السلام عليكم اختي ربي يقدملك اللي فيه الخير
أختي اول شي عليك بصلاة الاستخارة فهي لا تخيب و كي تديريها تتطمني بأن أي قرار تتاخذيه ربي راح يجعل فيه الخير . تمنيت لو خبرتينا عن اختصاصك لان ماشي كل الاختصاصات تلقاي فيها خدمة بسرعة يعني ممكن يروح العريس و انت تقعدي بلا خدمة ثلاث سنين تعودي تقولي يا ليتني تزوجت و جبت ولاد و ثاني شي اذا خدمتي اكيد مش راح تخدمي من عامك الاول في منصب يناسب مؤهلاتك يعني رح ترضاي فقط بأي منصب حتى تكوني خبرة باه يعودو يجوك مناصب شغل تليق بمؤهلاتك و حتى اذا وافق خطيبك على انك تخدمي اكيد رح يشترط عليك ان الخدمة تكون مناسبة يعني مش رح يوافق تتمرمدي ولو مقابل تكسبي الخبرة يعني منين تدوريها رح تخسري . الا اذا كنتي ضامنة خدمة و منصب يليق من يومك الاول فهنا قوليلو نخدم باه نوجد جهازي و نعاون والديا في الجهاز و منين نزوجو و نجيبو اولاد نبطل . ولما تزوجو انت شوفي مع روحك اذا صح خدمتك مخليتك تفرطي في دارك و اولادك بطلي واذا لا هو الاول رح يخليك تكملي.
نصيحتي ليك مادامه وافق انك تكملي قرايتك كملي ماستار و دوكتورا و قري في الجامعة لانه انا نشوفو انسب حل للفتاة المتزوجة
تذكري اختي كل هذه حلول باش تحافظي على هذا الانسان في حياتك وليست باش تحافظي على الخدمة في حياتك لان الخدمة يجي نهار و يخرجوك تقاعد اما الزوج فيبقى معاك طول حياتك .
و ربي يقدملك اللي فيه الخير
السلام عليكم
