حَوش جدّتي العتيق ^_^

["viola"]

سلاام عليكم
مهم ليوم رحت للدار الي زدت فيها حوش ماني لعزيزة
و لمّيت شوية التقاطات ^^
باسم الله نبدا بالدّالية

كسكس منشور و مردود أو بركوكس خخ

قهوة خضرة في سنية النحاس

و هاذي بعنوان من الشباك لرميلك حالي خخخخ

ختامها مسك اليد لي قمطتنا ووكلتنا و حتى عاطاتلنا الطرايح ههه ♥ كل خطّ تجاعيد يحكي قصة ربي يحفظها
مع مهراس نحاس أيضا ^^

لا للانتقادات ني نسييّ نطوّر تصويري قد ما نقدر و ملحقتش خخ

دمتم ♥​

 

[ريحـان]

السلام عليكم اختي​

الإلتقاطات جميلة
خاصة الصورة الآخير تحمل معاني كثيرة و كبيرة
جميل موضوع صورك حقا و فقت فيه تسلم ايديك
لم ارى صور سابقة لك لكنت
اعطيتك راي ما اذا احرزتي تقدما في هذا المجال جزآك الله خيرا على مشاركتنا اياها
بالتوفيق اختي
تحياتي الخالصة ...... ​

 

[زهور الأمل]

ياختي وانا نحب الانتقاد ههههه
امزح ربي يخليلكم الجدة ويطول فعمرها
والحوش القديم يبقى احلى واريح مكان ولا فنادق 5 نجوم صدقيني
​

 

[Silent Hill]

سلام الله عليك
ما نوع الكاميرا !!​

 

[السلطانة]

وعليكم السلام ورحمة الله وبركاته

وقالك اسيدي حين تُبدع فيولا
الله يبارك واش نحب هاذ النوع تاع الديار لي تقول نقعد كل زاوية نخزر فيها ونتخيل فيها حكاية صرات
دار جدك ماشاءالله وصلتني ريحة الاصالة والعراقة من هنا
والله يبارك على القهوة الخضرا تيرارا نشربها نبرا دوري يالقهوة دوري في فنجان الفرفوري

وربي يحفظ الجدة الغالية صورة يدها والمهراس احسن صورة والله

بارك الله فيك حبيبتي على حُسن تقديم الموضوع وحُسن التصوير

 

[Hakan]

يااه جدتي العزيزة راهي هنا احسن صورة مع صورة النافذة... من تواضع لله رفعه ربي يحفظك ع المشاركة صور اكثر من رائعة تعطي شعور بالطمئنينة وأكديلي ع الكسكس ههههه

 

[يوسےفے]

السلام عليكم و رحمة الله
الله يبارك
صور تقليدية بمجرد انك نشوفها يأخذ الحنين الى الماضي و البيت الكبير لي يلم العايلة الكبير
و ما أحلى الحوش كي تلقاه مفرش بفرش تقليدي و من فق مضلل بدالية العنب و معبي بريحة شجرة الليم
وقبالك سنيوة قهوة و لا آتاي مع الفطير يا محيانك يا فيولا هلكتيني ههه
و ما نحكيلكش على الرقدة فيه ف الليل هذاك عالم آخر ههههه
شكراا على مشاركة مثل هذة الصور النادرة والله
بالتوفيق
​

 

[{مُدَلَّلَتُهُ}]

السلام عليكم

فيوليتا صور شابين ♥ لوكان انا كن راني نضل ثم عندها ما نجيش

عجبوني الالتقاطات خاصة آخر صورة ♥

و خليلي حقي من العنب لأنو هو أكثر فاكهة نبغيها هههههه

يسلموو الزينة على الصور ربي يخليلك الغالية و يطول في عمرها ♥​

 

["viola"]

السلام عليكم اختي​

الإلتقاطات جميلة
خاصة الصورة الآخير تحمل معاني كثيرة و كبيرة
جميل موضوع صورك حقا و فقت فيه تسلم ايديك
لم ارى صور سابقة لك لكنت
اعطيتك راي ما اذا احرزتي تقدما في هذا المجال جزآك الله خيرا على مشاركتنا اياها
بالتوفيق اختي
تحياتي الخالصة ...... ​

و عليكم السلام أهلاً ياسمين ^^
شكراً ربي يحفظك
الصور كنت قليل وين نحط في موضوع شارك بصورة من التقاطك و نحط في مجموعة عالفيس على هاذيك مشفتيهمش ...
على كل مزااالني مبتدئة جداً خخخ خاصة في استخدام التعديلات
نورتي ختيتي ❤​

 

["viola"]

ياختي وانا نحب الانتقاد ههههه
امزح ربي يخليلكم الجدة ويطول فعمرها
والحوش القديم يبقى احلى واريح مكان ولا فنادق 5 نجوم صدقيني
​

ههههه أهلاً و سهلا علميني برك ههه
اللهم آمين خيتي ربي يحفظك
فعلاً و الله الراحة تلقايها فالدار لكبيرة بين ماليك و الضحك و اللعب الدنيا و مافيها
شكرا ختيتي ربي يهنيك ^^​

 

["viola"]

سلام الله عليك
ما نوع الكاميرا !!​

و عليكم السلام و رحمة الله
تيليفون Wiko rainbow jam ^^​

 

[لؤلؤة قسنطينة]

السلام عليكم ورحمة الله وبركاته
سقسي جداتك امونة قوليلها ماراكيش حابة
تتبناي طفلة! قولها عاقلة وناشطة وتضحكك ساعة ساعة هههه
قوليلها وافقي برك في دقيقة تلقايني هازة كابتي وجاية ههه
والله ماشاء الله قدما يعبّر الإنسان مايلحقش للكلمة المناسبة
لي تختصر هذا الجمال وهذه الأصالة، كلشي حلو وكلشي مليح
وفيه ريحة النية وريحة زمان، وهاداك الشباك ماش غير ترمي روحك ههه
تحفة الله يبارك وصور كأنها ناطقة لو منك نعيش تما ههه
مانزيدش نولي لدارنا نرتاح جسديا ونفسيا، الله يبارك وماشاء الله
وربي يحفظلك جداتك ويطولكم في عمرها ويعطيها صحتها
شكرا حبيبتي على الصور التي أقل مايقال عنها أنها راااائعة
وعلى هذه الرحلة الجميلة داخل بيت جدتك الذي يفوح بعبق الماضي
تحياتي​

 

["viola"]

وعليكم السلام ورحمة الله وبركاته

وقالك اسيدي حين تُبدع فيولا
الله يبارك واش نحب هاذ النوع تاع الديار لي تقول نقعد كل زاوية نخزر فيها ونتخيل فيها حكاية صرات
دار جدك ماشاءالله وصلتني ريحة الاصالة والعراقة من هنا
والله يبارك على القهوة الخضرا تيرارا نشربها نبرا دوري يالقهوة دوري في فنجان الفرفوري

وربي يحفظ الجدة الغالية صورة يدها والمهراس احسن صورة والله

بارك الله فيك حبيبتي على حُسن تقديم الموضوع وحُسن التصوير

هههه ربي يحفظك
و الله مام أنا نروح للبلاصة لي كان فيها سريري, البلاصة لي طحت فيها على راسي و تفلڨت و خيطوني خخخ كيما قلتي والله كل بلاصة تحكي حكاية
هههه فلاشاوك صايي اكي حافظة ههه
اللهم آمين حبيبة ربي يحفظك
شكراً ^^
​

 

[السلطانة]

@سكون الفجر
@4algeria.com
@الامين محمد
@العيون الخضراء

 

["viola"]

يااه جدتي العزيزة راهي هنا احسن صورة مع صورة النافذة... من تواضع لله رفعه ربي يحفظك ع المشاركة صور اكثر من رائعة تعطي شعور بالطمئنينة وأكديلي ع الكسكس ههههه

ههه الله يعزك خيي
بالفعل الطمأنينة و الراحة تلقاها فالبيت لكبيرة ووين تربيت
خخخخ كسكس التويزة ههه
شكراً ربي يحفظك ^^​

 

["viola"]

السلام عليكم و رحمة الله
الله يبارك
صور تقليدية بمجرد انك نشوفها يأخذ الحنين الى الماضي و البيت الكبير لي يلم العايلة الكبير
و ما أحلى الحوش كي تلقاه مفرش بفرش تقليدي و من فق مضلل بدالية العنب و معبي بريحة شجرة الليم
وقبالك سنيوة قهوة و لا آتاي مع الفطير يا محيانك يا فيولا هلكتيني ههه
و ما نحكيلكش على الرقدة فيه ف الليل هذاك عالم آخر ههههه
شكراا على مشاركة مثل هذة الصور النادرة والله
بالتوفيق
​

و عليكم السلام أهلاً
ههههه اييييه وصف راائع أكدلي عالقهوة بالفطير يا خويا يا خويا هههه و الرقدة فالمراح
و الله هاذيك المعيشة أحسن نتلمو قااع على قصعة وحدة أو سينية وحدة ضركا قاع مع بعضانا و كل واحد هاز تيليفونو و حاكم شومبرة يكونيكتي -__-
شكراً خيو عالتشجيع منك نتعلم ههه​

 

[4algeria.com]

ما شاء الله تبارك الله
مبدعة في التصوير الله يبارك فيك
و الصور حقيقة معبرة و كل منها بها تفاصيل تحكي قصص
ربي يبارك في الحاجة و يخليهالكم

مشكورة اختي

 

["viola"]

السلام عليكم

فيوليتا صور شابين ♥ لوكان انا كن راني نضل ثم عندها ما نجيش

عجبوني الالتقاطات خاصة آخر صورة ♥

و خليلي حقي من العنب لأنو هو أكثر فاكهة نبغيها هههههه

يسلموو الزينة على الصور ربي يخليلك الغالية و يطول في عمرها ♥​

و عليكم السلام هدووش
ههه منروحش بزاف بيها ماني تكون عندنا بزاف قليل وين نروحو للحوش
هههه راه قريب يطيب نخليلك والله ?
اللهم آمين
شكرا الزينة ربي يحفظك ^^​

 

["viola"]

السلام عليكم ورحمة الله وبركاته
سقسي جداتك امونة قوليلها ماراكيش حابة
تتبناي طفلة! قولها عاقلة وناشطة وتضحكك ساعة ساعة هههه
قوليلها وافقي برك في دقيقة تلقايني هازة كابتي وجاية ههه
والله ماشاء الله قدما يعبّر الإنسان مايلحقش للكلمة المناسبة
لي تختصر هذا الجمال وهذه الأصالة، كلشي حلو وكلشي مليح
وفيه ريحة النية وريحة زمان، وهاداك الشباك ماش غير ترمي روحك ههه
تحفة الله يبارك وصور كأنها ناطقة لو منك نعيش تما ههه
مانزيدش نولي لدارنا نرتاح جسديا ونفسيا، الله يبارك وماشاء الله
وربي يحفظلك جداتك ويطولكم في عمرها ويعطيها صحتها
شكرا حبيبتي على الصور التي أقل مايقال عنها أنها راااائعة
وعلى هذه الرحلة الجميلة داخل بيت جدتك الذي يفوح بعبق الماضي
تحياتي​

و عليكم السلام ورحمة الله
هههههه ارواحي انا نديك و الله نقعدو طول حطة هههه ياااه و الله حطة هههه
اللهم آميين ربي يخليك ختيتي
شكرا الزينة نورتيني ^^​

 

["viola"]

ما شاء الله تبارك الله
مبدعة في التصوير الله يبارك فيك
و الصور حقيقة معبرة و كل منها بها تفاصيل تحكي قصص
ربي يبارك في الحاجة و يخليهالكم

مشكورة اختي

يااه شكرا شكرا ^^
اللهم آمين ربي يحفظك
شكراً عالتشجيع​