العدد الأول من سلسلة نقاشات حول الحمل-المرحلة الأولى الوحم-

الحالة
مغلق ولا يسمح بالمزيد من الردود.

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,395
نقاط التفاعل
84,068
النقاط
821
محل الإقامة
الشرق-الوسط
الجنس
أنثى
السلام عليكم ورحمة الله وبركاته

بعد اعلاننا عن السلسلة الجديدة الخاصة بالحمل اليوم نعلن عن انطلاق العدد الأول
الخاص ب الوحم

الوحم هو لخبطة هرموناتك اهمها هرمون الحمل والعامل النفسي وطريقة استقبالك لمولودك اذا كنتي تريدينه ام لا. جسمك سيحب ويكره امورا كثيرة.
واكيد كل امرأة تختلف عن الاخرى هناك من يكون وحامها صعب واخرى سهل واخرى لاتشعر به ابزا ماعليكي سوى زيارة الطبيب للاطمئنان علئ مولودك.


الأسئلة:
-كيف علمتي بحملك؟ وكيف ابلغتي زوجك وعائلتك؟
-في أي شهر بدأ معكي الوحم؟
-ماهي التغيرات التي طرأت عليكي؟
-أطعمة اشتهيتها وأمور أحببتي القيام بها ماذا كانت؟
كم من شهر استمر معك الحمل ومتى زال عنك؟
الادوية التي تناولتي خلال هذه المرحلة الاولى من الحمل؟

افضل مناقشة للعدد ستتحصل على وسام
افضل-مناقشة.gif
 
بداية السلام عليكم و رحمة الله و بركاته..
و ثاني نقول ربي يتمم للحوامل و يرزق ربي كل من تأخر حملها عاجلا غير آجل
كيف علمتي بحملك؟ وكيف ابلغتي زوجك وعائلتك؟
بالنسبة لي كان الحمل في الشهر الأول لزواجي.. يعني لم أكن أبدا منتظرة هذا لا أنا و لا زوجي.. و لكن كان شعورا رائع و فرحة تابعة لفرحة الزفاف🥰 و أهلي و أهل زوجي أكيد خبرناهم بعد مدة ههه و فرحوا لنا و دعوا لنا انو ربي يتمم فرحتنا
-في أي شهر بدأ معكي الوحم؟
بداني الوحم أو الصراحة ماحسيتش بيه بزاف في الشهر الثاني
-ماهي التغيرات التي طرأت عليكي؟
-أطعمة اشتهيتها وأمور أحببتي القيام بها ماذا كانت؟
كم من شهر استمر معك الحمل ومتى زال عنك؟
بخصوص فترة الوحم ماكانش عندي حب لأطعمة محددة ولا كره لها.. جاتني الحالة ع النوم و فقط رغم اني عاملة ملي ندخل للدار و انا راقدة ههه.. الحاجة لي رجعت ماناكلهاش القاطو بكل أشكاله.. و لحليب حتى للشهر السادس رجعت نشربو..
بالنسبة لي أيضا أدمنت كوكاكولا رغم أنه ماكنتش نشربها من قبل و الأكل الحار لهريسة رجعت ديما في وجباتي.. ثاني للفطور لما رجعت مانشربش لحليب رجعت نفطر بالكسرة و زيت الزيتون و فقط. و بالنسبة للاستفراغ )القي أكرمكم الله) الحمد لله ماكانش عندي الا نادرا جدا.

الادوية التي تناولتي خلال هذه المرحلة الاولى من الحمل؟
خلال الفترة الأولى للحمل اعطتني الطبيبة جينزيا و حمض الفوليك و الايتغوجيستان خلال 4 اشهر الاولى للحمل.
و في الاخير نسأل أن يرزق الله كل امرأة الذرية الصالحة و الله أحلى شعور رغم أنه الأمر متعب أحيانا لكن كيما يقولو تعب حلو و بالخصوص مع تقدم فترة الحمل و شعور بحركة الجنين..
 
السلام عليكم ...
مشكورة حبيبتي على هذه السلسلة الرائعة لي راح تفيدنا جميعا ان شاء الله في موازين حسناتك
الأسئلة:
-كيف علمتي بحملك؟ وكيف ابلغتي زوجك وعائلتك؟
بالنسبة لحملي الاول حملت في الشهر الثاني يعني مكنتش نظن انو احمل بهذه السرعة والحمد لله لكن كانت فرحتي كبيرة انا وخصوصا زوجي والعائلة لما🥳 سمعو بالخبر
حملي الثاني ايضا مكنتش متوقعة انو احمل بسرعة لانو كنت نشرب حبوب منع الحمل ميليان لما وقفتها فورا حملت ويا ارواحي تشوفي فرحت زوجي لما سمع الخبر🤩🥳🤭 طار من لفرحة لانو انا لي كنت ناجل فيها الى ان استقر في بيتي لوحدي

-في أي شهر بدأ معكي الوحم؟
في حملي الاول لم الاحظ الامر يعني لما وصلت شهرين ونص بدات تطرا عني بعض الاعراض مثل قيء ودوخة ونعاس .......
في حملى الثاني رغم انو لايزال موعد الدورة بعيد الا انوحست انو انا حامل مكنش نحب رائحة العطر فجاة ... وبدات احس بالاعراض ابتداء من الشهر الاول حملي كان صعب نوعاما بالنسبة للاول

-ماهي التغيرات التي طرأت عليكي؟
تغيرات راح اذكر تغيات في ملي الاول والثاني معا
-نوم الكثير-كبر الثديين -مزاج المتعكر-نقص الشهية-كثرة الافرازات -.....................الخ
-أطعمة اشتهيتها وأمور أحببتي القيام بها ماذا كانت؟
اطعمة احببتها او اشتهيتها في حملي الاول كنت نحب الحلويات بكثرة ونحب النوم كثيراهههه
في حملي الثاني لم اشتهي شيء واصلا كانت شهيتي في الاكل قليلة حتى اصبحت لا احب رائحة الرجل يعني لعطر عامة وخصوصا الرجل ههههه

كم من شهر استمر معك الوحم ومتى زال عنك؟
استمر معي الوحم في حملي الاول مكنتش نرجع بزاف ولكن لما وصلت 6 شهور اصبحت كثيرة القيء بسبب حصى المرارة لي كتشفتها في حملي الاول واستمر معلي القيء حتى ولدت وعملت قيصرية ونزعت المرارة في نفس الوقت والحمد لله على كل حال حملي الثاني استمر معي الوحم لمدة4 شهور لكن سوفريت فيهم بزاف
الادوية التي تناولتي خلال هذه المرحلة الاولى من الحمل؟
بخصوص الادوية لي ستعملتها خلال الحمل
حمض الفوليك -ايتروجيستان -ايزوبروتون -الماغنسيوم .....كاين ادوية لم اتذكرها
 
السلام عليكم ورحمة الله و بركاته

سلسلة جميلة أتمنى أن يتسنى لي الوقت باش نفيد في هاذ القسم لأني بحكم أم جديدة و صبت روحي وحدي فالميدان راني نظل نحوس على المعلومات و النصائح لي تساعدني و تخليني نحافظ على صحة ولدي ..

-كيف علمتي بحملك؟ وكيف ابلغتي زوجك وعائلتك؟

الناس كاملا كانت على بالها بانو عليا العلامات بصح اناا ما كنتش باغي نتأكد ههه تهرب ولا خوف ولا ما نعرف كيفاه بانتلي !
بعد الروطار تع شهر كامل باش درت التاست و بعد ما خرجلي موجب رحت مباشرة للمختص باش نتأكد.

-في أي شهر بدأ معكي الوحم؟

كنت مليحة انا رحت للطبيب و جيت بداني العجب هههههه ابنتي وليت كيما الزومبي

-ماهي التغيرات التي طرأت عليكي؟

أول حاجة القلق و الزعاف لأتفه الأسباب.. كرهت مولا بيتي قريب هبل مسكين الحمد الله عجوزتي فهماته و تفهم .. كرهت الماكلا وليت عايشا بالرايب و الفرماج و ماكلة برا .. الما و كرهتو ما وليتش نقدر نشربو .. و حبيبتي القهوة ولات كي طيب هي نخرج مالداار اناا ! يعني وليت كائن وحداخر

-أطعمة اشتهيتها وأمور أحببتي القيام بها ماذا كانت؟

السفرجل و الرمان و البرتقال وليت كي المهبولة عليهم ..
و الرقااااد وليت لوكان تحطيني فالما نرقد

كم من شهر استمر معك الحمل ومتى زال عنك؟

من الشهر لول للي كملت ربع اشهر باش راح عليا و فالتاسع رجعت ثاني لطبيعتي كرهت الماكلا و تدهورت نفسيتي تقلقت باش نولد

الادوية التي تناولتي خلال هذه المرحلة الاولى من الحمل؟

لاسيد فوليك برك الطبيب قالي ما تشربي حتى دوا ..

ربي يثبت حمل كل امرأة و يرزق كل محروم يا رب ♥
 
السلام عليكم
مشكورة على الموضوع
نتمنى يستفادو البنات منها خاصة المتزوجات
-كيف علمتي بحملك؟ وكيف ابلغتي زوجك وعائلتك؟

عند تأخر العادة الشهرية وكثرة البول ( حاشاكم ) دخلني شك راحت صحبتي شراتلي تاست و اصرت باه نجربه والحمد لله جربته ولقيت روحي بالحمل وكيفاش خبرتهم زوجي بحكم كان بعيد عليا صورتله التاست وكتبتله راني جاي بابا عمورة نهبلك ههه و هو خبر عزوجي و ماما كانت في العمرة خبرتها اختي انا مبغيتش نخبرها قلت حتى تجي بصح كانت كل يوم تدعيلي اختي قاتلي لازم نخبرها تم باه تشكر ربي وتحمده
-في أي شهر بدأ معكي الوحم؟

تقريبا مع الشهر الأول بديت نسخف و بدات الأعراض تبان فيا تاع الحمل
-ماهي التغيرات التي طرأت عليكي؟

زيادة في الوزن كثرة النوم وليت شكارة تاع رقاد هههه

-أطعمة اشتهيتها وأمور أحببتي القيام بها ماذا كانت؟

سخفت على السمك السردين والجلبانة و الأمور لبغيت نديرها نحوس غير نرقد هههه

كم من شهر استمر معك الحمل ومتى زال عنك؟

3 أشهر بصح رقاد قعد فيا مبغاش يروح ههه

الادوية التي تناولتي خلال هذه المرحلة الاولى من الحمل؟

حمض الفوليك ايتروجيستان
 
ربي يحفظكم ويحفظ اولادكم
نتأسف لعدم مواصلة السلسلة بسبب كورونا حينها
الا انه سيكون هناك. جزء ثان باذن الله ونواصلها.
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top