الزواج في زمن الكورونا ..

العرس يا العرس... صديقي قبل أسبوعين تزوج، من عائلة محترمة ماديا يعني لاباس بيهم، وتزوج وعرض أمو وبوه وخاوتو كون صاب ما يعرضهمش ههههه، هيا زواج لازم الوليمة نحكي على الرجل بصح في حدود المعقول، هي لي لاباس بيه يدير عرس ويعرض ويضرب بارود تغيضك غير في هذاك المسكين حياتو كامل شاهي يلبس حاجة مليحة ويروح يكلف نفسو بعرس تاع الاثرياء، ويدخل في الديون، لكن اللي لاحظتها كشخص، انو لي تزوج ب 200 مليون ولي تزوج ب 10 ملاين كيف كيف عايشين وعادي يعني مشكلة ماشي في زواج وتكاليفو مشكلة في تبذير، وكما قالت شراو سيارة ووو ربي يهنيهم مهم رجل يكون مقتنع ومرا ما تكسرلوش راسو بعلاش ما درتليش عرس كما البنات، ربي يهني الجميع .
 
المقاييس تختلف من مجتمع لاخر
عندنا الدار تاع العرس نكروها بسعر بسيط ملحقتش مامپا مليون مدة ثلاثة ايام
التصديرة منديروهاش مالڨري الطفلة تكون موجدة ذيك اللبسة مي تلبسها فدار راجلها
الحفافة مكاش بيسك الطفلة تتزوج بلباس تقليدي و ممنوع تحط ماكياج فاليوم الاول غير كحل و مسواك طبيعي و مور العرس تتعلم تستعمل الماكياج
الڨاطو تقدري تكومونديه و كاين مختصات يخدموه كادو و لا لوجه الله يعني من غير ما تدي اجر مادي
يعني قادرة توجدي ثلاثة انواع و لا اربعة باطل غير تشري المستلزمات
كاين اماكن وين يصرا فيهم صرف المال بزاف كمأدبة الغذاء و العشاء للضيوف ثلاثة ايام و ذهب العروس مثلا و الزيارات مور العرس و لكن منيش ضد بيسك هاذو عائلة و اصدقاء كي نفرحو يفرحو معانا و فيه صدقة و صلة للرحم
و الا فمتى تجتمع العائلات الكبيرة ان لم تجتمع بالمناسبات؟ هل بالمآتم
رأيي الشخصي سلام
 
حاجة وحدة نأيدها كل واحد يدير عرس حسب جيبو الغني مايبالغش فالاسراف و الفقير ما يكلفش روحو فوق طاقتها
 
السلام عليكم

واش داني لتصديرة تع 30 مليون ونا حابة ندير مزرعة ونصمم البسة ومحل حلويات ههه ياختي 3 لبسات ملاح يكفو
الحفافة نفضل شعري كما هو لا صبيغة لا خلية نحل على راسي ،

ارجعو لعقولكم خاصة البنات مهبولة تمشطي ب 4 ملاين و هي خاسرة عليك زوج مساسك نتاع 50 دج و قرعة لالاك!
:LOL:
ولالاااك نكرهها ومانستعملهاش حتى ونحضر اعراس ، مرة حضرت عرس بنت عمي بالقردون والله بايتة بيه وصباح نحيتوفالعرس وافضل بكثير من التلساق تع جد لالاك وهداك المكياج
لاغوب هنا منيش معاك يعني لازم تكون ماناش نلبسوها كل حياتنا
المشكل فينا حنا عدنا ننساو الاصل ونتبعو الشكل ، اصبحت اعراسنا برستيج في برستيج ويبالغو ، واذا خلعوك مصاريف العرس هكذا انا راني نتخلع فالخطوبات والمشوفات لي راني نشفهم فوحد المجموعات راسي حبس يعني تحسبيه عرس ماشي خطوبة
اما المثل الي ضربتيهلنا تع هد العرسان الي ما اسرفوش في وليمتهم شوفي البركة كفاه ستفادو من الدراهم لي كانت رح تتصرف فحوايج غير ضرورية ، علىالاقل دارو مشروع لرواحهم
عجبني القردون😂😂😂😂😂حسابتلي غير حنا نديروه
دخلي فاليوتيوب حوسي على طريقة الباتشا المغربية للشعر تووووپ
 
السلام عليكم

واش داني لتصديرة تع 30 مليون ونا حابة ندير مزرعة ونصمم البسة ومحل حلويات ههه ياختي 3 لبسات ملاح يكفو
الحفافة نفضل شعري كما هو لا صبيغة لا خلية نحل على راسي ،

ارجعو لعقولكم خاصة البنات مهبولة تمشطي ب 4 ملاين و هي خاسرة عليك زوج مساسك نتاع 50 دج و قرعة لالاك!
:LOL:
ولالاااك نكرهها ومانستعملهاش حتى ونحضر اعراس ، مرة حضرت عرس بنت عمي بالقردون والله بايتة بيه وصباح نحيتوفالعرس وافضل بكثير من التلساق تع جد لالاك وهداك المكياج
لاغوب هنا منيش معاك يعني لازم تكون ماناش نلبسوها كل حياتنا
المشكل فينا حنا عدنا ننساو الاصل ونتبعو الشكل ، اصبحت اعراسنا برستيج في برستيج ويبالغو ، واذا خلعوك مصاريف العرس هكذا انا راني نتخلع فالخطوبات والمشوفات لي راني نشفهم فوحد المجموعات راسي حبس يعني تحسبيه عرس ماشي خطوبة
اما المثل الي ضربتيهلنا تع هد العرسان الي ما اسرفوش في وليمتهم شوفي البركة كفاه ستفادو من الدراهم لي كانت رح تتصرف فحوايج غير ضرورية ، علىالاقل دارو مشروع لرواحهم
صدقتي يا اختي ...بارك الله فيك (y)
 
عجبني القردون😂😂😂😂😂حسابتلي غير حنا نديروه
دخلي فاليوتيوب حوسي على طريقة الباتشا المغربية للشعر تووووپ
غير لبارح درت القدون
الباتشا منعرفهاش مي طلعت فيديو ذرك ههه ضحكت ، لفة حلوة عجبتني ههه تخيلتها على راسي ههه
تسلمي ختي باباعمي نجربها الليلة ان شاء الله
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top