صالون التجميل .....تفضل اخي الرجل اقصد يا اختشي

[ليليا مرام]

السلام عليكم ورحمة الله وبركاته
واش راكم جماعة اللمة ومستر هاكان نتمنى تعتمدالموضوع سريعا سريعا اليوم عندي افتتاح صالون خلي نسترزقوا
الموهيم يا جماعة صالون تجميل باينة واش فيه تميل الوجه وماكياج وماصكات للوجه والعناية المشددة اييييه حية كبيرة ياو تدخلي فتيحة تخرجي فوفو

بصح اسمحولي حباباتي ماشي دالتكم المرة هذي مرة هذي الصالون يدخل جمال يخرج جوجو
اييه رجال يقولك النسا يديرو ماكياج تظلو تصبغو تظلو مع بانسوات هذا اخضر وهذا احمر وتخرجو ديرو فتنة برا ..شوف اسيدي مع انو راجل يمنع مرتو ديرو حتى فالدار بصح عينيه برا يخرجو كي كي توم برا كي تفوت عليه المحرقسة ....خبي وجهك خبي فقنالكم
ما كناش عارفين راكم دايرين حالة خاطر بغيتو تجربو وهاكم تجربو
صالونات حلاقة نتاع رجال والعناية بالبشرة والوجه اسيدي ...هذو ليماصك. ...هذا بخار للوجه ...هذا مصاك عالتجاعيد....هذا ماصك بقع سوداء وهو فحد ذاتو نقطة سوداء
اسيدي ولين نشوف ؤجال فالطريق وحوهم يبرقو اخلايا وجهي مقشر تقول قرنون.....بلاكو تأمنو؟موس عليا مي والله ما نظير ذو صوالح برغم عندي ديبلوم حلاقة وتجمسل نساء وجامي درت لوجهي اي عفسة
اسيدي وليت نشوفهم منمصين الحواجب مسڨمين وجوهم خير منا احنا نسا ....وعلاه تهدرو علينا بغيت غير نفهم
وزيد اللي ما يروحش للصالونات هذي راهم يضحكو عليه ...هذو عقدات وهذا سيشوار اسيدي قالولي حتى ليسوغ نتاع نسا راهم يديروه ....ها وعلاه ضرك احنا هربنا من الأنوثة ولينا مع دار وشغل شعرنا وما نمشطوهش اخنا صالونات كنا من عيد للعيد رحتو نتوما هاو ما تحشموش
خممت قلت أليليا افتحي صالون تخدمي على روحك وخلاص ها والله انا قاعدة قاعدة قلت ندير الامين فأر تجارب نديرلو كاش عقدة فالشعر نردو قنفود ومستر هاكان يموت عالحطة والحطيطة كاش نتواياج دو بو
واحد ما يزعف راني ما جبت والو من عندي خلوني نسترزق على روحي
ايا رايكم لبنات جاتكم فرصة تنتقمو اسيدي طلڨنا الأنوثة وخليناهالكم ياو اشبعو بيها

الموضوع ليكم وعليكم هاا مدونا رايكم

 

[اميرة المدائن]

وعليكم السلام ورحمة الله وبركاته
مشكورة أختي على الموضوع ديالك ومواضيعك دائما في القمة ماشاء الله عليك
بارك الله فيك وجزاك الله عنا كل خير وربي يحفظك ويسعدك في الدنيا والآخرة
ايه ياختي ليليا عندك الحق وشراكي تقولي رانا مخلينلهم القاعة ليهم واش نقولو ربي يهديهم ان شاء الله

 

[Hakan]

من دخلت للجماعة وعرفت صوالحي ما درتش الجال تاع شعر .. نوض صباح نتوضى نصلي ونعطيها برا ولا للجامعة واش هو العطر ياخويا مستحيل ما نديرش عطر، المشكلة لي مدوختني جماعة لي دير العقدة وكيراتين سمعت بلي ما يغسلش شعرو وما يدوشش .. مشكلة كبيرة ضرك مهنة الحلاقة طورت الى مستوى التخنث قصات شعر غريبة ومشاكل تاع نمص و مسحوق تجميل وووو عيب والله عيب، اخي الرجل تتهلى في روحك بالدوش معليه تخير شومبوان كاليتي وصابون وجه مليح وهايلة كامل دير مرطب لشعرك واحد ما يقلك مي تحفيفة تاع مخنثين لالا الأناقة.. هندام مرتب ونظيف ريحة جسمك اناقة ساعة ولا نظارات أناقة مي نمص و مرطبات وجه وحلاقة تاع مخنثين لالا... مشكورة أختي ليليا .

 

[سيزانو sizano]

قيل إنّ رئيس جزائري راحل مرة قال للاتحاد النسائي وهو يريد أن يجاملهن :اعتبروني وحدة منكم.. والذمة على الراوي

 

[سيزانو sizano]

خبر عاجل.. انتهى عصر الرجال

 

[ليليا مرام]

وعليكم السلام ورحمة الله وبركاته
مشكورة أختي على الموضوع ديالك ومواضيعك دائما في القمة ماشاء الله عليك
بارك الله فيك وجزاك الله عنا كل خير وربي يحفظك ويسعدك في الدنيا والآخرة
ايه ياختي ليليا عندك الحق وشراكي تقولي رانا مخلينلهم القاعة ليهم واش نقولو ربي يهديهم ان شاء الله

السلام عليكم أختي أميرة واش راكي
تسلمي حبيبتي وانت الأروع
آمين يا رب ولك بالمثل الحبيبة
والله خلينالهم القاعة والأنوثة واللون الوردي والمشية خايفة نرقد نوض نلقى روحي مروان صوتي وبدا يخشان من كثرة امور اهتمام بالانوثة نسيتها ومن كثرة نجي نشري حاجة نلقى راجل لابسها كرهت ههه الله يهديهم رجلة ماتت حاشا البعض
نورت الموضوع غاليتي

 

[ليليا مرام]

من دخلت للجماعة وعرفت صوالحي ما درتش الجال تاع شعر .. نوض صباح نتوضى نصلي ونعطيها برا ولا للجامعة واش هو العطر ياخويا مستحيل ما نديرش عطر، المشكلة لي مدوختني جماعة لي دير العقدة وكيراتين سمعت بلي ما يغسلش شعرو وما يدوشش .. مشكلة كبيرة ضرك مهنة الحلاقة طورت الى مستوى التخنث قصات شعر غريبة ومشاكل تاع نمص و مسحوق تجميل وووو عيب والله عيب، اخي الرجل تتهلى في روحك بالدوش معليه تخير شومبوان كاليتي وصابون وجه مليح وهايلة كامل دير مرطب لشعرك واحد ما يقلك مي تحفيفة تاع مخنثين لالا الأناقة.. هندام مرتب ونظيف ريحة جسمك اناقة ساعة ولا نظارات أناقة مي نمص و مرطبات وجه وحلاقة تاع مخنثين لالا... مشكورة أختي ليليا .

السلام عليكم مستر هاكان
وانا قلت نبدا بيك ياه افتتاح نتاع صالون باطل اول نهار معليش كي جات فالريحة اسيدي نبعثةلك كادو من الحر المهم ريح كبما راك لا كريمات لا عقدات

اعقق من نيتك ما يدوش ما يغسل شعرو اسيدي طرزان كان يدوش فالواد
هاو الوقت اللي وصلنا ليه تحت شعار اقعد مسخ وفايح مهم طلع شعرك ...اواه قطعت لياس انا ضرك لا فارس الاحلام لا عود ولا حمار خلاص نتكل على ربي هذي عمرة هذي حجة وخلي الشعر يشيب حتى اللي من زماننا تزوجو قاع ههه
راح يخرج اسم جديد جابلي ربي كلمة مخنثين وولات ما تكفيش
يا حفيظ يا ستار
بارك الله فيك مستر اناقة وحطة من عند ربي

 

[ليليا مرام]

قيل إنّ رئيس جزائري راحل مرة قال للاتحاد النسائي وهو يريد أن يجاملهن :اعتبروني وحدة منكم.. والذمة على الراوي

السلام عليكم أخي مرحبا بيك
يا حوجي قالها وشكون منهم تبيبن والا المخلوع فهمني
نعتبروه معانا بصح احنا ولينا معاهم خلينالهم الأنوثة
الله يحفظك خويا

 

[ليليا مرام]

خبر عاجل.. انتهى عصر الرجال

عندهم من خلاصو الا من رحم ربي
شكرا لك

 

[الامين محمد]

قلت ندير الامين فأر تجارب نديرلو كاش عقدة فالشعر نردو قنفود ومستر هاكان يموت عالحطة والحطيطة كاش نتواياج دو بو

هههههه خلاص يا لالة راني واجد تعلمي فيا معليش
بصح منبعد ندخل معاك شريك في الصالون

و الله عند الحق رانا ناقصين فيكتيف في الرجال
زمان كانوا يقولو للرجل رجل اذا شارك في الحروب
اليوم معليش طلع قي سروالك و نعتبروك راجل

والله هاذ الجيل فضحنا بلا ما تنساي حركات اليد
و طريقة الكلام يعني الذكر اصبح كائن جديد تماما
حاشى المرة لي راهي عفيفة و طاهرة و عندها مواقف

 

[البشير البشير]

مشكورة واحسنت على اثارة الموضوع الهام
في حقيقة الأمر هذه الأفعال البشعة والمحرّمة هي من افكار الشيطان للقضاء على بني آدم فيصير المجتمع عفن وتتلاشى روابط الأسرة ويختلط الحابل بالنابل لينقطع النسل البشري ويؤول إلى الفساد والشذوذ والزوال هذه هي أمنية الشيطان حسدا لإبينا آدم و أمّنا حواء عليهم السلام"" وَ لَأُضِلَّنَّهُمْ وَ لَأُمَنِّيَنَّهُمْ وَ لَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَ لَآمُرَنَّهُمْ فَلَيُغَيِّرُنَّ خَلْقَ اللَّهِ وَ مَنْ يَتَّخِذِ الشَّيْطَانَ وَلِيًّا مِنْ دُونِ اللَّهِ فَقَدْ خَسِرَ خُسْرَانًا مُبِينًا "" الآية 119 سورة النساء،

 

[سيزانو sizano]

هههه ليليا لالا مش المخلوع واحد كان يغلط في اللغة الله يرحمه وكانوا يقولوا عريه النكت بلاك هادي وحدة منهم.. أنا موع المرأة أنثى كانت أم ذكرا

 

[ليليا مرام]

هههههه خلاص يا لالة راني واجد تعلمي فيا معليش
بصح منبعد ندخل معاك شريك في الصالون

و الله عند الحق رانا ناقصين فيكتيف في الرجال
زمان كانوا يقولو للرجل رجل اذا شارك في الحروب
اليوم معليش طلع قي سروالك و نعتبروك راجل

والله هاذ الجيل فضحنا بلا ما تنساي حركات اليد
و طريقة الكلام يعني الذكر اصبح كائن جديد تماما
حاشى المرة لي راهي عفيفة و طاهرة و عندها مواقف

السلام عليكم
ربحت جاي تحفف نولي دايراتك شريك لالا صحا الشركى هلكى يا لوكان في مكة نبغي دراهمي ليا وحدي
واش من راجل الحروب هذو اللي يمشو ويتلواو كالزلابية البايتة نتاع كروب احنا رانا ندربو اونكا كاش حرب نوضو احنا نسا غير ما تخممشفقدنا الامل من.جيل نت اياج دوبو والكيراتين
ايه ما جاتش للبسة برك تعاليم الرجل خشونة الصوت الوقفة كلمتو اللي ما طيحش صوالح بزاف راهم ناقصين للأسف فجيل اليوم والله يستر من جيل الغد
الله يحفظك خويا الامين وندعو ربي يسترنا

 

[ليليا مرام]

مشكورة واحسنت على اثارة الموضوع الهام
في حقيقة الأمر هذه الأفعال البشعة والمحرّمة هي من افكار الشيطان للقضاء على بني آدم فيصير المجتمع عفن وتتلاشى روابط الأسرة ويختلط الحابل بالنابل لينقطع النسل البشري ويؤول إلى الفساد والشذوذ والزوال هذه هي أمنية الشيطان حسدا لإبينا آدم و أمّنا حواء عليهم السلام"" وَ لَأُضِلَّنَّهُمْ وَ لَأُمَنِّيَنَّهُمْ وَ لَآمُرَنَّهُمْ فَلَيُبَتِّكُنَّ آذَانَ الْأَنْعَامِ وَ لَآمُرَنَّهُمْ فَلَيُغَيِّرُنَّ خَلْقَ اللَّهِ وَ مَنْ يَتَّخِذِ الشَّيْطَانَ وَلِيًّا مِنْ دُونِ اللَّهِ فَقَدْ خَسِرَ خُسْرَانًا مُبِينًا "" الآية 119 سورة النساء،

السلام عليكم بشيران
صدق الله العظيم ...أي نعم صدقت اخي فعلا هي خطط أوروبية لفساد هذا المجامع سياسيا لكن دينيا أظنها نهاية الساعة وهاته من علاماتها قد ظهرت للعيان أمور فظيعة تحدث في هذا المجتمع للاسف ويا خوفنا من تفشي ظواهر أفظع وأكبر
الله يسترنا رطعنا نتمنو نشوفو راجل كي رجال زمان الا من رحم ربي
مشكور اخب بشير

 

[ليليا مرام]

هههه ليليا لالا مش المخلوع واحد كان يغلط في اللغة الله يرحمه وكانوا يقولوا عريه النكت بلاك هادي وحدة منهم.. أنا موع المرأة أنثى كانت أم ذكرا

ههه السلام عليكم هذي فزورة
مش شاذلي بن جديد هههه ربي يرحمو
ايوا نستعرف بيك معانا ظالمين والا مظلومين هاهم اللي يعرفو قيمة المرا ههه
شكرا لك

 

[السلطانة]

وعليكم السلام ورحمة الله وبركاته
منلي عاد الراجل يدير ليماش واش بقى فيها
عاد وجهو مسقم، خير من لمرا
فكروني بهنااااو تاع ماروكو لي كان يتمايل بديك الشوشة ههههه كان مدوخ هاذيك مولات لقطاطش ههه

ربي يستر برك

 

[sami44]

ليليا قستيني يعطيك غمه دك نحبس الكيراتين ولا كيفاش
اني وليت دك نلهى بيك غبت نهارات درتي رايك
يعطيك الصحه على المواضيع المميزه
لي عوده للرد

 

[حفياد آدم]

قال المتنبي : لا عجبي أن النساء ترجّلت..!!
لكن تأنيث الرجال عجيب..!!
قال هذا في عصره فما بالك لو عاش في عصرنا هذا...!!

اللهم أصلح حال شباب هذه الأمة... وردهم إليك ردا جميلا... نسأل الله الهداية والتوفيق