كمامات للعقول ..شكون يشري

ليليا مرام

:: عضو بارز ::
أحباب اللمة
إنضم
16 جوان 2009
المشاركات
9,759
نقاط التفاعل
29,218
النقاط
1,656
محل الإقامة
اللمة
الجنس
أنثى
السلام عليكم
أh2.gif

واش راكم لاحباب الييحبونا وميم اللي يكرهونا دزو معاهم تقدرو تخرجوا من الموضوع وي دخلت محرشة عندي بزاف ما دابزتش 🙄🙄🙄
اصبرو قبل الكمامة😷😷😷😷
اليوم بغيت نهدرو على نوع جديد من المرض وكمامة اخرى ايييه عندبالكم كورونا تقعد بايرة كي حالتنا ماتتزوج ما تولد ولادها ياو راهي تزوجت 👰👰وجابت كوازاكي ويي كوازاكي ومازال الخير لاحق هي ولادة الله يبارك 🙄🙄 ولحقت لينا تنحالها البوار شعب واعي ربي يبارك ويبغي يتعرف ارواحو تشو نهدرو على كمامة العقول ....تجي تفهم تلقى مخك راح للبحر 🏄🏄🚣🚣🚣🏊🏊🏊🏊
مدو مليون مساعدة من بعد ندمو بغاو يرجعوهم قالك بروسي مليون للكمامة ....يسمى رجعونتدا قفة رمضان ....هنا لازم كمامة للعقل
ايا قالك مكاش بعض محلات وفتحو بالشروط وتباعد وواحد فالحانوت وغيرو ....وتلقى نسا جايبة ربعة وخمس ذراري جاية تكسيهم والعيد مكان حتى عيد وياااا زادو غلقو عليهم فالحوانت🙄🙄🙄🙄😜😜😜😜 جيب 600 وارواح تديمرتك من عند بياري ...جيبو بياري وزيدو صاعقة راهم طاحو عليها فالحانوت عتيقة ......هنا لازم كمامة للعقل

شرطي يقولك بروسي كمامة وي تقولي قانون ..ياو المارثة هو مش دايرها ويقولك انا عندي الاولوية ..ماكنتش نعرف كورونا حتى هي تشوفك بالمعارف زهرنا هندي يعبد البقر حتى مع كورونا وما لڨيناهاش😭😭😭😭
قالك ما تسلمو ما تعنقو من بعيد للبعيد وتلقى هذيك اللي توقم فالكارتي خاكماتك من القنت للقنت مين تفوتي تخرجلك مور باباها ارواحي سلمي عليا من نيتك تأمني بالكورونا ...اودي والو دار
ها تبون وجماعتو. ..🙄🙄🙄👉👉👉👈👈👈 شاوالا حمبوك عاودي آخرتك كوزينتك وشبر للصالون ....وحدك سنة رابعة وطلعوك بالانقاذ نتاع حماية مدنية وتقولك كورونا دارها تبون 🙄🙄🙄🐸🐸🐸🐸. انا هنا نستدعي الشاب بيلو اسمحولي الو تبون راني مغبون ....هذي ماشي كمامة لعقلها هذي انا نسكوشيها كومبلي

هذوك نتاع دقيق وحليب ولشان ما نهدروش هذوك مناعة حدايدي فاندام بلا عظام الله يبارك قالولي كل ليلة يضربو الشيح مغلي ..انا بيضلي سناني كخرفان حاسي بحبح ما دارلي حتى مناعة🙄🙄🙄🙄🙄

ايا وهذاك نوع نتاع رجال اللي يدخل للفايس ويعلق وهااا ڨليع ڨلبي ويقولها كي خفتي من كورونا ودرتي كمامة علاه ما ديريش النقاب ....ويا ويااااااا نبرح والا نغني والا نطلع فوق النخلة كي علاوة😟😟👽👽👽👽
لا يصلي لا يعرف قبلة وين جاية لا علاقة بدين اصلا فستاتو ما يطلق حتى فعرض وحدة وطاح امام غير للكمامات تنقب انت صديقي عن اعراض الناس وتبكي عالجوامع غلقوهم وانت تظل رايح وجاي عليه وما تعرفوش كيفاه داير من داخل وليةم تبكي عالجامع دمعة وخنونة اسيدي يعياو ويفتحوهم ويا ريت نشوفو طوائف التوبة حاجة تفرح

هذو عينات يستاهلو عندي كمامة العقل اما كمامة الفم اذا تغلقلهم فمهم الفايح اللي تقول جبانة الفيران فنتمنى كورونا تقعد وتكمملهم فمهم على الناس وكل واحد يعس روحو
وكمامة العقل بعد هذا المرض جابلي لازمة وضرورية

خبروني شكون تلقاوه لازملو كمامة العقل فهذو العينات شكرا لكم



 
آخر تعديل بواسطة المشرف:
ههههههه يالالة انا ما نحبكش تعرفيني نكرهك من زمان ههههه

هي صراحة شعبها صح فريد من نوعه
صراحة كاين واحد يرجعه للطريق و هو الحجاج برك
اللي يحل فمه حتى بتسبيحة يرحيه و يرجعه صابون
على خاطر عندنا 40 مليون طبيب
و 40 مليون مدرب
و 40 مليون فقيه
و 40 مليون راح للمريخ
و 40 مليون سارق
و 40 مليون مخلص
و 40 مليون مفتي

شعب مارق و الدولة حصلت فيه هههههه
كاين اللي 40 سنة و هو مع العصابة و خدام مدير في سوناطراك
و اليوم راح مع الاحرار و زعيمه مول المازدا
و كاين اللي يقول العالم كله تفاهم مع الدولة باش يعملوا كذبة
اسمها كورونا باش ما تقومش دولة جديدة

يعني تجي دخله في الاسلام يخرجك كافر
 
ههههههه يالالة انا ما نحبكش تعرفيني نكرهك من زمان ههههه
ايه قول برك شعور متبادل ارواح ليا نرقد ونوض بيك 🙄🙄

هي صراحة شعبها صح فريد من نوعه
صراحة كاين واحد يرجعه للطريق و هو الحجاج برك
اللي يحل فمه حتى بتسبيحة يرحيه و يرجعه صابون
على خاطر عندنا 40 مليون طبيب
و 40 مليون مدرب
و 40 مليون فقيه
و 40 مليون راح للمريخ
و 40 مليون سارق
و 40 مليون مخلص
و 40 مليون مفتي

شعب مارق و الدولة حصلت فيه هههههه
كاين اللي 40 سنة و هو مع العصابة و خدام ممديرهذتك في سوناطراك
و اليوم راح مع الاحرار و زعيمه مول المازدا
و كاين اللي يقول العالم كله تفاهم مع الدولة باش يعملوا كذبة
اسمها كورونا باش ما تقومش دولة جديدة

يعني تجي دخله في الاسلام يخرجك كافر
[/QUOT

هذاك النوع يا سي أمين كيما طبلو يشطح يفهمو فكلش ويفتو فكلش وعلبالهم بكلش هذو تاخذ رايب ما تقعد معاهم ما تناقشهم معزة ولو عامت مش طارت ناس تمرض وباء فالعالم ڨتع وقالك دارو باه يحبس حراك مخي ماركة رحلة للزحل انا جيراني كاين اللي ماتو لا علاقة لا بسيتسة لا تبون لا كمون يفهموني كيفاه كورونا كذبو فبها زيد اسبدي معليش نغمضو عينيا زعمى شراو فيروس وطلڨوه فالهوا جارتيذاك نهار تقسم وتتعظم بربي وتتلوى وتقولي شراو فيروس قتلها يا مخلوقة خافي مولاك انت على هذا الحليف تصومي 30 سنة ماشي ثلاث ايام كنت معاهم كي شراوه انا جامي شفتك رحتيلعاصمة يطلڨوك تتودري كيفته عرفتي شراوه وقاسوه فالهوا اسيدي ها ڨولي جارة كيما هذي تءلحها حلال عليك
ويستاهلو كمامة للعقل
صجحيت بوكرش ودير فوتينغ نقص شوي
 
بارك الله فيك على الموضوع المهم جدا
للأسف الشديد، هذا هو حال الدول النامية​
وعليكم السلام خويا بشير نتمنى تكون بصحة وعافية
وفيك بارك الله تخمامنا اللي خاانا من الشعوب متخلفة مش احنا برك العرب ككل لاسف المهم الله يرفع علينا هذا الوباء
 
توحشنا هاذ المواضيع الطويلة يستحق ختم التميز لي عودة ان شاءالله
السلام عليكم اختي
شكرا على تمييز الموضوع
بارك الله فيك يهمني رايك نستناك تحكينا مزاقف شفتيهم يخليك تقولي هذا بنادم لازملو كمامة للعقل .شكرا
 
مشكورررة اختى الكريمة على موضوعك القيم
السلام عليكم أخي ناصر
العفو شكرا على مرورك العطر نورت الصفحة شكرا
 
اهلين
انا كي عدنا جايين في لوطوروت لدار اهلي
لبست الكمامة وبيان سير الراجل يسوق لازم يلبسها وبنتي ربع سنين كمامة ايا ومباعد بديت نتخنق والبيبي في حجري نفوتو عالباراجات يقولونا فوتو فوتو واقفين مساكن في الشمس صارعتهم خصهم غير يركزو مع الكمامة المهم لي يسوق
وفرات جينا لدارنا ايامات ورفعو الحجر لي اصلا كان جزئي
لي دهشوني الغاشي لي يخرج للحوانت لاصق في بعضاه
لي بيتيزيريا ولي فاست فود
ولكرامري الغاشي مجمع
والمساجد باه تتفتح خايفين من كووونا كورونا تجي غير في الجامع
 
وعليكم السلام ورحمة الله
يقولها كي خفتي من كورونا ودرتي كمامة علاه ما ديريش النقاب ....
لا اوافقك فهذا الرجل لا يستحق كمامة لعقله ولا كلماتك الجارحة بحقه انا ايضا قلت كلمة تشبه التي قالها
فالناس فعلوا الكثير من الاشياء خوفا من كورونا كان الاجدر بهم فعلها خوفا من الله تبارك وتعالى
لم يقتصر الامر على النقاب فالفتيات المتبرجات كثيرات تراها بم ستجيب تلك المتبرجة اذا وقفت بين يدي الله
وقال لها لم استعملت نعمتي عليك بالجمال في اغواء الشباب وحرق قلوبهم " الله يرحم مولات الحايك والعجار "
 
آخر تعديل:
السلام عليكم
اختي ليليا مرام توحشت مواضيعك الشيقة والقيمة
عندك الحق النص الكبير دار الكمامة خوفا من مليون الا يخلصوا
وأصبحت ظاهرة الكمامة على الذقن موضة الكل داير كمامة مي مهبطها على الذقن تبقى حاير شعب يمشي بالدبزة ههه
تقبلي مروري اختي
تحياتي
 
آخر تعديل:
اهلا ليلوش لاباس شوية
علابالك كي تشوف ناس دايرة كمامة ولا نقولك مانسموهاش كمامة هاديك نص عجار بسكو مكاش لي راه يديرها كيما لازم الحال
زيد تلقاهم فالسوق برا عند تاع الماعن القش والدراري ويسلموا ويعنقوا وكي تهدر يقولك اودي مكاش منها راهم غير يشكلوا علينا
اودي سمحلي انا الغالط جيت هدرت معاك ...
ولي تحبسلك راسك تشوف واحد فالكاميرا يهدر بالكمامة كي كملت المنشطة معاه رجع الكمامة لمولاها
ايا ماشي تهبل القرمود يطيرلك ... الكمامة ما يسلفوهاش يا الزنجي خويا
نتا ولا نتي يلا ماخفتش على صحتك قيس روحك معا الواد اسيدي بصح خاف علا والديك وولادك والناس لي عندك فالدار
علاش تروح تجيبلهم المرض بالقنطار وتقول ياااه ماحسبتش هاكا والله

الله يهدينا وخلاص بهاد العقلية مراحش نروحوا بعيد
 
وعليكم السلام ورحمة الله
هههههههه
مأمنة بالكورونا وانه داء من عند ربي وكل داء عندو دواء هذا كلام ربي، لكن الخرطي ديال الارقام اللي فالثيليفيزيون اللي ماتو بيه هذاك منامنوش
تع رمضان جمال اللي قالو عليهم زوج مراض بالربو موالفين يطيحو هوما يقولولهم ربو وهوما داوهم تاني يوم خرجوهم
زوج من لافامي ديالي، واحد توفى قبل رمضان وواحد في رمضان في زوج مراض بالقلب توفاو بسبب قلبهم اللي توفى قبل رمضان توفى فدارو جاو عند اهلو قالولهم سنييو انه كورونا، واللي توفى فرمضان توفى فلوبيطال عمو تع بابا واختي تخدم تم مبغاوش يمدولهم الجثمان 24 ساعة حاكمينو قالولهم منمدوش حتى تسنييو انه كورونا بالسيف مدوهالهم...
ووحدة جارتنا تسكن في الحي اللي فوقنا توفاة نسيت بوش، بلاطونسيون نظن لكن سنيات بنتها انه كورونا ومدولها دراهم وخالت الطفلة هذي هي اللي حكات لاختي لما راحت تضربلها البيكور...
كورونا موجود اجل، وهو زكام حاد يشفى منه باذن الله من يتخد الاجراءات الا من قدر له الرحمن ان يتوفى به تتعدد الاسباب والموت واحدة
ارجو تقبل مروري
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top