دعوا الخلق للخالق!

[Omaar Zengarr]

الطفلة_السمينة لي ضحكتو عليهـا راهي دير في ريجيم و حارمـة روحها باش تسلم من كلامكـم ...
و الطفلة الكـحلوش اللي عقدتوهـا راهي تستعمل في حاجات تضرها بااش تولي بيضاء بااش تقبلوها ....
و القصيـرة راهي مكسرة عظـامها با Talon باش ما تَحرشوش بيـها ..
و الـعازبة.. حرَمت روحـها من الاعرااس ! و المناسبات بااش ما يجرحوهـاش على الزواج .....
و هذاك الطفـل الزواالي اللي ذليتوه و ضحكتو على لبستو ولا يسـرق باش يلبس كيفكم و ماتضحكوش علـيه !!!
علاش ! مخلييّــن حياتكـم و عاايشين حيااة الغاشي ؟
علاش ما تلتهاوش برواحـكم و تخلـو العباد في حالهم ?
بكـلمة وحدة تدمر عبد و ذلو .. اتركوا الخلـق للخالق و تهلاو برواحكم ...كل وااحد وااش عطاه ربـي..

 

[فريد أبو فيصل]

السلام عليكم.
كلام صواب يا سيد عمر ودعوة تحتاج الى صحوة ضمير والى تحكيم عقل وتمكين دين.
موضوعك شابه موضوع الاخ أمين منذ أيام اختلف الأسلوب واجتمع الطلب والمرغوب على ترك الخلق للخالق والالتهاء بتهذيب النفس والتحضير ليوم البعث.
ربي يبارك فيك.

 

[Omaar Zengarr]

السلام عليكم.
كلام صواب يا سيد عمر ودعوة تحتاج الى صحوة ضمير والى تحكيم عقل وتمكين دين.
موضوعك شابه موضوع الاخ أمين منذ أيام اختلف الأسلوب واجتمع الطلب والمرغوب على ترك الخلق للخالق والالتهاء بتهذيب النفس والتحضير ليوم البعث.
ربي يبارك فيك.

ويبارك فيك خويا

 

[sanaya]

وي
كاين شي عباد لسانهم يجرح و معندهمش رحمة فقلوبهم
ميخلو واحد ترونكيل حاسبين الدنيا ليهم مي الواحد ملازمش يقيم هدرة العباد يشوف واش بينو و بين ربي و الباقي ميهمش
بارك الله فيك عمار

 

[Omaar Zengarr]

وي
كاين شي عباد لسانهم يجرح و معندهمش رحمة فقلوبهم
ميخلو واحد ترونكيل حاسبين الدنيا ليهم مي الواحد ملازمش يقيم هدرة العباد يشوف واش بينو و بين ربي و الباقي ميهمش
بارك الله فيك عمار

وفيكِ بارك الله أختي .. واسمي عمر ماشي عمار ??

 

[حلم كبير]

السلام عليكم ورحمه الله وبركاته
أخي إرضاء الناس غاية لا تدرك بكل بساطة
والناس عرفت منذ الأزل بألسنتهم في الماضي كانو في زوايا الشوارع وفي المقاهي وفي المآتم والأعراس واليوم أضف لكل هذه القائمة مواقع التواصل الاجتماعي ،فلا هناك أناس خجلت من ربها وخافت على عرضها وراحو يظهرون أنفسهم مباشرة في هذه المواقع * اللي ما يشتري يتفرج * ووضعو أنفسهم لقمة صائغة في أفواه تلك البشر القابعة خلف الشاشات تنتظر فرائسها
هذا سمين ،لماذا يتكلم هكذا ،بيته ليست مرتبة ،شايف نفسه مغرور ،إيييه عامل فيها طيب وهلم جرا من الانتقادات التي تحس من خلالها أنهم لا ترى عيونهم سوى القبيح سبحان الله
بارك الله فيك
إحترامي وتقديري​