كيفية صنع كعكة بنكهة الكسل ...

السلام عليكم ورحمة الله تعالى وبركاته
وي كاينة أخي بزاف حوايج تبدلو بين زمان و دوكا
كيما في هادو صوالح سلبيات كيما تفنيين وقلة صبر
كاين بزاف بزاف ايجابيات كيما المراة المريضة ، العاملة
نتفكر بلي شفت مرة
عجوزة وشيخ عايشين وحدهم بعد ماهجروهم
ولادهم يعني هادي عجوزة شحال رايحة تقدر تقوم بدار
بغض النظر على الناس اللي يستفادو من هادو صوالح في مجالات اخرى
كاين بزاف ناس تحتاجها !

ويبقى رأيي شخصي

ياودي الشاذ لا يقاس عليه المراة العاملة كي تتزوج ومن بعد سااهل يخليها تخدم برا رجالة كامل تشوف فيها
ويزيد كي ترجع العشوة يقلها عمري راكي تعبانة حكيتي اليوم بزاف مع الرجال اني شريتلك شطيطحة بوزلوف ضك نوض نحطها
في الفور ونجي ها خلونا من عقلية التفنين ديما تصيبو حلول باش تهفو رواحكم ..الكسل لا دين له تحيا المراة اللي تعرف لاعمال المنزل
والله غير تصيبي وجوهم يشعلو باسكو الدورة الدموية تتحرك وراجلها ما يخسر عليها زوج ملاين ولا عشرة نتاع الولادة القيصرية اللي اهم اسبابها التفنيين شكرا خيتو
 
الكسل ما عندوش وقت معين
لانو حاجة ما تبدلت بين البارح واليوم
الوسخ نتاع الدار هو هو والوسخ نتاع الملابس هو هو
البوزلوف هو هو الدجاج هو هو
الصحون هوما هوما بصح دلال الرجل للمراة هو اللي رجع مبالغ فيه
حتى عادو نصف الرجالة يطيب لمرتو الغدا نتاعها في الوقت اللي نورمالمون هي تقوم بواجبات المنزل
 
الكسل ما عندوش وقت معين
لانو حاجة ما تبدلت بين البارح واليوم
الوسخ نتاع الدار هو هو والوسخ نتاع الملابس هو هو
البوزلوف هو هو الدجاج هو هو
الصحون هوما هوما بصح دلال الرجل للمراة هو اللي رجع مبالغ فيه
حتى عادو نصف الرجالة يطيب لمرتو الغدا نتاعها في الوقت اللي نورمالمون هي تقوم بواجبات المنزل
man-beaten.jpg
 

ما حسدناكم ما والو ما حبيناكمش تموتو بكري وتسمنو ترجعو كي البالون من الكسل
الاروبيات يديرو السبور باسكو ماهومش يخدمو في المنزل بزااف وانتوما لاخدمة في المنزل وزيد السبور
معناتها رايحين تنفجرو وزيد ترجعو قاعدين غ تعسو في الراجل وتحوسو ع المشاكل هذا مكان قاتلو حاسدينكم -_- ...


ههههههه ربي يحفظك خويا حكيم خفت عليا ننفاجرو خخخخخ
ماتخافش كامل نتوما وفرولنا كلش وخلو الباقي عليا ممم قاااالو نسمان و ننفجر كي البالون هههههه
راني نقصر برك خويا حكيم يعطيك الصحة على موضوع
ولله واش قلت كامل صح كاين حوايج صح انا نشوفهم عادي بصح باش الخضرة مقطعة غير نطيب هادي قاتلهم اسكتو هههههه
ربي يستر وخلااااص ههه
 
ههههههه ربي يحفظك خويا حكيم خفت عليا ننفاجرو خخخخخ
ماتخافش كامل نتوما وفرولنا كلش وخلو الباقي عليا ممم قاااالو نسمان و ننفجر كي البالون هههههه
راني نقصر برك خويا حكيم يعطيك الصحة على موضوع
ولله واش قلت كامل صح كاين حوايج صح انا نشوفهم عادي بصح باش الخضرة مقطعة غير نطيب هادي قاتلهم اسكتو هههههه
ربي يستر وخلااااص ههه

ههههه ها شتي نحبوكم رشيقات تخدمو مليح قلك التسياق يحرق 150 سعرة حرارية ويحسن من الصوت خخخ يخي تشتو تغنو وانتوما تسيقو واذا كنت تشطحو وتسيقو هذيك علاه 500 سعرة حرارية هههه الرشاقة والجمال​
 


ههههه ها شتي نحبوكم رشيقات تخدمو مليح قلك التسياق يحرق 150 سعرة حرارية ويحسن من الصوت خخخ يخي تشتو تغنو وانتوما تسيقو واذا كنت تشطحو وتسيقو هذيك علاه 500 سعرة حرارية هههه الرشاقة والجمال​


راك تشوف كاين باش نحافظو على رشاقتنا يعني ماشي غير شغل لي يخلينا نشيانو هههههههههه
انتوما جيبولنا كلش طايب وواجد وماتخافوش عليا هاد شي شغلنا كيفاش نبقاو رشيقات خخخخ خخخخ
 
السلام عليكم ورحمة الله تعالى وبركاته
بارك الله فيك على الموضوع
الكسل تطور مع تطور الحضارة هاذي نسبة وتناسب عندما تتطور الحضارة يتطور الكسل .
ايه بعد ما كان الانسان يحرث الارض بالحمار وذراعو ولا يحرث بالمحرك ويركب ويسوق برك
وبعد ما كان يحصد بالمنجل ولا يحصد بالحصادة
بصح كي يجي يدير الفريك مثلا ما عندوش طريقة اخرى غير يحرق الڤمح الأخضر بين الطياب والصفورة
يعسو ما يتحرڤش وما يڤعدش ني ،مهما حرڤوه بالشاليمو ما يجيش كيما اللي يحرڤوه عادي ....
هكذاك خدمة الدار كاين حوايج تستعملهم المرا تسهل حياتها وتخليلها الوقت لولادها ولروحها ،كيما الروبوات نتاع العجين ،الرحاية ،الغسالة ،...وغيرها
أما الخضرة مڤطعة فهذا كارثة
وزيد سومتها كثر منها كاملة وعادية لأنهم تكرمو وڤطعوها
وزيد تروحلها القيمة الغذائية نتاعها
....
عن نفسي هنا كاين كلش واجد كلش حتى البصلة مڤطعة ،البيتزا كونجلي تحط عشر دقايق طابت هه
بصح الحمد لله الشخشوخة تطيب فالدار ،والمڤطعة
البربوشة والعيش ما ناكلوهمش بزاف نجيبو معانا شويه تڤعد عام
الكسرة ما نكذبش ونڤول كل يوم بصح تقريبا دايما حاضرة
ولادي ترباو عليها
التوابل والفريك كي نروحو للبلاد ننقيوهم ونرحيوهم ونجيبوهم نتاع عام
الله غالب حاجة بلادي ما نبدلهاش
ديت عجانة للوالدة في جال المطلوع هي تحبو ويديها وجعوها
روحت العام الاخر لڤيتو ما كانش باعتو ههههه
ڤالي الوالد ياكل التريسيتي وهي ڤاتلي اللي بيدي خير
والفو نتاع بكري يخدمو بيديهم كلش
والله كي نروح نشري التوابل فالصيف ونشوف الشخشوخة مفتة تتباع نحشم يا محاينك ،لهاذ الدرجة
البربوشة وفيها الخدمة ،والشخشوخة يخي ساعتين وهي واجدة ...


كاين حوايج يقدر الواحد يفوتها وعادي ،وكاين اللي زادو فيها بزاف ،مالا بنتها من بعد خلاص تولي تدير الصيروم لراجلها وولادها كي يجيو يرڤدو وخلاص ،واش تتعلم من عندها ....

المرا تروح تاكل الزفيطي برا وين شفتها هاذي ،هاي بدعة خويا
ومزال كاين نسا معلمة بناتها ما شاء الله تخدم كلش وبأريحية
ربي يجيب الخير نشالله ويطيحك في وحدة فحلة إن نظرت اليها سرتك ،وإن أطعمتك أطعمتك ما تحب وتشتهي
وإن غبت حفظتك في مالك وعرضك ...
آمين
تقبل مروري مع فائق الاحترام والتقدير
 
السلام عليكم ورحمة الله تعالى وبركاته
بارك الله فيك على الموضوع
الكسل تطور مع تطور الحضارة هاذي نسبة وتناسب عندما تتطور الحضارة يتطور الكسل .
ايه بعد ما كان الانسان يحرث الارض بالحمار وذراعو ولا يحرث بالمحرك ويركب ويسوق برك
وبعد ما كان يحصد بالمنجل ولا يحصد بالحصادة
بصح كي يجي يدير الفريك مثلا ما عندوش طريقة اخرى غير يحرق الڤمح الأخضر بين الطياب والصفورة
يعسو ما يتحرڤش وما يڤعدش ني ،مهما حرڤوه بالشاليمو ما يجيش كيما اللي يحرڤوه عادي ....
هكذاك خدمة الدار كاين حوايج تستعملهم المرا تسهل حياتها وتخليلها الوقت لولادها ولروحها ،كيما الروبوات نتاع العجين ،الرحاية ،الغسالة ،...وغيرها
أما الخضرة مڤطعة فهذا كارثة
وزيد سومتها كثر منها كاملة وعادية لأنهم تكرمو وڤطعوها
وزيد تروحلها القيمة الغذائية نتاعها
....
عن نفسي هنا كاين كلش واجد كلش حتى البصلة مڤطعة ،البيتزا كونجلي تحط عشر دقايق طابت هه
بصح الحمد لله الشخشوخة تطيب فالدار ،والمڤطعة
البربوشة والعيش ما ناكلوهمش بزاف نجيبو معانا شويه تڤعد عام
الكسرة ما نكذبش ونڤول كل يوم بصح تقريبا دايما حاضرة
ولادي ترباو عليها
التوابل والفريك كي نروحو للبلاد ننقيوهم ونرحيوهم ونجيبوهم نتاع عام
الله غالب حاجة بلادي ما نبدلهاش
ديت عجانة للوالدة في جال المطلوع هي تحبو ويديها وجعوها
روحت العام الاخر لڤيتو ما كانش باعتو ههههه
ڤالي الوالد ياكل التريسيتي وهي ڤاتلي اللي بيدي خير
والفو نتاع بكري يخدمو بيديهم كلش
والله كي نروح نشري التوابل فالصيف ونشوف الشخشوخة مفتة تتباع نحشم يا محاينك ،لهاذ الدرجة
البربوشة وفيها الخدمة ،والشخشوخة يخي ساعتين وهي واجدة ...


كاين حوايج يقدر الواحد يفوتها وعادي ،وكاين اللي زادو فيها بزاف ،مالا بنتها من بعد خلاص تولي تدير الصيروم لراجلها وولادها كي يجيو يرڤدو وخلاص ،واش تتعلم من عندها ....

المرا تروح تاكل الزفيطي برا وين شفتها هاذي ،هاي بدعة خويا
ومزال كاين نسا معلمة بناتها ما شاء الله تخدم كلش وبأريحية
ربي يجيب الخير نشالله ويطيحك في وحدة فحلة إن نظرت اليها سرتك ،وإن أطعمتك أطعمتك ما تحب وتشتهي
وإن غبت حفظتك في مالك وعرضك ...
آمين
تقبل مروري مع فائق الاحترام والتقدير

اجمل واعقل رد شفتو وهذا اللي كنت نحكي عليه الكسل الزائد عن اللزوم
خويا حليم راك فصلت ولخصت واش كنت حاب نحكي بصح راهم هجمو عليا هههه
معليه نشالله يفهمو انو الشخشوخة المصنوعة ماهيش هي الشخشوخة نتاع اليدين
ربي يهنيك في الغربة نتاعك ويفتح عليك
 
السلام عليكمم
ههههههههه راه صرالك كيما انا دخلت لاحد المراكز التجارية في سطيف وقاعدة ندور دخلت لواحد سوبيرات يااااودي بقيت مشوكية.. كغا جات في دجاج ولا طعام مشكل الماكلة العصريةة
كلش في علب واجد يعني انتي ولا انت غير تفتح وتاكل هاذا مكاااان... والله لحقنا لواحد لوقت كارثة صح....يمات زمان كان يلحق لعيد نشوفوو كامل لعائلات يخدمو في قاطوو تحس صح بنكهة لعيد مي دكا والووو وين تمشي تلقا محل حلويات يفضلو يجيبوه واجد باه ميعيوش رواحهم.. ياوو حتا في الاعراس وعادو يحطو طباخ هيهيهه
وغسالات الاواني هذيك منحكوش للغاشي اكل رجع بيهااا يعني صح رجع فرررق كبير بين لمرأة تاع بكري وتاع دكاااا
معليش رانا مع تطور وتكنولوجيا مي مش للدرجة هذي..

يعطيك الصحة خويااا حكيم موضوع رائع ???
 
السلام عليكم
و الله يا حكيم اعجبني الموضوع هادا
و كاين لي يخدمو حتى لبوراك واجد اشري و قلي برك
انا ماني من نتاع بكري ول نتاع درك يعني وسط بين هؤلاء و اولائك
لبوزلوف راجلي ما يحبوش خلاص ما يجيبوش
دجاج نشريه مذبوح بصح نقطعو وحدي نعجن الخبز بكل انواعو عصري و تقليدي
كاين شي صوالح ملاح كما الطعام واجد يعطيهم الصحة هههه بصح حاجة اخرى بزاااااف
يا ودي الجيل هادا ولي جاي الله يجيب الخير تلق الشاطرات يتعدو على الاصابع
يعطيك الصحة
 
yooo khlass 9rit hout mne9i ma9dertech nconsentri 3la l idee li hab tossel liha, ana kolech normaal nelga rassi mais l hout khaaatini mana3reflouch ni makeltou ni l issm ni tyab ni waalou,,haaadi ni3ma hadi ki wellaw ynegouh fi plassetna mala nroh nhawess 3la wahed yebdali l khadma bech net3alem ntaybouu


reevenons a nos moutons kima ygolo, doka hia mliha l hadja l wadjda bssah arwah nta w a3ref kifeh darouha mel felfel l harr merhi w roh kima tgol mama ykhalto fih l brique w ness techri bark, w kima boizelouf wadjed w poulet et tt ça la kanet maara f ghara normal, troh techri djadja yoghmezlek boizelouf menhih tedih l martek hia kanet deyra hssabha ghir 3la tnegi djadja raah rass hadek capable taucho 3likk hh semaaa f hed le cas yssa3ed bzef ki wadjed, wala joirnee chargé tfout techri pain libanais w escalope wadjdin dir wpchawarma khiir men tedhrob omelette

doonc kauen w kahen il suffit l wahed mayexsagirich net3awjou b hed les comodités bssah mich hatan yekassro yedinaa w 3aynina men ecran l ecran

w yektheb 3lik li ygolek hadou lel khadama wallah 3echtha w cheftha b 3ayni kayen l khadama li teftel w dir l matlo3 w sfendj w koolech w kayen li ga3da f dar w dhaal men ta9a l ta9a w flana wech daret w win rahet

khoollassat l 9awl raabi yostor w saha ramdhankom
 
عصر السرعة خويا حكيم
هههههههه
 
السلام عليكم
انا دايمن روطار مع المواضيع على ذيك غي اسمحولي يلا بغيتو
هي صح الكلام لي قلتو ، و فالتطور لي راه صاري
لكن ما نظنش فيها مشكل اذا الدنيا تطورت ، و ولينا نشرو الدجاج مريش عوض لا نضيعو معاه ساعتين و الما سخون و حرقني ، و رجعي سخنيه و و و ..
و ما نظنش الرجل راه يتزوج غي بش تجيب مراة تطيبلو ، الزواج ارقى من هاذ الشي
و الحق ماذابينا يزيدو يطورونا اشياء بش تساعدنا ، حنا ماناش ماكينات و لا حاجة ، حتى حنا نتعبو ، مثلا عوض لا نطحن بالمهراس راهم دارولنا روبوات و الحمد لله
هي صح ما توصلش لغسالة الاواني ، مي على الاقل
امم
حتى حنا نقولولكم علاه دارولكم لوطو حسراه على جدي كي كان يجيبلنا القش فوق الحمار !

و الحق غاضتني كلمة قتلها { وش بقات للنسا خدمة } ، كانك تقول خلقنا لنطبخ او نموت
اسمحلي لكن لا احب هذا النوع من التفكير

تقبلوا رايي​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top