قريب ضربتني ^^ فالبيس تع الجامعة

همس الوُرود

:: عضو بارز ::
أحباب اللمة
إنضم
29 ماي 2011
المشاركات
15,523
نقاط التفاعل
35,851
النقاط
1,081
محل الإقامة
جزر القمر
الجنس
أنثى
السلام عليكم ورحمة الله وبركاته
إن شاء الله تكونو بخير إخوتي وأحوالكم كلها بخير
اليوم جيت نحكيلكم على موضوع صرالي فالبيس تع الجامعة
دخلت وكان البيس مكتض كالعادة ووحد الفتاة حاكمة فهداك الحديد الأصفر الي يساعدنا على التوازن
لكن مش حاكمة بيد إنما ب2 يدين و بظهرها كلو مخلاتليش المكان وين نحط يدي فالجهة المقابلة كاين طفل حاكم
فمالقيتش كيفاش ندير ومحبيتش نقلقها نقوللها بعديلي نحط يدي وفجأة مشا البيس بسرعة ونفقد توازني قستها
الطفلة ناضت شعلت فيا فالبيس قالتلي أسمعي ريGلي روحك ولا دبري راسك متزيديش تقيسيني قلتلها راكي حاكمة بروحك كامل الحديد ماهدرتش معاك وكي طحت قستك تقولي هكا؟ قالتلي ايه ووزني كلامك معايا ههههه قلتلها نوزن كلامي؟؟ قالتلي ايه وزني روحك تشوفي
قلت سبحان الله طيحي يعفسو عليك صراحة منكذبش عليكم كنت حابة نفسد خليقتها بصح محبيتش نرد عليها أكثر أو نزيد فالهدرة
لأنها أولا طفلة باينة مش محترمة من طريقة كلامها ورفع صوتها
ثانيا فمكان عام مستحيل نقدر نرد ونتقابض فهذا مش من مبادئي وتربيتي الحمد لله
لكن والله قعدت فقلبي صراحة حبيت نخبطها بصح معليش
حبيت نوجه من خلال هذا الموضوع رسالة لكل فتاة من هذا النوع لأنو كاين منهم بزاف
بالعياط تاعك و الردود تاوعك أختي ماراكي غير تزيدي تفسدي فنفسك تطيحي من قدرك ايبان جامي تحسبي روحك قاوية من حدة صوتك أو سوء أدبك
كل إنسان يسكت عليك مش معناه مش قادر عليك إنما تربيتو متسمحلوش
"كل جراحة لها دواء ,,وسوء الخلق ليس له دواء"
وشكرا ^^

 
السلام عليكم و رحمة الله و بركاته
هههه
و الله ق دنيا الطرائف ياالله ههه
كن ق كرازيتيلها الرحمة تاعها ههه
ياودي صراحة الطفلة الي ترفع صوتها في بلاصة بيبليك و لا تقول كلام مدرح
تسقط من نظر الواحد سقوط حر يا محاينك ...
والو يحسها الواحد خارجة من طبيعتها ... الطفلة من المفروض تكون ظريفة و أنيقة وكذا ههه
مش تهدر و تحل فمها في مكان عمومي ههه ايلين اسم الله الرحمن الرحيم
ههه
الله يهدي ما خلق ههه
و خطرة اخرى ههه نتي احكمي بلاصة من الاول باه ما توقفي في البيس ما تشوفي وجوه كي هذي ههه
و السلام عليكم



 
ياودي راحتلك فرصة العمر عبير ههههه كون بردتي قلبك
بمناسبة الموضوع راهم كثروا البنات لي يرفعوا اصواتهم بلا حشمة
ق ربي يستر
 
السلام عليكم و رحمة الله و بركاته
هههه
و الله ق دنيا الطرائف ياالله ههه
كن ق كرازيتيلها الرحمة تاعها ههه
ياودي صراحة الطفلة الي ترفع صوتها في بلاصة بيبليك و لا تقول كلام مدرح
تسقط من نظر الواحد سقوط حر يا محاينك ...
والو يحسها الواحد خارجة من طبيعتها ... الطفلة من المفروض تكون ظريفة و أنيقة وكذا ههه
مش تهدر و تحل فمها في مكان عمومي ههه ايلين اسم الله الرحمن الرحيم
ههه
الله يهدي ما خلق ههه
و خطرة اخرى ههه نتي احكمي بلاصة من الاول باه ما توقفي في البيس ما تشوفي وجوه كي هذي ههه
و السلام عليكم



وعليكم السلام ورحمة الله وبركاته
والله كتمت الغيظ ليس إلا
والحمد لله أني تمالكت نفسي وإلا كنت نغلط وننزل لمستواها
آمين يا رب أكيد توجد آداب للمرأة عند خروجها لكن هيهات من تُنفذها إلا الأقلة
مادابيا نلقى بلاصة أنا كنت مزروبة دخلت فهداك البيس مقدرتش نستنى بيس آخر
الله يعافينا يا رب ويسترنا من هادي المخلوقات
بورك فيك أخي
 
ياودي راحتلك فرصة العمر عبير ههههه كون بردتي قلبك
بمناسبة الموضوع راهم كثروا البنات لي يرفعوا اصواتهم بلا حشمة
ق ربي يستر
لو كنا أنا وهي فقط أو مكان فيه بنات برك ممكن كنت ممكن منضيعش الفرصة هه لكن للأسف كنا فالخارج
مكان عمومي
اييه هادي هي الله يعافينا يا رب
بورك فيك أخي
 
وعليكم السلام ورحمة الله وبركاته :

بالفعل أختي ، ما أكثر هذه المواقف وهذه العقليات في زماننا

في أماكن عامة ،نجد رفع الأصوات وتطاول اللسان بكلمات غير لائقة ،مع الأسف


المهم أختي ، كوني كما أنتِ دائما بتربيتك وهدوئك ،امّا عن شاكلة هذه الفتاة فلا تُلقي لهم بال عسى أن تكوني من الفائزين عند الله يا رب :)



تقبّلي مروري،وكوني بخير .
 
السلام عليكم
ههههههه والله ماكنتش رايحة نرد قلت نقرا الموضوع ونرجع غدوة نرد ساع كاينة حاجة قريتها وليت رديت
وهي أول مرة نسمع عبير تقول وحدة قلقتني ونفسدلها خليقتها ههههه قتلتيني ضحك والعباد هادو صح يجهلو
أنا والله ماعييت نطلع في البيس ونحكم بلاصة تجي تنحيلي صاكي وتقولي بلاصتي كلي حاكمتها بعينيها هههه
والله نقولها تفضلي ونجي رايحة، طريق تاع دقايق مادات ماجابت نولي نتقابد معاها على بلاصة ! ماجاياش
وتاع هاديك تقيسيها تخزر فيك وتعلي صوتها عليك غير ماديريش عليهم، خاطر هي راهي تمثل أخلاقها ونتي تمثلي
أخلاقك، قوليلها اسمحيلي وخليها فيها خاطر راهم هاد الوقت والله ولاو كتر على الرجال قادرة تتقابد مع راجل نورمال
المهم عبورة راني نولي غدوة نرد مليح حبيت برك نعقب على تاع نفسدلها خليقتها حسيتك تنارفيتي صح هههه
ربي يهديهم برك ويهدينا
تحياتي

 
وعليكم السلام ورحمة الله وبركاته :

بالفعل أختي ، ما أكثر هذه المواقف وهذه العقليات في زماننا

في أماكن عامة ،نجد رفع الأصوات وتطاول اللسان بكلمات غير لائقة ،مع الأسف


المهم أختي ، كوني كما أنتِ دائما بتربيتك وهدوئك ،امّا عن شاكلة هذه الفتاة فلا تُلقي لهم بال عسى أن تكوني من الفائزين عند الله يا رب :)



تقبّلي مروري،وكوني بخير .
أهلا أخيتي همس الأمل
أكيد راهم بزاف ميتحسبوش الله يهديهم ويعافينا يا رب
إن شاء الله يا رب ,, نعم النصيحة حبيبتي
ربي يهنيك ويحفظك
 
السلام عليكم
ههههههه والله ماكنتش رايحة نرد قلت نقرا الموضوع ونرجع غدوة نرد ساع كاينة حاجة قريتها وليت رديت
وهي أول مرة نسمع عبير تقول وحدة قلقتني ونفسدلها خليقتها ههههه قتلتيني ضحك والعباد هادو صح يجهلو
أنا والله ماعييت نطلع في البيس ونحكم بلاصة تجي تنحيلي صاكي وتقولي بلاصتي كلي حاكمتها بعينيها هههه
والله نقولها تفضلي ونجي رايحة، طريق تاع دقايق مادات ماجابت نولي نتقابد معاها على بلاصة ! ماجاياش
وتاع هاديك تقيسيها تخزر فيك وتعلي صوتها عليك غير ماديريش عليهم، خاطر هي راهي تمثل أخلاقها ونتي تمثلي
أخلاقك، قوليلها اسمحيلي وخليها فيها خاطر راهم هاد الوقت والله ولاو كتر على الرجال قادرة تتقابد مع راجل نورمال
المهم عبورة راني نولي غدوة نرد مليح حبيت برك نعقب على تاع نفسدلها خليقتها حسيتك تنارفيتي صح هههه
ربي يهديهم برك ويهدينا
تحياتي

وعليكم السلام ورحمة الله وبركاته
أهلا أختي مريم
هههههه والله صح قلقتني قستها شعلت فيا تشوكيت فيها ههههه
اواه والله كارثة غير صح يستاهلو الخبط بصح من والديهم مش منا حنا
على كل حال الحمد لله الي حكمت روحي والله غير قلقتني وليت نستغفر فقلبي بش نريح هههه
صحيتي راني شفت ديجا فالجامعة وحدة تتقابض مع واحد ههههه هو حاكمينو صحابو وهي تقولو مانيش خايفة منك غير ارواح وسبتو
والله كارثة يا أختي الله يعافينا يا رب
راني حرت كي ماشفتش الجرنال قلت مريم ماعرف وشبيها أككيد زعفانة
هههه عجبتني تع غدوة نجي ونكمل نرد عليك مليح
ربي يحفظك أختي ويسترك
 
سلاااااااام
ههههههههههه
لوكان جيت أنا في بلاصتك نسكت عليها بسكو المرأة جمالها في حيائها
بصح كي تهبط هذيك الطفلة نخليها كي تولي في بلاصة منعزلة يعني مافيهاش الغاشي (نخاف يبداو يشجعو فيا ووصلوني نقتلها ههه) ونخبطها بكف ونفسدلها رحمة نتاع جدها هه

والله نديرها نورمال شكون هي حتى تعيط عليا زعما توري في روحها
كيما قال @يونس قاسم راحتلك فرصة العمر ههه
تسلمي ضحكتيني والله ههههه
 
السلام عليكم
في هذا الوقت تشوف العجب و المشكلة الحالة راهي غير تزيد و حلها منعرف كيفاه
علابالك حاجة مليحة لي مارديتيش عليها لانو امثالها مايليق بيهم غير نحرقوهم
اصلا هذاك العياط و يوروا في ارواحهم ررجع عندهم موضة ...يعني كي تدير هاك عندها هي حاجة كبيرة
تعرفي انا لو كان جيت في بلاصتك واش ندير
مش رايحة نعيط و لا نرد عليها لانو رايحة نرجع كيفها الحمدلله انا ماتربيتش على هذو الامور
اصلا انا عندي المراة لي ماتحشمش مش مراة
اذا المراة رجعت هي لي تعيط و تدابز واش بقى
ههههه بصح بيناتنا انا لو كان صرات معايا نتبع جدها وين رايحة كي نلقى بلاصة فارغة نحكمها
و الله وجهها نفخولها و هذوك اليدين لي كانت حاكمة بيهم نقطعهملها
البيس مش مكتوب في اسمها حتى تعيط عليا و شكون هي حتى تعيط عليا انا
هههه اااه يا لو كان صراات معايا طريق دارهم تنساها .. لو كان ماخرجتلهاش عينيها انا مش ايمان احم احم هههه
ربي يهديها و يهدي امثالها​
 
هههههه فكرتيني فالدبزة تاعي

غ لبارح تدابزت مع وحدة فسيام

ماشية بلوري وخبطت فيا قتله شوفي مليح بالعقل قاتلي نتي زادما وخلاص

وبدا تعلي فصوتها

قتلي تهدري معايا فمك نكسرهولك
هههه كون مشي ضحبتي بعدتني عليها والله غ نمسح لاكووغ بشعرها


هههههههه

ربي يهديهم خيتو

ناقصين شوي انوثة
 
السلام عليكم
ههههه اميغتي لوكان غير صرفقتيها بكف ولا زوج هههههه
امزح هههه بالاكي تهبطي لمستواها
هذي النوع من لي بارازيت يحسبو ارواحهم فوق الناس مي هوما لي بارازيت يفهمو الأصوا خير منهم هههه
و انتي يعطيك الصحة لي ماطولتيش معاها الهدرة
 
السلام عليكم

و الله معاك حق اختي
وانا نقول لي متخلق متخلق
تفكرت البارح كنا راجعين في البيس
تع الجامعه بعدما جوزنا الإمتحان
حتى نطقت و حدة واكدي لي على
جامعية بقات تقول "ها بركا ما تعجل و تقيسنا من و من
رانا ساع شادين فالحديد " تقول فيها و ترفع صوتها
وهو رد عليها و قلها "ادا متقدريش تحكمي روحك و كان قعدتي " المهم كملت معها و ترفع في صوتها انا لي غاضني انها كانت متجللببة ..
حتى قيمه لهذاك الجلباب ما وضعته
و ش نقولو لي مربي مربي
يعطيك الصحة اختي
آ زدت تفكرت ياو حنا مرات من كثرت منرفعوش صوتنا
وقت نقولو للسائق البيس دير لاري عند مكان ما ميسمعناش ...تعيش شوف والله.
 
العجب العجاب
@sقطر الندىs دارت رد في موضوع هههه
هذي لازم نخرجو عليها معروف
ههه



ههههه يعطيك النو علاه وين شفتني مش نشارك في المواضيع
انا نقرا بصح نعجز نرد برك هههه
و مين شفت فيه دبزة رديت تفاعلت شوية مع هذا الموضوع خخخخ
 
ههههه يعطيك النو علاه وين شفتني مش نشارك في المواضيع
انا نقرا بصح نعجز نرد برك هههه
و مين شفت فيه دبزة رديت تفاعلت شوية مع هذا الموضوع خخخخ

نتي كي تشاركي ههه نعرف بلي راح يصب الثلج ولا الحجر
هههه



 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top