استعدادا لرمضان

[وقفة صدق]

مساء الخير يا ربات البيوت اللماويات، ما هي استعداداتكن للشهر المبارك إن شاء الله (وجدتوا القرنون والجلبانة ولا مازال)،
اللهم بلغنا رمضان.

 

[السلطانة]

مساء النور اختي اللهم بلغنا رمضان
يعني انا مازال خبيت شوي حوايج كيما لي فراز والليمون والتشينة للعصائر
الجلبانة والقرنون منطيبهش في رمضان

 

[وقفة صدق]

حتى أنا خبيت الليمون،الفراولة كيفاه درتيلها؟ أما بالنسبة للقرنون زوجي يحبو بزاف صافي لازم نخبيه مع الجلبانة راكي عارفة لازم تبدلي الروتين مرة على مرة.إن شاء الله يدخل علينا رمضان بالصحة والعافية لينا وجميع حبابنا آمين.

 

[الحلم الوردي]

اللهم بلغنا رمضان
فاقدين لا مفقودين
بون حنا وجدنا الجلبانة والقرنون في الثلاجة
وتانيك عصير الليمون في الثلاجة
وتانيك الفرولة والبرتقال للعصائر

 

[وقفة صدق]

تاكلوهم بالصحة والهناء.رمضان مبارك للجميع.

 

["ikr_am"]

ننتظر الشهر الكريم بفارغ الصبر
و الله هاد ليزافار معلباليش ماما متهلية فيهم

 

[Oussama.GF]

دار حالية :
راهم في مارشي مقلبين دنيا

 

[وقفة صدق]

من الأخطاء العقدية الشائعة قول رمضان كريم، و الأصح قول رمضان مبارك، لأن الكريم هو الله سبحانه وتعالى.

 

[السلطانة]

حتى أنا خبيت الليمون،الفراولة كيفاه درتيلها؟ أما بالنسبة للقرنون زوجي يحبو بزاف صافي لازم نخبيه مع الجلبانة راكي عارفة لازم تبدلي الروتين مرة على مرة.إن شاء الله يدخل علينا رمضان بالصحة والعافية لينا وجميع حبابنا آمين.

الفراولة خبيتها حب
بلاك نحتاجها للتحليات ايضا

 

[صانعة الإبتسامة]

صباح النور والسرور
اللهم بلغنا شهر رمضان المبارك واعده علينا بالصحة والعافية يارب العالمين
أما عن تحضيراتي هي قائمة على قدم وساق ههه
ربي يتقبل منا الطاعات يارب

 

[كهينة القبائلية]

رمضان يجي بخيرو انا ما نخبي والو
المهم نكونو مستعدين للصيام و القيام ان شاء الله

 

[وقفة صدق]

بارك الله فيك كهينة القبائلية وبلغنا وإياكم رمضان و أعاننا على الصيام و القيام.

 

[Oum Loukmane]

السلام عليكم
اول شئ اللهم بلغنا رمضان الفاقدين ولا مفقودين امين
تحضيراتي لرمضان هذه السنه اولا وجدت عصائر
مركز البرتقال


عصير الفروله


وخبيتها حبات ليدسار


مخلالات


ورقدت الثوم حب باش ما يجيش قاطع

 

[Oum Loukmane]

وهذو ماعن لشريتهم لرمضان












يتبع

 

[وقفة صدق]

بالصحة عليك أم لقمان، بصح مرة على مرة ذوقيني من طيابك ههههههههه.

 

[Oum Loukmane]

بالصحة عليك أم لقمان، بصح مرة على مرة ذوقيني من طيابك ههههههههه.

مشكوره حبيبتي
ان شاء الله نحطلكم وصفات في الأيام القادمة

 

[أم منيــــــر]

بالصحة عليكم كامل و الله يبلغنا
بصحتك اختي ام لقمان
الله يحفظك قوليلي كفاش ديري مركز البرتقال

 

[Oum Loukmane]

بالصحة عليكم كامل و الله يبلغنا
بصحتك اختي ام لقمان
الله يحفظك قوليلي كفاش ديري مركز البرتقال

الله يعطيك الصحه
اما مركز البرتقال من عيوني خيتي
كغ برتقال قشريه وندعي منه قشره البيضاء والبذور باش مايجيش مر مع حبه ليمون قشريها نزعي البذور والقشرة البيضاء + 2كسان سكر وقشرة حبه برتقال رابي وقشرة حبه ليمون حطي الكل في قدر وزيدي الماء قدر ما تغطي البرتقال وحطي على النار لمدة ربع ساعه خليه يبرد وميكسي الكل بالميكسار من بعد صفيه واحتفظي بيه وعند الاستعمال خفيه حسب الذوق
ان شاء الله نكون وضحتلك حنونه

 

[أم منيــــــر]

الله يعطيك الصحه
اما مركز البرتقال من عيوني خيتي
كغ برتقال قشريه وندعي منه قشره البيضاء والبذور باش مايجيش مر مع حبه ليمون قشريها نزعي البذور والقشرة البيضاء + 2كسان سكر وقشرة حبه برتقال رابي وقشرة حبه ليمون حطي الكل في قدر وزيدي الماء قدر ما تغطي البرتقال وحطي على النار لمدة ربع ساعه خليه يبرد وميكسي الكل بالميكسار من بعد صفيه واحتفظي بيه وعند الاستعمال خفيه حسب الذوق
ان شاء الله نكون وضحتلك حنونه

كل شي واضح بارك الله فيك و جعله في ميزان حسناتك
و الله يبلعنا جميعا شهر رمضان

 

[صدام بكل فخر]

اللهم بلغنا شهر رمضان ... التحضيرات شادتها الوالدة ربي يحفضها
اما انا راني نتفرج و صايي هههه ... خالتي ام منير اعرضينا نفطروا
عندك و نذوقوا طيابك :p​