادية ديرله بالعكس يروح ويخليها ولا يعاود الزواج وديجا راكي تسمعي القصص وواش راه صاري..
المهم انا قلت رايي بناءا على واقع وهي حرة على من بغات دير دير المهم يرجعو مع بعض ملاح..

سلام بشرى
يا بشرى احنا ماناش نقولولها باه تختار على من دير لالا الآراء تختلف من واحد لواحد انت حكيتي من واقع وانا حكيت من واقع كاين نسا هاينين رواحتيهم وخانوهم رجالهم وعاودو عليهم زواج بصح كاين فالمقابل راجل هو نتاع نسا هذو الأنواع كاينين يا بشرى والله والمرا هذي ديرلو واش ديرلو راهم فافايس يكذبو عالنسا ماراناش متزوجين نروحو للواقع يتبع في هذي ويزيد في هذي
انت حكيتي نوع موجود وانا حكيت نوع موجود انا قصدي انو الراجل والف بعقلية المرا سامحة فيا وهاينتني ماشي لازم السبب صح هاكا
وفالاخير نتمنى الراجل هذا يعرف قيمتها لانو لوما جات بنت أصل ما يحبوهاش والديه لوفيه الخير يشوف لهذي يعرف عندو كنز
مشكورة أختي بشرى

 

[بشرى ملاك]

سلام بشرى
يا بشرى احنا ماناش نقولولها باه تختار على من دير لالا الآراء تختلف من واحد لواحد انت حكيتي من واقع وانا حكيت من واقع كاين نسا هاينين رواحتيهم وخانوهم رجالهم وعاودو عليهم زواج بصح كاين فالمقابل راجل هو نتاع نسا هذو الأنواع كاينين يا بشرى والله والمرا هذي ديرلو واش ديرلو راهم فافايس يكذبو عالنسا ماراناش متزوجين نروحو للواقع يتبع في هذي ويزيد في هذي
انت حكيتي نوع موجود وانا حكيت نوع موجود انا قصدي انو الراجل والف بعقلية المرا سامحة فيا وهاينتني ماشي لازم السبب صح هاكا
وفالاخير نتمنى الراجل هذا يعرف قيمتها لانو لوما جات بنت أصل ما يحبوهاش والديه لوفيه الخير يشوف لهذي يعرف عندو كنز
مشكورة أختي بشرى

:kiss:

 

[ليليا مرام]

:kiss:

:Love::Love::Love::kiss::kiss::kiss::Love:

 

[الفارس النبيل]

سلام بشرى
يا بشرى احنا ماناش نقولولها باه تختار على من دير لالا الآراء تختلف من واحد لواحد انت حكيتي من واقع وانا حكيت من واقع كاين نسا هاينين رواحتيهم وخانوهم رجالهم وعاودو عليهم زواج بصح كاين فالمقابل راجل هو نتاع نسا هذو الأنواع كاينين يا بشرى والله والمرا هذي ديرلو واش ديرلو راهم فافايس يكذبو عالنسا ماراناش متزوجين نروحو للواقع يتبع في هذي ويزيد في هذي
انت حكيتي نوع موجود وانا حكيت نوع موجود انا قصدي انو الراجل والف بعقلية المرا سامحة فيا وهاينتني ماشي لازم السبب صح هاكا
وفالاخير نتمنى الراجل هذا يعرف قيمتها لانو لوما جات بنت أصل ما يحبوهاش والديه لوفيه الخير يشوف لهذي يعرف عندو كنز
مشكورة أختي بشرى

أختي هل ترين أن تعدد الزوجات هو خيانة ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!

 

[ليليا مرام]

أختي هل ترين أن تعدد الزوجات هو خيانة ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!

السلام عليكم
لالا خويا افهم الرد
لما قاتلي المرا تهمل روحها قتلها تصرا كاين وين من اهمالها يخون وكاين لالا يتزوجوا عليهم بمعنى انو الإهمال موجود والراجل يلقى الحال إما يخونها إما يروح يتزوج
لالا تعدد حقكم حفظناها هذي غير ععددوا وإشبعوا وان شاء الله تشبعوا
فهمت ردي غلاط عندي عقل ونخمم ونعرف انو تعدد مش خيانة

 

[الفارس النبيل]

السلام عليكم
لالا خويا افهم الرد
لما قاتلي المرا تهمل روحها قتلها تصرا كاين وين من اهمالها يخون وكاين لالا يتزوجوا عليهم بمعنى انو الإهمال موجود والراجل يلقى الحال إما يخونها إما يروح يتزوج
لالا تعدد حقكم حفظناها هذي غير ععددوا وإشبعوا وان شاء الله تشبعوا
فهمت ردي غلاط عندي عقل ونخمم ونعرف انو تعدد مش خيانة

أختي فرق كبير بين الخيانة و التعدد

والخيانة سيئتها في معصية الله وليس في خيانة الزوجة لأن العلاقة الغير شرعية جريمة حتى ولو لم يكن الشخص متزوج

أما الزواج فهو علاقة مباركة على سنة الله ورسوله ، وطبعا الرجل الدي لا يكتفي بزوجة واحدة من حقه أن يتزوج مرة أخرى ولكن ليس من حقه أن يخون في علاقة غير شرعية

أما بالنسبة لغيرة المرأة فأنا اتفهمها ولكن هل رأي الفتاة التي تكون في العشرينات مثل التي تكون في الاربعينات ؟

يعني إدا تأخر زواج إمرأة ما فهل سترفض الزواج بمتزوج ؟ أكيد لا ،فالزواج بمتزوج أفضل من العزوبية مدى الحياة ، ولهدا عليها أن تحب لغيرها ما تحب لنفسها

 

[ليليا مرام]

أختي فرق كبير بين الخيانة و التعدد

والخيانة سيئتها في معصية الله وليس في خيانة الزوجة لأن العلاقة الغير شرعية جريمة حتى ولو لم يكن الشخص متزوج

أما الزواج فهو علاقة مباركة على سنة الله ورسوله ، وطبعا الرجل الدي لا يكتفي بزوجة واحدة من حقه أن يتزوج مرة أخرى ولكن ليس من حقه أن يخون في علاقة غير شرعية

أما بالنسبة لغيرة المرأة فأنا اتفهمها ولكن هل رأي الفتاة التي تكون في العشرينات مثل التي تكون في الاربعينات ؟

يعني إدا تأخر زواج إمرأة ما فهل سترفض الزواج بمتزوج ؟ أكيد لا ،فالزواج بمتزوج أفضل من العزوبية مدى الحياة ، ولهدا عليها أن تحب لغيرها ما تحب لنفسها

با أخي لا داعي للخروج عن أساس موضوع الأخت أنا لم أقل ان التعدد خيانة .
سؤالك أعجبني أتمنى أن تطرحه في موضوع مستقل في قسم الحياة الزوجية حتى أجيبك بخصوص إنوا الأربعينية تقبل بالمتزوج
انتظر موضوعك

 

[الفارس النبيل]

با أخي لا داعي للخروج عن أساس موضوع الأخت أنا لم أقل ان التعدد خيانة .
سؤالك أعجبني أتمنى أن تطرحه في موضوع مستقل في قسم الحياة الزوجية حتى أجيبك بخصوص إنوا الأربعينية تقبل بالمتزوج
انتظر موضوعك

نعم أختي أفكر في طرح التعدد في موضوع مستقل

أما ما قلته أنا فنتكلم عن الأغلبية وليس عن الحالات الشاذة ، لا يوجد أي إمرأة تريد أن تبقى عانس ولو كانت زوجة رابعة

 

[بقايا إنسان]

سﻻم الله عليكم وبعد:أختنا الكريمة إني ناصحكي فأعيريني سمعكي ﻵقول وبالله التوفيق: عندكي جانب مشرق وهم اهل زوجك واﻻخر مظلم وهو زوجك نسأل الله لنا وله الهدياية والسداد في القول والعمل .المطلوب من زوحك ولست انتي بأن يكسب ثقتكي به والزمن والسلوك هما من يؤكدان ذلك أو ينفندانه كما أرى أنه ليس من الرجال الذين بيدهم اﻻمر في هذا الشأن بالذات فهو في لحظة الخيانة او المعصية يكون شخصا اخر ليس زوجكي الذي تعرفينه عندما ينكشف أمره يرجع إلى رشده ويبحث مأمن له وهو انتي ,عليك ان ترشديه اوﻻ بالقول:فقولي له :إن هانت عليك العشرة فانظر الى اوﻻدك .أتريد أن يكبروا بأفعال أبيهم ويقلدوه مستقبﻻ؟ﻻارى انه يرضى بذلك مطلقا
والشيء الثاني الذي ينبغي عليه معرفته هو:أيرد أن يدنس فراشه الطاهر بنفس؟هذا الذي يجب عليه ادراكه اوﻻ والزمن واﻻفعال كفيﻻن بترقيع الثقة
سﻻم

 

[aljentel]

شلون اكتشفتي خيانته ؟!
كان الواجب تغضي الطرف ولا تبيني له انك تعرفي حتى تذهب نزواته مع الرياح فهي لاشك زائله
احتفظي بزوجك ولا تخبري احدا بما عرفتيه عنه ومع الايام سيندم زوجك وسيعود لك وحدك ...