تحدي ?...احكي نكتة بطريقة مختلفة وأمتعنا ?

[حلم كبير]

السلام عليكم ورحمة الله تعالى وبركاته

اليوم جبتلكم فكرة نتمنى تعجبكم
وهي
تحدي النكت?


نحط نكتة أو إثنين
وكل واحد يدخل يخير ويحكي بطريقتو وبلهجتو
المهم يغيرها ويسيي يرجعها أحسن وممتعة كثر من اللي حكاها اول مرة
ولما لا... يغير القصة نتاعها شويه باه ترجع مضحكة
الهدف هو للترفيه عن النفس والتعرف على مختلف اللهجات الجزائرية والعربية
المهم الخيال وروح الدعابة


نبدا بسم الله


النكتة الاولى





النكتة الثانية




شرح المفردات هههه
زدم معناه اصطدم
تغاشا معناه اغمي عليه
رفدو معناه حملو
داه معناه اخذو
فطن معناه صحا من النوم


ارجو ان تنال الفكرة إعجابكم
إذا عجبتكم ونجحت نعاودوها إن شاء الله
إحترامي وتقديري

​

 

[Soumia hadj mohammed]

السلام عليك عمي حليم
عيدك مبارك سعيد ، عساك بخير
فكرة طريفة جدا وستكون ممتعة اكثر مع تفاعل الاخوة والاخوات
يعطيك الصحة
رح نحاول مع النكت ونرد



هههه عجبتني اللقطة الاخيرة تع الترجمة
ايا وهدي في خاطر حليم التراديسيو

 

[Soumia hadj mohammed]

وحد الزوش من كثرة لي زطل ولا يشوف تري ديمونسيو وكان مآكتيفي لوبسييو تع الطيران النصفي تلاقى مع لوطو دخلت فيها ولا دخل فيها ليسونسيال داروه في كاجة كي فاق من الكوما قالهم خاطيني هو جا في طريقي
هاهاهاه ها ضحكو متحشمونيش ما

سمية تراديسيو : ( الكلمات الدلالية )
الزوش---- العصفور
تري ديمونسيو ---3d
لوطو --- سيارة
كوما--- غيبوبة

 

[حلم كبير]

السلام عليك عمي حليم
عيدك مبارك سعيد ، عساك بخير
فكرة طريفة جدا وستكون ممتعة اكثر مع تفاعل الاخوة والاخوات
يعطيك الصحة
رح نحاول مع النكت ونرد



هههه عجبتني اللقطة الاخيرة تع الترجمة
ايا وهدي في خاطر حليم التراديسيو

السلام عليكم وصح عيدك وكل عام وانت بخير وزاهية وباهية بنيتي ونشالله العيد الجاي راكي متخرجة وحاكمة خدمة ڤولي آمين
ههههه يعطيك عام ربح تراديسيو آه والله القاشي مسكين يجي من كل بلاص لازم نشرحولو المعنى سينو كيفاه يشارك هههه

وحد الزوش من كثرة لي زطل ولا يشوف تري ديمونسيو وكان مآكتيفي لوبسييو تع الطيران النصفي تلاقى مع لوطو دخلت فيها ولا دخل فيها ليسونسيال داروه في كاجة كي فاق من الكوما قالهم خاطيني هو جا في طريقي
هاهاهاه ها ضحكو متحشمونيش ما

سمية تراديسيو : ( الكلمات الدلالية )
الزوش---- العصفور
تري ديمونسيو ---3d
لوطو --- سيارة
كوما--- غيبوبة

ههههههههههه هو جا في طريڤي هههه
نسيتي تشرحي لوبسيون ههههه معناها خِيار الطيران هههه
والله جبتيها يعطيك الصحة ولهجتكم رائعة ما شاء الله
مليحة عجباتك الفكرة
بارك الله فيك
إحترامي وتقديري

 

[حلم كبير]

سيادة شِِريف قسم النكت ?
@Salah eddin

والاعضاء الكرام

@لؤلؤة قسنطينة
@خووخه
@سكون الفجر
@الامين محمد
@أم ياسمينdz
@أشرقت نفسي
@جميلة أنا
@Malika Tlm
@hakim story
@Skor m@k
@mohamedfathi
@حروف تائهة
@عآشقة الجنـة
@Mery Babaammi
@بشرى ملاك
@أم منيــــــر
@فريد أبوفيصل
@السحاب العابر
@رؤوف المستقبل ب
@الأفق البعيد
@HAMZA USMA
.....
اعتذر لمن لم اذكر اسمه الكل مدعو دون استثناء

 

[Soumia hadj mohammed]

آمين يارب آآمين

ههه اه وي ( عبالك مزيا درتنا هد الفكرة ، نخرج شويا من ضغط لي جاز عليا )

هديك لهجة تع سعيدة اما المتحدث سبيسيالمو عندو لهجة مخلطة بين العاصمية والباليسترونيةوالمعسكرية والوهرانية والقبايلية والبشارية والادرارية ههه نخلطهم غي كي نبغي نضحك

المهم رح نحاول مع النكتة الاولى ما دام عجباتك دوزيام فام خخخخ

السحاب العابر كان جاي ليه مفتش وبقى يوصي في ولاده اهدرو معايا باللغة العربية الفصحى
جاهم السي بن قبريط
قال لواحد من لاده، يا حذيفة عليك بحساب ظل الزاوية .... في المثلث ...
قالو حذيفة مزال ما ضربتش الشمس فالترينوقل يا استاذي

مكاش تراديسو >>>> كونكسيو عيانة ليوم

 

[Abodi84]

واحد فاق متاخر راح يجيب الخبز لَبْس و ركب البسكليت (دراجه هوائية ) ضربته سيارة
قالو اله شافو قوم قوم ما فيك شي اطلع على حاله لقى لابس البنطون بالعكس
يقلهم قال ما فيك شي هو فاتلني فتل (عاكسه)

 

[حلم كبير]

آمين يارب آآمين

ههه اه وي ( عبالك مزيا درتنا هد الفكرة ، نخرج شويا من ضغط لي جاز عليا )

هديك لهجة تع سعيدة اما المتحدث سبيسيالمو عندو لهجة مخلطة بين العاصمية والباليسترونيةوالمعسكرية والوهرانية والقبايلية والبشارية والادرارية ههه نخلطهم غي كي نبغي نضحك

المهم رح نحاول مع النكتة الاولى ما دام عجباتك دوزيام فام خخخخ

السحاب العابر كان جاي ليه مفتش وبقى يوصي في ولاده اهدرو معايا باللغة العربية الفصحى
جاهم السي بن قبريط
قال لواحد من لاده، يا حذيفة عليك بحساب ظل الزاوية .... في المثلث ...
قالو حذيفة مزال ما ضربتش الشمس فالترينوقل يا استاذي

مكاش تراديسو >>>> كونكسيو عيانة ليوم

ههههههههه يعطيك عام كسرة يسما خلطتي اللهجات أكل وحطيتي معليهش مقبولة منك هههه
وعجبتني هاذيك نتاع الشمس ما ضربتش فالمثلث هههه
الاخ @السحاب العابر اكيد اكيد خرج وخلاه مع بن قبريط تفي بالغرض مع التلميذ ههههه
هذا اذا كانت فاهمة الموضوع
بارك الله فيك ممتعة حقا
شكرا على المشاركة

 

[حلم كبير]

واحد فاق متاخر راح يجيب الخبز لَبْس و ركب البسكليت (دراجه هوائية ) ضربته سيارة
قالو اله شافو قوم قوم ما فيك شي اطلع على حاله لقى لابس البنطون بالعكس
يقلهم قال ما فيك شي هو فاتلني فتل (عاكسه)

أهلا بالأخ الكريم
ههههههههههه ڤال ما فيك شي ڤال وهو فاتلني فتل
والله نكتة مضحكة يحسب نفسه تعجن تحت العجلة لدرجة انو انعكس هههههه والله هاذي مليحة

من بعد اذنك فقط لو حاولت تحكيلنا وحدة من النكتتين اللي فوق باللهجة الخليجية كيف بتطلع معك هههه
انتظر محاولتك
بارك الله فيك على النكتة الممتعة
​

 

[Abodi84]

أهلا بالأخ الكريم
ههههههههههه ڤال ما فيك شي ڤال وهو فاتلني فتل
والله نكتة مضحكة يحسب نفسه تعجن تحت العجلة لدرجة انو انعكس هههههه والله هاذي مليحة

من بعد اذنك فقط لو حاولت تحكيلنا وحدة من النكتتين اللي فوق باللهجة الخليجية كيف بتطلع معك هههه
انتظر محاولتك
بارك الله فيك على النكتة الممتعة
​

هي النكثه سورية و ليست خليجيه
طيب تكرم عينك
غالي و الطلب رخيص

 

[Abodi84]

عصفور منسم (مزطل )
كان طاير دعمه موتر راح فيها الحبيب
شله الدريول عالبيت حطه بقفص
نش العصفور من الغيبوبه لقى روحه مسجون
ضرب على راْسه قال لا تقولو اني قتلته

 

[حلم كبير]

عصفور منسم (مزطل )
كان طاير دعمه موتر راح فيها الحبيب
شله الدريول عالبيت حطه بقفص
نش العصفور من الغيبوبه لقى روحه مسجون
ضرب على راْسه قال لا تقولو اني قتلته

ههههه النكتة معروفة لكن طريقة حكايتها رائعة هههه
عجبتني دعمه موتر جديدة علي هههه والدريول هو الرجل اول مرة اعرف
يعني مشكور الاخ على المشاركة نورتنا حقا بارك الله فيك
اصبحت نكتة ثانية هههه​

 

[Abodi84]

ههههه النكتة معروفة لكن طريقة حكايتها رائعة هههه
عجبتني دعمه موتر جديدة علي هههه والدريول هو الرجل اول مرة اعرف
يعني مشكور الاخ على المشاركة نورتنا حقا بارك الله فيك
اصبحت نكتة ثانية هههه​

الدريول = السائق
العفو اخي الكريم
ان شاء الله السعادة ما تفارقك يا طيب

 

[الأفق البعيد]

عصفور منسم (مزطل )
كان طاير دعمه موتر راح فيها الحبيب
شله الدريول عالبيت حطه بقفص
نش العصفور من الغيبوبه لقى روحه مسجون
ضرب على راْسه قال لا تقولو اني قتلته

ههههه حلوة

 

[لؤلؤة قسنطينة]

السلام عليكم
هههه يعطيك الصحة خويا حليم فكرة جميلة جدا
يسمى نتا تحطلنا نكتة وحنا نلقيوها بطريقتنا
يسمى على الطريقة الصلاحية
على وزن @Salah eddin هههه
عجبتني الفكرة حتى نشعل الميكرو نلتحق بيكم ان شاء الله
وعجبتني سمية راهي مزهية الحالة هههه​

 

[Soumia hadj mohammed]

السلام عليكم
هههه يعطيك الصحة خويا حليم فكرة جميلة جدا
يسمى نتا تحطلنا نكتة وحنا نلقيوها بطريقتنا
يسمى على الطريقة الصلاحية
على وزن @Salah eddin هههه
عجبتني الفكرة حتى نشعل الميكرو نلتحق بيكم ان شاء الله
وعجبتني سمية راهي مزهية الحالة هههه​

الله يسلمك الله يسلمك ، عادت سمية الى عادتها لقديمة
ا قوليلي حضرة المشرفة راني حطيت مشاركة تعي بخصوص ملابس العي ومزال ما اكسبتيوه الموضوع ، شوفيلنا شكون المشرفة ؟

 

[لؤلؤة قسنطينة]

الله يسلمك الله يسلمك ، عادت سمية الى عادتها لقديمة
ا قوليلي حضرة المشرفة راني حطيت مشاركة تعي بخصوص ملابس العي ومزال ما اكسبتيوه الموضوع ، شوفيلنا شكون المشرفة ؟

راهو كاين موضوعك سمسومة راني رديتلك فيه​

 

[rycerz]

بالدارجة :
واحد هامل فليل لا دار لا دوار .. ركل برجلو كانيطة كوكا فارغة خرجلو منها جان قالو شبيك لبيك واش تطلب بين يديك قالو لكلوشار الرحمة للوالدين خاصني برتمة لاشتا آف 1 باش نخبّي راسي .. رد عليه الجان : عيب عليك .. تتمهزا بيا نتا .. لو كان عندي برتمة ماني ساكن في كانيطة.

 

[Abodi84]

ههههه حلوة

مرورك احلى
تسلمي

 

[لؤلؤة قسنطينة]

السلام عليكم
راني وليت ههه جيت نحكيلكم قصة العصفور على طريقتي وبلهجتي
يا سيدي قالك واحد الفرخ مزوج ومرتو مكرهتلو حياتو جيب ليكوش جيب الماكلة للولاد
هيا خمم مليح قال المرا هادي لازم نديرلها عفسة باه ماتزيدش تمرضني هيا دورها مخدرات
ساع حاوزتو من الدار قاتلو نهار تريقل روحك ولي للدار
ومن تم والفرخ عايش في حرية تامة هههه هادي سهرات وهادي خرجات لا هدرة تكسر الراس
ولا مسؤولية تشيب الراس، هيا هو ماشي وزهواني خبط في طوموبيل وداخ
هيا مول الطوموبيل غاضو ولا هزو داه معاه للدار، كي فطن الفرخ لقا روحو داخل القفص
مافهمش اذا راهو في دار ولا داخل حبس قالهم قولولي قتلتو ودخلت الحبس وحكمو عليا 10 سنين
وماتقولوليش برك راني في الدار هههه
علابالي ماتضحكش بصح ضحكة للأجر معليش
​