قريب ضربتني ^^ فالبيس تع الجامعة

[زهرة اللمة]

نتي كي تشاركي ههه نعرف بلي راح يصب الثلج ولا الحجر
هههه



​

هههه ضحكتني هههه اوو لهذي الدرجة
هههههه لالا الخرشف يولي يطيح مع الثلج خخخخ
يا امشي لو كان مانردتش هذو المشاركات مين جبتهم خخخخخخخ

 

[Salah eddin]

هههه ضحكتني هههه اوو لهذي الدرجة
هههههه لالا الخرشف يولي يطيح مع الثلج خخخخ
يا امشي لو كان مانردتش هذو المشاركات مين جبتهم خخخخخخخ

راني قوتلك ههه
و بركاي من النش رانا فسدنا الصفحة تاع المخلوقة ههه​

 

[الصراحة راحة]

السلاااااااااااام عليكم
ان شاء الله رزق ربي بسيارة فخمة ما تشووووووفي هدوووا المخلقااات ما تسمي عليهم
الله لا تربحهم الله يريب ساسهم ويطيح قنطااااااسهم ثرراااااااايت بوضريس
والله غير درتي مليح ولا كووووون خبطتييييييلها جدها بكف حتى اطييير خنووووونتها
اوووووو كلااااووووووووونا
ايا تقبلي مرووووري اختي

 

[خديجة ph]

السلام عليكم اختي
قالوها بكري السكوت على الاحمق دواؤه . أختي مهما كان الموقف ولو كنت انت من آذيتها المسبات في الشارع و بصوت عال ليست من شيم المرأة و خصوصا المرأة المسلمة مهما كان الاذى كبير العياط و الشتائم لا تحل أي مشكل .دائما كي نتعرض لمواقف كيما هادي نتبسم و نطلب منها السماح و هي تزيد تغلي و نخليها و نبتعد .صدقيني لا يبقى أي شخص عاقل يشوف هذاك الموقف الا ينعتها بعديمة الاخلاق.

 

[همس الوُرود]

السلام عليكم
ان شاء الله سأرد عليكم فرديا فيما بعد كيما ندخل بالميكرو بإذن الله
بصح حبيت نوضح شيء
أنا لما قلتلها راكي حاكمة الحديد بظهرك كامل ماهدرتش معاك وكي قستك تهدري
ولما قلتلها نوزن كلامي؟!
الحمد لله لم أرفع صوتي انما رديت بهدوء
وبعدها بقيت نهدي فروحي بيني بين روحي بش منخبطهاش
من كلامكم مرات نحس انكم تقولو كون جيتو فمكاني متردوش نحس انكم حسبتوني عيطت عليها انا تاني اما انا الحمد لله ماعيطتش عليها ^^
واكيد انا اصلا موضوعي يحكي ضد هدا الشي
وبورك فيكم ^^

 

[بشرى ملاك]

السلام عليكم ورحمة الله وبركاته
إن شاء الله تكونو بخير إخوتي وأحوالكم كلها بخير
اليوم جيت نحكيلكم على موضوع صرالي فالبيس تع الجامعة
دخلت وكان البيس مكتض كالعادة ووحد الفتاة حاكمة فهداك الحديد الأصفر الي يساعدنا على التوازن
لكن مش حاكمة بيد إنما ب2 يدين و بظهرها كلو مخلاتليش المكان وين نحط يدي فالجهة المقابلة كاين طفل حاكم
فمالقيتش كيفاش ندير ومحبيتش نقلقها نقوللها بعديلي نحط يدي وفجأة مشا البيس بسرعة ونفقد توازني قستها
الطفلة ناضت شعلت فيا فالبيس قالتلي أسمعي ريGلي روحك ولا دبري راسك متزيديش تقيسيني قلتلها راكي حاكمة بروحك كامل الحديد ماهدرتش معاك وكي طحت قستك تقولي هكا؟ قالتلي ايه ووزني كلامك معايا ههههه قلتلها نوزن كلامي؟؟ قالتلي ايه وزني روحك تشوفي
قلت سبحان الله طيحي يعفسو عليك صراحة منكذبش عليكم كنت حابة نفسد خليقتها بصح محبيتش نرد عليها أكثر أو نزيد فالهدرة
لأنها أولا طفلة باينة مش محترمة من طريقة كلامها ورفع صوتها
ثانيا فمكان عام مستحيل نقدر نرد ونتقابض فهذا مش من مبادئي وتربيتي الحمد لله
لكن والله قعدت فقلبي صراحة حبيت نخبطها بصح معليش
حبيت نوجه من خلال هذا الموضوع رسالة لكل فتاة من هذا النوع لأنو كاين منهم بزاف
بالعياط تاعك و الردود تاوعك أختي ماراكي غير تزيدي تفسدي فنفسك تطيحي من قدرك ايبان جامي تحسبي روحك قاوية من حدة صوتك أو سوء أدبك
كل إنسان يسكت عليك مش معناه مش قادر عليك إنما تربيتو متسمحلوش
"كل جراحة لها دواء ,,وسوء الخلق ليس له دواء"
وشكرا ^^
​

ماترديش عليها جواب السفيه معلوم واش هو وهي بزڨا تاعها بغات تبين بلي قافزة وواعرة مسكينة ماعلابالهاش بلي الناس تقول عليها ماشي مربية خليك منها وادا طلبتي توخر يدها حقك ختي وامنيني لي يسكت على حقه ياكلوه وزيد كي شافتك سكتي حسباتك خوافة بغات تحڨرك..
الله يهدي ما خلق، انا يشفوني هاد المخلوقات لي كيما كيفها حاسبة الزڨا حالة يا ويلي يا ويلي على الشيرات الناقصات عقل..
الاحسن الواحد مايقيمهومش خلاص...

 

[همس الوُرود]

ماترديش عليها جواب السفيه معلوم واش هو وهي بزڨا تاعها بغات تبين بلي قافزة وواعرة مسكينة ماعلابالهاش بلي الناس تقول عليها ماشي مربية خليك منها وادا طلبتي توخر يدها حقك ختي وامنيني لي يسكت على حقه ياكلوه وزيد كي شافتك سكتي حسباتك خوافة بغات تحڨرك..
الله يهدي ما خلق، انا يشفوني هاد المخلوقات لي كيما كيفها حاسبة الزڨا حالة يا ويلي يا ويلي على الشيرات الناقصات عقل..
الاحسن الواحد مايقيمهومش خلاص...

لا حبيبتي فالتوضيح بالنسبة لي لازم
هي تعيط وانا منهدرش كامل معناها درتلها حاجة وضربت النح لا رديت بهدوء بش نوضح الفكرة اصلا على ماذا تدور وبعدها سكت
وانا صح كان من المفروض من اللول نقوللها بعدي
السكوت عن الحق ح خطأ من اللول كان من المفروض نقوللها بعدي
انا زعما قلت منقلقهاش الطفلة حسبت روحها
بورك فيك حبيبتي

 

[زهور الأمل]

الله المستعان
كان جات على لسان وذراع ساهلة كامل نقدرو على هاد شي بصح جات فالمعاملة الحسنة الة كثير من الناس يفتقدوها وفاقد الشئ لا يعطيه

 

[rycerz]

إييييه واش تحبي يا أخت ..
نصنا بهايم
التصرف نتاع الغبية هاذيك ماهوش من سيمات المسلمين .. و هاذ الصنف يروح يروح و يخلّص غالي .. راهي طيح في صاحب دعوتها و يمسح بيها لرض
-
صراتلي قبل سنوات فالحافلة على الصباح و كان الإكتظاظ .. و شوكاني واحد من ورايا يدفع بيديه على ظهري و لمّا قتلو بلعقل راه ماكانش وين نقدّم شْعَلْ فيا بالعياط و السبّان و كلام عنصري و رفع يدّو رايح يضرب .. و كان جايب روحو قوي البنية .. و أنا ما لقيتش كيفاش نعمل .. لعبتها رخفت عينيا وانا راني نغافل فيه حتى غفل عطيتو بدماغ حتى وين رعف و تفجر نيفو بالدم .. و لكن على الفور ظهرو معاه ثلاثة صحابو في الحافلة و تلاحو كلهم عليا و رايحين يسحبوني خارج الحافلة لكن بعض ركاب الحافلة شدّوني و ما خلاّوهمش و هكذا عاودو ركبو فالحافلة معولين يتبعوني حتى ننزل .. لكن أنا ما نزلتش حتى وصلت للموقف لي قدام مديرية الشرطة المركزية و هكذا ما قدرو يعملو والو و قعدو كيما لكلاب من بعيد يشوفو ..
السبب الأكبر لي خلاّني نضربو هو أنّو في الحقيقة لمّا كان يسب فيا و رافع يدّو و يهين فيا كان يلعب فيها قدّام بعض لبنات فالحافلة و هوما الرخيصات كيما الكلبات قاعدين يضحكو .. الحصيلة تكسّر أنفو و عمل جبيرة في وجهو لعدّة أسابيع و نص وجهو أزرق جهة عينيه زيدلها البخصة لي داها قدّام المعجبات نتاعو ..
-
هذا الصنف القذر موجودين تقريبا في كل مكان .. و هوما ناس ظَلَمَة و يظلمو و يقباحو على الناس العاقلين كلما يلقاو فرصة .. و لكن عاجلا أو آجلا يخلصوها غالية .. كيما كاين صنف لبهايم كاين رفّاسهم لي يرفسهم .. غير ما تخمّيش هاذيك أكيد رايحة تخلّص من جهة أخرى .. و العدالة مدايرها ربّي سبحانه بأسباب و طرق كما يشاء هو عزّوجل. ​

 

[بشرى ملاك]

صراتلي قبل سنوات فالحافلة على الصباح و كان الإكتظاظ .. و شوكاني واحد من ورايا يدفع بيديه على ظهري و لمّا قتلو بلعقل راه ماكانش وين نقدّم شْعَلْ فيا بالعياط و السبّان و كلام عنصري و رفع يدّو رايح يضرب .. و كان جايب روحو قوي البنية .. و أنا ما لقيتش كيفاش نعمل .. لعبتها رخفت عينيا وانا راني نغافل فيه حتى غفل عطيتو بدماغ حتى وين رعف و تفجر نيفو بالدم .. و لكن على الفور ظهرو معاه ثلاثة صحابو في الحافلة و تلاحو كلهم عليا و رايحين يسحبوني خارج الحافلة لكن بعض ركاب الحافلة شدّوني و ما خلاّوهمش و هكذا عاودو ركبو فالحافلة معولين يتبعوني حتى ننزل .. لكن أنا ما نزلتش حتى وصلت للموقف لي قدام مديرية الشرطة المركزية و هكذا ما قدرو يعملو والو و قعدو كيما لكلاب من بعيد يشوفو ..
السبب الأكبر لي خلاّني نضربو هو أنّو في الحقيقة لمّا كان يسب فيا و رافع يدّو و يهين فيا كان يلعب فيها قدّام بعض لبنات فالحافلة و هوما الرخيصات كيما الكلبات قاعدين يضحكو .. الحصيلة تكسّر أنفو و عمل جبيرة في وجهو لعدّة أسابيع و نص وجهو أزرق جهة عينيه زيدلها البخصة لي داها قدّام المعجبات نتاعو ..
-
هذا الصنف القذر موجودين تقريبا في كل مكان .. و هوما ناس ظَلَمَة و يظلمو و يقباحو على الناس العاقلين كلما يلقاو فرصة .. و لكن عاجلا أو آجلا يخلصوها غالية .. كيما كاين صنف لبهايم كاين رفّاسهم لي يرفسهم .. غير ما تخمّيش هاذيك أكيد رايحة تخلّص من جهة أخرى .. و العدالة مدايرها ربّي سبحانه بأسباب و طرق كما يشاء هو عزّوجل

هادي هي يبغو يبينو رواحهم بلي واعرين هدا مكان وهو ماشكيتش يمشي بوحده فالليل وزيد تاكل على صحابه يعطيك الصحة عطيته درس..
راحت التربية مع لي راحو...

 

[السلطانة]

وعليكم السلام ورحمة الله وبركاته
كان بنات في اصلهم تاع مشاكل وبلا وتلقايهم يشارشيو للعبد
حتى ويعودو نسا يبقاو بنفس العقلية
عقلية تاع همج
الجامعة فيها لعجب تاع لعجاب
نهار تتهناي منها تقولي تهنيت من مشاكل البيس والريسطو والهمج لي كيما هادي الطفلة
تقبلي مروري

 

[NAPOLA]

هدي دواها "السكوت عن الاحمق جوابه" لا اظن انوا راح تستفيدي من النقاش مع هذا النوع ربي يهديها و خلاص ... متى نرتقي!

 

[زاد الرحيل]

متستغربيش غاليتي كاين أكثر منها ،كيعاد الحشمة انتاع اغلب الفتيات راحت ،و راهي تحب تبين روحها أكثر ،امالا واحدة كما هذي لازم تقوليلها كلمة اكثر منها و لا تصمطيها و قيسيها بحاجبك و طلعبه الفوق كما الشريرات حتى تفهم روحها
الله يوفقك في دراسك و يرزقك الخلق الكريم

 

[GI Joe]

nti sratlek m3a tofla plus au moin
ana sratli m3a tfoooool hert fih, djaa ydemari l kouss rkebt mnin l bab a l aise wahed maygisni, l mr guali ba3di hadi plassti tbessemt w khalito ta3 nooon rak kbir , tahekmou plassa assise golna maalich mais hadi ta3 plassa debout lala, w kan m3a tofla m3eh w bdaa yahder 3lia b le9bayla comme quoi sta3rafth mich fahmin w mich mrabyiin w ychoufo fiya b nadhrat ihti9ar ta3 beli metkhalfa j parle pas francais w je porte pas de jean tu vois?yaaa hbeelt wellit naghli dakhli prc fhamtou w mahabitch nhabet niveau w nahder m3eh, l mochkel c que ness sakta w tesme3, raabi yzidli f sabri w ykkhalili ma sagesse ^^w heuresement na3ref 9bayel ni3ma tarbia sinon kont 9adra nhez nadhra mich mliha
hakdaa kayen ness ma3andhech ossoss tarbia wech diri, allah yahdina

 

[بنت الـ25]

يعطيك امهم سلسبيلة هههههههههههه
انا الصباح برك صراتلي راكبة فالبيس ووحدة حدايا كي فرينا جيت رايبة قستها بقات تشوف معايا غفلت
ومبعد قالت لصحبتها اي قاستني قريب طيحتني .. قتلها اسمعي راكي عليا؟ شافت فيا وسكتت
قتلها والله يا ختي اللي ما يحبش الناس تقيسو يكري طوموبيل ما يركبش لي بيس ودورت عليها مخليتلهاش فرصة باش ترد
والله يا سيدي مدام ركبتي فالبيس علابالك الضيق والحشر ماراكيش في ليموزين 5 ايطوال​

 

[الورد الأحمر]

السلام عليكم ورحمة الله

هههه ضحتيني عبير تاع حبيتي تخبطيها مي بقات في قلبك ...

أو صح تحيري فيهم مرات كيفاه من حاجة والو تلقايهم دارولك قصة وشرع ! أنا مرة زمان كنت في الجامعة كنت راجعة وكان الغاشي وواحد واقف حدايا مالا كل ما يتحرك البيس يلصق فيا في كتفي هيا ما عجبنيش الحال جبدت روحي المرة اللولة زاد عاودها وباينة لي يقيسك صدفة ولي يقيسك بلعاني زدت بعدتو وسكتت المرة الثالثة قلتلو خويا اجبد روحك شوية يا بنتي وما دريت فيمن طحت كلاني في نص البيس وولا يعيط نوضولي نوضولي خلوني نبعد ع المهبولة هذي وبدا يعيط ويشوف ليا روحي تداوي راكي مريضة سمعتي ؟ خصك طبيب روحي تداوري راكي غراف ههههه أنا ما فهمت والو شغل لازم يعجبني الحال كي لاصق فيا ولا نرجع اسمي مهبولة ونروح نداوي مبعد قال لمول البيس حبسلي ننزل أنا ما نركبش مع مهبولة كيما هذي ونزل هههه وخلا الجمهور الكل يتفرج وداير هك

ولا هذوك لي تركبي موراهم في الكرسي لي يطبق وتكوني انتي تنزلي قبلهم وكي تقوليلهم سامحوني ما يعجبهمش الحال ويقولولك علابالك تنزلي قبل لاماه راكبة من لورا ركبتي من قدام علاه تديرغونجي فينا !! هههه ماشي تخبطهم بصباط ؟ حتى تاعي غير 36 برك لوكان بـ 40 ولا 42 تجي خير هههه

واش رح نديرو ربي يهدينا ويهديهم هذا ما نقولو وبلعقل برك ونحيها من عقلك ولا نقولك أحكي وحدك كي شغل راكي تتقابضي معاها عبري على شعورك يخي احنا الجماعة لي يحكو وحدهم

 

[آمِيْرَتُه]

السلام عليك
دوماج مكنتش معاك نوزنهالك غاية
شحال نكره لتبقى تترجل و توري في روحها سيرتو فالبيس
فكرتيني بوحدة رحت للبسين كي حطيت صوالحي جاية من بعيد ترقص في روحها سمعي سمعي لمي قشك بلاصتنا قتلها وي قاتلي بلاصتنا قتلها واقيلا خلهالك بوك قبل ما يموت
و نقلعلها مكان عليها غير سكتت وقاتلي لالا حبيت برك نقعد لبنات من تعب يرقدو قتلها هذي بسين ماشي اوتال هنا هههه
يلعبوها يبغو يورو رواحهم سيرتو لكان البيس معمر شاشرة تولي كيطاوس و هي حثالة مجتمع

 

[همس الوُرود]

السلام عليكم
مشكورين على المرور
اسمحولي طولت عليكم
مبعد كي ندخل من الميكرو نرد عليكم بإذن الله ^^

 

[امنيات]

والله رانا في واحد الوقت ربي يجيب الخير ،،الجاهلية الأولى راجل قد الراجل ينعت في روحه قدام لبنات هذه العقلية قديمة ،