آنجوم الليل معاكم سهران ما عندي لا حبيب لا ولي

["viola"]

" آنجوم الليل معاكم سهران ما عندي لا حبيب لا ولي ..."
تاع كمال مسعودي الله يرحمو غنية بزاف هايلة غناها عالمغتربين
بصح مدام فيها النجوم و السهر جيت نحكيلكم عالسهرة و الارق لعل و عسى نلقاو حل خخ

اذن و بعد هذه المقدمة الطللية نقولكم هلاو عليكم نشالله راكم ملاح خاوتي ^^
موضوعي قتلكم عالسهرة و الرقاد تاع الزوج و الثلاثة تاع الصباح
سيرتو السيليباتار ديرو الصف نحسبكم تشو
كي تكون سيليباتار و تسهر كي شغل وحدة صلعة تروح ادّير بروشينغ -_-
عالاقل قال وحدة متزوجة وولادها صغار ينوضوا فالليل ميخلوهاش ترقد باينة معذورة
و احنا ؟ ضعنا يا جماعة
مذابيكم الشعب هاذاك لي مايديباصيش ال12 و ال11 تمدولنا لاغوسات ولكم الاجر
تقولو بالاك النت و الفيسبوك و اليوتيوب نقولكم نن
انا الوالد تاعي يطفي المودام بكري باه نرقدو بكري نكملها بالزيرو كي الفحلة خخخ
حتى و كي مايكونش الريزو ندخل للفوطوات لي فالتيليفون و نبدا نعدّل و نقص و ندخل للصور من عام دقيوس يا خويا يا خويا
و حااااتا و نحط التيليفون...
يبدا العقل تاعي الحلوف بالمهمة خخخ وش نحكيلكم وشمن حسابات وشمن اومورات يطلع ويهبط والله منرقدها
السهرة تهدّ البدن و الرقاد بكري مليح نحتاجو نرقدو برك ههه

المعنيين ريحو هنا نشالله نصيبو الحل ..الموضوع كون درتو في قسم الصحة خخخخ
رانا نستناو
الفايولا تزحلقت
سلام ^^ ​

 

[لؤلؤة قسنطينة]

السلام عليكم
تم الاعتماد أمونة الزينة
ومرحبا بيك في واش راك تهدر نورتينا
لي عودة غدوة بحول الله للرد على الموضوع
خاطر ديجا دارها بينا التريسيتي من 10 ونص وحنا مقابلين الشمع لدرك
على هادي مازالني دايخة من الظلمة ههه
لي عودة بحول الله ​

 

[زهور الأمل]

والله يا اختى عند مشكل كبيييير
اسهر اللييييييييييييل دون اى سبب مقنع
اراقب البلافون تارة واطل من النافذة تارة اخرى
ازور المطبخ ويبانلي التخمال تحسبي مهبولة
نرقد ونفيق ..ثم اصبح من النادمين ههههههه​

 

[Hakan]

نوضي بكري طيبي المذكر صل الفجر.. ما تقيليش بزاف ساعة ماكسيموم.. بعدي ع المنبهات قهوة وشاي وعباد ترقدي بكري نشالله... من كتاب سهران إبن ارقان..

 

[faith8]

انا تاني حكمتني الفطنة كانو هنا خواتاتي وولادهم لبارح سهرنا حكمت فيا ليوم ولاو لديارهم ريحت مقابلة لحيوط الدار فراغت هههههه
والقراية مستحيلة مع هاد السخانة وقرب العيد وشغلو التخمام ما يخلاصش المهم مخي تخلخل منين يجي النعاس
السؤال لازم نطرحوه كي ينوضو النيام مالنعاس يمدولنا الوصفة ههههه

 

[السلطانة]

ضوء لمع وسط المدينة...حين يظهر ويختفي حينا تلك حكاية باتمان ...ياو خليها لربي برك انا حياتي كاملة نسهر لارقدت 00 راني مليحة ...كنت نقرا نسهر ونوض بكري...نخدم نسهر ونوض بكري....عييت عييت تزوجت وجبت بنتي نسهر معاها ....اولالا ....مام نرقد ونوض نسهر مرات للفجر نصلي ونرقد حدي التسعة الصباح نقولك اطفرت فيك ههه لديكي مستقبل زاخر بالسهر درك راني ساهرة نخمم غدوة عندي ضياف وخدمة كبيرة راني نطلع ونهبط ..ربي يهدينا ويصلح بالنا في الشتا شوي نرقد لاباس اما الصيف تتلفلي قاع تحياتي ايتها الفيولا ????

 

[ASPIRINA]

صباح الخير


أن كي تزورنا أختي المتزوجة تحلالها السهرة
و الهدرة حتى للفجر و تقولي تحبس هدرة والو

 

[وۣۗهۣۗہۣۗم]

بوركتى ختيتو على هدا الموضوع هههههههه اللى راهوو في كل البيوت الجزائرية
انا وحدة منهم فوق الحداش الحداش ونص فياا طبيعة النت منمسوش هكداك نجيبها حتى الزوج ثلاثة تاع الصبح ومنين داك حتى صلاة الصبح متدينيش عينى تكمل عليها ههههههههه المهم فالصبح كيفاه يفطن الواحد النهار اللى مكانش خدمة مليح نصبحوو من اهل الكهف ونهار الخمدمة نكملوو الرقاد فالطريق مثلا

 

["viola"]

السلام عليكم
تم الاعتماد أمونة الزينة
ومرحبا بيك في واش راك تهدر نورتينا
لي عودة غدوة بحول الله للرد على الموضوع
خاطر ديجا دارها بينا التريسيتي من 10 ونص وحنا مقابلين الشمع لدرك
على هادي مازالني دايخة من الظلمة ههه
لي عودة بحول الله ​

و عليكم السلام و رحمة
وبيك تعيشي ختيتي يزين حالك
وشكرا للاعتماد
خخخ تشوكوستومون هنا نطرحو السؤال كي راحت التريسيتي علاه مترقديش ههه هنا المعضلة هه
في انتظارك ختي ^^
صحيت ​

 

["viola"]

والله يا اختى عند مشكل كبيييير
اسهر اللييييييييييييل دون اى سبب مقنع
اراقب البلافون تارة واطل من النافذة تارة اخرى
ازور المطبخ ويبانلي التخمال تحسبي مهبولة
نرقد ونفيق ..ثم اصبح من النادمين ههههههه​

اهلا فاتي ^^
ههههه اكديلي عالتخمال اوموان حاجة تصلح الصباح تلقاي كلش نقي الله الله خخ
و الله رانا قاع فيها نوض و نرقد و نفطن و نتقلب حتى نندم كيما قلتي ههه
شكرا الزينة نورتي ​

 

["viola"]

نوضي بكري طيبي المذكر صل الفجر.. ما تقيليش بزاف ساعة ماكسيموم.. بعدي ع المنبهات قهوة وشاي وعباد ترقدي بكري نشالله... من كتاب سهران إبن ارقان..

صحا حكيم
ههههه على وزن حي بن يقضان
المنوض بكري مافيهاش ...فنيانة مستغانمي
و الله سيريو مام فالقراية نوض باااااكري ومنرقدش بكري اللعنة يا خويا يا خويا
القايلة منقيلش كي العواوة و المنبهات مش حاجة خخخ و منه نستنتج انو مفيهاش
صحيت ^^​

 

["viola"]

انا تاني حكمتني الفطنة كانو هنا خواتاتي وولادهم لبارح سهرنا حكمت فيا ليوم ولاو لديارهم ريحت مقابلة لحيوط الدار فراغت هههههه
والقراية مستحيلة مع هاد السخانة وقرب العيد وشغلو التخمام ما يخلاصش المهم مخي تخلخل منين يجي النعاس
السؤال لازم نطرحوه كي ينوضو النيام مالنعاس يمدولنا الوصفة ههههه

هههههه انا تصرالي فالبريود تاع ليكزاما نسهر نسهر كي نكملوهم ارواحي نتي و رقديني هههه
وشمن قراية و الله ندخلو نفوتو الs2
و عندي كابة تاع بوليكوب والضمير خليتو فالطلعة تاع لافاك خخخ
والله يلعبها المخ حاجة خشينة و يخمم في الف صلاح تبا له
خخخ لي يرقدو جابلي ربي ميوروش سر المهنة
كاين حكيم مدلنا شوي نصائح بصح مصدر غير موثوق خخخ السيد يجيبها للخمسة تاع الصباح نورمال
صحيت امون ^^​

 

["viola"]

ضوء لمع وسط المدينة...حين يظهر ويختفي حينا تلك حكاية باتمان ...ياو خليها لربي برك انا حياتي كاملة نسهر لارقدت 00 راني مليحة ...كنت نقرا نسهر ونوض بكري...نخدم نسهر ونوض بكري....عييت عييت تزوجت وجبت بنتي نسهر معاها ....اولالا ....مام نرقد ونوض نسهر مرات للفجر نصلي ونرقد حدي التسعة الصباح نقولك اطفرت فيك ههه لديكي مستقبل زاخر بالسهر درك راني ساهرة نخمم غدوة عندي ضياف وخدمة كبيرة راني نطلع ونهبط ..ربي يهدينا ويصلح بالنا في الشتا شوي نرقد لاباس اما الصيف تتلفلي قاع تحياتي ايتها الفيولا ????

هههههههه والله باتمان في روحو خخخ
فكرتيني في باتمان عندي عليه حكاية كاش نهار نحكيهالكم خخخ
تأمني شو كي كنت نكتب فالموضوع جيتي في بالي هههه
قلت عندها ياسمين و نلقاها عالزوج داخلة يادرا رقدتها و ناضت و لا رقدت و نوضتها خخخخ ربي يكون فالعون ختي
هيه راه المستقبل يلوح ديجا العام الجاي برك فيها سطاج منوض عالخمسة و تحضير فالليل ياليتني مت قبل هذا خخ
ربي يقدرك و يقدرنا نشالله ..
تحية متبادلة حضرات ^^ ​

 

["viola"]

صباح الخير


أن كي تزورنا أختي المتزوجة تحلالها السهرة
و الهدرة حتى للفجر و تقولي تحبس هدرة والو

مساء النور ^^ اهلا
ههههه مسكينة معمرة و متوحشتكم
ساعفو خخخ
نورتي ​

 

["viola"]

مشاهدة المرفق 91479

بوركتى ختيتو على هدا الموضوع هههههههه اللى راهوو في كل البيوت الجزائرية
انا وحدة منهم فوق الحداش الحداش ونص فياا طبيعة النت منمسوش هكداك نجيبها حتى الزوج ثلاثة تاع الصبح ومنين داك حتى صلاة الصبح متدينيش عينى تكمل عليها ههههههههه المهم فالصبح كيفاه يفطن الواحد النهار اللى مكانش خدمة مليح نصبحوو من اهل الكهف ونهار الخمدمة نكملوو الرقاد فالطريق مثلا

اهلا ختي صاحبة الضحكة الاسطورية هههه كي نشوف هاذيك ال"هههههههههههههههههه " نعرفك نتي ههه
شفتي سهرة في باطل برك و الله و مش مليح عالصحة
الرسول عليه الصلاة و السلام وصانا نرقدو مورا صلاة العشا باه لي ينوض يقوم مبعد يقدر ينوض حنا والو -_-
كيما قالو دقيوس ما صلينا مادرنا الثورة ياخويا ياخويا خخخخخخ
حتى و متنوضيش تصبحي عيانة ارواحي نتي و فهمي خخخ
نورتي ^^​

 

[وۣۗهۣۗہۣۗم]

اهلا ختي صاحبة الضحكة الاسطورية هههه كي نشوف هاذيك ال"هههههههههههههههههه " نعرفك نتي ههه
شفتي سهرة في باطل برك و الله و مش مليح عالصحة
الرسول عليه الصلاة و السلام وصانا نرقدو مورا صلاة العشا باه لي ينوض يقوم مبعد يقدر ينوض حنا والو -_-
كيما قالو دقيوس ما صلينا مادرنا الثورة ياخويا ياخويا خخخخخخ
حتى و متنوضيش تصبحي عيانة ارواحي نتي و فهمي خخخ
نورتي ^^​

ههههههههههه ربي يحفظك الزينة منورة بوجودك يالغالية هههههه المشكل ارواحى انتى وفهمى رقاد هدا علاه منوو هكدا ????

 

[Skor m@k]

السلام عليكم
اه على الدخلات الاسطورية تقول مايكل جاكسن ماشي مسعودي الله يرحمه هههههه
وين رحتي انت ياه انا كل مرة كيفاه على حساب المورال
كاين يمات جبتها مور العشاء نرقد ههههه
تقول جاج تاع البلاد لي يرقدو بكري هههه
كي كانت العشاء تذن على 9 نصلي ونرق ضربت وحد الشهر هكذاك ههههه
ممبعد تلفلي لبروغرام كامل وليت كل مرةكيفاه
وكاين يمات جبتها ديما مور 12 تاع الليل الطبيب ماينحيهاليش هههههه
ومنذاك نهار بنهار ليوم زعما نرقد بكري غدوا نغرم الثأر ههههه ميجينيش النعاس وهي رايحة هكذا
هاه كيما ليوم دخلت نطل فاللمة هاني جبت 12:30 هههههه
اياي تصبحي ببخير ختي فيوليتا
سلام

 

[الامين محمد]

هههههههههههههههه
معنها لوكان راكم حاكمين كاش عسة في كاش شركة
هكذا تستافدوا من هته الموهبة هههههههههه
أنا عكسكم تماما في الغالب نرقد بكري و نوض بكري
حدي إذا طولت 11 نتاع الليل و الصباح تقريبا ما تلحقش علي الشمس و أنا راقد

كاين دعاء الارق و كاين دعاء يزيد للإنسان صحة في الجسم ديالو
أنا نحافظ عليهم اللي يحب نعلمه هاذ الادعية يخبرني نبعثهم ليه

 

["viola"]

السلام عليكم
اه على الدخلات الاسطورية تقول مايكل جاكسن ماشي مسعودي الله يرحمه هههههه
وين رحتي انت ياه انا كل مرة كيفاه على حساب المورال
كاين يمات جبتها مور العشاء نرقد ههههه
تقول جاج تاع البلاد لي يرقدو بكري هههه
كي كانت العشاء تذن على 9 نصلي ونرق ضربت وحد الشهر هكذاك ههههه
ممبعد تلفلي لبروغرام كامل وليت كل مرةكيفاه
وكاين يمات جبتها ديما مور 12 تاع الليل الطبيب ماينحيهاليش هههههه
ومنذاك نهار بنهار ليوم زعما نرقد بكري غدوا نغرم الثأر ههههه ميجينيش النعاس وهي رايحة هكذا
هاه كيما ليوم دخلت نطل فاللمة هاني جبت 12:30 هههههه
اياي تصبحي ببخير ختي فيوليتا
سلام

و عليكم السلام صحا مليكو
ياخويا نتا لي وينك ني قريب نروح و مدرنا فيها والو ني قصوفات ني تمهبيلات اشفا عليها خخخ
ماعنداك ربي يعاونك خويا ^^
و الله بصحتك جاجة فيها فايدة و لا كادر معلق هههه
ياسيدي حمدلله لي طليت علينا 12 ونص مش حاجة اني نقولك خخخ
صحيت خويا تعيش ^^​

 

["viola"]

هههههههههههههههه
معنها لوكان راكم حاكمين كاش عسة في كاش شركة
هكذا تستافدوا من هته الموهبة هههههههههه
أنا عكسكم تماما في الغالب نرقد بكري و نوض بكري
حدي إذا طولت 11 نتاع الليل و الصباح تقريبا ما تلحقش علي الشمس و أنا راقد

كاين دعاء الارق و كاين دعاء يزيد للإنسان صحة في الجسم ديالو
أنا نحافظ عليهم اللي يحب نعلمه هاذ الادعية يخبرني نبعثهم ليه

ههههه و الله اس عالاقل نخلصوها دراهم شوفلنا كاش معريفة الله الله
و الله بصحتك النوم بكري الله يبارك
هاو حتى نقولولك خويا الامين ههه ها حن على خاوتك بكاش دعاء و تدي دعوة الخير​