سؤال هل هناك علاج للآرني ديسكال

[الامين محمد]

بسم الله
ربما بعض الإخوة يعرف مشكلتي مع الآرني
و الشيء الجديد في الأمر اني تعرضت لوعكة صحية في الايام القليلة الماضية
المؤسف لما أخذت السكانير الى الطبيب قال
أنه عندي أزلاق في ثلاث فقرات و الرابعة في الطريق
الألم راه كبير لدرجة كبيرة
اهلي و الناس اللي معايا يقولو فيه علاج شعبي لهته الحالات
اللي عنده خبر بهته العلاجات يخبرني المهم ما يكونش بالحكمة كيما يقولوا و ما يكونش بالكي

محتاج دعواتكم احبتي

 

[إلياس]

طهور ان شاء الله اخي محمد

 

[Oktavio_hinda]

ربي يشفيك اخي محمد الأمين علاج انزلاق الفقرات هي الراحة ولازم تنام على فراش صلب يعني فوق خشبة وتحط فوقها فراش خفيف وتنام على ظهرك
وطريقة النهوض ثاني فيها حكمة لازم تقوم على جنب وتسبق رجليك قبل وفي حالة يكون عندك الك ما دير حتى حركة حتى يروح الالم شوف الطبيب تاعك يعطيك بعض الحركات الي تساعدك على عدم انزلاق الفقرات وتقوي عضلات البطن واسفل الظهر
إما العلاجات الشعبيها دواها الكي ياخويا محمد ههههه لازم نكويوك
وربي يجيب اشفاء

 

[Oktavio_hinda]

إإإهيييييييييه موضوع قديم وحنا جيين نردو وقيلا محمد ماعلابالوش بلي دخلنا ندعولي بالشفاء بعد 7 سنين هههههه

المهم رجعنا لخبر وين لحقت مع العمود الفقري

 

[dahman kz]

ديما لمواضيع لقديمه يطلعها غير حاتم !!

 

[Oktavio_hinda]

ديما لمواضيع لقديمه يطلعها غير حاتم !!

مالقاش واش يدير راه يقلب فلمنتدى بالغراف هههههه

 

[dahman kz]

مالقاش واش يدير راه يقلب فلمنتدى بالغراف هههههه

فارغ شغل لازمه طريحة باش يتسڨم

 

[الامين محمد]

هههههههههه الموضوع قديم ما قبل التاريخ هههههه

المهم صح انا درت عملية على الارني و عالجت علاجات شعبية كثيرة
و مازلت نعاني للاسف

 

[أبو خديجة]

هههههههههه الموضوع قديم ما قبل التاريخ هههههه

المهم صح انا درت عملية على الارني و عالجت علاجات شعبية كثيرة
و مازلت نعاني للاسف

مع أنه موضوع قديم بصح غير شفته تحيرت عليك

 

[أبو خديجة]

الله غالب أنا قديم نطلع غير المواضيع لقديمة

إإإهيييييييييه موضوع قديم وحنا جيين نردو وقيلا محمد ماعلابالوش بلي دخلنا ندعولي بالشفاء بعد 7 سنين هههههه

المهم رجعنا لخبر وين لحقت مع العمود الفقري

فارغ شغل لازمه طريحة باش يتسڨم

تضرب عمك

 

[الامين محمد]

مع أنه موضوع قديم بصح غير شفته تحيرت عليك

ربي يحفظك حبيبي حاتم
الارني تقدر تقول مرض مزمن من يوم طحت على ظهري و حكتني الارني
حياتي كلها تقلبت
لحد اليوم راني نعالج و عالجت بانواع كثيرة من العلاجات
الطبية و الشعبية و الكي و القطيع و الرقية و و و و و
دون جدوى

 

[Oktavio_hinda]

ربي يحفظك حبيبي حاتم
الارني تقدر تقول مرض مزمن من يوم طحت على ظهري و حكتني الارني
حياتي كلها تقلبت
لحد اليوم راني نعالج و عالجت بانواع كثيرة من العلاجات
الطبية و الشعبية و الكي و القطيع و الرقية و و و و و
دون جدوى

ربي يشفيك خويا محمد انا تاني عندي لكن نعالج روحي بروحي مانرفدش الثقيل وندير رياضة وندير سباحة وعندي حركات مرات نديرها والحمد لله راني بخير واعوام ماوجعنيش

 

[dahman kz]

ربي يحفظك حبيبي حاتم
الارني تقدر تقول مرض مزمن من يوم طحت على ظهري و حكتني الارني
حياتي كلها تقلبت
لحد اليوم راني نعالج و عالجت بانواع كثيرة من العلاجات
الطبية و الشعبية و الكي و القطيع و الرقية و و و و و
دون جدوى

ربي يشفيك وربي يرفع الظر خويا الامين
المومن مصاب ولا من كامل في الدنيا هذي

 

[أبو عاتكة]

لايوجد علاج ينهي الاضرار
خلاص اتفرت
يوجد محاولات للتقليل من الاضرار وعدم تفاقمها والتقليل من الشعور بالالم والانزعاج

لم أجد حل للتخفيف من كل ها غير ممارسة وضعيات خاصة على حسب الضرر كاين حركات تصلح لشخص ولاتصلح لاخر وتحتاج معرفتك بدقة الضرر الذي تعاني منه.
الادوية فعاليتها في حدود 20% الباقي حركات رياضية وتصحيح وتجنب وضعيات تزيد الطين بلة.
مصيبة هذا الارني ديسكال والام اسفل الظهر اعاني من هذا المشكل من سنوات عديدة سبب لي اضرار نفسية ومعيشية غيرت حتى من شخصيتي منها القلقة وعدم الشعور بالراحة المستمر 24/7

 

[طموحة]

هههههههههه الموضوع قديم ما قبل التاريخ هههههه

المهم صح انا درت عملية على الارني و عالجت علاجات شعبية كثيرة
و مازلت نعاني للاسف

عندي انزلاق غضروفي لكن في فقرات الرقبة و في الفترة الأولى لي حكمني كان كارثي ليل نهار ألم ولكم ان تتخيلو الرقبة كيف قد تريحها اذا حتى في النوم تستعملها ما كنت نام الا اذا تهالكت وكان يمتد الألم على طول الذراع حتى أصابع يدي منقدرش نستعملها الله المستعان
الطبيبة قالت لازم ostéopathe حوست في الأول شفت وحدة لكن من الناس لي همها الوحيد المادة وتمديد الجلسات غيرت و الحمد لله لقيت راحتي عند وحدة درت ثلاث جلسات مرة كل ثلاث أشهر
الحمد لله كانت نتيجة مليحة لكن الأهم هو العادات
مازال ترجعلي على فترات منها هاد الفترة عندي اسبوعين و أنا نعاني لكن السبب أيضا التفريط استعمال الهاتف الاجهاد خاصة لليدين
ننصحك تشوف ostéopathe يكون متمكن و هو راح يعاونك لكن الاكيد لازم حركات معينة و البعد عن كل ما يفاقم حالتك
نسأل الله الشفاء لكل مريض

 

[♡كارينا♡]

ربي يجيب الشفاء ...نظن السباحه ...ياسر ناس سمعتهم عندهم كيفك ..قالولهم على سباحه