النية انتاع الوالدة

[زاد الرحيل]

السلام عليكم
أهل اللمة كامل نور الله امسيتكم بالخير
راني طليت علبكم في موضوع جديد اكيد كل واحد فبكم عنده مثله و هو النية أنتاع الام الطيبة لان الشريرة عدوها في الحياة هو النية و تعتقد ان الحيلة هي سر القوة و النجاح و بلاك الخلود في دار الغرور
تذكرت والدتي الله يرحمها كفاه تتصرف بطيبة القلب و التسامح و مرات على مرات تعتقد بلي رانا في. الستينات و تحسب الاسعار كما انتاع بكري و كي كنت صغيرة دائما تقول لي ربي يعطيك المال و الريش فكنت نرد عليها و نضحك و نقولها اعلاه يعطيني الريش اخي منيش دجاجة و اليوم عرفت بلي.كانت تقصد بالريش الغني.يعني تري غيش بالفرنسية و كانت تقول ان خالي مجاهد كبير و كنت نضحك عليها و اعتقدت انها متعرفش و نقول لها هيه هيه
و بعد وفاتها ظهر أسم أخوها تحمله متوسطة و عرفت بلي كانت على حق
انتما خبرونا على نية امهاتكم و لا مكائدهم و لا مكائدكم معاها
في أمان الله

 

[dahman kz]

كل ما يجي من الوالدين يكون من حبهم لينا ومن المستحيل انو الوالدين يحبو الظرر لاولادهم ونصائحهم حكمة وكل ما يجي منهم اكيد فيه خير .
اما المكائد تاع الوادة ربي يرحمها كثيرة ههه وهاذي للي جات في بالي حاليا
كنا في الخارج ووقبل مانرجعو راحت تشري في القش وتكدس فيه في الكابات . قلتلها راهو ياسر وفي لمطار يرجعوه على خاطر كل واحد عندو ميزان محدد قالتلي واش دخلك انت هاذي حاجة خاطيك كي شغل عندها معريفة ههه وحاولت معاها على خاطر عارف القانون و رفضت وقالت القش لازم يروح.
رحنا للمطار والقش الزايد هذاك كل رجعوه الموظفين ورفضو انو يطلع في الطيارة قلتلها شفتي كيفاش قاتلي القش يروح يروح ياولدي وكي للي كان على لسانها ملك سبحان الله وحنا واقفين هكذاك وتجي مرى وراحتلها الوالدة وقالتها كاشما تقدري تعاونيني وظهرت لمرى هاذيك تخدم في السفارة لجزايرية في الدولة هاذيك وطلعتنا القش كامل ههه.
وعندها ياسر مواقف بالصح هذا واش تفكرت منها

 

[زاد الرحيل]

الله يرحمها هذي راه يسميوها الشطارة و الحيلة ماش أي واحد يمتلكها ،كانت عارفة واش راه الدير
و تبقى هذي الحادثة عندها مكانة خاصة في ذاكرتك
ربي يرحمها

 

[لؤلؤة قسنطينة]

السلام عليكم
هاد الموضوع شفتو من قبل وقلت نرجعلو ونسيت معرف كيفاه درك تفكرتو
يعطيك الصحة حبيبتي ميلينا على هاد الموضوع، وربي يرحم الوالدة تاعك ويجعل مثواها الجنة
ونتي راكي جبتيلنا اليوم موضوع حساس جدا ولي هو الأم، وكلمة أم وحدها تغني عن الكثير
ساعات نسمعو بأمهات قلبهم قاسي ويعدبو ولادهم ومايتمناولهمش الخير والخير والشر كاني في كل بلاصة
ولكن أغلب الامهات حنان وينحيوها من لحمهم ويمدوها لولادهم، مع أني ندير فرق شوي بين أمهات البارح واليوم
وماش للتعميم طبعا كل واحد وكيفاه تربى، ولكن ساعات نشوف امهات اليوم تلقاها تلبس وتحط الحطة وولدها ماش لابس
ولا ولدها قشو موسخ وفي اللخر تقولك انا نعيش حياتي وكي يكبار هو يعيش حياتو وكل واحد يعيش وقتو نستغرب صراحة
لأنو انا شفت من ماما التضحية والمحبة والحنان والرحمة وكلشي، تفضل تبقى بلا ماكلة وبلباس قديم ونلبسو حناو ناكلو هنا
يعني الحمد لله ماما للناس البرانية وماش حتى البرانية حتى للأعداء وماتكيدلهمش وماتمسهم بحتى سوء فمابالك بوالدها ولا عايلتها
يسما كانت نية ومازالت للآن نية وزادت رباتنا على النية والابتعاد عن الكيد أو تدبير المكائد للغير
وفي النهاية حتى ولو كاينة ام في الدنيا تغلط ولا تتخلى على ولادها تبقى في النهاية أم ويبقى رضاها يديك للجنة
وربي يحفظلنا امهاتنا ولي ماتت يماه نطلبولها الرحمة والمغفرة
شكرا حبيبتي ميلينا على الموضوع
تحياتي

​

 

[زاد الرحيل]

السلام عليكم
هاد الموضوع شفتو من قبل وقلت نرجعلو ونسيت معرف كيفاه درك تفكرتو
يعطيك الصحة حبيبتي ميلينا على هاد الموضوع، وربي يرحم الوالدة تاعك ويجعل مثواها الجنة
ونتي راكي جبتيلنا اليوم موضوع حساس جدا ولي هو الأم، وكلمة أم وحدها تغني عن الكثير
ساعات نسمعو بأمهات قلبهم قاسي ويعدبو ولادهم ومايتمناولهمش الخير والخير والشر كاني في كل بلاصة
ولكن أغلب الامهات حنان وينحيوها من لحمهم ويمدوها لولادهم، مع أني ندير فرق شوي بين أمهات البارح واليوم
وماش للتعميم طبعا كل واحد وكيفاه تربى، ولكن ساعات نشوف امهات اليوم تلقاها تلبس وتحط الحطة وولدها ماش لابس
ولا ولدها قشو موسخ وفي اللخر تقولك انا نعيش حياتي وكي يكبار هو يعيش حياتو وكل واحد يعيش وقتو نستغرب صراحة
لأنو انا شفت من ماما التضحية والمحبة والحنان والرحمة وكلشي، تفضل تبقى بلا ماكلة وبلباس قديم ونلبسو حناو ناكلو هنا
يعني الحمد لله ماما للناس البرانية وماش حتى البرانية حتى للأعداء وماتكيدلهمش وماتمسهم بحتى سوء فمابالك بوالدها ولا عايلتها
يسما كانت نية ومازالت للآن نية وزادت رباتنا على النية والابتعاد عن الكيد أو تدبير المكائد للغير
وفي النهاية حتى ولو كاينة ام في الدنيا تغلط ولا تتخلى على ولادها تبقى في النهاية أم ويبقى رضاها يديك للجنة
وربي يحفظلنا امهاتنا ولي ماتت يماه نطلبولها الرحمة والمغفرة
شكرا حبيبتي ميلينا على الموضوع
تحياتي

​

و عليكم السلام و رحمة الله و بركاته
اهلا بلؤلؤة ، راكي احييتي الموضوع اللي ما عرفتش علاه ما لقاش اقبال ، مع انو فيه نقطتين مهمتين : الام بقيمتها الغالية ، و افعالها المضحكة اللي تبقى في بالنا طول حياتنا .
صح كاين فرق بين امهات زمان و امهات اليوم ، كيما قلتي نتاع بكري يعيشوا لأولادهم و نتاع اليوم يعيشوا لأرواحهم ، راني خايفة حتى الامومة تموت مع مرور الوقت .
اليوم يا لؤلؤة غاليتي نخبرك بمنظر شفته كي اديت ابني يدير التلقيح ، ما نقدرش ننساه … شفت امرأة جابت طفل و قالت لي انها جاباته من الطفولة المسعفة ، و كان صغير بزاف ، و قالت لي ايضا انو والدته تخلات عليه لانو من متلازمة داون . تساءلت في نفسي أي أمومة هذه ، تظلم إبنها مرتين ، المرة الأولى بخطئها ، و المرة الثانية كي تخالت عليه على مرضه
الحالة هذي هي خلاصة تحليلك المعمق و نظرتك لامهات اليوم .
انت محظوظة لانو امك نية ، تساعد الكل بلا إستثناء ، ربي سبحانه ما ينساهاش ، ربي يحفظها لك و يجعلها نور حياتك

 

[لؤلؤة قسنطينة]

و عليكم السلام و رحمة الله و بركاته
اهلا بلؤلؤة ، راكي احييتي الموضوع اللي ما عرفتش علاه ما لقاش اقبال ، مع انو فيه نقطتين مهمتين : الام بقيمتها الغالية ، و افعالها المضحكة اللي تبقى في بالنا طول حياتنا .
صح كاين فرق بين امهات زمان و امهات اليوم ، كيما قلتي نتاع بكري يعيشوا لأولادهم و نتاع اليوم يعيشوا لأرواحهم ، راني خايفة حتى الامومة تموت مع مرور الوقت .
اليوم يا لؤلؤة غاليتي نخبرك بمنظر شفته كي اديت ابني يدير التلقيح ، ما نقدرش ننساه … شفت امرأة جابت طفل و قالت لي انها جاباته من الطفولة المسعفة ، و كان صغير بزاف ، و قالت لي ايضا انو والدته تخلات عليه لانو من متلازمة داون . تساءلت في نفسي أي أمومة هذه ، تظلم إبنها مرتين ، المرة الأولى بخطئها ، و المرة الثانية كي تخالت عليه على مرضه
الحالة هذي هي خلاصة تحليلك المعمق و نظرتك لامهات اليوم .
انت محظوظة لانو امك نية ، تساعد الكل بلا إستثناء ، ربي سبحانه ما ينساهاش ، ربي يحفظها لك و يجعلها نور حياتك

يا لطيف، ربي يعافينا
حتى ولو الطفل نقولو مريض وتعبك عليه 9 اشهر باه جبتيه للدنيا كيفاه؟
يعني بلا رابطة وحس الامومة ديجا حاجة كي تتعبي عليها كن تصيبي تحطيها في عينيك يا لوكان طبخة
فمابالك طفل تعبتي عليه أشهر وقريب تعرضي للموت ونتي تجيبي فيه ومن بعد تتخلاي عليه بهاد السهولة؟
ربي يسترنا ويعافينا، انا قلم الرصاص تاعي لو مانلقاهش نهبل لدرجة عزيز عليا ههههه فمابالك ولدي
ربي يهديهم برك، ربي عطاهم رزق وماش عارفينلو لقيمتو الناس راهي جابت اطفال زعما صحاح
وشربولهم لمرار قريب يدخلوهم لجهنم وهادو عطاهم ربي حاجة يقربو بيها لربي ويرفضوها، الناس راهي تجيب
اولاد وتربيهم في سبيل الناس وناس مشتاقة طفل يعمرلها حياتها وناس خلاف ترمي في ولادها هكاك
اللهم آمين حبيبتي ربي يحفظك وربي يوفقك كذلك ويخليلك وليداتك وديجا نتي في حد ذاتك بتربيتك وأخلاقك
راكي صدقة جارية تلحق ليماك كل يوم في قبرها، ربي يرحمها ويلاقيك بيها في جنات الخلد يارب
​

 

[زاد الرحيل]

يا لطيف، ربي يعافينا
حتى ولو الطفل نقولو مريض وتعبك عليه 9 اشهر باه جبتيه للدنيا كيفاه؟
يعني بلا رابطة وحس الامومة ديجا حاجة كي تتعبي عليها كن تصيبي تحطيها في عينيك يا لوكان طبخة
فمابالك طفل تعبتي عليه أشهر وقريب تعرضي للموت ونتي تجيبي فيه ومن بعد تتخلاي عليه بهاد السهولة؟
ربي يسترنا ويعافينا، انا قلم الرصاص تاعي لو مانلقاهش نهبل لدرجة عزيز عليا ههههه فمابالك ولدي
ربي يهديهم برك، ربي عطاهم رزق وماش عارفينلو لقيمتو الناس راهي جابت اطفال زعما وصحاح
وشربولهم لمرار قريب يدخلوهم لجهنم وهادو عطاهم ربي حاجة يقربو بيها لربي ويرفضوها، الناس راهي تجيب
اولاد وتربيهم في سبيل الناس وناس مشتاقة طفل يعمرلها حياتها وناس خلاف ترمي في ولادها هكاك
اللهم آمين حبيبتي ربي يحفظك وربي يوفقك كذلك ويخليلك وليداتك وديجا نتي في حد ذاتك بتربيتك وأخلاقك
راكي صدقة جارية تلحق ليماك كل يوم في قبرها، ربي يرحمها ويلاقيك بيها في جنات الخلد يارب
​

و الله رحت نبكي قدام الناس و مقدرتش نحكم في روحب و كان طفل رائع و هادئ ،حسيت الدنيا سوداء في وجهي
اللهم أمين و ربي يحفظك

 

[لؤلؤة قسنطينة]

أرواحو كل شخص يجي يتكلملنا على الوالدة تاعو
خلينا نتعرفو على أمهات خاوتنا وخواتاتنا ^^

@Salah eddin
@Skor m@k
@عآشقة الجنـة
@صمت المشاعر
@حلم كبير
@Twinkle Stars
@rycerz
@وحي القلم
@*حزن النبلاء*
@الامين محمد
@الورد الأحمر
@قطر الندىdz

 

[همس الوُرود]

السلام عليكم ورحمة الله وبركاته
شكرا اختي مريم @لؤلؤة قسنطينة على الإشارة
والله يحفظ أمهات الجميع و يرحم كل أم ماتت فراق الأم جدا صعب
بالنسبة لأمي صراحة يصعب لي وصفها فإني أظن أنها تصلح أن تكون أم الجميع بدون استثناء فمن ليس له أمي لم يذق طعم الحنان الحقيقي
أمي إنسانة قوية بمعنى الكلمة و تدافع عن كل شخص من عايلتها يعني مستحيل تقدري تحكي قدامها على اي شخص من عايلتها ابدا ابدا فهي تمثل درع حماية للجميع حبيبتي منذ صغرها
أمي هي التي قالت عنها امها أمي يعني حتى جدتي رحمها الله كانت تقول على أمي انها هي أمها وليست جدتي امها
أمي إنسانة متفهمة طيبة وصادقة صدقا لا مثيل له فكلش تعها قدقد والحمد لله
اهم نصيحة قدمتها جدتي لأمي وهي نفسها التي قدمتها لي أمي يا ابنتي امشي بالنية الصافية ومتخافيش
ماما هي الي من كيما كنت صغيرة علمتني معنى التسامح فلما كنت صغيرة ونتقابض مع وحدة ونروح للدار نولي نبكي لماما ونقولها دارت فيا ودارت وقالت ووو امي تحبسني وتقولي روحي اطلبي منها السماح اووو كيفاش يا ماما علاش نطلب منها السماح هي الي ظلمتني والله ماهدرت معاها تقولي لا حتى لو هي ظلمتك انتي بادري بطلب الصفح لأنو ربي ميحبش الي المتخاصمين وانتي لازم ترضيه فمهما هي ظلمتك اطلبي منها السماح نقوللها خلاص كي تطلب مني هي نسامحها بصح انا لا تقولي لكن اذا هي طلبت منك السماح هي تدي الأجر عليك لأنها هي الي بادرت مش انتي فكنت مهما يظلموني انا الي نطلب السماح حتى اصبحت معتادة على هذا الشي
ماما حبيبتي كانت تضربني كي ندير الصماطة وكي نولي نبكي تولي تسكت فيا وتحضني
ماما الي تنافسني فالحفظ وتعلم ديني
ماما الي رباتني وكبرتني
جنتي حبيبتي أمي بيبيتي طيبتي حبيبتي رائعتي الحمد لله على هاته النعمة التي قدمت لي
مهما حكيت على حنانها وعطفها وطيبتها منقدرش نوصفها مليح
فالله يسامحني لأني مقصرة فحقها بزاف بزاف والله يشفيها يا رب ويدخلها فسيح جنانو​

 

[بشرى ملاك]

ميلينا عزيزتي ديرلنا اشارة انا والله شفته صدفة الموضوع ونبغي الصراحة مواضيعك بزاف..
امهاتنا يضحكو والله بصح نهار لي لواحد يتزوج ويجيب ولاد يحس بيهم تماما...
امهاتنا لي كي تشوفك تتوجعي مثلا تقولي اوووف كرشي تقولك من لكونكسيو ولا تيلي بزاف اخخخخخ
انا مربيتني جداتي ونقولها ما ربي يرحمها تامني والله فهاد الدنيا مكانش لي كان يفهمني قدها غير تشوف فيا تفهم واش بيا الحق كانت صديقتي الحميمة وحتى ماما كانت ومزالت صديقتي المفضلة على طوووووووووول..
مرة جداتي بغيت نفهمها كلمة نورمال بديت انا نتفلسف ونطلع ونهود ونروح منا ومنا فالاخير تكلمتلي وقالتي ها قولي نورمال وليت كيما ماروكو مين تشوكا وتبدا تبرق في عينيها اخخخخ
ومرة كنت مريضة قاتلي درك نديرلك واحد دوا لي هو لبيض ني مع حاجة ماعقلتهاش قلتلها اعععع مانشربش لبيض ني نعيف قاتلي خلاص ديجا نخلطه فلكوزينة وانت قعدي هنا فشمبرا ونجيبلك شربي قلتلها بصح علابالي بلي بيض ههههههه حسن نية تامة...
ميمتي الله يرحمها ويرحم كامل موتنا...

 

[*حزن النبلاء*]

غدا يمنعاش نحكيلكم قبسا من المآثر .. و انا وجل

 

[زاد الرحيل]

السلام عليكم ورحمة الله وبركاته
شكرا اختي مريم @لؤلؤة قسنطينة على الإشارة
والله يحفظ أمهات الجميع و يرحم كل أم ماتت فراق الأم جدا صعب
بالنسبة لأمي صراحة يصعب لي وصفها فإني أظن أنها تصلح أن تكون أم الجميع بدون استثناء فمن ليس له أمي لم يذق طعم الحنان الحقيقي
أمي إنسانة قوية بمعنى الكلمة و تدافع عن كل شخص من عايلتها يعني مستحيل تقدري تحكي قدامها على اي شخص من عايلتها ابدا ابدا فهي تمثل درع حماية للجميع حبيبتي منذ صغرها
أمي هي التي قالت عنها امها أمي يعني حتى جدتي رحمها الله كانت تقول على أمي انها هي أمها وليست جدتي امها
أمي إنسانة متفهمة طيبة وصادقة صدقا لا مثيل له فكلش تعها قدقد والحمد لله
اهم نصيحة قدمتها جدتي لأمي وهي نفسها التي قدمتها لي أمي يا ابنتي امشي بالنية الصافية ومتخافيش
ماما هي الي من كيما كنت صغيرة علمتني معنى التسامح فلما كنت صغيرة ونتقابض مع وحدة ونروح للدار نولي نبكي لماما ونقولها دارت فيا ودارت وقالت ووو امي تحبسني وتقولي روحي اطلبي منها السماح اووو كيفاش يا ماما علاش نطلب منها السماح هي الي ظلمتني والله ماهدرت معاها تقولي لا حتى لو هي ظلمتك انتي بادري بطلب الصفح لأنو ربي ميحبش الي المتخاصمين وانتي لازم ترضيه فمهما هي ظلمتك اطلبي منها السماح نقوللها خلاص كي تطلب مني هي نسامحها بصح انا لا تقولي لكن اذا هي طلبت منك السماح هي تدي الأجر عليك لأنها هي الي بادرت مش انتي فكنت مهما يظلموني انا الي نطلب السماح حتى اصبحت معتادة على هذا الشي
ماما حبيبتي كانت تضربني كي ندير الصماطة وكي نولي نبكي تولي تسكت فيا وتحضني
ماما الي تنافسني فالحفظ وتعلم ديني
ماما الي رباتني وكبرتني
جنتي حبيبتي أمي بيبيتي طيبتي حبيبتي رائعتي الحمد لله على هاته النعمة التي قدمت لي
مهما حكيت على حنانها وعطفها وطيبتها منقدرش نوصفها مليح
فالله يسامحني لأني مقصرة فحقها بزاف بزاف والله يشفيها يا رب ويدخلها فسيح جنانو​

راني التمست في أمك الغالية قوة الشخصية و الوقوف مع الحق مهما رفضه الغير و في نفس الوقت عندها طيبة مخبيتها في قلبها ،هي تعلمك التسامح و النظرة للأبعد ،كيعاد ملازمش نقطع كل شيئ لاتفه سبب
ربي يحفظ لك أمك قرة عبنيك

 

[زاد الرحيل]

ميلينا عزيزتي ديرلنا اشارة انا والله شفته صدفة الموضوع ونبغي الصراحة مواضيعك بزاف..
امهاتنا يضحكو والله بصح نهار لي لواحد يتزوج ويجيب ولاد يحس بيهم تماما...
امهاتنا لي كي تشوفك تتوجعي مثلا تقولي اوووف كرشي تقولك من لكونكسيو ولا تيلي بزاف اخخخخخ
انا مربيتني جداتي ونقولها ما ربي يرحمها تامني والله فهاد الدنيا مكانش لي كان يفهمني قدها غير تشوف فيا تفهم واش بيا الحق كانت صديقتي الحميمة وحتى ماما كانت ومزالت صديقتي المفضلة على طوووووووووول..
مرة جداتي بغيت نفهمها كلمة نورمال بديت انا نتفلسف ونطلع ونهود ونروح منا ومنا فالاخير تكلمتلي وقالتي ها قولي نورمال وليت كيما ماروكو مين تشوكا وتبدا تبرق في عينيها اخخخخ
ومرة كنت مريضة قاتلي درك نديرلك واحد دوا لي هو لبيض ني مع حاجة ماعقلتهاش قلتلها اعععع مانشربش لبيض ني نعيف قاتلي خلاص ديجا نخلطه فلكوزينة وانت قعدي هنا فشمبرا ونجيبلك شربي قلتلها بصح علابالي بلي بيض ههههههه حسن نية تامة...
ميمتي الله يرحمها ويرحم كامل موتنا...

و هاهي @لؤلؤة قسنطينة دارت الاشارة في بلاصها و نشكرها بزاف حركت الموضوع ،و بلاك انا صح ثرثارة و ما على باليش
استنتجت ان أمك الحقيقية هي جدتك الي رباتك و هذا ينطبق على المثل القائل الام ماش الي ولدت الام هي الي ربات ،اما كلام أمك على الكونيكسيو عندها الحق مرض العصر ،بصح الي يعرف يختار يستفيد منها جيدا
عجبتني جدتك كي لخصت عليك الهدرة و قالت قولي نورمال ، ما اجملها النية و البساطة انتاعهم ، عندهم ذكاء حنا ما نسعاوهش ، و نحسبوا بلي رانا خير منهم

 

[sanaya]

هههههه فكرتيني بعفسة دارتها لي يما ساعات كنروح لدارنا تقولي يما حلي الفايسبوك نشوف وليدي واش يكتب
خترة لقيتها دخلت لبروفايل نتاع واحد صاحبو و هذا كان ينشر لفوتو تاعو قلت ليما ردي بالك ديريلو لايك يقول وشبيها هاذي تحط لايك فلفوتو تاوعي
قاتلي يما و مبعد ياخي كنديرلو لايك يدي هي اللي دارتها ماشي يدك هههههههههه

 

[زاد الرحيل]

هههههه فكرتيني بعفسة دارتها لي يما ساعات كنروح لدارنا تقولي يما حلي الفايسبوك نشوف وليدي واش يكتب
خترة لقيتها دخلت لبروفايل نتاع واحد صاحبو و هذا كان ينشر لفوتو تاعو قلت ليما ردي بالك ديريلو لايك يقول وشبيها هاذي تحط لايك فلفوتو تاوعي
قاتلي يما و مبعد ياخي كنديرلو لايك يدي هي اللي دارتها ماشي يدك هههههههههه

الله يحفظ أمك و الله ضحكتيني و هل توجد نية خير من هذي و كيلي الناس شافوها بلي هي اللي دارت و ربي سبحانه شافها
امومة رائعة و نعمة من الله

 

[حلم كبير]

أرواحو كل شخص يجي يتكلملنا على الوالدة تاعو
خلينا نتعرفو على أمهات خاوتنا وخواتاتنا ^^
@Salah eddin
@Skor m@k
@عآشقة الجنـة
@صمت المشاعر
@حلم كبير
@Twinkle Stars
@rycerz
@وحي القلم
@*حزن النبلاء*
@الامين محمد
@الورد الأحمر
@قطر الندىdz

شكرا على الإشارة لي عودة بإذن الله

 

[فتى من الغد]

موضوع رائع لي عودة انشاء الله

 

[حلم كبير]

السلام عليكم ورحمه الله وبركاته
رجعت للموضوع الرائع
ربي يرحم ميمتك ويسكنها الفردوس الأعلى آمين
اسمحيلي دخولي للمنتدى هاذ الأسابيع متذبذب ...الحمد لله على كل حال
الميمة باه نبدا وباه نخلص
جابتنا عشرة ورباتنا وحدها وتمرمدت علينا الوالد دائما خدام بعيد ،وقاسات ظلم العجوزة اللي ربطتها بالسلسلة في مكان البهائم أكرمكم الله ،وهي نية وتربية طالب جامع حافظ لكتاب الله ومجاهد الله يرحمو ويوسع عليه" جدي" هي تهرب وهو يڨولها أصبري مع ولادك يفرج ربي ....
مهما ڤلت ....مهما حكيت ما نقدرش نحكي طيبتها ولا نيتها ولا كرمها ولا وقفتها مع الناس ...ربي يذكرها على خير ويعطيها صحتها ويمتعها بشوفة بيت ربي آمين ...
أما موقف أمي اللي بقى راسخ في راسي هو
واحد النهار راحت التريسيتي وراحت شعلت الشمع في كل بلاصة وهزت شمعة وراحت للكوزينة ورجعت لينا فالشمبرة هازة شمعة وتشعل فالضو وتطفي وتڤولنا واقيلا تحرڤت اللامبا خخخخخخ الشمعة في يدها وتڤول اللامبة تحرڤت ههههه ضحكنا هذاك النهار عليها حتى شبعنا دائما كي نروح نحكيهالهم هههه
بارك الله فيك أختي الكريمة على الموضوع الرائع
تقبلي مروري مع فائق الاحترام والتقدير
​

 

[زاد الرحيل]

السلام عليكم ورحمه الله وبركاته
رجعت للموضوع الرائع
ربي يرحم ميمتك ويسكنها الفردوس الأعلى آمين
اسمحيلي دخولي للمنتدى هاذ الأسابيع متذبذب ...الحمد لله على كل حال
الميمة باه نبدا وباه نخلص
جابتنا عشرة ورباتنا وحدها وتمرمدت علينا الوالد دائما خدام بعيد ،وقاسات ظلم العجوزة اللي ربطتها بالسلسلة في مكان البهائم أكرمكم الله ،وهي نية وتربية طالب جامع حافظ لكتاب الله ومجاهد الله يرحمو ويوسع عليه" جدي" هي تهرب وهو يڨولها أصبري مع ولادك يفرج ربي ....
مهما ڤلت ....مهما حكيت ما نقدرش نحكي طيبتها ولا نيتها ولا كرمها ولا وقفتها مع الناس ...ربي يذكرها على خير ويعطيها صحتها ويمتعها بشوفة بيت ربي آمين ...
أما موقف أمي اللي بقى راسخ في راسي هو
واحد النهار راحت التريسيتي وراحت شعلت الشمع في كل بلاصة وهزت شمعة وراحت للكوزينة ورجعت لينا فالشمبرة هازة شمعة وتشعل فالضو وتطفي وتڤولنا واقيلا تحرڤت اللامبا خخخخخخ الشمعة في يدها وتڤول اللامبة تحرڤت ههههه ضحكنا هذاك النهار عليها حتى شبعنا دائما كي نروح نحكيهالهم هههه
بارك الله فيك أختي الكريمة على الموضوع الرائع
تقبلي مروري مع فائق الاحترام والتقدير
​

السلام عليكم ورحمه الله وبركاته
رجعت للموضوع الرائع
ربي يرحم ميمتك ويسكنها الفردوس الأعلى آمين
اسمحيلي دخولي للمنتدى هاذ الأسابيع متذبذب ...الحمد لله على كل حال
الميمة باه نبدا وباه نخلص
جابتنا عشرة ورباتنا وحدها وتمرمدت علينا الوالد دائما خدام بعيد ،وقاسات ظلم العجوزة اللي ربطتها بالسلسلة في مكان البهائم أكرمكم الله ،وهي نية وتربية طالب جامع حافظ لكتاب الله ومجاهد الله يرحمو ويوسع عليه" جدي" هي تهرب وهو يڨولها أصبري مع ولادك يفرج ربي ....
مهما ڤلت ....مهما حكيت ما نقدرش نحكي طيبتها ولا نيتها ولا كرمها ولا وقفتها مع الناس ...ربي يذكرها على خير ويعطيها صحتها ويمتعها بشوفة بيت ربي آمين ...
أما موقف أمي اللي بقى راسخ في راسي هو
واحد النهار راحت التريسيتي وراحت شعلت الشمع في كل بلاصة وهزت شمعة وراحت للكوزينة ورجعت لينا فالشمبرة هازة شمعة وتشعل فالضو وتطفي وتڤولنا واقيلا تحرڤت اللامبا خخخخخخ الشمعة في يدها وتڤول اللامبة تحرڤت ههههه ضحكنا هذاك النهار عليها حتى شبعنا دائما كي نروح نحكيهالهم هههه
بارك الله فيك أختي الكريمة على الموضوع الرائع
تقبلي مروري مع فائق الاحترام والتقدير
​

و عليكم السلام و رحمة الله و بركاته
اللهم أمين
الأخ الصغير ميعتذرش من اخته الكبرى ابدا كيعاد تعرف ظروفه و تفهمها.
طبعا مننساش حكاية امك الرائعة و حياتها في الريف النقي و نهار خليت السردوك تدهموا السيارة و كفاه عاقباتك ،الامهات الطيبات معدنهم أصيل من الصغر و راك حكيت على صبرها مع العجوز
توكل على و أزرب وصلها لبيت الله ،كيعاد سمعت ان الحج من فرنسا يكون أقل كلفة
ساعات الانسان يتصرف بعفوية و يدوخ كما أمك
ربي يحفظها و يرزقها خير الدنيا و خير الأخرة