ارجو المساعدة ..Twinkle Stars

[همس الوُرود]

ربي يشافيك و يعافيك اختي

السلام عليكم أختي
آمين يا رب ربي يهنيك^^

 

[Salah eddin]

خاصنا نديرو موضوع
عنوانه ... the doctors
ههه
كيما في mdc4 ههه
عندنا مواهب طبية بالفطرة هنا هههه
( نقسر برك )

​

 

[فتى من الغد]

ربي يجيب الشفاء لست مختصا في مثل هذه المواضيع

 

[rycerz]

إلى جانب ما قيل .. أنا راح بالي لحاجة أخرى يعاني منها الكثيرون و هي الإحساس بثقل الكتلة و هبوط الحجاب الحاجز (diaphragme) و ضعف عضلات الرئتين بسبب نقص التمارين الرياضية .. فتصبح عملية التنفس و كأنك تسحب دلو ثقيل من بئر خاصة في حالة الخمول و غياب التحفيز الحركي و الجهد
إن كان هذا هو الحال .. و مع ضروفنا المعروفة حيث يصعب التمكن من ممارسة الرياضة للرجال فما بالك للنساء لغياب الإمكانيات و غياب المؤسسات المختصّة الملائمة من ناحية الخدمة و التكاليف .. أنا أنصحك إن كان بمقدورك إقتناء جهاز الجري الكهربائي (البساط الكهربائي) .. و التمرّن عليه في البيت مع المثابرة و الإلتزام بذلك كفكرة علاجية و رياضية لتقويم الجسم .. الشهرين الأولين يكون على الأقل ثلاثة مرّات في الأسبوع في كل مرّة على الأقل لـ 20 دقيقة (الجري الخفيف الغير المجهد) .. ثم مع الوقت نقوم بزيادة الجهد حسب القدرة، بعد فترة من التدريب ستقوى عضلات الرئتين بسبب التنفس العميق بسبب الجري و تصبح عملية التنفس أسهل مع العلم أن للرياضة دور في الاستقرار العصبي و النفسي
شفاك الله و ايانا من كل سقم.​

 

[لؤلؤة قسنطينة]

السلام عليكم
مساء الورد حبيبتي عبير وان شاء الله راكي أحسن درك؟
ربي يشفيك حبيبتي وربي يعافيك وماتقلقيش روحك ما يكون غير الخير
وأنا رأيي من رأي الكثير من الإخوة لي فاتو قبلي خاصة الأخت قمر الوادي لي ذكرلتك أمرين مهمين
ولي هو التعب النفسي، يمكن كاين لي يقولك واحد متعب ولا مقلق واش علاقتو بالتنفس، انا مريت بتجربة
وين لحقت للسبيطار لدرجة حسيت النفس تقطع نهائيا يعني حتى طلعت للسبيطار وضربت إبرة باه تحسنت مع أنو الأمر لا علاقة
له بالتنفس، هي صح انا مريضة بالحساسية ودرك نحكيلك عليها من بعد بصح ماكانتش هي السبب، كان القلق والتعب النفسي
على هادي قد ما تكوني كالم ومخك هاني تتجنبي هاد المشكلة، كذلك المعدة كيما قالت الأخت ولا المصران تاني ساعات حتى ناس
يشكو راهم مراض بالقلب وهو المصران كي يكون منفوخ يحشرلهم قلبهم يسما السبب في ضيق التنفس قادر يكون بعيدا عن مجال التنفس نهائيا
كذلك تاني مشكل النوافذ المغلوقة، انا مانحملش نرقد في غرفة مغلقة النوافذ والأبواب سينو نتخنق لازمني حاجة مفتوحة سورتو في الشتاء
مع الشوفاج تتغم الحالة، بصح مادامك قلتي نفتح النافذة ونحس بضيق التنفس يسما يمكن الحالة نستبعدوها، نوليو للحساسية
كاين لي حساسية تاعو تجي في موسم الربيع مثلا من رحيق الازهار وحقول القمح يعني مع بداية الربيع وتلحقلو للتنفس يولي يضيق نفسو
في هاد الفترة، وكاين لي حساسية من أمور معينة بغض النظر على موسم الربيع ولالا وارواحي شوفي ختك ههههه حساسية من الربيع والغبرة والصوف
كلشي تخلط عليا ولكن الحالة الصعبة لي توصلني لضيق التنفس هي كثرة الغبرة يعني كي نشم غبرة بزاف ولا وقت الربيع خاصة أوائل فصل الربيع
كي يعود الريح شوي ونخرج من الدار كن مانديرش بخاخ الربو نعشي في سبيطار، وربي يعافيك حبيبتي راني نشرحلك برك
خاطر يمكن تكون عندك حساسية من حاجة معينة مثلا الصوف ولا الندى كي تكود البيت مغلوقة وماتدخلهاش الشمس بزاف ولا الغبرة
وهي لي تديرلك ضيق في التنفس، انا من رايي هاد الامر ماش تاع تسقسينا حنا وخلاص روحي عند طبيبة مختصة في الحساسية وأمراض
الصدر والتنفس ولا ماعلاباليش كيفاه اسمها وديرلك تاست تاع الحساسية اذا ماعندك والو الحمد لله واذا عندك حساسية من شي معين
راكي تولي تداوي عادي، واصلا الحساسية هادي راهي ولات كي شربة الماء 80 بالمائة من الشعب الجزائري لا ماش كتر مريض بالحساسية
وكاين حت ىلي ماش فايقين، مالا نتي ديري لي عليك والباقي على ربي، وربي يرزقك الشفاء عزيزتي وان شاء الله مايكون غير الخير​

 

[زهور الأمل]

[/H]نودي الفجر وديري شوي سبور بعدما تصلي اكيد

ونظن راه عندك افكار تخنقك ،ديما فيكري فالامور من الناحية الايجابية مهما كانت السلبيات موجودة
جربيها حبيبتيان شاء الله ترتاحي[/H]​

 

[بنقابي افتخر]

لاباس عليك اختي عبير الله المستعان
نسقسيك جربتي الرقية
الا لا كي تحكمك
اقبضي كاس نتاع الما واقرئي فيه 7 الفاتحة 7 المعوذتين7 اية الكرسي وانفثي ثلاث مرات واشربي ما تيسر لك طبعا وفق السنة على ثلاث و ما تبقى امسحي كفيكي ومرري على جسدك خصوصا صدرك
نفس القراءة اقرءيها على زيت الزيتون وادهني بها جسدك اثناء الليل فقط ونامي حبيبتي
ان شاء الله فيه شفاء لك ولجميع الاخوات لي قراو ردي اتبعو هاد الطريقة وان شاء الله ماتشوفو شر

 

[الورد الأحمر]

السلام عليكم ورحمة الله وبركاته

سنين وأنا نعاني من الأعراض هذي وفي الأخير ظهر غير القولون وقت ينتفخ يضغط ع كل شي القلب وما يسلمش منو .

مشكلة الكولون كل واحد كيفاه يجيه مرات ما يفيقش حتى بلي راه هو لي لاعب الدور هذاك وأنا موسوسة مخوافة ما خليت طبيب قلب ما خليت طبيب راس خخخخ وهو لحكاية كولون برك وانتفخ ومرات يجيب حتى الاحساس بالموت .

ديجا راني نكتب في الرد وأنا أعاني هههه حاسة روحي رح نموت .

طبعا ممكن يكون سبب آخر ولا ممكن انتي تعودتي ع التنفس غير شوية ما تعبيش الرئتين تاعك !

المهم راكي شفتي بلي كاين شحال من طبيب هنا وكلنا أطباء بالتقادم هههه يخي هذا هو الشعب الجزايري يفهم في كلش

ربي يشفيك حبيبتي :kiss::kiss: