الإسعافات الأولية

السلام عليكم
خاوتي أمس في الثانوية أغمي على تلميذ لكن للأسف و لا واحد عرف يقدم ليه إسعافات أولية
فقمت ببعض الأمور اللي متعودين نعملوها لما يصاب لاعب أثناء المقابلات
كرفع رجلي المغمى عليه بحوالي 40 سم و هو مستلقى على الظهر و سحب الرأس إلى الخلف لفتح مجاري الهواء

الحمد لله جابت نتيجة لكن جا في بالي أن الإسعافات الأولية ضرورية أن الإنسان يعرفها
لذالك أطلب إذا يوجد أي واحد يقدر يعلمنا كيف تكون الاسعافات الأولية لحالات الأغماء أو الكسور أو الحروق
أرجوا من اللي عنده علم يقدم لينا دورة تكوينية و تدريبية يعلمنا هاذ الأمر
@Salah eddin
إذا تقدر تعلمنا بارك الله فيك
 
السلام عليكم يعطيك الصحة اختي على طرح هذه الفكرة ،بالفعل كلنا في حاجة الى تعمل مبادىء الإسعافات الأولية لأنها ضرورية ومهمة في حياتنا اليومية ،شكرا لك
 
محتويات صندوق الاسعافات الأولية
في البيت
العلبة يمكن أن تكون علبة كرتون عادية وترتب فيها الاشياء بعيدا عن متناول الاطفال طبعا

مشاهدة المرفق 78456
محرار
مشاهدة المرفق 78457

معقم درت الصورة برك قادر يكون الكحول عادي
مشاهدة المرفق 78458
كمادة للعين إذا كانت متوفرة

مشاهدة المرفق 78459
قفازات طبية على الأقل اثنين في العلبة
مشاهدة المرفق 78460

لاصق طبي


مشاهدة المرفق 78461

شاش

مشاهدة المرفق 78462
مقص
مشاهدة المرفق 78463
طبعا هاذ الاشياء تشريهم مرة وحدة ،ومرة على مرة نشوف تاريخ انتهاء الصلاحية للمعقم
وتقدرو تحطو معاهم بعض الأدوية اللي تتناولهم العائلة عادة نتاع المعدة والرأس للكبار
ودوا القيا ونتاع الاسهال ونتاع الحمى والسيروم نتاع النيف للأطفال
هاذو كامل تقدرو تجملوهم مع علبة الاسعافات الأولية ويطولو في مدة الصلاحية ...


رايح نولي خويا الأمين إخوتي الاكارم أخواتي الكريمات باه ندير الاسعافات الأولية للجروح والكسور
........


 
السلام عليكم و رحمة الله و بركاته
موضوع مميز و هام جدا و نشالله نقدملكم الاضافة ...
----
بالنسبة للاسعافات الأولية ... اذا صادفتو شخص مغمى عليه
ها كفاه اديرو نشالله :

في البداية خلوه مستلقي على الظهر

أولا ... كاين قاعدة ... اسمها قاعدة ...
" les 3 c "
و معناها ... كول .. كرافات ... سينتير
col ...cravate...ceinture
يعني افتحو الكول و الكرافاط و السنتورة باه تخلي الجسم في أريحية و استرخاء

ثانيا ... طلعو الراس ... باه تفتح مجاري التنفس ... و الهوا يدخل و يخرج بصفة عادية

ثالثا ... شوف و فيريفي الفم تاع و اذا كاشما صرط " بلع " حاجة ... علكة ضرسة ولا سنة ولا شمة ( أكرمكم الله )

و هذي الوضعية يسموها
PLS معناها
الوضعية الأمنية الجانبية
Position latéral de sécurité

-------

هذي الوضعية ديروها في انتظار قدوم اعوان الحماية المدنية
او طبيب او غيرهم من المسعفين المتدربين
هذي هي نشالله تكون فيها فايدة ليكم
و السلام عليكم و رحمة الله و بركاته



 
شكرا على المعلومات قمة الروعة
 
للتوضيح فقط في بداية المناقشة طرح أن الاستلقاء على الظهر و بعض الخطوات تسمى وضعية الpls
و لعلمي المتواضع و للتصحيح فقط pls هي وضع الضحية على الجنب تفادي لعدة إخطار لحين وصول الاسعاف
 

المرفقات

  • images.png
    images.png
    6.2 KB · المشاهدات: 2
للتوضيح فقط في بداية المناقشة طرح أن الاستلقاء على الظهر و بعض الخطوات تسمى وضعية الpls
و لعلمي المتواضع و للتصحيح فقط pls هي وضع الضحية على الجنب تفادي لعدة إخطار لحين وصول الاسعاف

صحيح عندك الحق خويا ... الوضعية يكون فيها الاستلقاء على الجنب مش الظهر

بارك الله فيك و جزاك خيرا على التصحيح

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top