تيراميسو من مطبخي

[Bouchra zarat]

من قلب الحدث درت تيراميسو جا هايل حبابي

المكونات
كاس حليب بارد كاس بودرة شانتي
قاليت بودوار
زوج بتيسويس وتلات حبات فرماج اختياري تقدري مديرهمش
موزة
كاكاو للتزيين
وقهوة باش نشمخو قالين بودوار

كيفية التحضير اعزائي
نجيبو مول ونحطو فيه هداك قاليط بودوار بعد منشمخوه في قهوة ونزيدو كريمة شونتي لي كنا خلطنها بحليب وبودرة شونتي ونزيدو حبة موزة ونعاودو نزيدو كريمة شونتي وندخلوها في فريجيدار تبرد ومبعد عند تقديم نرشو كاكاو غوقها وتقدم بالصحة والهناء
وسمحولي منيش نبغي نطول في الهدرا راني بتلفون نغبن شويا ههههههه

 

[إلياس]

شهيتتي لذيذا جدا سلمت يمناك على الوصفة جعلها الله في ميزان حسناتك يا رب العالمين اجمعين

 

[Bouchra zarat]

شهيتتي لذيذا جدا سلمت يمناك على الوصفة جعلها الله في ميزان حسناتك يا رب العالمين اجمعين

مرسي لكان كنت قريب نرسلك حقك وشكرا على مرورك الطيب

 

[Bouchra zarat]

@الامين محمد يادرا جري على حقك قبل مايكملوه

 

[الامين محمد]

@الامين محمد يادرا جري على حقك قبل مايكملوه

ههههههه ها الهدرة يعطيك الصحة كلش رووووعة
بصح راني اديت كلش ما خليت حتى حاجة للبقية هههههه

 

[Bouchra zarat]

ههههههه ها الهدرة يعطيك الصحة كلش رووووعة
بصح راني اديت كلش ما خليت حتى حاجة للبقية هههههه

هههههههه معليش يسمحلوك

 

[إلياس]

مرسي لكان كنت قريب نرسلك حقك وشكرا على مرورك الطيب

العفو اختي ، بورك فيك على إرسال حقي

 

[السلطانة]

تسلم الايادي حبيبتي ايسخف
مشكورة على الوصفة

 

[أبو خديجة]

يعطيك الصحة بارك الله فيك أنا تعلمتها من 4سنين ساهلة بزاف أنا نديرها في رمضان وناكلها وقت السهرة
@الامين محمد أرواح في رمضان نعطيك حقك

 

[سكون الفجر]

الشكل يتحدث عن الطعم
تسلم ايديكِ غاليتي وبارك الله فيكِ على الوصفة الشهية