إستضافة @*amani* ضيف لمّاوي في رمضان

الحالة
مغلق ولا يسمح بالمزيد من الردود.

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
16,688
الحلول
1
نقاط التفاعل
48,666
النقاط
1,886
محل الإقامة
الجزائر الحبيبة
الجنس
ذكر
D8DAFBA9-D008-4ABD-956E-1F82749D05E9.gif
رمضان كريم احبتنا في اللمة المباركة
احبتنا نسعد و نتشرف دائما بلقياكم
في هته السلسلة المتواصلة
سهرة مع ضيف
و اللتي من خلالها نتعرف على اخواننا عن قرب
و نكسر بعض من الحواجز
و نجيب على الفضول المعقول منها
و احيانا المهبوووول هههه

اليوم تشرفنا الاخت صاحبة الاخلاق الأصيلة
و التواجد الأنيق
و المواضيع الراقية
و الردود القيمة
الأخت المشرفة

@*amani*
185472.jpg

هيا يا مجرمين
اليوم جبت ليكم احدى المجرمات
للإنتقام منها
هههههه

إليكم الخط
 
طبعا ضيفنا لازم نكرمه
أختي هاذي عرضة خفيفة و ما تزعفيش مني
ما نعرفش لهته الامور
ممكن وحدة من الاخوات تقوم بالواجب افضل مني

هههههه
images.jpg

download.jpg



download.jpg
 
أولا اختي أماني
نريد منك كلمة افتتاحية
كلمة حرة
يعني احكي زي ما بدك فيها
 
السلام عليكم ورحمة الله تعالى وبركاته
اهلا وسهلا بالضيفة الطيّبة
نبدأ على بركة الله
1- ماهي ولايتك؟
2- ماذا تدرسين وفي أي سنة حاليا؟
3- ماهي طموحاتك مستقبلا؟
4- هل انت طباخة ممتازة؟
5- كيف هي أجواء رمضان المبارك هذا العالم؟
6- كيف اكتشفت هذا المنتدى؟
7- هل لديك هوايات أو مهارات أخرى؟
8- هل تكتبين القصائد والشعر؟


يتبع...
 
ايهيه الله يبارك الاخت أماني هنا..
أسئلتي :
علاش ما تحبيش قلب اللوز والدلاع وطاجين حلو 😑؟
_كيفاه حتى سجلتي اللمة؟
_ كيفاه كنت تتخيلي الإشراف قبل لا يوكلوك بمهمة الإشراف وعلاش خيرتي القسم لي راكي فيه حاليا. ؟
_احكيلنا على المدينة نتاعك؟
_ماهي أصعب مرحلة فاتت عليك.
نرجعلك ان شاء الله 😇🙏👼
 
السلام عليكم
صحا فطوركم ربي يتقبل منا أن شاء الله
اشكركم على هذه الإستضافة الجميلة وان شاء الله نجاوب على اسألتكم كامل ماتقلقوش😏
وشكرا اخي محمد على الضيافة الله الله مائدة وعليها الكلام تشهي 🤤🤤
🏃‍♀️🏃‍♀️
 
اهلا وسهلا بيك اختي اماني



من اطيب الاخوات التي جمعتنا بهن اللمة:)

صحا فطورك

لي عودة ان شاءالله
 
السلام عليكم ورحمة الله تعالى وبركاته
وعليكم السلام
اهلا وسهلا بالضيفة الطيّبة
اهلا بيك اخي بشير

نبدأ على بركة الله
1- ماهي ولايتك؟

جيجل

2- ماذا تدرسين وفي أي سنة حاليا؟
نقرا سنة ثالثة صحافة
3- ماهي طموحاتك مستقبلا؟
ندير حاجة شابة في حياتي 🤗
4- هل انت طباخة ممتازة؟
هههه كاين اطباق ممتازة فيهم 😎

وكاين اللي نص نص
5- كيف هي أجواء رمضان المبارك هذا العالم؟
بالنسبة ليا ماكانش بنة رمضان من العادة راحت بنتو وهذا العام اكثر

اجواء كئيبة صراحة 💔
6- كيف اكتشفت هذا المنتدى؟
كنت نحوس على حاجة تخص القراية ايا خرجلي اللمة سجلت ..ونشفى قلت درك نسجل ومانزيدش ندخلو كيما بزاف منتديات مسجلة فيهم🤪

بصح اللمة كانت غير شكل😍
7- هل لديك هوايات أو مهارات أخرى؟
هوايتي الطبخ ههه نحب نجرب كل الأطباق خاصة العصرية نستمتع وانا ندير فيهم


8- هل تكتبين القصائد والشعر؟
لا ومانحب لا شعر ولا قصائد 😖


يتبع...
شكرا في انتظار باقي اسئلتك
🌷🌷
 
السلام عليكم
ربي يقبل اختي الصيام و القيام و صالح الاعمال
مرحبا بناس جيجل خياااار
اول سؤال
ما هو احساسك كونك من مواليد حافة القرن الماضي 1999
وش تدرس اماني او تعمل؟
ما هي هواياتك
الخوف من ربي سبحانه لكن ما هو اكثر شخص او شيء تخافه اماني
يقال ان للإسم تأثير على شخصية الإنسان فهل هذا الكلام ينطبق عليك
لما اخترت هذه الصورة الشخصية في اللمة
هل زرت ولايات اخرى و اي ولاية تتمني تعيشي فيها بعد ولايتك
هل تتكلم اماني او تفهم الأمازيغية
كيف تصفين ناس جيجل
لو حصل و واجهت مشكلة هل تطرحيها في منتدى مشكلتي أم لا و لماذا ؟
هذي أمنية شخصية نتمناها منك أعطني اسم شاطئ في جيجل لا يخجل الواحدة لما تقعد فيه مع عائلتها و غير خطير ههههه كثرت الأماني عليك بزاف عليك
ادعيلنا معاك و أتهلاي في روحك
هذا سحورك كولي و جاوبي تخافي يأذن و انت هنا
🧁🍪🥮🍦🍧🍰🥧🍩🍯🥛🥭🍎 🍑🍌 🍐🥐🍞
سلام
 
السلام عليكم
اهلا بك ختي ااماني ان شاء الله راكي بخير

شويا اسئلة قبل مايفوتوني الاعضاء هههه

اووو الله يبارك جيجل نبغيها سورتو لابلاج الحمراء هذيك قدام المنارة

كي تكملي قرايتك ان شاء الله وين راكي حابة تخدمي زعما ؟
واش تحبي الصحافة المكتوبة ولا السمعي البصري ولا الراديو ؟
هل جيك فرصة ويعيطولك قناة اجنبية تروحي تخدمي هناك ؟
هل كي خيرتي صحافة شاورتي والديك ولا حب من الصغر وماشاورتيش اي واحد ؟
لحم لحلو 😍 تحبيه ؟
لو يعيطولك قناة النهار تخدمي فيها مع انها ماعندهاش سمعة مليحة (قناة الزيڨو حشاك ههه)
واش تحبي التخصص في الصحافة
رياضي ولا اخبار ولا تقديم برامج منوعة ولا مراسلة ؟
دخلتهالك غير على الصحافة ههههه
ايا راح نوليو باذن الله
صح فطورك

 
ايهيه الله يبارك الاخت أماني هنا..
مرحبا بيك خويا حكيم 🙋
أسئلتي :
علاش ما تحبيش قلب اللوز والدلاع وطاجين حلو 😑؟
😂😂 من عند ربي مانقدرش نتخيل روحي ناكلهم مافيهم حتى بنة 😏خاصة طاجين الحلو هذاك نهار يطيبوه ماندخلش للكوزينة خلاص 😆

_كيفاه حتى سجلتي اللمة؟
كيما قلتلكم كنت نحوس على أمور تاع القراية خرجلي اللمة سجلت وماقدرتش نفارقو من ذاك النهار 😍
_ كيفاه كنت تتخيلي الإشراف قبل لا يوكلوك بمهمة الإشراف وعلاش خيرتي القسم لي راكي فيه حاليا. ؟
كنت نتخيلو حاجة كبيييرة 🤓🤪 لكن في الحقيقة حاجة عادية جدا
لأني نحبو ونحب كل مايتعلق بالصور والتصوير وكلش 😆😅


_احكيلنا على المدينة نتاعك؟
🤔وش نحكي مثلا اسيد حكيم قولي على وش نحكيلك بالتحديد 😒
_ماهي أصعب مرحلة فاتت عليك.
موت جدتي يعني اصعب مرحلة هي 💔
نرجعلك ان شاء الله 😇🙏👼

ان شاء الله اهلا وسهلا
شكرا في انتظارك😌
 
اهلا وسهلا بيك اختي اماني



من اطيب الاخوات التي جمعتنا بهن اللمة:)

صحا فطورك

لي عودة ان شاءالله

مرحبا بالسلطانة الله يسلمك انت تاني صحا فطورك
تسلمي ياغالية 😍 أن شاء الله في انتظارك
 
السلام عليكم
ربي يقبل اختي الصيام و القيام و صالح الاعمال
وعليكم السلام
اللهم امين يارب 👐

مرحبا بناس جيجل خياااار
مرحبا بيك حبيبتي
اول سؤال
ما هو احساسك كونك من مواليد حافة القرن الماضي 1999
احساسي عادي ماعندهمش الزهر برك بالاك😂
وش تدرس اماني او تعمل؟
ندرس صحافة سنة ثالثة
ما هي هواياتك
هوايتي الطبخ 😌 وتاني القراءة خاصة الروايات 😍
الخوف من ربي سبحانه لكن ما هو اكثر شخص او شيء تخافه اماني
نخاف من القطط يايما يقربو مني تحكمني سكتة نورمال 😫
يقال ان للإسم تأثير على شخصية الإنسان فهل هذا الكلام ينطبق عليك
اممم ممكن 😅
لما اخترت هذه الصورة الشخصية في اللمة
ماكانش سبب يعني ..جذبتني وعجبتني برك 😁
هل زرت ولايات اخرى و اي ولاية تتمني تعيشي فيها بعد ولايتك
ايه زرت لكن القليل فقط
عنابة ⁦❤⁩

هل تتكلم اماني او تفهم الأمازيغية
لا مانفهمها مانتكلمها 😂
كيف تصفين ناس جيجل
ناس طيبين 🥰
لو حصل و واجهت مشكلة هل تطرحيها في منتدى مشكلتي أم لا و لماذا ؟
نعم اطرحها عادي
هذي أمنية شخصية نتمناها منك أعطني اسم شاطئ في جيجل لا يخجل الواحدة لما تقعد فيه مع عائلتها و غير خطير ههههه كثرت الأماني عليك بزاف عليك
ههههه عندك شاطىء بني بلعيد كاين أماكن مخصصة للعائلات ومحترمة وتاني شاطىء كتامة 👌👌
ادعيلنا معاك و أتهلاي في روحك
ان شاء الله عزيزتي ⁦❤⁩
هذا سحورك كولي و جاوبي تخافي يأذن و انت هنا
🧁🍪🥮🍦🍧🍰🥧🍩🍯🥛🥭🍎 🍑🍌 🍐🥐🍞
سلام

😂😍 يعطيك الصحة سحور كامل متكامل 🤤
سُعدت بتواجدك ياغالية نورتِ⁦❤️
 
هذا وين اكتشفت للي كاين جزائري ما يحبش لحم الحلو ههههه..
امالا :
وش تحب تاكل في رمضان أماني؟
كيفاش ما تحبيش الشعر وأنت عندك مدونة فيها اقتباسات ادبية 😒؟
رياضة المفضلة نجم رياضة مفضل؟ ⚽🏀🏈⚾
وشمن برامج تبعيهم في تلفاز؟
وشمن قنوات تبعيهم في اليوتيوب؟
.. صحا سحورك كاين سؤال نخليه لاخر مجموعة رايح نطرحها 😂😂.
 
السلام عليكم
اهلا بك ختي ااماني ان شاء الله راكي بخير

وعليكم السلام
مرحبا بسكر لاباس حمد لله السوال عليك 😌

شويا اسئلة قبل مايفوتوني الاعضاء هههه
ههههه الحلبة لك
اووو الله يبارك جيجل نبغيها سورتو لابلاج الحمراء هذيك قدام المنارة
يبارك فيك حتى هي تبغيك قالتلك طولت الغيبة😂

كي تكملي قرايتك ان شاء الله وين راكي حابة تخدمي زعما ؟
حابة نحكم بيرو 😂
واش تحبي الصحافة المكتوبة ولا السمعي البصري ولا الراديو ؟
ولا وحدة 😩
هل جيك فرصة ويعيطولك قناة اجنبية تروحي تخدمي هناك ؟
بالاك ممكن نطور من مهاراتي ونروح 🙄
هل كي خيرتي صحافة شاورتي والديك ولا حب من الصغر وماشاورتيش اي واحد ؟
😂😂 وش من حب من الصغر
تقدر تقول هي اختارتني موش انا

لحم لحلو 😍 تحبيه ؟
لا ابدا كي يطيبوه كيما قلتلكم ماندخلش للكوزينة 🤢
لو يعيطولك قناة النهار تخدمي فيها مع انها ماعندهاش سمعة مليحة (قناة الزيڨو حشاك ههه)

ههههه والله صح ... لالا مانروحش هذا وش خصني النهار ..منحبهاش اصلا😒
واش تحبي التخصص في الصحافة
رياضي ولا اخبار ولا تقديم برامج منوعة ولا مراسلة ؟

منحبش الصحافة كيما رآها
والو😂

دخلتهالك غير على الصحافة ههههه
ههههه اني نشوف🤨

ايا راح نوليو باذن الله
صح فطورك

الله يسلمك صحا فطورك وسحورك
ان شاء الله في انتظارك
شكرا
😌
 
هذا وين اكتشفت للي كاين جزائري ما يحبش لحم الحلو ههههه..
😂😂
امالا :
وش تحب تاكل في رمضان أماني؟

الشربة والبوراك لازم يكونوا حاضرين نحب تاني لي ڨراتان خاصة تاع البطاطا 🤤 المملحات 😌
كيفاش ما تحبيش الشعر وأنت عندك مدونة فيها اقتباسات ادبية 😒؟
😂😂😂 اييه اقتباسات موش الشعر والقصائد وماعرف وش
موش كيف كيف 😒

رياضة المفضلة نجم رياضة مفضل؟ ⚽🏀🏈⚾
ايامات المتوسطة والليسي كنت نحب كرة اليد 😆 نجم رياضة ماكانش واحد محدد يعني 🙄

وشمن برامج تبعيهم في تلفاز؟
نتبع برنامج نسمات ربانية 😍
وشمن قنوات تبعيهم في اليوتيوب؟

تاع الطبخ تاع الضحك خخخ والأغلبية تاع المنشدين

.. صحا سحورك كاين سؤال نخليه لاخر مجموعة رايح نطرحها 😂😂.
الله يسلمك انت تاني
ههههه أن شاء الله في انتظارك اسيدي 😌
 
رمضان كريم عليكم وصح فطوركم ياأعضاء . كل يوم يشرفنا في هذه السهرة ضيف .. فلذلك يا ضيوفنا الكرام كونوا مستعدين الى اي سؤال راه يطرح عليكم...
واليوم تشرفنا اميرتنا اماني كيف حالك ان شاء الله ماتكون الاسئلة دوختك بالتوفيق لك ياأختي ....
وبالنسبة لأسئلة ستكون سوى خمسة أسئلة ارجو ان تجيبي عنا...
1\ ماتقييمك لضيف السهرة السابق
2\ كم سنة وانت في هذا المنتدى و كيف قضيتها فيه
3\ ما تقييمك لاعضاء المنتدى وكيف ترينهم بالنسبة لكي
4\ نحن في شهر فضيل الا وهو رمضان سؤال هو كيف تقضيينا اوقاتك فيه وخصوصا اننا في حجر صحي
5\ لم يتبقى لديا اي اسئلة لذلك اظنوا اسئلتي لا معنى لها وأسف على مثل هذه الاسئلة
وبالتوفيق ياأميرة
 
سلام عليكم
مرحبا بالأخت أماني ان شاء ماتهبليش من أسئلتي هههههه
هوايتك؟
طبقك المفضل؟
لونك المفضل؟
تاكلي ياسر في رمضان ولا وشوي؟ههههه
من هو الشخص لي تقتدي بيه في حياتك؟
ماهو حلمك ؟
لوكان تولي عندك دراهم يااااااااسر واش ديري بيهم؟
حاجة درتيها وندمتي عليها؟
الحياة هادي كانت معاك ولا ضدك؟
انسان تحسيه اقرب الناس ليك شكون هو؟
جاوبي علی هادو ومن بعد ساهل الحال:rolleyes:
 
رمضان كريم عليكم وصح فطوركم ياأعضاء . كل يوم يشرفنا في هذه السهرة ضيف .. فلذلك يا ضيوفنا الكرام كونوا مستعدين الى اي سؤال راه يطرح عليكم...
واليوم تشرفنا اميرتنا اماني كيف حالك ان شاء الله ماتكون الاسئلة دوختك بالتوفيق لك ياأختي ....
اهلا وسهلا بيك حبيبتي ⁦❤️⁩ ربي يتقبل منا ومنكم صالح الاعمال أن شاء الله
وبالنسبة لأسئلة ستكون سوى خمسة أسئلة ارجو ان تجيبي عنا...
اكيد نجاوب 😉
1\ ماتقييمك لضيف السهرة السابق
الأخ ڨولدن ماشاء الله اخلاق وحكمة ورُقي تبارك الله ربي يسرلوا امورو أن شاء الله
2\ كم سنة وانت في هذا المنتدى و كيف قضيتها فيه
5سنوات ..رائعة وممتعة نحس بالراحة كي ندخل للمة ⁦❤️
3\ ما تقييمك لاعضاء المنتدى وكيف ترينهم بالنسبة لكي
اعضاء ولا أروع لا تصفهم الكلمات حقا ..كامل خياتي وخاوتي ربي يخلينا لبعض أن شاء الله😍😍
4\ نحن في شهر فضيل الا وهو رمضان سؤال هو كيف تقضيينا اوقاتك فيه وخصوصا اننا في حجر صحي
الصباح نرقد 😆 نصلي ونقرا قرآن ونحاول نتفرغ اكثر لعبادة الله تعالى .. ونقعد لعشية اكي تعرفي الكوزينة ولماعن 😭
5\ لم يتبقى لديا اي اسئلة لذلك اظنوا اسئلتي لا معنى لها وأسف على مثل هذه الاسئلة
وبالتوفيق ياأميرة


اسألتك ممتعة عزيزتي ⁦❤️
نورتينا شكرا 😘
 
سلام عليكم
مرحبا بالأخت أماني ان شاء ماتهبليش من أسئلتي هههههه
وعليكم السلام
مرحبا بيك حبيبتي ..مانهبلش أن شاء الله😂

هوايتك؟
الطبخ والقراءة 😍
طبقك المفضل؟
اييه بزااف هههه بصح أكثرهم الشربة (الدويدة) وكل ماهو لذيذ 😂
لونك المفضل؟
البني بتدرجاته 😍
تاكلي ياسر في رمضان ولا وشوي؟ههههه
هههههه ناكل بزااف بصح هذا رمضان جاتني روحي ماكليتش بزاف 😭
من هو الشخص لي تقتدي بيه في حياتك؟
بابا ⁦❤️
ماهو حلمك ؟
ندير حاجة شابة في المستقبل أن شاء الله
لوكان تولي عندك دراهم يااااااااسر واش ديري بيهم؟
ان شاء الله هههههه ..حجة لوالديا ⁦❤️⁩ ونلف العالم 🤪
حاجة درتيها وندمتي عليها؟
امم تخصصي كان يرجع الزمان ندير حاجة خلاف بصح هذا كلو قضاء الله واللي يجي من عند ربي يامحلاه ..اني والفت درك بيه صاي ههههه
الحياة هادي كانت معاك ولا ضدك؟
نص نص وهذا كلو مكتوب ربي حمد للّه
انسان تحسيه اقرب الناس ليك شكون هو؟
كاين صحاباتي 😆😍 كأننا واحد ⁦❤️
جاوبي علی هادو ومن بعد ساهل الحال:rolleyes:
اني جاوبت زيدي ارجعي ماتحشميش 😂
شكرا نورتِ⁦❤️😍
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top