السلام عليكم
اليوم بانتلي نجيب اخي @الامين محمد يجوز البيرمي
لا يحترم اشارات المرور ابدا خاصة اشاره قف
يزدم في كل المواضيع ولا يخرج دون ادراج رد
بالنسبة للسرعة الكونتور عندو مكسر ا ممكن يحوس اللمة في ربع ساعة
معروف بالتجاوز الخطير في الفيراجات تاع اللمة وكثيرا ما يدير حوادث في المنتدى العام لحسن الحض انا متواجد يوميا هناك
انسان طيب وسريع الرد مع كل اشارة حاضر ناضر وبالنواضر
يحب النقاش و للاسف مواضيعوصعاب ومعقدين الي يحب يناقشو يخاف سيرتو في مواضيع الزواج
عندو قطيعة مع منتدى الصور عمري ولا لقيتو تم وهذا بسبب جهله باشارة التوقف الضطراري
مشكلته الكبيرة مع منتدى الالغاز خاصة المشفرة غير نحط لغز يجوه الضياف مسكين
بالنسبة لمحور الدوران او الرومبوان فنان يكون اسفل المنتدى تبعثلو اشارة يدور على رودة
بالنسبة للاعجابات مشحاح بامتياز ما يمدش الاعجاب تقول راه يخلص عليه الدراهم
نجح في الاختبار بنسبة 50/100 والباقي على ليليا اذا تعطيك رخصة السياقة او تعاود الكونكور
ههههههههههههههههه يعطيك العافية خويا ناصر
للمعلومة فقط والله ما نعرف نسوق تعطيني مارسوداس و تقولي اديها نبقى حال فمي فيها ههههههههههه
يعني لا علاقة مع السيارات
راح اقدم الاعذار بلاك يحن قلبك و تمدلي البارمي
اولا بخصوص اشارات المرور تقريبا انا حطني كيما سيارة الاسعاف احيانا لازم نصدم باش نراقب المواضيع و الردود المخالفة
قبل فترة كانت تحدث شجارات في المواضيع و مشادات الآن الحمد لله هذوك الناس تاع المشاكل راحو لكن بقات الخلعة لازم مرة على مرة
الشعب يحس بوجود الامن و المراقبة هههههههههه
بخصوص الحوادث انا نعملها مع ليليا خاطر تغير مني هي كحلوشة و انا ابيض ألماني و عندي عين زرقة و اخرى خضرة و شعري اصفر هههههههههه
بخصوص المواضيع نحب ننوع بين الجد و الهزل و البسيط و المعقد بين العقل و الهبال ما نحبش ستيل واحد
غبت عن الكتابة و الردود لفترة و الله كانت صعبة للغاية بسبب المرض بالمناسبة اعاني من عدة امراض اهمها السكري و الآرني
في الفترة الفائتة وصلت لدرجة ان الاهل ظنو اني راح نموت الحمد لله تجاوزناها ببعض العرج
زيادة على تدريس الاولاد و حقوق الاهل و الواجبات الدينية و شؤون البيت كلها امور يلزمها وقت
بخصوص الصور ما عنديش هاتف راني نفكر اذا لقيت محل للبيع بالتقسيط نشري و الله نحب فن التصوير تلقاني دايما نقرعج خصوصا في موضوع
تاع الصور يحدث الآن
مشكلتي ايضا اني ننسى بزاف نشوف موضوع نقول راح نرجع ليه تلقاني نسيته طول
ههههههههههه بخصوص الاعجابات فعلا ها الآلية نادرا وين نستعملها يعني كي تتحط تتحط في بلاصتها
اما الالغاز و الله نحب نحلها المشكلة لازمها تركيز و انا في البيت يجوني الضياف بزااف ههههههههههههه
و عندي بنوتة صغيرة كل ما نحط القلم و الورقة تعمل عليا هجوم مشااغبة هههههههه و انا ما نحبش نقهرها
أيا ليليا كملي 50 و خليني ندي البارمي هكا نديك تحوسي في تونس من عندي ههههههههههههه
يا جماعة والله مانغير ههههه بالعكس نحب المواضيع المميزة والحصرية
والاقسام لي نحبها صراحة ماش غير الاقسام الأدبية واشوا الادبية فيها المدونات وأنا مدمنة على قراءة مدونات الأعضاء
من اليوم نعود نجي متأخرة نحط الإجابة مباشرة ونروح
