مستوى الوعي لدى البعض

[ℓσɴєℓу GĪяℓ]

السلام عليكم و رحمة الله تعالى وبركاته....
كاين بزااف اللي حكاو وهدروا على الغيرة الحسد العين.....في بزااف مواضيع....اليوم جيت نمد رايي في حاجة يعني هي السبب ربما الرئيسي اللي تخلي هادو لحوايج يدوروا عليه...بلاك كاين اللي مش رايحين يتقبلوا الرأي ولا الموضوع....مي أنا حطيتوا باش نعرف رأي كل واحد....المفيد مين داك ندور فاليوتيوب للناس اللي عندهم شان (قناة)يحطوا يوميات روتينات وصفات...إلخ يحطوا كلش بدون وعي ولا مراعات....تتخطب تحط ولا في بالها بلي كاين راهي تستنا في مكتوبها....تتزوج تحط وكاين اللي 30سنة بلا زواج....تشري جهاز ولا ماعن ولا....تحط وكاين اللي قيسو قيس روحو....يجيها بيبي تحط هاو واش شريتلوا هاو واش سميتوا واش جنسوا....وكاين اللي مرزقهاش ربي الذرية...ومبعد يقولوا جاتنا العين...ولا حسدونا...سحرونا...مام عندو ولا عندها كللش تحسد وتغير هادو هوما أمراض القلوب"و الذين في قلوبهم مرض فزادهم الله مرضا"....المختصر المفيد قبل لانقولوا الناس حسدتنا ودارو ودارو...نشوفوا قبل اللي خلاهم يديروا هكا....حنا اللي نفتحولهم الباب ماشي شرط غير فاليوتيوب فأي حاجة مام بالهدرة ومنا....يعني الستر ثم الستر ثم الستر...فأي حاجة فهادي الدنيا...قرايتك زينك ولادك دراهمك دارك خدمتك....أي حاجة.
انتظر آرائكم حول الموضوع

 

[AMH1398]

​

 

[إلياس]

لي عودة ان شاء الله

 

[وۣۗهۣۗہۣۗم]

الارزاق على الله ​

ربي سبحانوو وحدوو يعلم بالخير للعبد ديالوو​

ووحدوو يعرف وين الخير ليه​

وهو اللى يقسم الارزاق سبحانه وتعالى عما يصفون ​

كل واحد ورزقووا كل واحد ومكتوبوووا ​

والعين حق وكيما يقول المثل اختى مايحسد المال غير صحابووا الواحد يكبر الله اكبر ومشاء الله تبارك وتعالى وخلاص​

بوركتى على الموضوع القيم غاليتى​

 

[أبو عاتكة]

السلام عليكم
مرحبا

قضية الناس اللي تكثر من قول: حسدوني ،،غارو مني،،، ضربوني بعين ،،، هذا انسان عايش بدون ايمان غالبا تلقاه بعيد على طريق ربي الصحيحة ماهوش فاهم معنى الدنيا يعرف ربي الا في النعمة والرخاء لا يضع الابتلاء نصب عينيه وديما هو الصح وهو الصواب ومالازمش يمرض او يخسر او تصير فيه اي حاجة مكروهة كانه منزه عن الخطأ ومعصوم من مصائب الحياة كان الحياة خلقت على جالو باه يعيش مرتاح لهذا ديما تلقاه يرمي اللوم على الناس لانو يشوف في روحو هو الافضل هو الاحسن منهم هو شعب الله المختار هو اللي جاب هذا الخير من فضلو وليس من فضل ربي يعني غرور وكبرياء وتباهي وطمع اعمى في ابقاء النعم في غير محلو وزايد عن اللزوم فعوض انو يحمد ربي على النعمة ويدير في بالو ان كل شيء زائل ومتغير في لحظة سواء كانت صحة مال جمال ذرية مستوى او مكانة ...الخ.

وايضا لما يبين حاجة من امورو يبينها على اساس انو ينفع بيها غيرو ويعلم بيها الناس حتى يستفادو او يعطيهم افكار ونصائح وطرق وليس على اساس انو يتباهى بيها او يتفاخر لانو عقوبة التفاخر على الناس هي الحرمان منها فالله لا يظلم انسان هدفه تعليم وافادة ونصح وتنوير غيره ولكنه يعاقب كل مختال فخور.

اما مشاركة تفاصيل الحياة الخاصة بكل حذافيرها في قناة او موقع او غيرها فله اهداف مختلفة اغلبها السقوط في مستنقع حب الشهرة والاغترار بالتعاليق والاعجابات الذي يجعل من صاحبها عبد وتابع ومدمن لهذه التكنولوجيا التي تصوره كبطل مشهور بينما في الواقع هو انسان حبيس الاهواء والمتطفلين والانتهازيين ومرضى تتبع نمط حياة غيره تاركين حياتهم تضيع من بين يديهم.

موضوعك يستحق النقاش اكثر بارك الله فيك.

 

[أم أُنٌَيسة]

وعليكم السلام ورحمة الله وبركاته
بارك الله فيك وجزاك خيرا للموضوع الجميل
الحسد والعين والسحر وكافة الامراض الروحية هي مخلوقات الله عز وجل ومهما كان ومهما فعلو فلن يصيبوا اي انسان الا باذنه عز وجل.. اما ابتلاءا ورفعا لدرجاتهم او غضبا من معاصيهم وامر المؤمن كله خير اذا صبر في المصيبة او شكر في السراء..
اما السحر فلا سبب له، مهما كان ويكون فلا شيء يبرر سحر احد لاخر الا مرضى القلوب كما قلتي.. لكن الانسان يأخد بالاسباب.
اما العين فهي حق،وليس شرطا ان تكون من غريب قادرة انت بنفسك تصيبيها بالعين..
لذلك يوجد ما يسمى الاخد بالاسباب، من تحصينات واذكار الصباح والمساء ووو..
اما من تنشر يوميتها ووو حسب المحتوى وحكمه الشرعي وذلك لا يبرر للناس الحسد والغل والعين ووو.. فكل انسان يحاسب وحده على اعماله.. وهذا لا يعني اني اوافق عملها هذا، انما لنضع كل امر مكانه الصحيح فلا شيء يبرر افعال السوء الا مرض القلوب مهما كان ما يفعله الطرف الاخر طبعا ان لم يكن يعتدي على غيره.. وان كانت صاحبة القناة لا تراعي مشاعر اخوانها الفقراء، فيجب على الفقراء ان لا يتابعوا مثل تلك القنوات في المقام الاول .. او يتابعونها دون غل او غيره، الله عز وجل يقول:


الحمد لله الذي عافانا مما ابتلاهم وفضلنا على كثير ممن خلق تفضيلا
ارجو تقبل مروري

 

[sana barhoumi]

يجب قراءة المعوذتين دبر كل صلاة وتخصيص ورد يومي من قراءة القرأن بالإضافة إلى حضور حلقات التجويد وقراءة دعاء البركة في المحل.

 

[بنت الشمال]

موضوع جميل وأكثر من رائع لأنني مع وجهة نظرك في كل تفاصيلها وأنا أصبحت أتجنب هاته القنوات لأنها أصبحت تزعجني وأنا شخصيا أراها بدون فائدة أي أن محتواها صفر
تقبلي مروري