مشكلتي استشارة

[sanaya]

لا يمكن أن يرفض الزواج لسبب كهذا
يعني لو عينها تتعلم تتعلم بالخف
ممكن يرفض في حالة كان عمر الفتاة صغير فقط
أما لو كانت بعمر يخولها للتعلم فالأحسن تقبل بالخاطب و تعري على ذراعها كما يقولو بالشعبي
فقط

 

[Hakan]

أعمال البيت المنزلية ماهيش حاجة كبيرة ضرك لازم تشوف طبيعة بيت الزوج اللي رايح تزوجها ليهم اذا كانت بيت كرم ونتاع ضيوف فأكيد رايحة تتعب ولازم تعرف بعض الأمور انا لي حكاتولي جداتي انو الوالدة لما كانت في عمر 17 ما كانت تعرف والو وبالشوي تعلمت من جداتي لي هي والدة الوالد يعني عجوزتها هذي بكري كي ما كانتش انترنت لكن ضرك ماشاء الله دير اليوتوب تهز كلش و بيناتنا مش كل يوم راهم النساء يسيقو ولا يغسلو كامل الملابس كاين نهارين في الأسبوع على الاكثر 3 ايام.. والطبخ مش كل يوم ناكلو مالذ وطاب ساعات مقرون تحطها في الماء وراك متعشي ضرك الزوج ما يفرضش على الزوجة طيبلو كل يوم حتى ويكون غني.. الملخص ضرك راهو في نشاط تاع الفتاة لانو فرق بين تقلي ختي كسولة وما تحب دير والو هذي لازم تعاود تربيها باش تزوجها وبين اختك مثلا اذا كانت ما تعرفش لانو الوالدة تاعك ما علمتهاش مي مهيش كسولة كي تشوف ماماها رايحة طيب تنوض لابغى تقشرلها البطاطا.. والحكمة انو الفتاة مالازمش يكون راسها خشين باش تتعلم ولو بعد عام وفي وقتنا الاعمال المنزلية مش مشكلة لانو كلش متوفر في السوق جاهز يعني تحط غير في طنجرة تاعها.. هات برك ما تكونش طفلة غير تاع كوناكسيو وتاع اظافرها لانو هذي شهر يرجعوهالك.. ماهيش مشكلة تعلم او مهارة المشكلة في طفلة في حد ذاتها وهذي يحكم فيها الاهل تاعها ويقدرو يفرقو عليها... سلام وشكرا للأخ آدم للإشارة.

 

[Golden Man]

مرحبا
ماخاب من استشار اخوانه ثم استخار
ربي يفتح عليكم حاب كل واحد يدلي بدلوه في المسألة
لما يتقدم شاب صالح لخطبة فتاة صالحة لكن هذه الفتاة على قد حالها في مسؤوليات البيت من ناحية الأعمال المنزلية طبخ و غيره يعني تمشي حالها لكنها ليست متحملة للمسؤولية كاملة
هل الأصل أن تزوج له أو أن ترفض الخطاب الى أن ترى نفسها قادرة على مسؤوليات البيت
في من يقول أن البنت لما توضع أمام المسؤولية غصبا ستكون لها وفي من يقول العكس
أنت كرجل عندما تصارحك الفتاة بذلك هل تتقبل الأمر أم ترفض
واذا كانت لك بنت صالحة وخطبها صالح هل ترفض أن تزوجه بحجة أنك لا تراها كفئ لتحمل أعمال المنزل
و أنت كفتاة لو رأيت من نفسك ذلك هل
ترفضين أم تقبيلين و تحاولي تعويد نفسك في فترة الخطوبة

ارى أن الامر ليس فيه مشكلة بالنسبة للزوج وحتى بالنسبة للزوجة "لأنها سوف تتعلم مع الوقت ببساطة" .
طالما كان هدا هو السبب الحقيقي _ ؟
اما ادا كان تحججت بهدا ربما لأنها لم تجد سبب تبديه للخاطب امام اهلها ( وقد يكون سبب آخر كـ علاقتها المحتملة مع شخص آخر وعدها بالزواج ولم يتقدم لها بعد فقط) فهنا الموضوع يختلف ...
وعلى الفتاة ان تكون حدرة ودكية في هاته الحالة فمن يريدها في الحلال فلا يبقى يواعدها في الحرام بل يتقدم لاهلها وليطلب يدها .


اما ادا كان هدا هو السبب وفقط .. فـ الطبخ او غيره ليس هو المشكل ابدا ( ادا توفر الدين والاخلاق الحسنة بشكل اساسي)

ادعو الله التوفيق للجميع