مشكلتي أريد نصيحة أو رأي منكم

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
اولا أشكركم على هاته النفاذة التي وضعتموها لمساعدتنا في ايجاد حل لمشاكلنا
أود ان أطرح مشكلتي هنا علي أجد حل لها منكم و بمساعدتكم و أرائكم
مشكلتي كالآتي :
أنا مخطوبة و خطيبي عسكري انا من ولاية و هو من ولاية اخرى و يخدم في ولاية اخرى كي يكون خدام يحكي معايا بشكل يومي و في كل الأوقات كي ماتكونش عندو لاشارج في لحدمة طبعا لكن كي يروح كونجي لدارهم مايهدش معايا خلاص و قلييل قليل وين يعيطلي و كي نلوموا يقولي انا هكا عقليتي كي نروح لدارنا منحبش نحكي عيت نفهم فيه مافهمت واش كاين و يقولي تقبلي و لا ترفضي حاجتك .
أنصحوني واش ندي معاه ولا كيفاه نتصرف لاني انا توسوست من جهته و حصلت واش ندير و أسكو هذا الامر عادي و لا موش عادي لاني مطلبتش منه يهدر معايا بزاف برك يعيط ويسقسي عليا ميش يتجاهلني طول اليوم .
 
أهلا أختي..
اولا ان لا أراها مشكله بل اراها تضخيم لأمر عادي في قالب المشكلة.
المرأة و الرجل لكل خصوصياته..و طبع الرجل تختلف من رجل لأخر..
هو قالك مايحبش يتكلم في البيت لأنو حسب منظوري ما يحبش يبان لاهلو بلي راه يتكلم.. ممكن يخجل من اهلو هذا ماكان و خاصه اذا كان يتواجد ف البيت بصفة كثيرة.. وهذا امر شائع عند بعض الرجال.
عن نفسي في فتره خطوبتي التي دامت عام تقريبا.. لم اتكلم في البيت قط.. بمعنى ابدااا..ما نقدرش نتكلم قدام أهلي و حتى امام صديقي او أخي المقرب الله غالب كاين رجال هك و كنت متفاهم انا و زوجتي عن هذا الأمر سابقا و الحمد الله.... لكن برا كي نكون وحيد نتكلم بشكل عادي...و الامور ماشيه عادي.
من فضلك أختي احترمي قرارت خطيبك فالأمر جد جد جد جد جد عادي هههه..وما تعمريش راسك بزاف..بالوساوس..ماكان حتي فايده من التخمام السلبي، ما يزيد عليه غير تكسار الراس فالباطل..هناك امور اكبر من هذي و اهم هذي في انتظاركم تحتاح باه تكوني رزينه و صاحبه مسؤلية...
الله يسخر و ربي يتمملكم بالخير ان شاء الله
 
وعليكم السلام ورحمة الله وبركاته
اسال الله ان يرزقك بما تحبين في ما يحب ويرضى لك
اختي الكريمة ان كنت تعرفين هذا الخاطب جيدا وان كنتم قد سالتم عنه جيدا وتعرفونه حتى كونه في ولاية اخرى
فالامر عادي كما قال الاخ يوسف يوجد رجال هكذا
اما ان كنتم لا تعرفونه جيدا فانصحك بان تسالو اكثر وتستفسروا
هنا في سكيكدة توجد عائلة وحدة خذبها واحد من ولاية اخرى وجاب عيلتو زعمة وكل شيء من بعد لما سقساو عليه لقاو انه راه متزوج وانه هديك العيلة اللي جابها استاجرها برك وماهيش عيلتو
واللله يسهلك ويقدملك اللي فيه الخير ان شاء الله يارب
ارجو تقبل مروري
تحيياتي احترامي وتقديري لشخصكم الكريم
في امان الله وحفظه
 
السلام عليكم ورحمة الله وبركاته
ماعندي مانزيد على واش قالو الأخوين جزاهما الله خيرا، خاطر راهم تكلمولك على جانبين رئيسيين في الأمر ومن الواقع، كيما قالت شيماء إذا الشخص هادا ماكانش ثقة بيناتكم وماتعرفيهش وماتعرفيش تربيتو أتأكدي من أمرو وريحي بالك باه تعرفي إذا كاين إشكال في الأمر ولالا خاطر صح كاين عساكر بزاف لي ظهرو متزوجين ووقت الخدمة يجوزو الوقت بالبنات بصح ماشكيتش تلحق للخطبة يعني مادام خطبك يسما صح ناويك للحلال.
وفي نفس الوقت إذا كنتي واثقة فيه مائة بالمائة وتعرفي تربيتو وأخلاقو فكيما قالك الأخ هذا أمر طبيعي، يمكن مشتاق لأهلو يمكن يخجل كيما قالك يمكن دارهم صغيرة ماعندوش وين يحكي معاك، نتي ماتخليش الشك يدخلك وبالأخص في علاقة مهمة كعلاقة الزوج بزوجته، خاطر كن جا حاب يلعب ماشي كي يروح الخدمة يحكي معاك براحة.
المهم درك نتي لي تقدري تقرري وتعرفي الخلل وين خاطر نتي خطيبتو ونتي لي تعرفيه خير منا كامل.
استعيذي بالله من الشيطان الرجيم، وماتخليش الوساوس تفسد عليك حياتك، وربي يهنيك ان شاء الله ويوفقك لكل خير.
 
السلام عليكم ورحمة الله وبركاته الأمر جد عادي مسكين رآه يطول ما يروح لدار حاجة باينة يتوحشهم يتوحش صحابو حومتو خوته بوه مه كامل الناس وزيد كامل على بالنا بلي يعياو بلاك رآه يديها رقاد بلما تكبري الموضوع ربي يهنيك
 
سهام 32، تم حظره "حظر دائم". السبب: مخالفة القوانين / إشهار غير مصرح
اتمنى الاخوات يساعدوني نفسيتي مدمره
 
اتمنى الاخوات يساعدوني نفسيتي مدمره
اهلا و سهلا أختي
تم حذف ردك السابق و الاحتفاط بهذا الرد.
راح نطلب من المشرفات يتهتموا بيك بالتحدث معك فيما يخص امرك و الله المستعان
الله يفرجها عليك ان شاء الله
 
/

السلام عليكم

اختي هذا الحالة متفسرلهالكش اي وحدة

غير لي فاتت بيها .. على كلن تقريبا عملي في نطاق عمل خطيبك هذا وانا ايضا بعيد عن أهلي وفي نظري الامر طبيعي ميستدعيش أنك تكبريه وتوهليه وتفهميه مبفهوم خاطئ فالعسكري غالبا كي يكون في خدمتو يعطي اكبر وقت ليه ليك لانو في نطاق العمل وخصوصا اذا كان يخدم ليلا يقدر يحكي معاك بشكل متواصل ...
وكيما كيفو كيما تقريبا اي شخص يخدم بعيد كي يرجع لاهلو يحب يعكي اكير وقت منو ليه لاهلو واصدقائو سيرتها الام ولاب تاعه .. يرجع متوحش كيما نقولو بلعامية ..

يعني يكون راجع وعلبالو بلي فترة صغيرة وقصيرة لوان يحكي معاك كيما كان يحكي معاك في نظام العمل نظن اغلي وقتو يفوت ليك

وهو كي يرجع يحب يكسر داك روتين لذالك نتي الاحسن مش تزيدي تصيقي عليه الخناق بالعمس حتى ولوكان الامر يزعجك كون الاهتمام تاعو ينقص اتجاهك مي مش معناها ميحبكش ... نتي ديري وضع المتفهمة الريزنة وقليلو ايه عندك الحق شوف يماك يباك خاوتك قاميلتك اخرج دور مع صحابك
حاولي تبينلو انك عاطيتيه كل الحرية بلا متضيقي عليه الخناق وشوفي كيفاش وحدو يعود يعيطلك ..

غالبا وفي اي علاقة وين تكون الانثى مهتمة ياسر ومضيقة الخناق على لي تحبو تحسيه يتهرب او ينفر منها او ينقص اهتمامو ليها .. اما انتي الوضع تاعك باين وملعوم ..


وفقكم الله واياه ..
 
ربي يحسن العون اختي
صح كيما قالولك لازمك تساعفيه وخلاص
علاخطرش هو كي يجيء لدار يحب يبدل الجو نتاع الخدمة ويشوف الاهل نتاعو
باسكو في الخدمة يكون عندو الوقت باش يحكي معاك
مي كي يجيب كونجي نتاعو
ومايكونش عندو الوقت الكافي باش يحكي معاك
صح راك تقلقي روحك غير هاكاك
صح ينقص الاهتمام نتاعو بيك مي ماش تولي انت تخميها حاجة اخرى
ربي يوفقكم ان شاء الله
 
يا أختي كاين رجال هكذا يحب مرتوو يتهلى فيها بصح يبين روحو قدام أهلو بلي ما علابالوش بيها ولا يحشم من دارهم المهم أنت زيني النية و ما تخميش فالأسوء، ربي يجيب الخير.
 
عجّلي بالزواج حتى يطمئن القلب ويعتدل المزاج
 
السلام عليكم
مش مشكلة بتاتا أختي عادي الراجل يحشم يحكي قدام عايلتو مع خطيبتو مزال أصلاً موليتيش مرتو ،متتقلقيش عادي وربي يكملك على خير
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top