مرض بسبب الحزن

[Hakan]

سلام عليكم خاوتي هذي مدة حاب نحكي على حاجة مخوفتني بزاف وقلت بالاك عندكم علم وهي المرض الداخلي بسبب الحزن..
عندها مدة مش بعيدة ساعات تصرالي مواقف نحس صح بمعنى الحزن تغيضني عمري فيهم ولانو عقليتي ما نرجعش وما نخرجش واش كاين في قلبي مؤخرا رجعت نحس بألم فضيع في المعدة وبعض الاعضاء الداخلية وكي نقلكم فضيع يعني فضيع كنت نسمع بناس تموت من الحزن بصح ما كنتش نتخايل انو رايح يصرالي هك وصراحة توسوست مالغري واحد كوراج وكلش بصح سبحان الله القلب لحمة كيما يقولوا
مهم رجعت كي نحزن على مثلا جاست دارهالي عزيز ولا يجرحني واحد بكلمة مش مليحة نحس بألم فضيع حتى وحد نهار صدقوني غير قعدت شاد كرشي من السطر والبروبلام ماعنديش أمراض معدة حمد لله ناكل مليح بصح الالم هذا كي عاد يرتبط بالحالة النفسية تاعي وسوسني كاش نصائح ما تبخلونيش.. ​

 

[أم أُنٌَيسة]

السلام عليكم ورحمة الله وبركاته
اعاني من نفس المشكل
طهور ان شاء الله
تحياتي احترامي وتقديري
في امان الله وحفظه

 

[Hakan]

السلام عليكم ورحمة الله وبركاته
اعاني من نفس المشكل
طهور ان شاء الله
تحياتي احترامي وتقديري
في امان الله وحفظه

ربي يشافيك يأختي ويشافينا كامل طهور ان شاء الله نشوفوا مع الإخوة بالاك كشما ينصحونا

 

[أبو عاتكة]

السلام عليكم.

غضب أو حزن ؟

 

[Hakan]

السلام عليكم.

غضب أو حزن ؟

غضب وحزن وكلش
بدات من وحد نهار تقلقت من إنسان قريب غاضتني لدرجة ما تتصورش
قعدت شادها حتان نص ليل جاني سطر عظيم حتى عدت نشهد قلت لحقت للموت هيا ومن بعد بكيت ريحت ممكن ناس تقلك كفاه يبكي بصح ربي عالم واش صرالي ذاك نهار والبكاء مش عيب..

 

[sanaya]

سلام عليكم خاوتي هذي مدة حاب نحكي على حاجة مخوفتني بزاف وقلت بالاك عندكم علم وهي المرض الداخلي بسبب الحزن..
عندها مدة مش بعيدة ساعات تصرالي مواقف نحس صح بمعنى الحزن تغيضني عمري فيهم ولانو عقليتي ما نرجعش وما نخرجش واش كاين في قلبي مؤخرا رجعت نحس بألم فضيع في المعدة وبعض الاعضاء الداخلية وكي نقلكم فضيع يعني فضيع كنت نسمع بناس تموت من الحزن بصح ما كنتش نتخايل انو رايح يصرالي هك وصراحة توسوست مالغري واحد كوراج وكلش بصح سبحان الله القلب لحمة كيما يقولوا
مهم رجعت كي نحزن على مثلا جاست دارهالي عزيز ولا يجرحني واحد بكلمة مش مليحة نحس بألم فضيع حتى وحد نهار صدقوني غير قعدت شاد كرشي من السطر والبروبلام ماعنديش أمراض معدة حمد لله ناكل مليح بصح الالم هذا كي عاد يرتبط بالحالة النفسية تاعي وسوسني كاش نصائح ما تبخلونيش.. ​

سلامتك من المرض
الحالة تاعك لازم تعالجها قبل ما تتفاقم دوك نقلك السبب تاعها
أنا كنزعف كنتقلق يوجعلي كرشي و رجليا رحت شفت الطبيب قالي معندك والو رحت عند امرا ترقي قاتلي تتقلقي وصح كنتقلق يوجعوليا رجليا حتى نولي منقدرش نمشي علاه باسكو كنزعف و لا نحزن مانهدرش كما تقولو نخليهالي فقلبي وهاذي ماشي مليحة علاهاتر كشغل طاقة سلبية راك تخزنها في جسمك
و جابلي ربي صرالك هاك باسكو مديفوليش اتسما كتتقلق تخليها فقلبك و كتحزن تخليها فقلبك ماتهدرش و الحل ببساطة لازم تخرج الطاقة السلبية هاذيك و تحكي و لا مكنتش حاب تحكي فأفضل دواء صدقني هي مناجاة الله خرج واش كاين فقلبك كاامل مع ربي سبحانو حتى لو لم تكن متوضئا اجلس على السجاد و ناجي الله بما تشعر به
كما أنه فيه طرق أخرى لطرد الطاقة السلبية كالرياضة مثلا
هذا في حال كانت حالتك سببها الكبت و نحن لم نعهدك هكذا ههههه ربي يفرج يارب و نتمنى نكون فيدتك

 

[لؤلؤة قسنطينة]

السلام عليكم ورحمة الله وبركاته
راني عارفة مليحة علاواه راك تهدر، ونحي من بالك حكاية الموت بعيد الشر
أنا صراحة من شدّة الحزن حكمتني المعدة والقلب، إيه القلب، جبتها أشهر النوم مانقدرش نرقدو من السطر في قلبي
ألم فضيع، كنت نكتفي بقراءة الفاتحة وبعض القرآن عليه، درك الحمد لله ارتحت شوي منو بصح هكاك
وماش كيما كنت بكري، درك نحس الجانب الأيسر تاعي مريض وضعيف مقارنة بالأيمن
الحمد لله على كل حال، ربما ألم المعدة ماقلقنيش بزاف خاطر بلا حزن مالفة بيه بصح القلب وجعني بزاف
وتألمت منو بزاف، خبيت برك الأمر على والديا باه مانشقيهمش ونروح للطبيب، مالا نتا خويا ماتستهزاش
روح شوف طبيب على المعدة يمكن بالدوا تخفف عليك، وإذا جرحتك حاجة إما نحيها من بالك وإذا عندك قدرة على البكاء
ابكي مافيهاش عيب وإلا أجمل حل درك لي يجرحنا نقولولهالو في وجهو، خاطر هاداك التراكم هو لي يجيب المرض
وإلا عوّض الألم تاعك بالصلاة في جوف الليل تحس بالارتياح
استغفر أخي ونحي من بالك حاجة ماتستاهل، علابالي الوضع صعب وكلما نقولو نطيشو ورانا تجينا ضربة أقسى
تحطمنا، لكن ربي أرحم من كل شي والله، فقط أقرا القرآن على موضع الالم وربي يجعلك الشفاء ان شاء الله ويخفف عليك
​

 

[أم أُنٌَيسة]

ربي يشافيك يأختي ويشافينا كامل طهور ان شاء الله نشوفوا مع الإخوة بالاك كشما ينصحونا

واياكم وكل مرضى المسلمين، اللي فيه خير يجيبو ربي ان شاء الله
لا اهتم كثيرا هههههه

 

["viola"]

تشد في قلبك ؟ ..
منعرف منين تجيبو هاذ القدرات
انا ماما كي تقلقني نقولهالها طول علاه عليك يا خويا
العين تذرف و الفم يلوح خخ هكذاك و تقتلني القنطة فما بالك تشدها لداخل
والله كون تخرّج بالاك ميصرالك هاك
اذا صح متقدرش تواجه نورمال ابكي و صلي و اقرا قرآن بينك و بين روحك
نصيحتي متخليش في قلبك و الله راهي تقتل و تلحق حتى لاGواتر بعيد الشر وني نهدر من واقع محيط ..
+ اذا تقدر حول اي حاجة تزعفك حولها لنكتة منعرف انا هبط من قيمتها و لا شوفها سخيفة و تشوف
منعرف ني نهدر على حسابي انا و منعرف
ربي يكون معك و يهني قلبك خيو ماتشوف شر ^^ ​

 

[الامين محمد]

حبيب قلبي حكييم حاس بكل كلمة قلتها و حاس بكلمة فضيع
مريت بكل اللي راك تمر بيه و المشكلة نتاعي أكبر لأني كنت متزوج و عندي بنت في ذاك الوقت
كان عندي أصدقاء أكثر من إخوتي كنت فاتح تجارة عمري ما حسبت أو حاسبتهم يدو كيما يحبوا
كنا نمارس كرة القدم في فريق واحد و كنا نصلي مع بعض و كنا كل حاجة نعملها مع بعض
و في حين غرة لقيت روحي وحدي بل غلقوا عليا كل فرص التنفس و آذاوني بالكلام
أصابني حزن كبير و اعتزلت الناس و بقيت في البيت لشهر كااااااامل و لم أخرج
لا للصلاة و لا ألى الملعب حتى صلاة الجمعة وقفتها
فكرت بزااف و مرضت نفسيا و بدنيا
مرة سمعتهم يلعبوا و يضحكوا حينها قلت لا أحد يمد ليك يده قوم وحدك و كون رااجل بل كن جبل
و وقف و تحدى الجميع و نجح و كبر عقلك و قلبك
رجعت لله و للسنة و للصحابة و جعلتهمخ هم أحبابي
رجعت للرياضة و للمسجد و تعلمت أن الناس تحكي واش تحب و أنا نسمع واش نحب
و تعلمت أنه كلش بالمكتوب و اللي كاتبه ربي لاحق لاحق ليش الحزن
الناس بشر كيفي كيفهم
راح نقول لك حاجة حكيييم فيا كريدي حوالي عشر ملايين و عندي إلتزامات كبيرة من بينها دخول أولادي للدراسة
على الأقل لازمهم زوج ملاين في هاذ الساعة والله لا املك دينار
لكن والله ماني نخمم و لاني حزيين تركت كلش على الله
قاعد نضحك و نلعب لأنه الحزن ماراح يغير حتى حاجة

حبيبي حكييم أسجد سجدة طويلة و تحدث مع الله و ليبكن حبيبك الله
حبيبك لن يخذلك و لن يغدر بك و سيكون معاك في كل الاوقات ستجد السعادة و سيذهب الحزن

 

[الامين محمد]

السلام عليكم ورحمة الله وبركاته
راني عارفة مليحة علاواه راك تهدر، ونحي من بالك حكاية الموت بعيد الشر
أنا صراحة من شدّة الحزن حكمتني المعدة والقلب، إيه القلب، جبتها أشهر النوم مانقدرش نرقدو من السطر في قلبي
ألم فضيع، كنت نكتفي بقراءة الفاتحة وبعض القرآن عليه، درك الحمد لله ارتحت شوي منو بصح هكاك
وماش كيما كنت بكري، درك نحس الجانب الأيسر تاعي مريض وضعيف مقارنة بالأيمن
الحمد لله على كل حال، ربما ألم المعدة ماقلقنيش بزاف خاطر بلا حزن مالفة بيه بصح القلب وجعني بزاف
وتألمت منو بزاف، خبيت برك الأمر على والديا باه مانشقيهمش ونروح للطبيب، مالا نتا خويا ماتستهزاش
روح شوف طبيب على المعدة يمكن بالدوا تخفف عليك، وإذا جرحتك حاجة إما نحيها من بالك وإذا عندك قدرة على البكاء
ابكي مافيهاش عيب وإلا أجمل حل درك لي يجرحنا نقولولهالو في وجهو، خاطر هاداك التراكم هو لي يجيب المرض
وإلا عوّض الألم تاعك بالصلاة في جوف الليل تحس بالارتياح
استغفر أخي ونحي من بالك حاجة ماتستاهل، علابالي الوضع صعب وكلما نقولو نطيشو ورانا تجينا ضربة أقسى
تحطمنا، لكن ربي أرحم من كل شي والله، فقط أقرا القرآن على موضع الالم وربي يجعلك الشفاء ان شاء الله ويخفف عليك
​

سبحان الله أحيانا خاوتنا حاملين جبال و قاعدين يبتسموا
كم أنت كبييررة يا مريم نفتخر بكن

 

[الامين محمد]

سلامتك من المرض
الحالة تاعك لازم تعالجها قبل ما تتفاقم دوك نقلك السبب تاعها
أنا كنزعف كنتقلق يوجعلي كرشي و رجليا رحت شفت الطبيب قالي معندك والو رحت عند امرا ترقي قاتلي تتقلقي وصح كنتقلق يوجعوليا رجليا حتى نولي منقدرش نمشي علاه باسكو كنزعف و لا نحزن مانهدرش كما تقولو نخليهالي فقلبي وهاذي ماشي مليحة علاهاتر كشغل طاقة سلبية راك تخزنها في جسمك
و جابلي ربي صرالك هاك باسكو مديفوليش اتسما كتتقلق تخليها فقلبك و كتحزن تخليها فقلبك ماتهدرش و الحل ببساطة لازم تخرج الطاقة السلبية هاذيك و تحكي و لا مكنتش حاب تحكي فأفضل دواء صدقني هي مناجاة الله خرج واش كاين فقلبك كاامل مع ربي سبحانو حتى لو لم تكن متوضئا اجلس على السجاد و ناجي الله بما تشعر به
كما أنه فيه طرق أخرى لطرد الطاقة السلبية كالرياضة مثلا
هذا في حال كانت حالتك سببها الكبت و نحن لم نعهدك هكذا ههههه ربي يفرج يارب و نتمنى نكون فيدتك

كلامك جدا منطقي سيدتي

 

[الامين محمد]

السلام عليكم ورحمة الله وبركاته
اعاني من نفس المشكل
طهور ان شاء الله
تحياتي احترامي وتقديري
في امان الله وحفظه

أتمنى أنك تمري على ردي على الأخ حكيييم أختي
ربي يكون في العون أختي

 

[الامين محمد]

نسيت حاجة اخرى هته اعراض الاصابة بالعين الي راك تذكر فيها

 

["viola"]

حبيب قلبي حكييم حاس بكل كلمة قلتها و حاس بكلمة فضيع
مريت بكل اللي راك تمر بيه و المشكلة نتاعي أكبر لأني كنت متزوج و عندي بنت في ذاك الوقت
كان عندي أصدقاء أكثر من إخوتي كنت فاتح تجارة عمري ما حسبت أو حاسبتهم يدو كيما يحبوا
كنا نمارس كرة القدم في فريق واحد و كنا نصلي مع بعض و كنا كل حاجة نعملها مع بعض
و في حين غرة لقيت روحي وحدي بل غلقوا عليا كل فرص التنفس و آذاوني بالكلام
أصابني حزن كبير و اعتزلت الناس و بقيت في البيت لشهر كااااااامل و لم أخرج
لا للصلاة و لا ألى الملعب حتى صلاة الجمعة وقفتها
فكرت بزااف و مرضت نفسيا و بدنيا
مرة سمعتهم يلعبوا و يضحكوا حينها قلت لا أحد يمد ليك يده قوم وحدك و كون رااجل بل كن جبل
و وقف و تحدى الجميع و نجح و كبر عقلك و قلبك
رجعت لله و للسنة و للصحابة و جعلتهمخ هم أحبابي
رجعت للرياضة و للمسجد و تعلمت أن الناس تحكي واش تحب و أنا نسمع واش نحب
و تعلمت أنه كلش بالمكتوب و اللي كاتبه ربي لاحق لاحق ليش الحزن
الناس بشر كيفي كيفهم
راح نقول لك حاجة حكيييم فيا كريدي حوالي عشر ملايين و عندي إلتزامات كبيرة من بينها دخول أولادي للدراسة
على الأقل لازمهم زوج ملاين في هاذ الساعة والله لا املك دينار
لكن والله ماني نخمم و لاني حزيين تركت كلش على الله
قاعد نضحك و نلعب لأنه الحزن ماراح يغير حتى حاجة

حبيبي حكييم أسجد سجدة طويلة و تحدث مع الله و ليبكن حبيبك الله
حبيبك لن يخذلك و لن يغدر بك و سيكون معاك في كل الاوقات ستجد السعادة و سيذهب الحزن

و الله قريب نفس الموقف صرا معايا و معندهاش بزاف
المشكلة انو انا من طبيعتي نوااجه لي ضراتو حاجة من جيهتي مذابيا يجي يقولهملي قع و ميخلينيش هاك
ايا و صحبتي كي عقلية حكيم خلاتها في قلبها و خلاتني هاك و انا كي لفحلة ننساااا يعني منديرش في بالي
ممكن نجرح بصح ننسا نرجع عادي و كأن شيئا لم يكن مهم منخليش في قلبي
هي صديقتي العزيزة -_- جبدت روحها و كيما قلت نتا لقيت روحي وحدي و غاضتني صح سيرتو من ميساج لحقني من عندها
بصح انا خيرمنكم في حاجة ههه حتى و كنت فالبيس بكيييييييت بكييييت حتى ختي كانت معايا حشمت بيا خخخ قاتلي الناس راهي تتفرج
و وحد المرا كبيرة شافتني قاتلي وشبيك قتلها مشكل مع صحبتي قاتلي نتوما الGبالا حنان هههههه
مبعد نورمال شديت التيليفون واجهتها قلتلها كللش خرجتلها الكائن هذاك لي كان زعفان منها قاتلي كلش و تضاربنا و ريحنا
نهارات و بعثتلها بسك صح انا كنت غالطة و هدرنا و رجعنا عادي و شكرا ^^
خخخخ تبا فرغت قلبي شكرا لك الامين هاذي الحكاية عندي شحال نحوس نخرجها و معرفتش ويكتاه ههه
العبرة واجهو ا الخاوة متخلوش في قلوبكم -_-
صحيتو​

 

[Hakan]

سلامتك من المرض
الحالة تاعك لازم تعالجها قبل ما تتفاقم دوك نقلك السبب تاعها
أنا كنزعف كنتقلق يوجعلي كرشي و رجليا رحت شفت الطبيب قالي معندك والو رحت عند امرا ترقي قاتلي تتقلقي وصح كنتقلق يوجعوليا رجليا حتى نولي منقدرش نمشي علاه باسكو كنزعف و لا نحزن مانهدرش كما تقولو نخليهالي فقلبي وهاذي ماشي مليحة علاهاتر كشغل طاقة سلبية راك تخزنها في جسمك
و جابلي ربي صرالك هاك باسكو مديفوليش اتسما كتتقلق تخليها فقلبك و كتحزن تخليها فقلبك ماتهدرش و الحل ببساطة لازم تخرج الطاقة السلبية هاذيك و تحكي و لا مكنتش حاب تحكي فأفضل دواء صدقني هي مناجاة الله خرج واش كاين فقلبك كاامل مع ربي سبحانو حتى لو لم تكن متوضئا اجلس على السجاد و ناجي الله بما تشعر به
كما أنه فيه طرق أخرى لطرد الطاقة السلبية كالرياضة مثلا
هذا في حال كانت حالتك سببها الكبت و نحن لم نعهدك هكذا ههههه ربي يفرج يارب و نتمنى نكون فيدتك

نعم الكبت شيء فضيع كي يخليه الواحد يتراكم حتى انو قلت كاش نهار يصيبني مرض خبيث بعيد الشر
مالغري والله مكانش انسان متفآئل كيفي لكن ديما ديما راجل يطيح ويضعف باش يحس بالانسانية نتاعو مشكلة الكبت انو الانسان ما يقدر يفضفض واش كاين في قلبوا حتى والديك كي تشوف همومهم تسكت وتقول فوتها ولكن الحمد لله على نعم ربي سبحانه وكيما قلت من أسباب الراحة طاعة ربي سبحانه ربي يهنيك ختي وبارك الله فيك.. ​

 

[Nesserinenono]

سلام عليكم خاوتي هذي مدة حاب نحكي على حاجة مخوفتني بزاف وقلت بالاك عندكم علم وهي المرض الداخلي بسبب الحزن..
عندها مدة مش بعيدة ساعات تصرالي مواقف نحس صح بمعنى الحزن تغيضني عمري فيهم ولانو عقليتي ما نرجعش وما نخرجش واش كاين في قلبي مؤخرا رجعت نحس بألم فضيع في المعدة وبعض الاعضاء الداخلية وكي نقلكم فضيع يعني فضيع كنت نسمع بناس تموت من الحزن بصح ما كنتش نتخايل انو رايح يصرالي هك وصراحة توسوست مالغري واحد كوراج وكلش بصح سبحان الله القلب لحمة كيما يقولوا
مهم رجعت كي نحزن على مثلا جاست دارهالي عزيز ولا يجرحني واحد بكلمة مش مليحة نحس بألم فضيع حتى وحد نهار صدقوني غير قعدت شاد كرشي من السطر والبروبلام ماعنديش أمراض معدة حمد لله ناكل مليح بصح الالم هذا كي عاد يرتبط بالحالة النفسية تاعي وسوسني كاش نصائح ما تبخلونيش.. ​

ربي يشافيك و يعافيك انشاءالله

 

[الامين محمد]

و الله قريب نفس الموقف صرا معايا و معندهاش بزاف
المشكلة انو انا من طبيعتي نوااجه لي ضراتو حاجة من جيهتي مذابيا يجي يقولهملي قع و ميخلينيش هاك
ايا و صحبتي كي عقلية حكيم خلاتها في قلبها و خلاتني هاك و انا كي لفحلة ننساااا يعني منديرش في بالي
ممكن نجرح بصح ننسا نرجع عادي و كأن شيئا لم يكن مهم منخليش في قلبي
هي صديقتي العزيزة -_- جبدت روحها و كيما قلت نتا لقيت روحي وحدي و غاضتني صح سيرتو من ميساج لحقني من عندها
بصح انا خيرمنكم في حاجة ههه حتى و كنت فالبيس بكيييييييت بكييييت حتى ختي كانت معايا حشمت بيا خخخ قاتلي الناس راهي تتفرج
و وحد المرا كبيرة شافتني قاتلي وشبيك قتلها مشكل مع صحبتي قاتلي نتوما الGبالا حنان هههههه
مبعد نورمال شديت التيليفون واجهتها قلتلها كللش خرجتلها الكائن هذاك لي كان زعفان منها قاتلي كلش و تضاربنا و ريحنا
نهارات و بعثتلها بسك صح انا كنت غالطة و هدرنا و رجعنا عادي و شكرا ^^
خخخخ تبا فرغت قلبي شكرا لك الامين هاذي الحكاية عندي شحال نحوس نخرجها و معرفتش ويكتاه ههه
العبرة واجهو ا الخاوة متخلوش في قلوبكم -_-
صحيتو​

هههههههههههههه يااا مجرمة
شد أنتباهي كلمة القبالة اتوقع من جيهة البيض الله أعلم

أنا مارجعتش لصحابي و افترقنا و لحد اليوم كل واحد في حدو أصدقائي هم ربي أولا و ديني
ثم زوجتي و أولادي و أهل اللمة بصدق نحبهم و نموت عليهم كلهم كلهم ربي يخليهم ليا
أما في الواقع ماعنديش صديق مقرب و كل واحدج يحاول يقرب لي نعمل ليه حد و ما نخليهش يقربلي

 

[rycerz]

هذا نتا !!!!! ؟؟؟ .. يا خويا ما كنتش حاطك حساس هكذا ... و لكن صح معاك حق مرّات تصرا
---
نصيحتان :
1- نصيحة على المدى القريب :
نقّص الماكلة هاذ ليامات، و كون تصيب غير الخضر و الفواكه و الماء لمليح برك .. و تمدّد كلما تلقى فرصة باش يقل الظغط على القلب .. تجنب الأماكن لي فيها الجو مكهرب و لي فيها ناس ثقال (ممكن التفسح في الخلاء أفضل) .. أعمل على تشريح الحدث و تفكيك خلفياته دون نزع الصفات الإنسانية من الشخص أو الأشخاص لي نشعوك (حتى لا تسرف في فكرة الإنتقام) .. لا تنسى أن هذه الحادثة هي في الحقيقة لصالحك لأنها كشفت لك حقيقة أولاءك الأشخاص (جات فالصغيرة خير من في لكبيرة) .. يعني راك كشفت مواقع الألغام و تهنّيت منهم .. جات منهم خير من جات منك (هوما لي ظالمين ماشي نتا) .. ليكن في علمك : الحزن أفضل من الغضب .. الغضب شيء سيء جدا جدا جدا .. إن لم تتمكّن من إيقاف غضبك حوله نفسيا إلى حزن فذلك أفضل لصحّتك (الحزن يثبط عمل الجسم بنسبة ما أمّا الغضب فيهدّم الأعصاب و كامل الجسم) .. إحذر من عزّة النفس المبالغ فيها ... إسرح بخيالك في أفكار إيجابية و أحلام و أمنيات جميلة تذكّر ذكريات جميلة .. و أعلم أنو كل شيء يفوت .. و الضربة لي ما تحطمك تقوّيك.

2 - نصيحة على المدى البعيد :
أحكم قلبك هاذاك حطّو على الطابلة و جر عليه بالموس .. لازمك تقسى من لعباد .. يلزم مع ليام وحدة وحدة حتى ترجع جدرة و حلّوف !!!! .. (هذا أفضل دوا قدرت عليه أنا).
ما تخافش ماكش رايح تفقد إنسانيتك خاصة مع لي يستاهلو حبك و ودّك .. غير يقدمو ليك و تعرفهم رايح ترجع معاهم حنين بشكل لا يوصف !!!! .. تعرف علاش ؟؟ .. لأنو كل طاقتك العاطفية كنت مبلّع عليها الباب حتى يجو لي يستاهلو فإذا بيك لما تفتحلهم قلبك رايح تكون معاهم بشكل عاطفي و انساني عجيب.

 

[Hakan]

السلام عليكم ورحمة الله وبركاته
راني عارفة مليحة علاواه راك تهدر، ونحي من بالك حكاية الموت بعيد الشر
أنا صراحة من شدّة الحزن حكمتني المعدة والقلب، إيه القلب، جبتها أشهر النوم مانقدرش نرقدو من السطر في قلبي
ألم فضيع، كنت نكتفي بقراءة الفاتحة وبعض القرآن عليه، درك الحمد لله ارتحت شوي منو بصح هكاك
وماش كيما كنت بكري، درك نحس الجانب الأيسر تاعي مريض وضعيف مقارنة بالأيمن
الحمد لله على كل حال، ربما ألم المعدة ماقلقنيش بزاف خاطر بلا حزن مالفة بيه بصح القلب وجعني بزاف
وتألمت منو بزاف، خبيت برك الأمر على والديا باه مانشقيهمش ونروح للطبيب، مالا نتا خويا ماتستهزاش
روح شوف طبيب على المعدة يمكن بالدوا تخفف عليك، وإذا جرحتك حاجة إما نحيها من بالك وإذا عندك قدرة على البكاء
ابكي مافيهاش عيب وإلا أجمل حل درك لي يجرحنا نقولولهالو في وجهو، خاطر هاداك التراكم هو لي يجيب المرض
وإلا عوّض الألم تاعك بالصلاة في جوف الليل تحس بالارتياح
استغفر أخي ونحي من بالك حاجة ماتستاهل، علابالي الوضع صعب وكلما نقولو نطيشو ورانا تجينا ضربة أقسى
تحطمنا، لكن ربي أرحم من كل شي والله، فقط أقرا القرآن على موضع الالم وربي يجعلك الشفاء ان شاء الله ويخفف عليك

والله يااختي من بين الاشياء اللي تخليني نفرغ هو تواجدي في اللمة ومعاكم كون ماراني نحكي معاكم كون راني متت ذاك نهار..
الألم صح مغاير، تماما سبحان الله ديفوا ناكل حار ولا حاجة مش مليحة للمعدة ما تضرنيش و قبيل ونا نكتب في الموضوع ناضلي سطر حددت المركز تاعو في فم المعدة وقريت بزاف انو من اسباب القرحة المعدية الحزن والقلق حتى الامراض الخبيثة سببها الحزن والبروبلام الأكثر انو لحظات الحزن قليلة عندي يعني قليل وين تصرى حاجة هكاك تقيسني والبربلام أنو كي تجي تجين قاسحة من الكبار ههههه
والحمد لله رب مافيه غير الخير ربي يهنيك ختي وبارك الله فيك كلامك ريحني.. ​