قالوا ناس بكري

[حفياد آدم]

ناس بكري ڨالو :
عز إلّي يعزك و سلّم عالباقي بالحواجب.
صباح الخير

 

[حفياد آدم]

ناس بكري ڨالو :
الي تحب تكويه لا تلومو احقرو و خليه
خاطر اللوم للعزيز الغالي
و الرخيص ما تجاوبو خليه ديما التالي .

 

[حفياد آدم]

ناس بكري قالو
لاعينك تصحب اصحب الراجل الفحل كي البارود ديما يخلي الدم يسيل معاك
عيب النفس في كثر الخطايا
وعيب العين من قلة النوم
وعيب العقل في موت الخلايا
وعيب الڨلب دسان الهموم
وعيب الروح في خبث النوايا
الرجال يبانوا فالشدة
وجه البارود اذا خرج مافيه ردة
و الرجلة ماشي فالزندة

 

[حفياد آدم]

ناس بكري قالوا :
الصّوف لازمو قرداش ...و لمغزل يبرمو بريمة و الحر ما يخالط أوباش ..
.خلطتهم اطيّح من القيمة عاشڨ الزّين ما يتهناش. ..
الزين ما يدومش ديما حنانة والديك ما تلڨهاش ..
.اياك توجعهم بكليمة جرح القريب ما يبراش ...
لا تفيد فيه طبة ولا عزيمة​

 

[الامين محمد]

شكرا حبيبي @Chicobustan و الله امتعتنا و علمتنا بهته المعاني الراقيات
ننتظر المزيد

 

[جليلوس]

السلام عليكم
خويا العزيز تعرفوني كامل شحال نبغي هاد الأمثال
كابر بيهم ومعاهم .... عندي شحال وانا نخمم نحط موضوع للأمثال الشعبية
راك سبقتني يعطيك الصحة وعندو شحال هادا وين شفتو غير سمحلي
مثل اليوم..
آبْكِي يَا قَلْبِي عْلَى اللِّي مَاتُو، وُمَا تَبْكِيشْ عْلَى اللِّي فَارْقَكْ فِي حْيَاتُو ...
​

 

[جليلوس]

دمك هو همك أو الضر يجيك من الركبة ​

 

[جليلوس]

مثل شائع جدا ومعروف

عمّك يعميك وخالك يخليك..
عيطت لعمي عماني و عيطت لخالي خْلانِي وعيطت لخويا قطع البْحُور وجاني ..
...
وفيه الكثير من الصدق ..
وطبعا بشكل عام لأن كل قاعدة لها ما يشذّ عنها وليس كل الناس متشابهون ..
...
وأحيانا حتّى الأخ لا ينفع وفي ذلك أيضا مثل شعبي يقول:


لوكان جا الخُو ينفع خُوه ؛ ما يبكي حَدْ على بُوه.. ​

 

[جليلوس]

حْدِيثْ النْسَا آيْوَنَّسْ وِيْعَلَّمْ الفْهَامَة، يْدِيرُو لَكْ شُرْكَة مْعَ الرِّيحْ، ويْحَسْنُولَكْ بْلَا مَا !​

 

[جليلوس]

سُوق النْسا سُوق مْطيار يا داخْلُو رُد بالك ، يْورولك من الربح قنطار و يْخسروك راس مالك ​

 

[جليلوس]

لي حبك حبو والسر لي بيناتكم خبيه لي حبك حبو اكثر ولي نساك لا تسال عليه ​

 

[جليلوس]

بكري كنا خاوة وناكلو في طاوة واليوم كل واحد وكاسوا وكل واحد ونعاسوا وكل واحد هاز هموا فوق راسوا ​

 

[جليلوس]

امثال اكل عليها الدهر ونهب :
ماتضربش الكلب حتى تعرف مولاه
مين كان حي مشتاق التمرة ومين مات علقوله عرجون
حماري ولا عود الناس
دارنا تستر عارنا
جا يسعى ودر تسعة
قولي شكون صحابك ولا معامن تتمشى نقولك شكون نتا
سعد القبيحة تتمناه المليحة .... سعد الشينة في السما وسعد الزينة في الحما
احمل ولا اهمل
اَخْدَمْ الاَرْضْ القْرِيبَة، وُ خُوذْ المْرَا البْعِيدَة .. !
انا نحفرو في قبر امو وهو هاربلي بالفاس
انا بالشحمة لفمو وهو بالفاس لعيني
خليه يزيد ويسموه بوزيد
احييني اليوم واقتلني غدوة
اخدم بدورو وحاسب البطال
اخدم يا صغري لكبري واخدم يا كبري لقبري ​

 

[ناصر dz]

 

[ناصر dz]

 

[ناصر dz]

 

[جليلوس]

ناس زمان قالوا:
_لا ميت في قبرو يقوم ولا صحبة في الدنيا دوم !
_الدنيا تفرق والفراق صعيب ،والعزيز عزيز حتى لوكان بعيد !
_نكار العشرة تعطيه قدر وقت الشدة يعطيك بالظهر !
_اللي يحكيلك على الناس ، يحكي للناس عليك .. !
_ما تبكيش علي اللي كرهوك ، ابكي علي اللي حسبتهم حباب وغدروك !
_قالو الدنيا مع الواقف ، قلنا الدنيا مع ساجد! ​

 

[إلياس]

 

[إلياس]

 

[خديجة ph]

امتعتونا بارك الله فيكم
الاخ @جليلوس باين تصاحب الشيوخ بزاف هههه
الاخ @ناصر dz ماظنيتكش تفهم كلامنا لهذي الدرجة لازمك تزور الجزائر راك وليت واحد مننا
الاخ @Chicobustan الحكم هذي أول مرة نسمعهم منين راك تجيبهم قمة
الاخ @إلياس بلعقل علينا أستاذ عيييينا نلحقوك هههه الله يبارك ماشاء الله
الاخ @الامين محمد علابالي راك تحفظ في هذو الامثال تقرمحنا بيهم في الوقت المناسب هههه
اختي @السلطانة ظهرو الرجال يعرفو الامثال اكثر مننا