تحويسة فتركيا أرواحو تحوسو معايا

السلام عليكم جميعا
رواد قسم السياحة نداء لطلب الأخ @sami44

ولرغبته في رؤية تركيا وانا قد زرتها قبل 4 سنوات أعلم مدة طويلة ولكن أحتفظ بالصور
وسوف نمر بمراحل سفري من الطائرة للمطار إلى شوارع تركيا
رحلة ممتعة
نبداو هنا راني داخل الطيارة وشوف الخطوط التركية ذيك الطيارة ترد الروح
20140310_111524.jpg



20140310_141248.jpg

20140310_154137.jpg

شفتو جمال المضيفين يا قلبي :love::love::love:

شوف الأكل فالطيارة نتاع الترك يعطوك المينو وتخير مش كنتاع دزاير من بعد نحطلكم تشوفو خطوط جزائرية مقارون نتاع روسول قتلها اسمعي انا مانيش بيد بول فدارنا ماناكلهاش:mad::mad::mad::mad: جرب

20140310_124128.jpg


ذيك الحية المكربعة البيضا الفوق باتيسري يميميميم جامي ننسى مذاقو
وزيد اول ما تركب وتقلع طيارة يجيبولك حلقومة اللي تركيا مشهورة بها كإّستقبال هذيك ما صورتهاش يقولك مخلوعة وانا صح كنت مخلوعة مي كرامتي ما تسمحليش ننخلع قدام البراني غير قدامكم:rolleyes::rolleyes::rolleyes:
طبعا ولا يحلو السفر من غير شاي الترك


20140310_132005.jpg

هذا شاي الطيارة اما نتاع شارع فتركيا ولا أروع يتخمر شاي نتاعهم ينين بزاف ويشربوه بزاف أساسي عندهم
وهنا بدات معالم تركيا تبان من السماء


20140310_155848.jpg


راكم وصلتو لتركيا ونشوف الآن ردودكم وتعليقاتكم كأول مرحلة فالطيارة وتعليقاتكم ورأيكم فالخطوط التركية
ونكمللكم كل الرحلة
إلى الملتقى فرد آخر والصور إن شاء الله
شكرا بصحتكم التحويسة
 
السلام عليكم
ايييه رانا وصلنا للترك مي مستقبلناش مهند هههههههه
بصحتك و الله أنا تاني نتمني نزورها نحبهاااا
ا يا ليليا نجي عندك ونروحوا كيف كيف
ونشوفوا تركيين نتزوجوا بيهم الزين عندهم يا ختي????
في امان الله
 


السلام عليكم ورحمة الله وبركاته
الله الله عليك أختي @ليليا مرام
Maşallah
Çok güzel resimler
إن شاء الله تزوريها من جديد كي اليوم بإذن الله وتفرحي إن شاء الله
إلتقاطك للصور الله يبارك رووووعة
الفرق بين تركيا والجزائر فرق شاسع حدا
الجزائر والخطوط الجوية مكلاه نهدرو عليها كارثة إلا ما رحم ربي
بارك الله فيك على مشاركتك لنا صور رحلتك لتركيا
بوركت أختي
Tanrı sizi korusun
İyi şanslar
 
السلام عليكم
ايييه رانا وصلنا للترك مي مستقبلناش مهند هههههههه
بصحتك و الله أنا تاني نتمني نزورها نحبهاااا
ا يا ليليا نجي عندك ونروحوا كيف كيف
ونشوفوا تركيين نتزوجوا بيهم الزين عندهم يا ختي????
في امان الله
السلام عليكم اختي مليكة واش راكي واش راهي اختنا ام منير هذي غيبة ليها وليك واش راهي تمسان
يه يا مليكة والله يا دراهم تحواس فيها ما خسارة مهما يكونو روعة مازالو تشوف صور اكثر من رائعة
يا زين فالترك يا حوجي يا حوجي واش نقولك ههه تشوفي هذا تنساي لاخر كامل شابين يا اختي والنظافة مازال ما شفتش شعب نظيف كيما هوما الله يبارك
لو كتب ربي نرجع نداوي اوراحي تروحي معايا ماذا بيا تونسيني
انا نتزوج ما نقولش لالا هههه نقعد هناك ما نوليش وانت دبري راسك تقعدي وإلا تولي
شكرا لك أختي
 
كل الشكر لكي ليليا
والله استمتعت وحسيت روحي راكب في هديك الطائرة
اسمع ان الخطوط الجوية الجزائرية رديئة نوعا ما لكن لما نشوف حسن الضيافة لدى الخطوط التركية نحس انو الضيافة في خطوطنا منعدمة تماما:cry::cry:
وهداك الي في ضهر الكرسي تيلي ولا لابتوب عمري ما ركبت الطيارة غير ما تضحكيش:oops:
والصورة الاخيرة كي وصلتو للترك ولا كي قلعتو من هواري عقلت واحد صاحبي كان يروش للطيارة

انتضر صور اخرى انا في المتابعة بلا عرضة نجي :geek:
 
السلام عليكم ورحمة الله وبركاته
ماشاء الله تبارك الرحمان
حسيت روحي سافرت معاك صح ههه
انا نحب السفر بصح نخاف من الطائرة ههه
يسمى ديرولي حل
مانقدرش نتخيل نقعد ساعات في بلاصة تطير في السماء
مانستمتعش مامبا بالرحلة هههه
المهم راني نستنى في الجزء الثاني تاع الموضوع
شوقتينا نشوفو المزيد خاصة أنو دايما نسمعو على جمال تركيا
تحياتي :)


 


السلام عليكم ورحمة الله وبركاته
الله الله عليك أختي @ليليا مرام
Maşallah
Çok güzel resimler
إن شاء الله تزوريها من جديد كي اليوم بإذن الله وتفرحي إن شاء الله
إلتقاطك للصور الله يبارك رووووعة
الفرق بين تركيا والجزائر فرق شاسع حدا
الجزائر والخطوط الجوية مكلاه نهدرو عليها كارثة إلا ما رحم ربي
بارك الله فيك على مشاركتك لنا صور رحلتك لتركيا
بوركت أختي
Tanrı sizi korusun
İyi şanslar
السلام عليكم اخي وحي القلم نورت الموضوع
انا تركيا نعرف مرهبا جونايدن تشكر افندم هههه وراني نتعلم لانو ممكن نطول لو رحت المرة هذي بحكم المستشفى والعمليات هناك نتأخر إذا ربي كتبلي نروح دعولي ربي ييسرها ونرجع ونولي نشارككم كل شي عالمباشر
روعة روعة الترك جميلة جدا
هناك صور رائعة لو أضعها تنفع لخلفيات والله رائعة

الخطوط الهندية خير من الجزائرية راح نحكيلكم من بعد على رحلتي للأردن للعلاج وتشوفو الكوارث فالخطوط الجوية والله لا تبهديل فالطيارة
فيك بارك الله اخي وشكرا لك
 
كل الشكر لكي ليليا
والله استمتعت وحسيت روحي راكب في هديك الطائرة
اسمع ان الخطوط الجوية الجزائرية رديئة نوعا ما لكن لما نشوف حسن الضيافة لدى الخطوط التركية نحس انو الضيافة في خطوطنا منعدمة تماما:cry::cry:
وهداك الي في ضهر الكرسي تيلي ولا لابتوب عمري ما ركبت الطيارة غير ما تضحكيش:oops:
والصورة الاخيرة كي وصلتو للترك ولا كي قلعتو من هواري عقلت واحد صاحبي كان يروش للطيارة

انتضر صور اخرى انا في المتابعة بلا عرضة نجي :geek:
السلام عليكم اخي سامي

الموضوع كان بفضلك الصراحة عندي عدة صور ونسيت نحطلكم موضوع
ياو سقسيني انا عالخطوط الجزائرية بحكم رحت للأردن مرتين فيها لانو مال قليل وتقشف إضطريات نروح معاهم في حياتي ما نعاودها لو ندير الطاسة عند جامع ونلم داهم خطوط اخرى ههههه ولا نروح معاهم فضاضيح ماشي ماكلة ماشي إستقبال طيارة ما تحكيش من ركبت وانا نشهد ذنوبي طامل تفكرتهم ياو تزعزع تتقرع يا خويا تقول ضربت اللوبيا قبل ما تقلع يا حفيظ يا ستار من نركب وانا نشهد حتى ننزل وكي تجي تنزل تنقلب راهي فكرش يماها يا يمى بالطفارة ما نزيد نركب فبيها


الترك تلقى كابتن الطيارة واقف مع مضيفات ما نحكيلكش على الجمال انا وصلت للباب ونلقى ذاك الزين فتحت فمي هو يقولي مرهبااا وانا نقولو هااااااا هههه فمي رجع باركينغ للذبان من خلعة زين يقتل احم احم اواه خلوني مانيش نتغزل راني نقول فالحق
ويديك المضيف لبلاصتك ويتبسم ويشوف مثلا مريض يقد فخدمتو رايح جاي
ويبدا الترحيب بالحلقومة حتى تنزل يشكروك ويقولولك نتمنى نكونو خدمناك مليح اه يا قلبي نتاع دزاير يوصلو مدقدقين مشنفين يسرقو فالماكلة ساشيات والكابات يوجودو فيهم الجرب
اللي فالكرسي تابلات لاصقة ذيك الطابات فيها افلام عديدة تخير وعندك كتمان على جنب الكرسي

فيها افلام واغاني وقرآن إنت اختار واش تحب تتفرج والا تسمع ما تطفى ما تنحرق ونزيدك فيها افلام جديدة وحصرية جدا تدي مع فيلم 3 ساعات او ربعة حسب الرحلة حتى تسمع استعدوا للنزول روعة ما تحسش بالوقت

عادي خويا حتى انا كانت هذيك اول رحلة فحياتي بزاف ما سافروش
ان شاء الله تسافر ونكون مرشد سياحي نوريلك كلش فالترك نعرفها مليح منا نوريلك وين تروح وواش دير واحسن فندق والتصريف وكلش
هذيك كي وصلت للترك واش نصور فمطار هواري اللي ما فيه حتى تصويرة لهواري يرحم والديك
صورت وصولي لمطار اتاتورك
شكرا سوف اضع الصور تدريجيا
 
السلام عليكم اخي وحي القلم نورت الموضوع
انا تركيا نعرف مرهبا جونايدن تشكر افندم هههه وراني نتعلم لانو ممكن نطول لو رحت المرة هذي بحكم المستشفى والعمليات هناك نتأخر إذا ربي كتبلي نروح دعولي ربي ييسرها ونرجع ونولي نشارككم كل شي عالمباشر
روعة روعة الترك جميلة جدا
هناك صور رائعة لو أضعها تنفع لخلفيات والله رائعة

الخطوط الهندية خير من الجزائرية راح نحكيلكم من بعد على رحلتي للأردن للعلاج وتشوفو الكوارث فالخطوط الجوية والله لا تبهديل فالطيارة
فيك بارك الله اخي وشكرا لك

وعليكم السلام ورحمة الله وبركاته
دعواتنا لك دائما متواصلة في ظهر الغيب أختي الفاضلة
ربي يشافيك ويعافيك إن شاء الله
وربي يعطيك صحة جديدة بإذن الله وتريحي كامل إن شاء الله
الترك الله يبارك روعة ولغتهم جميلة جميلة جدا وسهلة للتعلم
صدقت الخطوط الهندية أفضل من الجزائرية
ههههه تاع بلادنا إذا حكينا عليها كوارث والله
إلا ما رحم ربي
ولي يصرا داخل الطائرة مانحكوش عليه تبهدايل بزاف
إذا حكينا عليه ما نكملوش الهدرة قاع
بإنتضار صور رحلاتك المتبقية بإذن الله
بارك الله فيك أختي
وفقك الله



 
السلام عليكم اختي مليكة واش راكي واش راهي اختنا ام منير هذي غيبة ليها وليك واش راهي تمسان
يه يا مليكة والله يا دراهم تحواس فيها ما خسارة مهما يكونو روعة مازالو تشوف صور اكثر من رائعة
يا زين فالترك يا حوجي يا حوجي واش نقولك ههه تشوفي هذا تنساي لاخر كامل شابين يا اختي والنظافة مازال ما شفتش شعب نظيف كيما هوما الله يبارك
لو كتب ربي نرجع نداوي اوراحي تروحي معايا ماذا بيا تونسيني
انا نتزوج ما نقولش لالا هههه نقعد هناك ما نوليش وانت دبري راسك تقعدي وإلا تولي
شكرا لك أختي

ههههه اييييه ليليا الزين عندهم خلاص نروح معاك
وختي ام منير راها بخير تعيشي
ربي يشفيك ويحميك
سلااام
 
السلام عليكم.
الطائرة مرآة كل بلد.
الرحلة في الطائرة تعطيك الصورة التي ستكون عليها البلد اذا كان البلاد منظمة وتحترم العباد راح يكون كل شيء منظم واذا كان الداب راكب مولاه كيما بلادنا فالطائرة نتاعنا اذا طارت في السماء هذا بحد ذاته معجزة وإنجاز كبير واذا حطولك المقارون فهذا كرم كبير اذا مقالولكش هاهي الكوزينة وهاو الموس نقي البصلة و البطاطا وطيب واش تحب مناش لاهيين بيك الموظفين راهم مڨيلين والبيلوط راه يدّوش وكي نوصلو لدزاير ماذا بيكم تعيطولنا..( لاري ..ياو لاري ..ياااااالشيفور يرحم والديك رانا فتنا دزاير..):eek:

تغيضك دزاير بلاد فيها كل خير ويعاملوا فيها باحتقار واهمال وفالحين فقط بالنهب وإذلال الشعب. حاجة ماتعجب.
المهم يعطيك الصحة اللي شاركتينا هذه الصور من داخل الصورة رغم أنها ذكريات لألم مستمر إلا أنها أيضا ذكريات جميلة لمناظر تشرح الصدر تستاهل الاحتفاظ بهذه الالتقاطات.
تركيا من البلدان اللي تستاهل السفر ليها.
دعينا من صور طيارات دزاير متعينا بصور تركيا والاردن.
ربي يبارك فيك(y)
 
راح نكملو الصور
بعدما وصلت للوتيل الشوق ولانو ولا مرة شفت تركيا غير فالمسلسلات وليت لازم نطبق واش شفت فالأفلام وللنطلق
والشتا والبرد ووالو انا ما نراطيش تفضلوا معايا
هنا فمنطقة أمنينو وصلت ورحت نقطع حتى نروح لسوق بيازيت جيت من منطقة أكسراي وين كنت ففندق هناك وهو خط مستقيم يحبسك فعدة اماكن امام بعضها وأخرها تقسيم وسط إسطنبول


20140311_130623.jpg



20140311_131302.jpgهنا لما وصلت لتقسيم وهي وسط إسطنبول


20140311_092614.jpg

قبل ما نوصل لتقسيم نزلت فأمينينو وين العبارات والتحواس ويا الله نديكم جولة فالبحر البسفور روعة روعة تفضلوا
IMG_20140311_115730.jpg



هذي العبارة ركبتها ما تشوفوهاش كبيرة تقولو غالية لالا 12 ليرة تركية تحويسة مدة تقريبا ساعتين حسب الجو انا كانت الشتا وعندي فوبيا من الغرق وقلت نركب لو نموت تفضلو للصور والتحواس وشوفوها من داخل واش فيها
IMG_20140311_144219.jpg


ايه فيها كافيتيريا واش تحب تشري يسموها السياحة فتركيا الرفاهية بلاما تدي مناك دراهم كبار لاتاي وبقلاوة وإلا عصائر وشيبس وبوراك عندهم واسمو بورك مشهورين كل الانواع رخيص مش غالي اكل عادي كيما هنا والآن مع صور من داخل العبارة

20140311_163951.jpg
هذا متحف مشهور جدا في تركيا


20140311_163129.jpg

20140311_170626.jpg


20140311_170654.jpg

20140311_171113.jpg

بنات هذا هو قصر نور ومهند الأبيض الكبير وجانبه البواخر الخاصة
وبجانبه بيت الفنانة هزال المعروفة بفريحة


IMG_20140311_160059.jpg
20140311_162642.jpg

نكمل في رد اخر لكثرة الصور
 

المرفقات

  • 20140311_170722.jpg
    20140311_170722.jpg
    732.7 KB · المشاهدات: 0
  • 20140311_163129.jpg
    20140311_163129.jpg
    715.7 KB · المشاهدات: 0
  • IMG_20140311_142345.jpg
    IMG_20140311_142345.jpg
    1 MB · المشاهدات: 0
وشكون ميحبش يشوف هاذ البلد ???
رانا ركبنا معاك نسناو نهبطو من الطيارة وننطلقو نشوفو جمال تركيا ?? مشكورة لمشاركتنا هذه الصور
 
ماشاء الله تبارك الرحمان
صور جد جميلة ومناظر رائعة
بصح نقولكم حاجة
طريقة بناء المنازل وكلشي يشبه شوي للجزائر
يعني كاين بعض البنايات تشبه لي عندنا في الجزائر
راني نستنا في الجزء القادم :giggle:
 
هنا اختكم قالك سمعت باللي حوتة كبيرة فاتت على العبارة وراحو صوروها انا شهدت وخلاص ميتة ميتة تخيلت روحي فبطن احوت لحقت مع اخرها ما نعرف واش يسموه يا جدكم تقولي جناح طيارة راح نحطلكم فيديو كي كانت تعوم ركابيا فشلو
هنا فآخر العبارة رحت نصور


20140311_173508.jpg

شناوة وين نروح لاصقين فيا لكنهم طيبين جدا

IMG_20140311_150609.jpg

أشربو معايا الجو معصور من شينة ديركت روعة مذاق يميميم

20140311_171447.jpg


هنا رجعنا لشط أمينينو وراح نقولكم البواخر الذهبية هذيك معاها قراصنة اي نعم وتعرفو علاه
روعة روعة من أجمل ذكريات مرت عليا هي بواخر هذي والقراصنة وأكلة السمك المشوي و منظر القراصنة
روعة إنتظروني فالردود الجاية نشرح أكثر


IMG_20140311_145103.jpg
 
درتلك الكوراج يا وحد المشحاحة عندك كامل هد الصور ومخبيتهم الكارت ميموار كرهت منهم خلي الغاشي يستمتع
مواضيعك كامل ماهمش يبانو قدام هد الموضوع حييتيلنا منتدى السياحة عندي مدة ما دخلتوش
المهم والله صور مدهشة والجميل انها من تصويرك تستحقين عليها وسام بلا مجاملة
وانا اندهشت رغم اني احب صور تركيا ونشوفها فقوقل منين داك لكن هده عندها طعم خاص ودرك عرفت علاش الترك هربو علينا في مجال السياحة
صورة المتحف مقلوبة قلبت ليكرون باش شفتها مليح
سوف انتضر الصور القادمة

كل الشكر لكي ليليا والله تحويسة امام البيسي وكأني في التوب كابي
 
درتلك الكوراج يا وحد المشحاحة عندك كامل هد الصور ومخبيتهم الكارت ميموار كرهت منهم خلي الغاشي يستمتع
مواضيعك كامل ماهمش يبانو قدام هد الموضوع حييتيلنا منتدى السياحة عندي مدة ما دخلتوش
المهم والله صور مدهشة والجميل انها من تصويرك تستحقين عليها وسام بلا مجاملة
وانا اندهشت رغم اني احب صور تركيا ونشوفها فقوقل منين داك لكن هده عندها طعم خاص ودرك عرفت علاش الترك هربو علينا في مجال السياحة
صورة المتحف مقلوبة قلبت ليكرون باش شفتها مليح
سوف انتضر الصور القادمة

كل الشكر لكي ليليا والله تحويسة امام البيسي وكأني في التوب كابي
اهلا اخي سامي
والله شعال من مرة نقول نحطهم وننسى وانت درتلي الكوراج اليوم

يبانلي موضوع عادي لا يستحق كل هذا التقدير منكم بارك الله فيكم
نعم والله صوري ومن تصويري كاميرا هاتفي اللي هي فعلا ممتازة
تركيا هاربين فالسياجة فكل شيء لاتزال لي صور فمستشفيات وفالفندق وتشوفو الفرق وعلاه السواح يروحو ليها كيفاه كان بلد ولا وحد سمع بيه اليوم رجعت مقصد كل الزوار
صورة المتحف ما نعرف علاه تقلبت جربت مرارا تخرج مقلوبة
انتظروا كل الصور
كل الشكر لك الفضل يعود لك بارك الله فيك
 
من يعرف كيف أضع فيديو
رائع جدا لا تفوتوه من يعرف الطريقة يخبرني
 
من يعرف كيف أضع فيديو
رائع جدا لا تفوتوه من يعرف الطريقة يخبرني
هو الاضافة من اليوتيب سهلة اما من الهاتف والميكرو ما عرفتش الطريقة ممكن احد الاداريين يساعدك
جربي خاصية ارفاق الملفات الموجودة في اسفل مربع الرد ممكن تصلح سييت نجربها مي ما عنديش فديو جاهز في البيسي نجرب بيه ممكن تصلحلك
والله اعلم
 
هو الاضافة من اليوتيب سهلة اما من الهاتف والميكرو ما عرفتش الطريقة ممكن احد الاداريين يساعدك
جربي خاصية ارفاق الملفات الموجودة في اسفل مربع الرد ممكن تصلح سييت نجربها مي ما عنديش فديو جاهز في البيسي نجرب بيه ممكن تصلحلك
والله اعلم
جربت واحد الفيديو مي ما صلحش ممكن لانو طويل نجرب واحد خفيف ونشوف
شكرا لك اخي سامي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top