استعدادا لرمضان

[HAMZA USMA]

يا الاخت عندي الوالدة عندها زمان وهي تجمع في القرنون تغليه وتضيفلو القارص
والبارح جبنالها الجلبانة
المهم ربي يطيقنا ونصومو رمضان

 

[أم منيــــــر]

اللهم بلغنا شهر رمضان ... التحضيرات شادتها الوالدة ربي يحفضها
اما انا راني نتفرج و صايي هههه ... خالتي ام منير اعرضينا نفطروا
عندك و نذوقوا طيابك :p​

اللهم آمين يا رب العالمين
الله يخليلك الوالدة و تصوموبالصحة و القبول ان شاء الله
يا سيدي ماشي خسارة فيك اختار النهار لي يساعدك و مرحبا بيك​

 

[صدام بكل فخر]

اللهم آمين يا رب العالمين
الله يخليلك الوالدة و تصوموبالصحة و القبول ان شاء الله
يا سيدي ماشي خسارة فيك اختار النهار لي يساعدك و مرحبا بيك​

اللهم أمين ... الله يعزك يا خالتي لعزيزة
نعرفوك قلبك طيب و نقي .. ربي يحفضك و يباركلك في وليداتك ​

 

[أم منيــــــر]

اللهم أمين ... الله يعزك يا خالتي لعزيزة
نعرفوك قلبك طيب و نقي .. ربي يحفضك و يباركلك في وليداتك​

الله يعزك و يبارك فيك
هادي اجمل دعوة نحب نسمعها و انت تاني ربي يحفظك لوالديك و يجازيك كل خير

 

[Oum Loukmane]

السلام عليكم
الْيَوْمَ وجدت لاصوص تومات وحطيتهافي المجمد




وطحنت التوابل بعد ما حمصتهم شويه

 

[وقفة صدق]

يعطيك الصحة و العافية، هكذا تنقصي على روحك التعب في رمضان وتلهاي بحوايج أخرى.

 

[omarwa]

السلام عليكم لبنات
بصحتكم التحضيرات انا درت مركز البرتقال للعصير هذا مكان ما الباقي منوجد والو كل اسبوع نقدي وخلاص

 

[locianamimi2018]

ghir homa hh

مساء الخير يا ربات البيوت اللماويات، ما هي استعداداتكن للشهر المبارك إن شاء الله (وجدتوا القرنون والجلبانة ولا مازال)،ghir homa hhh nchalah yadkhol 3lina basaha walhna yaaaaarab

 

[السلطانة]

انا الآن مع اللمسات الاخيرة نخبي في قش الشتا
بما انو الجو مازال بارد شويا

والتنظيف والترتيب

 

[سكون الفجر]

مبارك علينا وعليكم رمضان ربي يجعلنا فيه من الصائمين القائمين
.....


يعطيكن العافية بنات عمي
الله يحميكن ويسعد قلوبكن
أنا جهزت كبة رز وكبة البرغل بدون قلي
فطاير اللحمة وفطاير السبانخ بدون قلي

واما الباقي كلو سهل لانو وقت الصوم طووووووويل هون

يا بنات الوصفات رح تكون موجودة ضمن برنامج الطبخ الرمضاني ??

 

[وقفة صدق]

راني مع آخر التحضيرات اليوم طيبت الحمص و خبيتوا في المجمد، وحمصت القهوة. بقاو حوايج خفاف ونكملوا كل شي.

 

[faith8]

السلام
ماشاء الله عليكم راكم جايبينها
حنا اولا درنا نيتواياج جينيرال غيرنا ديكور المطبخ بدلنا المفروشات والستائر باش تجي طلة رمضان خاصة بالنسبة للاواني حنا عدنا من قبل مخبين نخرجوهم كل رمضان تسما ما شرينا والو
وجدنا القارس فالمجمد للعصائر ودرنا معجون القارس والتشينة بابا يحبو باش يتسحر بيه
وطيبنا الحميصة
القرنون والجلبانة ما ناكلوهمش فرمضان
لبارح راحو للمارشي شراو كامل مستلزمات رمضان السكر الفرينة السميد الفريك والتوابل وما الى ذلك قضيان عام يعني هههه
راني حابة نوجد العجينة المورقة باش فرمضان كل ما نسحق نجبد شوية و les fonds de tartes تاني غدوة ان شاء الله نوجدهم
هادا ما كان ايلا كاش جديد اني نحكيلكم
اللهم بلغنا رمضان تحياتي