أصعب فترة😓

[ℓσɴєℓу GĪяℓ]

السلام عليكم..
عندي بزاف مدخلتش للمة وقريت مواضيعها...
اليوم رايحة نهدر على أصعب فترة فاتت عليا يعني نفرغ قلبي.....ممكن هادي اول مرة نديرها مي ملقيتش لمن نفرغ قلبي و شكون يسمعني صح...
شحال من صراولي مواقف خلاوني نحس أنو وجودي فالدنيا كعدمو...حسيت روحي ماني ندير والو...كلش واللي بلا معنى كي كانت تعنيلي كلش قرايتي صنعتي سماطلي كللش...أبسط حاجة ممكن يشوفها الناس والوا تفرحني...وليت نخمم بزااف...كانت كي تغيضني حاجة نبكي نرتاح دوكا وليت حتى البكية راحت...الحمد الله على كل حال...رغم هذا كامل مزالني متيقنة والحمد الله أنو كلش راح يفوت وننسا و كلي ناصرا والو...
و شكرا لكل واحد و وحدة فاتت وقراو كلامي..

 

[إلياس]

لي عودة ان شاء الله

 

[sanaya mery]

كوني قوية
حافظي على نقاء قلبك كطيحي مع ناس حاقدين
اهتمي بنفسك❣❣❣❣
رياضة و اهتمام بالبشرة و الشعر ووووو
سطري اهدافا لك
ديري فبالك واحد ميحبك اذا نتي محبيتيش و ما قيمتيش روحك....
نتي اللي لازم تديري لحياتك معنى...

 

[إلياس]

عليك تفرغي واش في قلبك و خلي قلبك معلق بالله ان شاء الله تفرج عليك و تسير أمورك بالدعاء و التضرع لله

 

[Andy_Delort]

/

سلام عليگم ...

لي عودة ... ​

 

[بيسان بيبا]

دعي املك بربي كبير

 

[sana barhoumi]

اللهم يسر ولا تعسر

 

[طموحة]

السلام عليكم ورحمة الله و بركاته
ربي ينورلك دربك حبيبتي ...لعله اكتئاب عادي كل شي له حل
أولا حبيبتي بعض المشاكل الصحية التي لا ينتبه لها تسبب هذا و الانسان تغيب عنه كنقص الفيتامين دال و الانيميا وغيرها ..
أولا خطوة تأكدي من صحتك و اذا كان في شي عالجية
وعليك بالدعاء و دعاء الحزن وكذلك يا حي يا قيوم برحمتك أستغيث أصلح لي شأني كله و لا تكلني إلى نفسي طرفة عين...عن نفسي و الله أحيانا تمر تقلبات بالقلب حتى لا يجيد الكشف عما به و لا يقدر على صياغة شكوى لحاله لكن مهما كان لا أترك هذا الدعاء و باذن الله أرجع كما كنت و أحسن ...
بعدها حبيبتيالاستيقاظ باكرا مما يشرح النفس خاصة اذا أتيت بأذكارك خلي عندك انجازات يومية صغيرة و لو أعمال البيت ولو قراءة وجه من القرآن و دوني استمرارك عليها مع الوقت تزداد وهذا الشي عندو أثرو على نفسك لأنو الانجاز يفرز هرمونات تسعد الانسان
و اياااك و الهاتف ان كنت مرتبطة به كثييرا فمن البلاء... هو ما يصور لك كل شيء ماعداه بلا معنى أو على الأقل احذري استعماله في الصباح لغير الحاجة ..و شاهدي فيديو على اليوتيوب أسمه صوم الدوبامين لعلي محمد علي سينفعك
ان شاء الله عن قريب تبشرينا بزوال هذا حبيبتي

 

[ليليا مرام]

السلام عليكم اولا ربي يحفظك انك فرغتي قلبك وحاجة مليحة ثلني شي حنقولك كلام مش قصدي نقلل من مشاعرك او همك او نقولك انا برك نعاني او نطيح بيك الا ماذا بيا تفهمي هكرتي انها رسالة لرفع معنوياتك ومش باطل جزاك دعاء وفقط
شوفي لو جبتي كما انا 22 سنة مريضة وكلش فيك متكسر وتخافي تخطوي وتتكسري وتدخلي غرفة عملبات كاللي راكي تدخلي لداركم حتى تنساي تحسبي شعال من مرة دخلتبها لما تعيشي نفس كسر ونفس وجع وكل سنة طيحي فنفس الغرفة ونفس سرير واش تحسي هذا من باب صحة وهما فرحانة بحياتي مع انو ضاعت لا قرابة لا مستقبل لا مضارع لا ملضي كلش تفاصى من وقت راحت صحتي
لما تلقاي روحك بلا عايلة بلا سند باا راجل فكتافك سوا أخ او أب او زوح أو ابن ولو عمرو خمس سنين اموا تشديه فيدك ويرافقك للطبيب وتتعلمي تروحي وحدك تدخلي عمليات وانت وحدك تفطني وحدك تخدمي اوراقك وحدك واش شعورك
لما تشوفي صحاباتك كنتي انت متفوقة فقرايتك تلقايهم فهذا عمر اللي بولادها والا فمنصب والا خدامة واالي راهي تزوج فوليدها أو بنتها وانت فنفس بباصة وتعرفي حاجة مل تتبدل فيك واش شعورك
واش شعورك وانت تستناي شكون ينوضك ويمدلك يد عون وتسمعي الف معنى والف معايرة وتقارعي لغيرك ويننا يحن عليك فنقاىل تقولي لو كملت قرايتي ممكن كنت نكون كبيبة بدل مريضة او محامية بدل متهمة فنظر مجتمع تكوني اطار فبااصة ما راكي اطار غير صالح فبلاصة
اذن عزيزتي احمدي ربي والله ما نطيح بوجتك ولا وجع غيرك فقط ارفعوا معنوياتكم لانو انا هاكا ونطلع معنويات لنفسي ونضحك وعايشة والف حمد وشكرا نتمنى رفعت ولو قليل قليل من معنوياتك

 

[Golden Man]

السلام عليكم..
عندي بزاف مدخلتش للمة وقريت مواضيعها...
اليوم رايحة نهدر على أصعب فترة فاتت عليا يعني نفرغ قلبي.....ممكن هادي اول مرة نديرها مي ملقيتش لمن نفرغ قلبي و شكون يسمعني صح...
شحال من صراولي مواقف خلاوني نحس أنو وجودي فالدنيا كعدمو...حسيت روحي ماني ندير والو...كلش واللي بلا معنى كي كانت تعنيلي كلش قرايتي صنعتي سماطلي كللش...أبسط حاجة ممكن يشوفها الناس والوا تفرحني...وليت نخمم بزااف...كانت كي تغيضني حاجة نبكي نرتاح دوكا وليت حتى البكية راحت...الحمد الله على كل حال...رغم هذا كامل مزالني متيقنة والحمد الله أنو كلش راح يفوت وننسا و كلي ناصرا والو...
و شكرا لكل واحد و وحدة فاتت وقراو كلامي..

وعليكم السلام
1- حاولي تكون صلتك بالله تعالى قوية ( يكون دالك من خلال العبادات+ مع قرآة القرآن الكريم وتدبره وفهمه... مهم جداااا) _ لفقه معنى الحياة الحقيقية وأصل الوجود ..!؟

2- قومي بوضع ( هدف او اهداف ) واااااااضحة لك في الحياة........ واعملي من اجل تحقيقه . "صدقيني لم يعد لكِ أي وقت حينها للتفكير في الامور السلبية" .

الحياة بسيطة عندما نفهما . والعكس .

موفقة بإدن الله أختي