نداء لكل الأعضاء موضوع حساس

الحالة
مغلق ولا يسمح بالمزيد من الردود.
السلام عليكم خونا محب قوقل معاك مرام محبة الكونيكسيو اونبرسون ما نراطي والو وما يراطيني والو.
دارنا يا سيدي هذي فيها بزاف اقسام ضرك راك فشمبرة نتاع تمعجيز هنا نتلاقاو ونمنشرو ونحشو ونقطعو فكلش
عندك جهة نتاع المجتمع عام هذاك داري اشعر عبر احكم رونديفو جاردا فيه كلش
عندك شمبرة نتاع زواج واذا باير ريح معنا متزوج ادخل منشر فالمدام عادي
عندك شمبرة نتاع سياحة اونسي جامي تحواس لكاش ولاية والا برا من دزاير
مهم بزاف اقسام
نروحو للاعضاء منتدانا فنهار مدرسة المشاغبين نعرفك ِ
احم احم معاك. معلمة مرام ليليا وليليا مرام خريجة جامعة مهابل تخصص ضحك وشطيح والعض وتقطاع الشعر 10 سنوات خبرة وتخرجو على يديا اجيال بكل تواضع
عندك امين محمد هذا سمين وكحلوش ومعدوف بالالماني هو انتحال شخصية هذا تلقاها فكوانة فالمنتدى يحك فكرشو ويضحك برك هذا فوت عليه قولو ميونيخ هذا هو كود
عندك سامي 44 بابنة عين دفلى وبوراشد هذا ماصو نتاعنا وصباغ ويدير دالات وانت ويكوليك مع بوطو هذا عندو مرض خاص بصح ما يعديش يفلق بالمارطو وعس روحك
نورحو لمولات بشماق واسمها ياااو شيش ما تنخلعش ايه هذي شنوية ونزوح ريفي كوريا استعمرتنا قاردناهم هربو خلاو بنتهم راني مبليين بيها تموت على بشامق افهم روحك
عندك وحدة لؤلؤة قسنطينة هذي تظل مع ضفايرها وتاكل فصبعها وتبكي ليه ليه حل عبنك تشوف فيها تبكي اعطبها بالظهر واهدر معاها ههه
عندك زاد رحيل هذي الوقار خونا تهدر معاها اوقف فالاستعداد
خوك حلم كبير ميغري في دوارنا عايش ففرنسا مي زفيطي حبيبنا يحطك فمهراز مع فظير وحبة طماطم ياكل مهداز الحطب للراس
بون حبيبنا عشاق قوقل هذيغير فاصل ونواصل ونزيدو نعرفوك بالمهابل
مرحبا بيك معانا فرغتلك شمبرة مرحبا
وعليكم السلام ورحمة الله وبركاته
اهلين محبة الكونيكسو يجعلها معرفة خير
شمبرتي هذه هنا لأني نحب تقطاع وعدي منشار اقطع الحديد وإذا ما لقيت مانقطع قطع روحي 😅
دارك في المجتمع العام لازملها زيارة و ما ندخلش ويديا فارغين
وشمبرت الزواج خليني من وجع راس 🤪
والسياحة يعني سياحة مافيهاش 😭😭😭
دخلت لسبيطار لمهابل بلا مانفيق ههههههههههه
الأعضاء بشريهم زادهم مشاغب جديد
بنسبة لتخرج من نفس الجامعة برك الخبرة ماعديش
محمد الأمين جاك لي عمر معاك الكوانة ويضحك ههههههههههه
وبوراشد ربي بارك في ناس عين دفلة نشد معاك مونيفري ونعس روحي بالبالة 🤣🤣
مولات البشماق عرفتني على روحها بلبليغة خافت ندي بلاصتها ههههههه
لؤلؤة قسنطينة خوفتيني منها أنا إنسان حساس ودمعة تغلبني 🤔
زاد رحيل ديما في حالة استعداد لجماعة الوقار
وحلم كبير هذا حلمي حاب نحرق ونعيش معاه في فرونسا هههههههه
وكل شوق نعرف أكثر وأكثر
ولكِ مني خالص التحيه والتقدير شكرا
 
كــــــان حلما وانتهى ...
نصيحة ليك يا الاخ في هاد الأماكن و نقصد

مواقع التواصل و المنتديات .. ما تتعلقش بيهم
ادخل باه تضحك و اخرج لانو مليانين كذب و أكاذيب

و اوهــــام و عاجلا ام أجلا راح تفيق بلي كنت " ساذج "
بالتوفيق ليك اخي :cool:
 
كــــــان حلما وانتهى ...
نصيحة ليك يا الاخ في هاد الأماكن و نقصد

مواقع التواصل و المنتديات .. ما تتعلقش بيهم
ادخل باه تضحك و اخرج لانو مليانين كذب و أكاذيب

و اوهــــام و عاجلا ام أجلا راح تفيق بلي كنت " ساذج "
بالتوفيق ليك اخي :cool:
سلام عليكم الاخ
والله ممكن فجانب عندك الحق التعلق. مش مليح ومن جهة كل انسان يعرف روحو واش يسوا ممكن انت ما تأمنش ناس اخر يدير ثقة وفكل الاحوال كل انسان عندو حياتو برا الواقعية ولا ضرر نتعىفزو عالناس وزيد يا اخي مناس كانت زمان فالنت تكذب ضرك ناس راهيداير لايف وكاميرات ولات حياة مكشوفة وما تقدرش تتهم ناس بالكذب وانت ما تعرفهمش قادرين يقلولك انت ذاب وعاشرت غاشي وخرجت ساذج لالا نتعاملو بنوايا وربي هو عساس والحمد لله عرفنا ناس هنا لقيناهم خير من اللي توقعناهم
اسمحلي على تدخل ونطن الاخ راه كبير ويعرف صوالحو وماراهش ذراري يكلخولو الناس
شكرا لك واهلا بك بما ان عضو منتسب
 
السلام عليكم ورحمة الله وبركاته
أهلا وسهلا ومرحبا ..
الدار دارك ..
سجلت في المنتدى في ٢٠١١م
انقطعت فترة ورجعت آخر ٢٠١٨م ،،
سجلت بدعوة من أحد الأعضاء الكرام ..
..
هذا المكان يعني لي الكثير بغض النظر عن كونه عالم افتراضي ،،
مثل نسرين وجدت ضالتي هنا ولله الحمد ..
.. ..
حللت أهلا ونزلت سهلا
مرحبا بك مجددا
 
اكي جاوبتي روحك شيش
من شدة الذكاء انتبهتي للجملة الغريبة ومن شدة الغباء مخك دار ارور لازملك فورماتاج بالعصا
وهل الانتباه لتلك الجملة يعتبر ذكاء ؟؟ منين تجيب فلتشبيهات هذي والله العظيم شوكيتني انيوي باكا اليس الانتباه لها يؤكد غبائي ؟؟
 
كــــــان حلما وانتهى ...
نصيحة ليك يا الاخ في هاد الأماكن و نقصد

مواقع التواصل و المنتديات .. ما تتعلقش بيهم
ادخل باه تضحك و اخرج لانو مليانين كذب و أكاذيب

و اوهــــام و عاجلا ام أجلا راح تفيق بلي كنت " ساذج "
بالتوفيق ليك اخي :cool:
شكرا على النصيحة اخي الكريم
صح الولف ساهل و الفراق صعيب
ومع خبرتي المتواضعة أنا متأكد أن مواقع التواصل والمنتديات تماما مثل الحياة الواقعية
فيها صالح وطالح فيها صادق والكاذب
وساذج هو لشوف صباع ايديه يشبه بعض
صح كاين شي ناس تبيع الوهم وكاين في الحياة الواقعية مثلهم تماما أو أكثر وربما تكونوا من اقرب الأقربين الجرح اكون أعمق
وهذا مايعنيش أن أجعل الناس كما بعض
لك مني خالص الشكر والإحترام
 
السلام عليكم ورحمة الله وبركاته
أهلا وسهلا ومرحبا ..
الدار دارك ..
سجلت في المنتدى في ٢٠١١م
انقطعت فترة ورجعت آخر ٢٠١٨م ،،
سجلت بدعوة من أحد الأعضاء الكرام ..
..
هذا المكان يعني لي الكثير بغض النظر عن كونه عالم افتراضي ،،
مثل نسرين وجدت ضالتي هنا ولله الحمد ..
.. ..
حللت أهلا ونزلت سهلا
مرحبا بك مجددا
وعليكم السلام ورحمة الله وبركاته
شكرا على كرمك وعلى الترحيب
الله ابارك تعد من المؤسسين
الحمد الله لوجدت ضالتك هنا
وربي يدوم المحبة بين أعضاء المنتدى
لك مني خالص الشكر والتقدير
 
اهلا اخي انا سجلت في ٢٠١٢ وضاعلي حسابي وعودت سجلت في فيفري سبب لي خلاني نسجل هو الاحترام المتبادل بين الاعضاء
 
اهلا اخي انا سجلت في ٢٠١٢ وضاعلي حسابي وعودت سجلت في فيفري سبب لي خلاني نسجل هو الاحترام المتبادل بين الاعضاء
اهلين اخي صح مايهم في اي منتدى الاحترام المتبادل بين الأعضاء
اتمنى لك التوفيق ودوم محبتك مع اخوتك في المنتدى
لك مني خالص الشكر والتقدير
 
اهلين اخي صح مايهم في اي منتدى الاحترام المتبادل بين الأعضاء
اتمنى لك التوفيق ودوم محبتك مع اخوتك في المنتدى
لك مني خالص الشكر والتقدير
ههههه اخي انا بنت😂😂😂😂تحياتي علبالي اسم المستعار تلفهالك معك اختك صفاء
 
ههههه اخي انا بنت😂😂😂😂تحياتي علبالي اسم المستعار تلفهالك معك اختك صفاء
ههههههههههه 🤣🤣🤣 صح تلفهالي الإسم المستعار آسف
ربي بارك فيك أختي الكريمة
لكِ مني خالص الشكر والتقدير
 
كــــــان حلما وانتهى ...
نصيحة ليك يا الاخ في هاد الأماكن و نقصد

مواقع التواصل و المنتديات .. ما تتعلقش بيهم
ادخل باه تضحك و اخرج لانو مليانين كذب و أكاذيب

و اوهــــام و عاجلا ام أجلا راح تفيق بلي كنت " ساذج "
بالتوفيق ليك اخي :cool:
معك حق أخي شكرا على النصيحة;)
 
مرح
السلام عليكم

حاب نكتب موضوع حساس وبلاك يحكمكم الوسواس

كل عضوا جديد أول مرة يبان غريب وبعد شهور يصبح من عائلة المنتدى

وكالعادة وأنا نحوس على موضوع جديد لأحد المنتديات

وفي بحث قوقل كتبت الدار داركم وجدت موضوع في اللمة الدار داركم تفضلوا قرأت الموضوع وعجبني وعجبني النقاش والجو الأخوي وضليت اتنقل من موضوع لموضوع

ومن قسم لقسم وكل مرة يزيد يعجبني منتداكم خمسة وخموس رقوه بلاك نعينكم ههههههههههه

وانا من محبي التعراف الآخر وثقافة الآخر

خيرت إسم مستعار ومدام قوقل عرفني بيكم إخترت إسم محب قوقل .

نداء للكل الأعضاء الجدد و الأعضاء لراهم بناوا وسكنوا هنا

وش سبب لجعلك تختار هذا المنتدى من بين آلاف المنتديات

وكيف اخترت اسمك المستعار

واحب تأخذوني جولة في داركم هذي الكبيرة قسم قسم زنقة زنقة ههههه

عرفوني بالأعضاء والمشاغبين أولا باش دير حسابي ههههههه

ومن بعد الأعضاء لتغلط تخلص بلاك تجيه كاش بليغة

وتعرفوا لبليغة صروخ عابر للقارات

بلا متنساو جماعة الأحاسيس والرمنسية والخواطر

أنا من محبي التبحر والغوص في جمال اللغة العربية

وبالأخص جماعة نقاش والحوار و جدوا قهوة ولا تاي ومشاكل دزاير قع نتناقشوا فيها وبلاك حتى مشاكل العالم

المهم عرفونا بالدار دركم

لكم مني خالص التحيه محب Google
لقيت صعوبة في ايجاد اي منتدي لكن في الاخير التقيت بهذا المنتدى الجميل وعجبني لان فيه اخوة تجعل القلب الحزين فرح ومن الغضب ضحكة لذلك انا اتمنا لهذا المنتدى التوفيق ولكل من فيه وشكرا لك انت كذلك
 
سلام
اول شي مرحبا بيك معنا فالمنتدى
يلي خلاني ندخلو هو صديقة ليا وجارة كانت هنا عام وهي تحكي عنو و تشكر وانا نقولها اخطيك تفاهات
لحد ماقلت نجرب وفهذاك الوقت انا يلي حصلت هنا مش هي ههه
صح رجعت مرات نغيب بصح بقيت ديما عندي ذكريات بزاف يخلوني نرجع ونشوف ولو من بعيد
اسمي المستعار هنا غيرتو امم 3 مرات وكل واحد كان حسب مزاجيتي و حالتي فهذاك الوقت
حاليا مختارة هذا الاسم ونفس الشي حاستو يمشي مع مزاجي فهذا الوقت وحتى مع اسمي الحقيقي
الناس يلي هنا بزاف محترمين وطيبين كاين ناس صارو فحياتي الواقعية وماندمتش عليهم وناس أكيد لما عرفتهم عن قرب ندمت بزاف و بعدت عليهم وهكذا
لكن فإطار اللمة الكل هنا عائلة وحدة و اصحاب
حاليا لا اعلم اذا مزال هذا شي او لا عندي بزاف مدخلتش وان شاء الله يكون مزال
مريت ببزاف مراحل فحياتي هنا كنت صغيورة مشاغبة وحاليا كبرت وتبدلت بزاف حاجات والحمد لله وأكيد تبقى اللمة عائلتي الثانية وجزء من حياتي
 
نورت اللمة
اهلا بيك بيننا في بيتك الثاني
انا سجلت 2011 بعدما عرفتني بيه صديقتي وكنت نتبعو من قبل
كان اسمي قلب القران حتى اقترح عليا اخي ايوب الله يذكرو على خير اسم زهور الشوق لانو فيه تزكية الاسم الاول
ومن هنا نحييه ونحيي زوجتو حبيبة قلبي اسيل ونقولهم توحشتكم بزاف ان شاء الله تكونو بخير انتو والكتكوت ❤
اهلااا وسهلاااا بيك مرة اخرى
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top