عاونونيييي بآرائكم

[الفتاة الاميرة]

السلام عليكم ورحمة الله تعالى وبركاته وبعد
اخواني واخواتي.... اشكر الله على فضله وكرمه انني عشت وتربيت في اسرة جميلة وظروف معيشية جيدة رغم بعض المصاعب والحمدلله ايضا انه رزقني بانسان(خطيبي) طيب معروف بالنسبة لاهلي مصلي خدام وكبير في عقلو يخدم على روحو ويجري بيديه وسنيه باه يبني ويامن حياتي معاه... مشكلتي هي انو انا نعرفو مليح يخدم على روحي وانا من دارنا نحشم لا نقول اشريولي ولا ديرولو ولا مدولي دراهم. ...ودارنا وخصوصا امي قوليلو او لازم يحنيلك على هذه ويمدلك هذي ويوجد هذي انا والله ملييييت وكرهت النقاشاااات معاه ونحس روحي تقول تربيت فالشر... الزبدة انو العقد تاعنا قرب وحنا عندنا فالعقد الخاتم والدراهم باه تتكسا والدراهم حق عشاء وحااااشمة او بالاحرى خايفه نجبد معاه الموضوع ونبان طماعة... خاوتي قولولي في ولاياتكم فالعقد (القران. والفاتحة) كيفاه تديرو وشكرا

 

[زاد الرحيل]

كل ما قالته والدتك صحيح و لازم تتحدثي معاه في هذا الأمر و مكانش حشمة في هذا الأمر
مبروك

 

[لؤلؤة قسنطينة]

السلام عليكم ورحمة الله وبركاته
أولا ألف مبروك عليك حبيبتي، ربي يهنيك ويسعدك ان شاء الله، أما ثانيا فربي يهدينا أجمعين، وأما ثالثا ههه درك ندخل في الموضوع، شوفي عزيزتي ماكاين لا ولاية لا ختها لا بنت عمها، كاين ربي واش قال، وربي ماقالش العقد لازم خاتم وعشاء وتتكسا وتتصدر، هادي كامل ولات عادات تافهة، الناس بكري كانت على زوج دورو يزوجو ولادهم ويعيشو مهنيين، ودرك لازم ذهب الحنة وذهب العرس وخاتم العقد ولازم تتكسا ولازم الكبش، بزاف وماش كل شخص قادر على هاد الامور.
درك نتي علابالي جيتي بين نارين وباه ماتغضبي لا يماك ولا خطيبك كوني في المنتصف، مثلا احكي مع يماك قوليلها يايما طالبة الهنا وطالبة راحة بالي وكي نكون مهنية مع راجلي من بعد يجيو الخواتم والذهب وكلشي يجي وحدو، قوليلها معليش نطبقو على الاقل جزء من العادات ماش كلها، مثلا يجيبلك خاتم العقد وبوكي ورد خلاص الحمد لله والشكر، علاه لازم دراهم الكسوة وكلشي.
وهو تاني اهدري معاه وفهميه بلعقل بلي العادات مثلا تتطلب خاتم نهار العقد باه يكون على دراية بالامر.
انا كيما قلتي والديا نحشم نقولهم اعطيوني الدراهم نشري فمابالك ولد الناس نقولو جيبلي وديرلي بالاخص لما يكون على قد الحال، واش نديرو العادات تاعنا خلات الإنسان ينفر من الزواج ماش يفرح بيه ولا يقرب ليه، ربي يهدينا ان شاء الله، وحاولي ماتغضبي يماك ولا زوجك كوني في النص وخففيها من جهة وفي نفس الوقت تحافظي على راي يماك، وحنا صراحة في قسنطينة يمدو خاتم العقد والورد برك، هادا اذا كاين خاتم والله ماشفيت هههه
المهم ربي يهنيك ويفرحك ان شاء الله

 

[عبدالرؤوف]

السلام عليكم ورحمة الله تعالى وبركاته وبعد
اخواني واخواتي.... اشكر الله على فضله وكرمه انني عشت وتربيت في اسرة جميلة وظروف معيشية جيدة رغم بعض المصاعب والحمدلله ايضا انه رزقني بانسان(خطيبي) طيب معروف بالنسبة لاهلي مصلي خدام وكبير في عقلو يخدم على روحو ويجري بيديه وسنيه باه يبني ويامن حياتي معاه... مشكلتي هي انو انا نعرفو مليح يخدم على روحي وانا من دارنا نحشم لا نقول اشريولي ولا ديرولو ولا مدولي دراهم. ...ودارنا وخصوصا امي قوليلو او لازم يحنيلك على هذه ويمدلك هذي ويوجد هذي انا والله ملييييت وكرهت النقاشاااات معاه ونحس روحي تقول تربيت فالشر... الزبدة انو العقد تاعنا قرب وحنا عندنا فالعقد الخاتم والدراهم باه تتكسا والدراهم حق عشاء وحااااشمة او بالاحرى خايفه نجبد معاه الموضوع ونبان طماعة... خاوتي قولولي في ولاياتكم فالعقد (القران. والفاتحة) كيفاه تديرو وشكرا

وعليكم السلام ورحمة الله.


وجهة نظري ربما قاسية قليلا
الا انها من شاب واعلم كيف هو الشاب حين الخطبة.
خير النكاح اقله مؤونة.

وخير ما يقدمه الشاب هو اخلاقه وحسن عشرته معك
هذا مهرك وهذا تغفل عنه العادات التي بناها البشر وفق ما يميلون اليه.

هو يعمل ويكدح لكي تكونين له سكن
فكوني له سكن واستقرار
مع حسن تصويبك لوالدتك وصبرك عليها
يفرج امرك
.
الشاب الذي يكدح تلك الاموال التي يقدمها انما هي عرقه ودمه
ليس سهلا الزواج في هذه السنوات
فكوني له عونا على الزمان ولا تكوني والزمان عونا عليه.


كلام الناس لا يؤخذ كله ولا يترك كله
انما الصواب.

 

[الفتاة الاميرة]

السلام عليكم ورحمة الله وبركاته
أولا ألف مبروك عليك حبيبتي، ربي يهنيك ويسعدك ان شاء الله، أما ثانيا فربي يهدينا أجمعين، وأما ثالثا ههه درك ندخل في الموضوع، شوفي عزيزتي ماكاين لا ولاية لا ختها لا بنت عمها، كاين ربي واش قال، وربي ماقالش العقد لازم خاتم وعشاء وتتكسا وتتصدر، هادي كامل ولات عادات تافهة، الناس بكري كانت على زوج دورو يزوجو ولادهم ويعيشو مهنيين، ودرك لازم ذهب الحنة وذهب العرس وخاتم العقد ولازم تتكسا ولازم الكبش، بزاف وماش كل شخص قادر على هاد الامور.
درك نتي علابالي جيتي بين نارين وباه ماتغضبي لا يماك ولا خطيبك كوني في المنتصف، مثلا احكي مع يماك قوليلها يايما طالبة الهنا وطالبة راحة بالي وكي نكون مهنية مع راجلي من بعد يجيو الخواتم والذهب وكلشي يجي وحدو، قوليلها معليش نطبقو على الاقل جزء من العادات ماش كلها، مثلا يجيبلك خاتم العقد وبوكي ورد خلاص الحمد لله والشكر، علاه لازم دراهم الكسوة وكلشي.
وهو تاني اهدري معاه وفهميه بلعقل بلي العادات مثلا تتطلب خاتم نهار العقد باه يكون على دراية بالامر.
انا كيما قلتي والديا نحشم نقولهم اعطيوني الدراهم نشري فمابالك ولد الناس نقولو جيبلي وديرلي بالاخص لما يكون على قد الحال، واش نديرو العادات تاعنا خلات الإنسان ينفر من الزواج ماش يفرح بيه ولا يقرب ليه، ربي يهدينا ان شاء الله، وحاولي ماتغضبي يماك ولا زوجك كوني في النص وخففيها من جهة وفي نفس الوقت تحافظي على راي يماك، وحنا صراحة في قسنطينة يمدو خاتم العقد والورد برك، هادا اذا كاين خاتم والله ماشفيت هههه
المهم ربي يهنيك ويفرحك ان شاء الله

شكراً جزيلاً على الرد والله يبارك فيكي وكيما قلتي صح انا بين نارين وبالفعل نحاول نرضي جميع الاطراف وربي يقدرني ولكن انا نحشم نهدر مع امي كيما تقولي اصلا متعطيش الفرصة للكلام واذا صرى واقتنعت تبقى مشنفة وتهدر عليها الى يوم الدين هههههه اماااا بالنسبه لعندكم فقسنطينة اااه يا يما يا يما واش خلاها عليا غير العادات تاع دار جدي بقسنطينة لانو امي قسنطينية وحابة كيما دارو خالاتي واختي ندير انا والله تعبت.... زادت قالتلي اعقدي على روحك بصح الدراهم يحطهم يحطهم اي زبلة وكااارثة اذا دراهم الكسوة والعشاء وما يمدهمش.... قررت نحط حل يرضينا كامل الناس.. هو في تقييمو يشري خاتم تاع عقد بخمسة قلت نقلو اشريه بثلاث ملاين ومليون كسوة ومليون عشاء وربي يهنينا... والله اختي كي نطلب منو دراهم نحس روحي تربيت فالشر مع اني تربيت فالخير والحمدلله.... حتى الحنة تاع العرس اي مصرة على حاجة ذهب وفالعيد (مهيبة)حاجة ذهبببب حتى مرة تغششت وقلتلها كي عدتيو تطلبو غير فالدراهم والذهب يا اما ما قبلتوش بيه كراجل يبني عادة في روحو ولا كي طلبتو الشرط طلبتوه غالي.. ماشي قدام الناس شرطي كذا وتلزو فيا باه يمد شرط خلاف فوق شرطي.... انا والله عييت من التخمام عدت غير نقلهم هيه هيه ومعاه نقلو ابني الدار والشي لاخر ساهل... ونطلب في ربي يجمعنا فالحلال وبلا مشاكل تافهة على ذهب ودراااهم.... وهو وعدني قالي كوني على يقين اني اذا مدرتلكش او صح معنديش قالي مستحيل عندي ونبخلك وبس... وشكراً مجدداً

 

[الفتاة الاميرة]

كل ما قالته والدتك صحيح و لازم تتحدثي معاه في هذا الأمر و مكانش حشمة في هذا الأمر
مبروك

الله يبارك فيكي
ولكن كلش بالمعقول ماش كل ما يقال سواء مني منو من والديا او من والديه هو الصح كاين تشاور كاين قدرة وكاين تفاهم ماش ارواح واهدر ....موقفي صعيب ولا احسد عليه... ربي يهنيك

 

[الفتاة الاميرة]

وعليكم السلام ورحمة الله.


وجهة نظري ربما قاسية قليلا
الا انها من شاب واعلم كيف هو الشاب حين الخطبة.
خير النكاح اقله مؤونة.

وخير ما يقدمه الشاب هو اخلاقه وحسن عشرته معك
هذا مهرك وهذا تغفل عنه العادات التي بناها البشر وفق ما يميلون اليه.

هو يعمل ويكدح لكي تكونين له سكن
فكوني له سكن واستقرار
مع حسن تصويبك لوالدتك وصبرك عليها
يفرج امرك
.
الشاب الذي يكدح تلك الاموال التي يقدمها انما هي عرقه ودمه
ليس سهلا الزواج في هذه السنوات
فكوني له عونا على الزمان ولا تكوني والزمان عونا عليه.


كلام الناس لا يؤخذ كله ولا يترك كله
انما الصواب.

شكرا جزيلاً اخي الكريم كلماتك في الصميم.
......هدفي انو نكون سندو ودعم ليه فحياتو... لو مكنتش نخمم فيه وعليه مكنتش نطرح موضوعي اللي هو وعلى ما اظن في صالحو... كون جات وحدة اخرى كون تقف مع امها وتخمم فالذهب والمال... ولكن حمدالله عندي عقل يخمم ويوازن وانا نعرف ملييييييح الانسان لي معاي واش يكون وواش يسوى.... ربي يخليه ليا ويقدرني ونسعدو.
شكرا مرة اخرى وربي ينورلك طريقك

 

[Hakan]

نشوف فيها عادي جدا... قوليلو على العادات وخلاص..
مالغري اشياء كما هذي نورمالمو والدة الخطيب تاعك او اختو يفهموه فيها هكاك شفت اولاد عمي والشباب الجزائري كامل علابالو بهذا الشيء برك الحاجة لي لازم تعرفيها انو لازم تكون الطلبات في حدود المعقول وعلى حساب قدرة الخطيب تاعك وربي يسهلكم نشالله

 

[لصمتي حكاية]

لي عوده الى المنشور

 

[طموحة]

السلام عليكم و رحمة الله و بركاته
ربي يهنيك حبيبتي و يتمم على خير و يوفقكم لكل خير
الاشكال أصلا أنهم جعلوك حلقة وصل بينهم وبينه و الاصل هاته الامور يتكلم فيها هو منه لوالدك
في كل الأحوال لا تطلعيه على ضغط أهلك و لا أنك تحاولين اقناعهم بالعكس
و أهلك تحججي بأنك في فترة الخطوبة و بأي حق تطلبين منه ؟!
أمك ربما تضغط عليك بحسن النية بعض الأمهات يسمعن الكثير فينتهجن سياسات خاطئة فاعذريها و ان كنت ترين بغير رأيها ...
وافهميها أن هاته الطلبات لا تجعلك غالية القيمة و أن التسهيلات لصالحك قبل صالحه فتحصيل البركة غنيمة
أما عن سؤالك الأمر معندوش علاقة بالمناطق في عائلة وحدة كل شخص كيف يتصرف ..بما يناسب العائلتين وفي حدود المعقول
مسبقا بارك الله لكما و بارك عليكما وجمع بينكما في خير ...ولا تنسي كذلك ان الخاطب في حكم الأجنبي

 

[ناصر dz]

اين نحن من زواج الصحابة والسلف الصالح حين كان زواج على رضى الله عنة من سيدة نساء العالمين
أمر رسول الله ﷺ أن يجهزوا فاطمة، فجُعل لها سرير مشروط ووسادة من أدم حشوها ليف وأرسل رسول الله ﷺ أسماء بنت عميس فهيأت البيت فصلى العشاء وأرسل إلى فاطمة رضي الله عنها فجاءت مع أم أيمن بركة الحبشية مولاته ﷺ حتى قعدت في جانب البيت وعليُّ رضي الله عنه في جانب آخر ثم جاء رسول الله ﷺ بعدما صلى العشاء الآخرة فقال: «أها هنا أخي»؟ قالت أم أيمن: أخوك وقد زوجته ابنتك؟ قال: «نعم، إي هو كَأخي في المنزلة والمؤاخاة فلا يمتنع عليَّ تزويجي إياه بنتي»، ودخل ﷺ وقال لفاطمة رضي الله عنها: «ائتني بماء»، فقامت تعثر في ثوبها من الحياء إلى قعب في البيت، فأتت فيه بماء فأخذه ومج فيه - أي وضعه في فمه ورمى به في القعب، والقعب إناء ضخم كالقصعة - ثم قال لها: «تقدمي»، فتقدمت، فنضح بين ثدييها وعلى رأسها وقال: «اللهم إني أعيذها بك وذريتها من الشيطان الرجيم»، ثم قال: «أدبري»، فأدبرت فصب بين كتفيها، ثم فعل مثل ذلك بعليّ، ثم قال له: «ادخل بأهلك باسم الله والبركة»، وكان مهرها رضي الله عنها 400 درهم فضة، وخرّ عليّ رضي الله عنه ساجدا شكرا لله تعالى.

وكانت وليمة عليّ رضي الله عنه آصعا من شعير وتمر وحَيْس - وهو تمر يخلط بسمن - وقيل: أولم بكبش من سعد وآصع من ذرة من عند جماعة من الأنصار، وكان فرشهما ليلة عرسهما جلد كبش، وكانت سن عليّ يومئذ 21 سنة وخمسة أشهر.

ياليت الناس تاخذ عبرة منهم

 

[الوهم]

اولا حبيبتي الف مبروك على الخطوبة وربي يجمعكم تحت سقف المودة والرحمة يحسن العون شفت حلات بزاف هاكا انا نقولك خطيبك يا حليلو كلش راه يجبد فيه سكن مصاريف دفوع والله غير بزاف ويماك تاني حليلها هدرت النسا مترحمش وراكي عارفة يماك حابتك تكوني بقيمتك قبال خالاتك واهلها يعني دايرة في بالها على قد ما يجيبولك راهم مقيمينك وهادا غلط انا كي كنت مخطوبة راجلي كان كيما خطيبك يكون في روحو مكانش يمدلي خلاص وكنا حاسنين عونو وعدني انو يعوضني والحمد لله كيما كان الحال وكتر والله الرجال مايتحكموش من جيوبهم الرجال يتحكمو من كلمتهم اوقفي معاه بحسن النية وكي تقولك مماك قولها راني قتلو وفوتيها هاك وهاك وربي يجيب الخير

 

[عبدالرؤوف]

اين نحن من زواج الصحابة والسلف الصالح حين كان زواج على رضى الله عنة من سيدة نساء العالمين
أمر رسول الله ﷺ أن يجهزوا فاطمة، فجُعل لها سرير مشروط ووسادة من أدم حشوها ليف وأرسل رسول الله ﷺ أسماء بنت عميس فهيأت البيت فصلى العشاء وأرسل إلى فاطمة رضي الله عنها فجاءت مع أم أيمن بركة الحبشية مولاته ﷺ حتى قعدت في جانب البيت وعليُّ رضي الله عنه في جانب آخر ثم جاء رسول الله ﷺ بعدما صلى العشاء الآخرة فقال: «أها هنا أخي»؟ قالت أم أيمن: أخوك وقد زوجته ابنتك؟ قال: «نعم، إي هو كَأخي في المنزلة والمؤاخاة فلا يمتنع عليَّ تزويجي إياه بنتي»، ودخل ﷺ وقال لفاطمة رضي الله عنها: «ائتني بماء»، فقامت تعثر في ثوبها من الحياء إلى قعب في البيت، فأتت فيه بماء فأخذه ومج فيه - أي وضعه في فمه ورمى به في القعب، والقعب إناء ضخم كالقصعة - ثم قال لها: «تقدمي»، فتقدمت، فنضح بين ثدييها وعلى رأسها وقال: «اللهم إني أعيذها بك وذريتها من الشيطان الرجيم»، ثم قال: «أدبري»، فأدبرت فصب بين كتفيها، ثم فعل مثل ذلك بعليّ، ثم قال له: «ادخل بأهلك باسم الله والبركة»، وكان مهرها رضي الله عنها 400 درهم فضة، وخرّ عليّ رضي الله عنه ساجدا شكرا لله تعالى.

وكانت وليمة عليّ رضي الله عنه آصعا من شعير وتمر وحَيْس - وهو تمر يخلط بسمن - وقيل: أولم بكبش من سعد وآصع من ذرة من عند جماعة من الأنصار، وكان فرشهما ليلة عرسهما جلد كبش، وكانت سن عليّ يومئذ 21 سنة وخمسة أشهر.

ياليت الناس تاخذ عبرة منهم

كرر علي حديثهم يا حادي فحديثهم يجلو الفؤاد الصادي.

 

[الفتاة الاميرة]

ش

نشوف فيها عادي جدا... قوليلو على العادات وخلاص..
مالغري اشياء كما هذي نورمالمو والدة الخطيب تاعك او اختو يفهموه فيها هكاك شفت اولاد عمي والشباب الجزائري كامل علابالو بهذا الشيء برك الحاجة لي لازم تعرفيها انو لازم تكون الطلبات في حدود المعقول وعلى حساب قدرة الخطيب تاعك وربي يسهلكم نشالله

شكرا... ولكن انا مقلتش ميجيبش خلاص ولكن كرهت تحديد اهلي لواش حابين مثللا هو يقلي عندي مليون نمدهولك وهوما يقولو لالا لازم زوج ونص هنا مشكلتي انو لازم وسيف عليه يدير واش يقولو ويحطوني فوجه المدفع مع الراجل

 

[الفتاة الاميرة]

اولا حبيبتي الف مبروك على الخطوبة وربي يجمعكم تحت سقف المودة والرحمة يحسن العون شفت حلات بزاف هاكا انا نقولك خطيبك يا حليلو كلش راه يجبد فيه سكن مصاريف دفوع والله غير بزاف ويماك تاني حليلها هدرت النسا مترحمش وراكي عارفة يماك حابتك تكوني بقيمتك قبال خالاتك واهلها يعني دايرة في بالها على قد ما يجيبولك راهم مقيمينك وهادا غلط انا كي كنت مخطوبة راجلي كان كيما خطيبك يكون في روحو مكانش يمدلي خلاص وكنا حاسنين عونو وعدني انو يعوضني والحمد لله كيما كان الحال وكتر والله الرجال مايتحكموش من جيوبهم الرجال يتحكمو من كلمتهم اوقفي معاه بحسن النية وكي تقولك مماك قولها راني قتلو وفوتيها هاك وهاك وربي يجيب الخير

امين نشالله وربي يهنيك

 

[الفتاة الاميرة]

كون

اين نحن من زواج الصحابة والسلف الصالح حين كان زواج على رضى الله عنة من سيدة نساء العالمين
أمر رسول الله ﷺ أن يجهزوا فاطمة، فجُعل لها سرير مشروط ووسادة من أدم حشوها ليف وأرسل رسول الله ﷺ أسماء بنت عميس فهيأت البيت فصلى العشاء وأرسل إلى فاطمة رضي الله عنها فجاءت مع أم أيمن بركة الحبشية مولاته ﷺ حتى قعدت في جانب البيت وعليُّ رضي الله عنه في جانب آخر ثم جاء رسول الله ﷺ بعدما صلى العشاء الآخرة فقال: «أها هنا أخي»؟ قالت أم أيمن: أخوك وقد زوجته ابنتك؟ قال: «نعم، إي هو كَأخي في المنزلة والمؤاخاة فلا يمتنع عليَّ تزويجي إياه بنتي»، ودخل ﷺ وقال لفاطمة رضي الله عنها: «ائتني بماء»، فقامت تعثر في ثوبها من الحياء إلى قعب في البيت، فأتت فيه بماء فأخذه ومج فيه - أي وضعه في فمه ورمى به في القعب، والقعب إناء ضخم كالقصعة - ثم قال لها: «تقدمي»، فتقدمت، فنضح بين ثدييها وعلى رأسها وقال: «اللهم إني أعيذها بك وذريتها من الشيطان الرجيم»، ثم قال: «أدبري»، فأدبرت فصب بين كتفيها، ثم فعل مثل ذلك بعليّ، ثم قال له: «ادخل بأهلك باسم الله والبركة»، وكان مهرها رضي الله عنها 400 درهم فضة، وخرّ عليّ رضي الله عنه ساجدا شكرا لله تعالى.

وكانت وليمة عليّ رضي الله عنه آصعا من شعير وتمر وحَيْس - وهو تمر يخلط بسمن - وقيل: أولم بكبش من سعد وآصع من ذرة من عند جماعة من الأنصار، وكان فرشهما ليلة عرسهما جلد كبش، وكانت سن عليّ يومئذ 21 سنة وخمسة أشهر.

ياليت الناس تاخذ عبرة منهم
[/QUOT
شكراً على كلامك الجميل كلام ثقله ذهب.... حتى انني ولست اقولها بغرور اعوذ بالله ولكن ولله الحمد انا انسانة مثقفة ونعرف قصص كثيرة عن الدين وعن السيرة النبوية وخصوصا عن الزواج والحياة الزوجية.. فمرة قلتلهم اقلهن مهرا اكثرهن بركة هههههه واش قالولي؟ قالولي هذيك بكري كانو بصح درك كون تهدرها قدامو يستحلاها ويستحلاوها كامل الشباب ويوليو حاطين الزواج ساهل... كون ما تعصريهش درك تدي حقك مرة خلاف مام ما يديرلكش تكوني ديجا طيرتي حقك..... حسيت روحي عايشة حاشاكم فزريبة حيوانات البقاء للأقوى اااااه ربي يقد الشباب ويقدرني على اهلي.... محاباش مشاكل بيناتنا عالتفاهة تاع الدّنيا

 

[الفتاة الاميرة]

السلام عليكم و رحمة الله و بركاته
ربي يهنيك حبيبتي و يتمم على خير و يوفقكم لكل خير
الاشكال أصلا أنهم جعلوك حلقة وصل بينهم وبينه و الاصل هاته الامور يتكلم فيها هو منه لوالدك
في كل الأحوال لا تطلعيه على ضغط أهلك و لا أنك تحاولين اقناعهم بالعكس
و أهلك تحججي بأنك في فترة الخطوبة و بأي حق تطلبين منه ؟!
أمك ربما تضغط عليك بحسن النية بعض الأمهات يسمعن الكثير فينتهجن سياسات خاطئة فاعذريها و ان كنت ترين بغير رأيها ...
وافهميها أن هاته الطلبات لا تجعلك غالية القيمة و أن التسهيلات لصالحك قبل صالحه فتحصيل البركة غنيمة
أما عن سؤالك الأمر معندوش علاقة بالمناطق في عائلة وحدة كل شخص كيف يتصرف ..بما يناسب العائلتين وفي حدود المعقول
مسبقا بارك الله لكما و بارك عليكما وجمع بينكما في خير ...ولا تنسي كذلك ان الخاطب في حكم الأجنبي

شكراً جزيلاً ....نصائحك تهمني

 

[لؤلؤة قسنطينة]

شكراً جزيلاً على الرد والله يبارك فيكي وكيما قلتي صح انا بين نارين وبالفعل نحاول نرضي جميع الاطراف وربي يقدرني ولكن انا نحشم نهدر مع امي كيما تقولي اصلا متعطيش الفرصة للكلام واذا صرى واقتنعت تبقى مشنفة وتهدر عليها الى يوم الدين هههههه اماااا بالنسبه لعندكم فقسنطينة اااه يا يما يا يما واش خلاها عليا غير العادات تاع دار جدي بقسنطينة لانو امي قسنطينية وحابة كيما دارو خالاتي واختي ندير انا والله تعبت.... زادت قالتلي اعقدي على روحك بصح الدراهم يحطهم يحطهم اي زبلة وكااارثة اذا دراهم الكسوة والعشاء وما يمدهمش.... قررت نحط حل يرضينا كامل الناس.. هو في تقييمو يشري خاتم تاع عقد بخمسة قلت نقلو اشريه بثلاث ملاين ومليون كسوة ومليون عشاء وربي يهنينا... والله اختي كي نطلب منو دراهم نحس روحي تربيت فالشر مع اني تربيت فالخير والحمدلله.... حتى الحنة تاع العرس اي مصرة على حاجة ذهب وفالعيد (مهيبة)حاجة ذهبببب حتى مرة تغششت وقلتلها كي عدتيو تطلبو غير فالدراهم والذهب يا اما ما قبلتوش بيه كراجل يبني عادة في روحو ولا كي طلبتو الشرط طلبتوه غالي.. ماشي قدام الناس شرطي كذا وتلزو فيا باه يمد شرط خلاف فوق شرطي.... انا والله عييت من التخمام عدت غير نقلهم هيه هيه ومعاه نقلو ابني الدار والشي لاخر ساهل... ونطلب في ربي يجمعنا فالحلال وبلا مشاكل تافهة على ذهب ودراااهم.... وهو وعدني قالي كوني على يقين اني اذا مدرتلكش او صح معنديش قالي مستحيل عندي ونبخلك وبس... وشكراً مجدداً

اهلا عزيزتي ربي يقدرك ويوفقك ويهنيك ويحلك هاد المشكل وتتزوجي وتتهناي مع راجلك بعيدا عن هذه الخزعبلات.
اما عن العادات فهذه ليست عادات قسنطينة بالمرة، حنا جامي عندنا الراجل يمد حق العشا وحق الكسوة، عندو الشرط وخاتم الخطبة وحاجة ذهب تحني عليها العروسة قادرة تكون لويزة ذهب او مقياس او سنسلة كل واحد ومقدورو، ومن بعد العروسة قبل العرس دير عشاها وحدها بدراهمها ولعريس لغدوة يجيب لعروسة ويدير عشاه بدراهمو جامي العريس يمد للعروسة باه تكسي روحها ولا باه دير لعشا، حتى خاتم العقد وقاتلي ماما بكري كان ماكانش قاتلي مؤخرا وين ولاو نهار العقد يمدو خاتم والورد اما الدراهم لالا، حتى الكبش وماكانش عندنا يجيبو الكبش مؤخرا كاين لي دخلو هاد العادة.
فكرتيني بوحدة شفتها على التلفاز هادي مدة قالت بلي حنا في قسنطينة شرط الطفلة من 40 مليون وروح وقندورة قاطيفة والمحزمة ذهب والكباش والقاطو باللوز والجوز، بقيت نشوف لأنو هادا كلو كذب، الناس درك عادو يختارعو عادات من عندهم، ايماجيني هنا عندنا في قسنطينة كاين لي نهار العقد يمد شوكولا غالية تاع فرنسا لاهل العروسة وكل واحد واش ولا يطلب، اذا كان الراجل في عقد برك يكسي ويعشي وكلشي يسما مايجي يتزوج يفلس، ربي يهدينا برك.
انا صدقيني لو نتخطب نقول للراجل ماتجيبلي لا عيد صغير لا عيد كبير لا عاشوراء لا محرم لا 1 ماي لا عيد الشجرة ههه، الدراهم لي يخسرهم الانسان في هاد الامور يخبيهم لما بعد الزواج او يزيدهم في عمرو يحتاجهم هادي والله مجرد عادات تكسر الظهر ماشي ترفع الراس.
المهم واش ديري جيتي بين نارين وحاولي تكسبي الطرفين ماتقلقي يماك ولا خطيبك كيما قلتي يجيبلك خاتم سامبل وشوي دراهم لي بقاو كلي دراهم الكسوة والعشاء وربي يقدرك ان شاء الله ويهنيك ويسهلك كل ماهو صعب.

 

[Hakan]

ش

شكرا... ولكن انا مقلتش ميجيبش خلاص ولكن كرهت تحديد اهلي لواش حابين مثللا هو يقلي عندي مليون نمدهولك وهوما يقولو لالا لازم زوج ونص هنا مشكلتي انو لازم وسيف عليه يدير واش يقولو ويحطوني فوجه المدفع مع الراجل

الا هاك لا لانو هنا راكي تخطيتي حدود واش راهو يقدر، عليه الخطيب تاعك.. ربي يهنيك

 

[الفتاة الاميرة]

اهلا عزيزتي ربي يقدرك ويوفقك ويهنيك ويحلك هاد المشكل وتتزوجي وتتهناي مع راجلك بعيدا عن هذه الخزعبلات.
اما عن العادات فهذه ليست عادات قسنطينة بالمرة، حنا جامي عندنا الراجل يمد حق العشا وحق الكسوة، عندو الشرط وخاتم الخطبة وحاجة ذهب تحني عليها العروسة قادرة تكون لويزة ذهب او مقياس او سنسلة كل واحد ومقدورو، ومن بعد العروسة قبل العرس دير عشاها وحدها بدراهمها ولعريس لغدوة يجيب لعروسة ويدير عشاه بدراهمو جامي العريس يمد للعروسة باه تكسي روحها ولا باه دير لعشا، حتى خاتم العقد وقاتلي ماما بكري كان ماكانش قاتلي مؤخرا وين ولاو نهار العقد يمدو خاتم والورد اما الدراهم لالا، حتى الكبش وماكانش عندنا يجيبو الكبش مؤخرا كاين لي دخلو هاد العادة.
فكرتيني بوحدة شفتها على التلفاز هادي مدة قالت بلي حنا في قسنطينة شرط الطفلة من 40 مليون وروح وقندورة قاطيفة والمحزمة ذهب والكباش والقاطو باللوز والجوز، بقيت نشوف لأنو هادا كلو كذب، الناس درك عادو يختارعو عادات من عندهم، ايماجيني هنا عندنا في قسنطينة كاين لي نهار العقد يمد شوكولا غالية تاع فرنسا لاهل العروسة وكل واحد واش ولا يطلب، اذا كان الراجل في عقد برك يكسي ويعشي وكلشي يسما مايجي يتزوج يفلس، ربي يهدينا برك.
انا صدقيني لو نتخطب نقول للراجل ماتجيبلي لا عيد صغير لا عيد كبير لا عاشوراء لا محرم لا 1 ماي لا عيد الشجرة ههه، الدراهم لي يخسرهم الانسان في هاد الامور يخبيهم لما بعد الزواج او يزيدهم في عمرو يحتاجهم هادي والله مجرد عادات تكسر الظهر ماشي ترفع الراس.
المهم واش ديري جيتي بين نارين وحاولي تكسبي الطرفين ماتقلقي يماك ولا خطيبك كيما قلتي يجيبلك خاتم سامبل وشوي دراهم لي بقاو كلي دراهم الكسوة والعشاء وربي يقدرك ان شاء الله ويهنيك ويسهلك كل ماهو صعب.

تعيشي حبيبتي وعقبالك