مشكلتي ليعاوني ربي يفرج عليه( حلمي نبني عائلة)

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم ورحمة الله وبركاته:
بغيت نحكيلم قصتي أنا واحد طفلة زوينة ربي عطاني حقي من زين محبوبة العائلة ليشوفني يحبني خطرش خفيفة دم .
مهم مشكلتي هيا أنا مجيت صغيرة مجيت كبيرة فالوسط من مواليد 2000
أنا بالعكس لبنات الي في عمري عندهم أحلام عااد يلعبوا ولا يخرجوا أنا عكسهم.
نحب نكون عائلة ونتزوج شخص وليد فاميلة يخاف ربي ويتهلى فيا .
مشكلة تاعي راهم يخطبوا فيا وأنا راني خايفة لنتقلق خطرش راهم يقلولي زواج صعيب بزاف ومسؤلية كبيرة .
وأنا راني متردة ما أنوا هادا هوا حلم تاعي أني نكون عائلة ونجيب بنات وولاد حلوين أنا نموووووت على ذراري .
أنا من ناحية شطارة شاطرة في كلشي قادرة على تحمل مسؤلية دار وعائلة حمد الله كنصبر وفاهمة وانا ماشي كي لبنات الي في عمري كيشفوا عند رجليهم أنا نشوف لبعيد ....ألي يشوفني من عجايز نعجبهم خطرش شاطرة انا ويقلولي قافزة وبنت رجال وعاقلة .
ذرك قولولي انا مكيهمنيش فارق السن ومعنديش مشكل إدا نسكن معا والديه خطرش والديه كيما والديا ونقدر نصبر معاه في لحلوة ومرة .
لسنسيال نلقاه راجل معايا ويكمل معايا حتى تالي : سألي هل نقدر نتزوج وأنا في هاد السن علاه عيب نحلم بعائلة ؟!
ودعولي بزوج صالح لنتقاسم معاه حياتي .
شكرا جزيلا خوتاتي.
 
اختي من أكبر الأخطاء في الزواج هو أنو تشوفيه هدف و لا حلم
لأنو الواقع غير ذلك و ظروف الحياة تتغير
الهدرة فالوسع ساهلة بزاف
شوفي تتزوجي و تكملي تمشي لأهدافك ممكن و لكن تتزوجي باش تتزوجي برك هاذي أكبر غلطة
ان شاء لله نولي للتفصيل
 
السلام عليكم اختي
الله يبارك عليك الله يزيدك من فضلو بنسبة لصميم الموضوع
الحاجة لولة واللي لا خلاف فيها ياختي مادام حلمك تتزوجي وقادرة على شقاك كي يجي من ترضين خلقه ودينه تزوجيه
اما من وجهة نظري كبنت تكبرك ب 5 ادا تقراي كمليها قبل لانو تزيدك بزاف حاجات لنفسك وغدا لولادك
ثاني حاجة الراجل ماراهش مصباح علاء الدين لي ممكن راه يجي في خيالك ولا فارس على حصان ابيض راه بنادم كيفنا مش كل يوم رح يكون حنين ومش تطلبي من تحضر من الخ قصدي من هاد لكلام ادا ظروفك العائلية مثلا كنقص حنان خلاتك تتخيلي الزواج الا حنان فلازم تعاودي تفكري بواقعية لانو مش متمنيتك تروحي على هاد الاساس ولما تلقاي اشياء ناقصة يحكمك اكتئاب وتولي تحسي نفسك تسرعتي
ثالثا نحب نقولك انا مش ضد زواج بكري لانو تحصين النفس لمن استطاع اليه سبيلا بصح الزمان لي رانا فيه لازم الوحدة دير كاريار لانو الثقة فالنفس لي تجنيها من انجازاتك تخليك تسطري طريق مستقبلي واضح مام يجو عقبات تكوني تعرفي كيفاه جوزيهم بذكاء وماتنحقريش لانو المجتمع ماراهش كي وقت الصحابة اتزوجي ياا طفلة وعينيك مغمضين
ويبقى مجرد راي من خبرتي البسيطة ونتمنى ربي يسدد خطاك لكل مافيه الخير لك
وماتنسايش استخارة
دمت بخير
 
السلام عليكم
اختي الزواج والله ليس حلما ولا هدفا
لا تستعجلي الزواج مع انو في هذا الوقت الزواج افضل لكثرة الفتنة حتى العلماء رغبوا في الزواج في سن مبكرة
لكن الواقع الجزائري واعر
ايلا راكي تقراي كملي قرايتك و اكتسبي خبرات أكثر و أتعلمي بزاف قد ما تتعلمي من الدنيا مليح ليك
اوموا حتى تكوني فوق العشرين
مزلتي صغيرة اشبعي من والديك
والله حاجة ما تعوضهم في هاذي الدنيا
و في الاخير الزواج مكتوب متى قال له الله كن يكون
هذا من وجهة نظري
أما من الناحية الدينية قال صلى الله عليه وسلم إذا جاءكم من ترضون دينه و خلقه زوجوه
و كما سبق و قلت و لاسيما في هذا الوقت الذي كثرت فيه الفتنة و أصبح الحرام يسيرا الزواج افضل لصيانة النفس و اعفافها من الوقوع في الحرام
 
بسم الله
أرى أن الزواج يفضل أن يكون بعد/
- اكتساب الشخص لقدر لا بأس به من فقهه للدين .
- اكتساب قدر من العلم
- وأخيرا بعض الخبرة من مصاعب الحياة.. طبعََا مع الخُلق السليم .
كما يفضل أن يكون الشخص لا يقل على سن 25 (خصوصا في وقتنا الحااالي) "لأن النضووووج هام جدااا موطلوووووب في هكدا مسائل .

وبعد هدا فـ ليتوكل الانسان على الله وليحصن نفسه.. ولا يتردد ابدا .


 
وعليكم السلام ورحمة الله وبركاته
الزواج فيه مفاجآت كثيرة لايستطيع الشخص أن يتكهن بها قبل..
الزواج ليس واجبات منزلية فقط او عائلة زوج..
الزواج ان تكوني مع الشخص المناسب في المكان المناسب وفي الوقت المناسب
يعني حب واختيار بعد قناعة لشخص ستكملين معه حياتك
استخيري لله وحده سيختار لكي الافضل
والعمر ليس بمشكلة ان يكون عمرك 20سنة وعقلك ناضج... هناك من هم اكبر منهم وعقولهم صغيرة
ربي يوفقك ان شاءالله.
 
السلام عليكم
ماشاء الله عليك ربي يحفظك ويبارك فيك
اولا، عملنا في الدنيا هو العبادة مع عدم نسيان نصيبنا من الدنيا اكيد وفق ما امرنا الله عز وجل به
ثانيا، حتى الزواج عبادة ويفترض بمن يفكر بالزواج ان يبحث عمن يعينه في دينه ويقربه من الله عز وجل سواءا رجل او امراة وهذا هو الهدف من الزواج قبل اي شيء وهذا ما يعنيه ان الزواج نصف الدين وعبادة
ثالثا، كما سمعت اختي الكريمة الزواج مسؤولية هائلة واتمنى لو تبحثي عن واجباتك وحقوقك في الاسلام كزوجة واعرفيها واحفظيها ولا تتزوجي قبل ان تكوني قادرة عليها فان فعلتي ستظلمين نفسك بظلم الزوج الكريم .. كما ان الاطفال مسؤولية عظيمة وان تكوني اما وتربي الاطفال ليس كمن تكوني طرفا في حياتهم فقط وتحبينهم وهي مسؤولية عظيمة وكبيرة جدا اختي الغالية
حين تقرئين حقوقك وواجباتك كزوجة وكام وكزوجة ابن وكزوجة اخ في الاسلام حينهغ فقط تزوجي اما قبلها لا انصحك بهذا
اسال الله ان يوفقك ويبارك لك بما تحبين فيما يحب ويرضى لك
ولا ترفضي الزواج من اجل الدراسة حين ترين نفسك قادرة على تحمل تلك المسؤولية، تامين المستقبل وغيره مجرد خرطي وكذبة في الحقيقة فكل ما لنا من عند الله نحن علينا التوكل على الله والاخد بالاسباب وفقط والباقي على اله عز وجل
المستقبل الحقيفي اما جنة او نار ومادون ذلك مجرد خيال
ارجو تقبل مروري وكلماتي
واعتذر ان ازعجتك او ان كنت قاسية .. والله كلمتك بنفس الكلام الي احدث به نفسي
تحياتي القلبية، احترامي وتقديري لشخصكم الكريم
 
السلام عليكم
يا أختي الزواج مسؤولية كبيييييرة
لازمك تخممي مليح قبل ماتتخدي اي قرار
والزواج ماهوش حلم كيما قلت يجي الوقت و تتزوجي وتفرحي ،المهم لاااازمك تخممي مليح
ربي يفرحك ياااااارب
 
وعليكم السلام ورحمة الله وبركاته
على حسب واش قريت انت تقولين انك قادرة على تحمل المسؤولية اما عن السن فهو مش مشكل وليس مقياس
الزواج اولا واخيرا هو رزق ربي يرزقك بوليد فاميليا يفرحك وتفرحيه وياخذ بيدك الى الجنة
الي تقدم اذا سقسيتو عليه وكان انسان صالح اقبلي وربي معاك
 
السلام عليكم
اولا حبيت نشكرك على الثقة لي درتيها فينا و حطيتيلنا مشكلتك
ثانيا الزواج نصيب و مكتوب و ليس حلم و مجرد امنية
و من قصتك افهم انكي تريدين الاستقرار ربما تكون حياتك الحالية غير مستقرة او تواجهين مشكلة ما
الصح ماشي فالشطارة و القفازة
لان الحياة الزوجية مليئة بالمواقف تكون جيدة و تكون صعبة و لابد ان تدركي و تعرفي كيف تتصرفي معها و كذلك اعلمي ان الزواج ليس ليوم او لشهر او لسنة
الزواج لعمر كامل و في السراء و في الضراء
صلي صلاة الاستخارة و ربي يكتبلك لي فيها الخير لاكن لا تتسرعي
تقبلي تحياتي​
 
كي يخطبك واحد يخاف الله استخيري
وسقسي عليه وعلى اهلو اذا قالولك ناس ملاح
وما ترفضيش
الله يرزقك الزوج الصالح
 
السلام عليكم و رجمة الله و بركاته
كان الله لك مؤيدا و ناصرا لما تريدين
تأسيس أسرة صالحة من أسمى الأمور التي يحققها الانسان في حياته ...فقط الانسان يصلح النية ...حسن القصد يورثك الرضا في ما بعد في كل الحالات يعني ما وجدته من مسار فأنت حامدة و ما كان صعبا احتسبت لله عسره واستعنت به لييسر لك ...
ان تقدم من رضيت دينه و خلقه استخيري و ووافقي
في النهاية أي أمر دنيوي يحصل المرء منه نفع لابد أن يكون له تبعات يقدمها الانسان ...كالعمل لا بد من جهد لتحصيل الراتب كذلك الزواج فيه تبعات و مسؤوليات لكن يبقى سكن للانسان
فقط الانسان لكي يعيش سعيد عليه أن لا يضع بين عينيه أمر واحد ان ضاع منه خرب قلبه
ومن كانت الآخرة همه كفاه الله دنياه و جمع له قلبه في معنى الحديث
ربي يرزقك زوج صالح و ذرية صالحة تكون زيادة لك في عملك :)
 
اهلا اختي
اوصيك ما تبالغيش في الشروط
صلي الاستخارة و كثري الدعاء
و خلي تركيزك على الرجل اللي يخاف الله اكثر مما يملك

ربي يرزقك بولد الحلال
 
كي يخطبوك خيري وليد فاميليا وعيشي حياتك وربي يهنيك اختي..
في الطفولة اول حاجة تلعب بيها البنات لعبة المنزل هذه بكري ضركا راهي تلعب في بابجي وتحارب 😅.. ما نكثرش ختي الله يرزقك ولد الحلال
.
 
مبارك على بنيتي (هذا المشورع) وهو بناء أسرة بجميع مقوماتها والذي يساعدك في ذلك سنك (هو من الميزات الحسنة) أما ما خطر ببالكي من تخويف فيوجد عكسه وهو الطمأنينة والسكينة (أما الحياة فهي مثل الفصول اﻻربع 1ربيع فصيف فخريف فشتاء) نتقبلها جميعا كيفما كانت وﻻ اعتراض لسنن الله عز وجل ..نضحك اليوم لنعرف قيمة البكاء ونحزن تارة لنعرف قيمة السعادة وهذه هي الحياة (موفقة بحول الله وعونه)
 
وعلاش عليك ياختي منقولكش راكي عاد صغيرة لالا راكي قد الزواج بصح متخليهش يكون هدفك في الحياة تلهاي في دراستك ولا كاش ميتي في يدك لانو كي يجي مكتوبك واحد ميردو فكرتيني في وحدة من بشار دائما كي نحكي معاها تجبد على الزواج الزواج ياختي والله ماهي حاجة ساهلة مش نخوف فيك بصح صح صعيب مشي غير زين وشطارة راكي غالطة المهم ربي يلاقيك بناس لي كيفك 😊👌
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top