عاداتنا في عاشوراء

[الوهم]

السلام عليكم اهل اللمة الكرام اليوم حبيت نحكيلكم على عاداتنا في عاشوراء اولا نشرو دجاج حي ندبحوه في الدار ونريشوه من بعد نديرو مرقة نتاع الدجاج والخضر مع الكسكس طبعا ونديرو البخور نتاع الاعشاب نشروه من عند العشاب نبخرو كامل البيت نكحلو عينينا بالكحل الطبيعي حتي للولاد صغار من بعد العشا نجيبو المخلط وهو عبارة عن مزيج بين انواع المكسرات والحلوى وحلوة الدراجي ادا كان كاين مزيود جديد نديروه في الجفنة ونرمي عليه هداك المخلط وادا مكانش كل واحد يدي حقو وناكلو كامل مع بعضانا كي نكملو وقبل منرقدو نديرو الحنة الطبيعية نجبوها ورق ونطحنوها ونديرو حتى للصغار لغدوة من داك نقسمو على لي معندهمش المخلط والحنة وكاين لي يخرج الكسكس لبرا وانتوما كيفاه يجوز عندكم

 

[ام أمينة]

السلام عليكم
تختلف عادات يوم عاشوراء
حنا نصومو التاسع و العاشر
و كي كنت في دارنا كانت يما ربي يحفظها ديرلنا الطعام بمرق الدجاج و الفول مدشش او رشتة
و عند اهل زوجي نطيبو الطعام باللحم او الدجاج و الخضرو لا اي نوع من الطاجين
و عجوزتي تقول بلي لحم عيد الاضحى ماشي مليح تلحق عليه عاشوراء و لحد الساعة مازال ما فهمتش علاش؟؟
و حنا نديرو بغرير و لا مسمن و لا اي نوع من المعجنات و نبعثوه للجيران و العائلة لي قريبة

مشكورة على الموضوع و ان شاء الله المزيد من المشاركات باش نتعرفو على عادات كامل التراب الوطني
تقبلي تحياتي و احترامي​

 

[البشير البشير]

كل عام وانتم بخير ان شاء الله
بارك الله فيك على الافادة والمشاركة القيّمة

 

[rafid2]

لكل منطقة من الجزائر لها عاداتها وتقاليدها في المناسبات
عاشوراء مناسبة صرفة للمسلمين نحيي معجزة نجاة موسى عليه السلام وقومه من ال فرعون وقد حثنا رسولنا الكريم صلى الله عليه وسلم بصوم يوم عاشوراء مع مخالفة اليهود بصوم يوم قبله او بعده فقط
كما تعلمون وان وان هته المناسب ة ادخلت عليها طقوس نبعت اساسا من الدولة الفاطمية -ولي تحفظ على الدولة الفاطمة أذ يكفي القول وانها بنيت على المذهب الشيعي-
لكن حسب ملاحظاتي وأن هته التقاليد لها بعد تراثي فقط

 

[Malika Tlm]

السلام عليكم
والله أنا عندي رأي مختلف تماما عن رأيكم أخوتي
فعاشوراء هو يوم عظيم ومن عاداتنا نحن الصيام والتصدق فقط لأنه هذا ما أوصى به سيدنا محمد صلي الله عليه وسلم
شكرا لك علي الموضوع
وما كل عام ونحن بخير

 

[rafid2]

السلام عليكم
والله أنا عندي رأي مختلف تماما عن رأيكم أخوتي
فعاشوراء هو يوم عظيم ومن عاداتنا نحن الصيام والتصدق فقط لأنه هذا ما أوصى به سيدنا محمد صلي الله عليه وسلم
شكرا لك علي الموضوع
وما كل عام ونحن بخير

طبعا هذا هو الاصل
لكن وعلى امتداد الازمنة والتاريخ لصقت بمجتمعنا الجزائري بعض التقاليد لاسيما قي بعض المناسبات خاصة مناسبة عاشوراء ومناسبة المولد النبوي
تاريخيا هذه التقاليد كانت وليدة الدولة الفاطمية التي كانت تغالي كثيرا في أل البيت وليس المقام هنا ان نذكر ماهية الدول التي تكونت عبر التاريخ وكان لها اصل او امتداد هنا في الجزائر وماحملته معها من بعض العادات
لكن الذي رسخ في مجتمعنا لم يعد يتخذ البعد الذي نمى فيه وانما اتخذ بعد الموروث الثقافي فقط
وتبقى دائما مناسباتنا الدينة مجمعة لشتات العوائل ومناسبة لتلاقي الاخوة والاخواة

 

[sanaya]

لي عودة

 

[وۣۗهۣۗہۣۗم]

السلام عليكم....
راها عادات تختلف من منظقة الى اخرى
احنا نصومو التاسع والعاشر من الشهر ونديروه كانووو يوم من ايام رمضان
لكن الطبق المعترف بيه هو الرشتة بالدجاج والخضر مرقة بيضة وباقي الاطباق كيما قلت هى اطباق الشهر الفضيل

 

[sanaya]

سلام
بون منعرفش بزاف على العادات و لكن ني نتعلمهم بشويا الحق نموت بزاف على كل حاجة توحي بمظاهر الفرح و السعادة
أول عادة معروفة عندنا
نديروها من اول محرم الى يوم عاشوراء خترة واحدة طبعا
هي أنو ندعو الاولاد الصغار العايلة و الجيران
يجو للدار نمدولهم فول يابس بطلعو للسطح يرميوه من الشباك لوسط الدار و هما يغنو في اهازيج قديمة منعرفش معناهم
و مبعد يهبطو نمدو لكل واحد شكارة فيها حلوى و عصير ووووو حسب الاختيار
و كاين عايلات يتجمعو فلعشية يديرو فال و آتاي
الناس يزورو بعضاهم و يزورو المقابر و يتصدقو و كاين اللي يصوم
لعرايس الجدد يلبسو نورمالمون لباس تقليدي خاص بالمنطقة
و كاين ناس تتصدق بفول طايب بابا يموت عليه نا منحبوش
هاذو بعض من العادات تاعنا
و شكرا لمشاركتنا عاداتكم

 

[sami44]

كل الشكر والتقدير لك على المجهود الطيب
بالنسبه لهذه العادات والتقاليد موجوده في كل مناطق الوطن وتختلف حسب كل منطقه
انا شخصيا لا اعرف عنها الكثير لاني مرات لا اتذكر حتى اليوم او الشهر اللذي تقع فيه
تعلمت منك حاجه ربي يجازي
لا تحرمينا من مواضيعك ونشاطك
لك التقدير