شحال يسقام العرس في ولايتكم

حمزة البليدة

:: عضو منتسِب ::
إنضم
12 فيفري 2018
المشاركات
1
نقاط التفاعل
15
النقاط
3
العمر
31
محل الإقامة
الجزائر
الجنس
ذكر
سلام عليكم
قرات كلام عن غلاء الاعراس وبيت نحكيلكم قصتي
انا حبيت بنت حتى هي كانت تبانلي نية وتحبني هي من البويرة بالظبط سور الغزلان ليس من القبائل
ديت والد نتاعي وهدرنا مع والد ديالها كان يقول ما يهمنيش المال عندك ولا معندكش يهمني تكون تخاف
ربي عجبني كلامو
رحنا شفنا او درنا خاتم كان عمها معانا قال وحد الكلمة لوالد ديالي //* ماتقدلرليش*// وسوسني فيها
من بعد رحنا نعقد الصداق والخطبة في نفس الوقت هنا نكشفت الحقيقة بانو على حقيقتهم قلنا معليناش لي طلبوه المهم البنت منخسرهاش والهنة برك
من بعد بان كل شيء دارولي فخة والبنت لي كانت نية او تحبني هي لي طيحتني فالفخة ودارو كدبة وقالو بلي انا قلت للبنت نتوما بيكم الدراهم
والدها يتصل بوالدي ويهدد .عاودت اتصلت فيه قلت له ادا مراكش مصدقني انا ما قلتهاش كلمة اطلاقا نروحو للمسجد امام الامام نحلفو فوق المصحف
هنا فهمت كل شيء

ديت درس وراني نتعلم منهم -- من والدين البنت و حتى البنت---
انا الحمد الله رغم حالتي نويت الخير ودعيت ربي واستخرت فالاخير انكشف كل شيء

وانا وكلت امري لله لا للفتنة لا شيء اخر
-*** حسبي الله ونعم الوكيل فيهم****-
 
آخر تعديل:

السلام عليكم
أولا يا أخي ربي يعوضك خير ويرزقك ما تتمنا
وانا من رايي أحمد الله أنو كشفلك هاد الانسانة لي كنت ناوي تديرها مرتك
وتشاركك الحلوة والمرة وتتعاون معاك على ظروف الحياة، وكذلك والديها لي كانو رايحين
يكونو نسابك، يعني الحمد لله كشفهم ربي أحسن ما تتزوج وتدير أولاد وتولي من بعد
في طلاق لا سمح الله وماتجي غير في الاطفال من بعد، يعني الحمد لله لي حبست هنا
والزواج يا أخي قسمة ونصيب وشخصيات الناس تختلف من منطقة لأخرى وقادر حتى نفس
المنطقة وتلقى فيها شخصيات الناس مختلفة يعني ماتحكمش على منطقة ككل بسبب عائلة واحدة
وللأسف الوقت لي وصلنالو ولاو الآباء ولا الأمهات يبيعو في بناتهم ماش يزوجو فيهم قريب
يحطوهم في مزاد ويساومو عليهم في بالهم راهم يعطيوهم قيمة بصح راهم رجعوهم تقول عبيد
واصلا راحت كلمة الرجال من الديار حاشا لي مايستاهلوش، لأنو مع احترامي لكل النساء المرأة
هي لي تبدا تقول بنتي نديرلها ونشريلها وعرس يهدرو عليه الجيران والعائلة بصح كي تلقى راجل يقولها
المهم الهنا تاع بنتي تمشي الامور نورمال، بصح اذا لقات راجلها موافقها تزيد تشرط كتر وكتر
أما فيما يخص شحال يسقام العرس في الولاية كيما كنت نقول خويا ما تحددش الناس حسب الولايات
بل حسب العائلات، قادر نفس الباطيما ماش حتى نفس الولاية وتهز المليح والحاير
يعني نتا ماصلحتلكش مرة ماتفقدش الأمل الدنيا معمرة بنات فاميليا اتوكل على ربي وان شاء الله
ربي يرزقك ببنت الحلال المتواضعة والتقية لي توقف معاك في الحلوة والمرة وربي يهنيك
تحياتي

 
السلام عليكم
ربي يعوضك ما خير
ان شاء الله
وش كنت رايحة نقلو
راهي قلتو الاخت لؤلؤة
الحمد لله كي فقتلها من الاول احسن ليك
صح تجيك صدمة
مي الزواج قسمة ونصيب
والله كل ولاية وشحال يسقام العرس
ورانا في وقت والا الدراهم هوما كل شيء
مايحوسوش على الهنة يحوسو غي على المادة
ربي يهنيك خويا

 
سلام عليكم
قرات كلام عن غلاء الاعراس وبيت نحكيلكم قصتي
انا حبيت بنت حتى هي كانت تبانلي نية وتحبني هي من البويرة بالظبط سور الغزلان ليس من القبائل
ديت والد نتاعي وهدرنا مع والد ديالها كان يقول ما يهمنيش المال عندك ولا معندكش يهمني تكون تخاف
ربي عجبني كلامو
رحنا شفنا او درنا خاتم كان عمها معانا قال وحد الكلمة لوالد ديالي //* ماتقدلرليش*// وسوسني فيها
من بعد رحنا نعقد الصداق والخطبة في نفس الوقت هنا نكشفت الحقيقة بانو على حقيقتهم قلنا معليناش لي طلبوه المهم البنت منخسرهاش والهنة برك
من بعد بان كل شيء دارولي فخة والبنت لي كانت نية او تحبني هي لي طيحتني فالفخة ودارو كدبة وقالو بلي انا قلت للبنت نتوما بيكم الدراهم
والدها يتصل بوالدي ويهدد .عاودت اتصلت فيه قلت له ادا مراكش مصدقني انا ما قلتهاش كلمة اطلاقا نروحو للمسجد امام الامام نحلفو فوق المصحف
هنا فهمت كل شيء

ديت درس وراني نتعلم منهم -- من والدين البنت و حتى البنت---
انا الحمد الله رغم حالتي نويت الخير ودعيت ربي واستخرت فالاخير انكشف كل شيء

وانا وكلت امري لله لا للفتنة لا شيء اخر
-*** حسبي الله ونعم الوكيل فيهم****-
حمد ربي اخي ليل ونهار باين عليك دعوة الخير ربي بينلك حقيقة هاد الناس قبل ماتجي الفاس فالراس وربي يعوضك خير منهم بالف درجة فقط دعي ربي واكيد مايسمحش فيك...
الله يوفقك اخي
 
هذي مكانتش مكتوبة لك و تكشفت اليوم خير من غدوا و ربي شاف فيها الخير
ربي يرزقك بنت الحلال الي تفهمك و تساعدك لان المعيشة ربي يجيب الخير
 
السلام عليكم ورحمة الله وبركاته
اخي @حمزة البليدة ربي معاك اذا راك وليد فاميليا صح ربي يعوضك باذن الله


نتا كمقبل على الزواج كما تشوف لأم اولادك كفاش لازم تكون لازم ايضا تختار اخوال اولادك و جدهم .. الامر سهل ممتنع ..

و نتا ماشي وحدك برك .. راهي تصرى بزاف

و ربي يفتح على هاديك البنت

@لؤلؤة قسنطينة الله يبارك .. سيل عرمرم .. جامي كملت قراءة ردودك هه
 
السلام عليكم ورحمة الله وبركاته
اخي @حمزة البليدة ربي معاك اذا راك وليد فاميليا صح ربي يعوضك باذن الله


نتا كمقبل على الزواج كما تشوف لأم اولادك كفاش لازم تكون لازم ايضا تختار اخوال اولادك و جدهم .. الامر سهل ممتنع ..

و نتا ماشي وحدك برك .. راهي تصرى بزاف

و ربي يفتح على هاديك البنت

@لؤلؤة قسنطينة الله يبارك .. سيل عرمرم .. جامي كملت قراءة ردودك هه

هههه زعما هذا رد مختصر
أحيانا تكون ردودي أضعاف هذا الرد
ردودي ترامواي على أقوال ليليا الله يحفظها ههه
 
هههه زعما هذا رد مختصر
أحيانا تكون ردودي أضعاف هذا الرد
ردودي ترامواي على أقوال ليليا الله يحفظها ههه

عاش لي سمع خبارها
واش راهي المشاغبة ؟
 
عاش لي سمع خبارها
واش راهي المشاغبة ؟

راهي لاباس الحمد لله، يسقسي عليك الخير ^^
وأكيد راهي مشتاقة للمة وناسها
شكرا على سؤالك خويا بارك الله فيك
 
راهي لاباس الحمد لله، يسقسي عليك الخير ^^
وأكيد راهي مشتاقة للمة وناسها
شكرا على سؤالك خويا بارك الله فيك

ربي يبارك فيك .. الحمد لله
 
السلام عليكم أخي

الحمد لله أنها انكشفت الان وليس بعد الزواج، ( حاجة خير من حاجة ) أحمـــد الله كثيرا
وربي يرزقك الزوجة الصالحة، اللهم امين

تحياتي
 
راهي لاباس الحمد لله، يسقسي عليك الخير ^^
وأكيد راهي مشتاقة للمة وناسها
شكرا على سؤالك خويا بارك الله فيك
هاني جيت انا الهدرة انتاعي قليل
اعطينا اخبار ليليا لو تكرمت
 
السلام عليكم و رحمة الله
اولا الله يعوضك ما خير نشالله
اما عن القترة في الزواج كاينة و الله يهدي ماليها
في عوض ليكون الزواج باب للخير و يكون الباب ليه ساهل ميسر
لانو من يسر على معسر في دنيا ... ربي يسهل عليه في الاخرة
بصح كاين ناس هداهم الله ... دايرين التبزنيس في الزواج
و في حقيقة الامر هذا راه في اهانة لنبتهم لانهم كيما هاك عاملوها كسلعة
تتفاوت فيها الاسعار و ينالها الي يدفع اكثر
اما كن نشوفو المقصد الحقيقي للزواج ... المهر راه حاجة رمزية برك
و الصح في الزواج هو التوافق بين الزوجين
اما اذا كانت انطلاقة الزواج خلاف حول المهر ... كفاه راح ينجح زواج كيما هاك
...
اما عن غلاء المهور ... هذي و الله ظاهرة طغات ياسر ياسر
و الزوالي يتسحب و يتمرمد باه يتزوج
و الله يرفد على كل مومن البلا نشالله


 
عندنا المهر وحدو 40 مليون بين دراهم وذهب وملابس وشاة وو
والرجل يلزمه على الاقل 30 يدير غرفة والوليمة
يعني اقل شي 70 مليون

للاسف الزواج شبه مستحيل للفقراء ومحدودي الدخل
 
سلااام
الموضوع من عنوانو شدني ههه
أنا نحكي على عايلتنا منشرطوش هاك برك بلاك تقولو تزوخ مي بابا مايشرطش كيما يقولو كسي وإدي هذا هو الهناء هو صح ني دراهم ني والو
أما عن ولايتي الجلفة يشرطو وأكبر شرط 25مليون هاذي ليشفتها يعني نحكي واش شفت ماشي غير هاك ...
ربي يعوضك خويا بإمرأة صالحة وتسعد معها نشالله
 
ربي يحبك علخاطر بعدك على وجوه الشر هادوما واكيد راح يعوضك بما هو احسن
 
خويا العزيز ماتقلقش روحك لعل فيها خير
ربي ماكتبهاش ماتقنطش مازال ربي يجيبلك ماخير منها
الحمد لله عرفتها على حقيقتها قبل ماتديها وتسوفري معاها
لي طماع يجي باين راك تعرف حالة الناس كي ولات دروك الا من رحم ربي
الله يجيب الخير وربي يرزقك ويرزقنا بنات الحلال ان شاء الله
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top