مخي ماركا ايرور..!!

[الرومنسي الجاد]

صحا رمدانكم..
ما فهمتش عفسة شتها منعرف عندنا برك في باتنة ولا بارتو خاطش كنت في وهرن ومكايناش..
ناس كامل تشكي وتندب بصح اغللبية بش منقولش كامل تشري عادي وين منروح نلقا لاشان ع اللحم..لماعن..زلابية..فاكهة..سوبيرات..حتى لي يبيع القرممود والبتاتا الفارغين مفهتش رمدان غلبني ولا غلبهم..!!

 

[همس الوُرود]

السلام عليكم..
راهم يقولو كاين لاشان خاصة على الزيت مزالو مقطوع
اما صح غالي الشي بصح هادي.هي في رمضان والفو يطبخو بزاف طبخات فالطاولة من طبق رئيسي وطبق ثانوي وتحلية وو مهما تنقص وتلق روحك تشري قيسك قيس روحك.. كاين يشري اللحم بصح كمية صغيرة مثلا .. يشري أمور تع تحليات بصح مش بزاف و المرأة فالدار وشطارتها هي كيفاش تقدر تطلب قليل وتدير حاجة بنينة وشابة بالقليل يلي عندها.. وربي يعين الجميع ان شاء الله​

 

[إلياس]

ما عساني اقول ربي يجيب لنا الخير ان شاء الله

 

[Hakan]

باتنة قريت فيها 6 سنوات من أجمل السنوات ،وغاشيها الله يبارك ياكل ماشاء الله عندو ولا ما عندوش ، أما قضية الطوابير راهي بارتو كما قالت الأخت ،كاين لي كسول يحب يزيد عليها انا صرفت و لله الحمد قبل رمضان بيوم لا لاشان لاهم يحزنون يوم الجمعة صبيحة السبت رحت ندور برك مع صاحبي يشري مصروفوا لقينا غاشي كبيير والبطاطا مثلا خلاصت على الثامنة صباحا خخخخ والله يبارك هنا في الجزائر الشعب ياكل في رمضان ويصرف مي في المرحلة هذي كامل ناس راهي تشري قيس قيس ،وغلاء الاسعار راجع بالدرجة الاولى الى قلة المعروض في بعض السلع ،أما السلع الأخرى من زيت و سميد فشعبنا هو لي صنع أزمة نعرف غاشي صرف بالتريبل زيت مثلا يحتاج بيدون نتاع خمسة تلقاه شرى 4 بيادن سيرتو لي عنده المال علاه ما نعرف يخزن من الخوف ،مكاش كاع ربي في باله وانو الرزق من عنده واذا كاتبلك حاجة تجيك والله ويسكرو الاستيراد وصحا رمضان ناس باتنة وجميع الجزائريين .

 

[فريد أبو فيصل]

صحا رمدانكم..
ما فهمتش عفسة شتها منعرف عندنا برك في باتنة ولا بارتو خاطش كنت في وهرن ومكايناش..
ناس كامل تشكي وتندب بصح اغللبية بش منقولش كامل تشري عادي وين منروح نلقا لاشان ع اللحم..لماعن..زلابية..فاكهة..سوبيرات..حتى لي يبيع القرممود والبتاتا الفارغين مفهتش رمدان غلبني ولا غلبهم..!!

كل الوطن وكل الامة تعيش دائما هذه الظاهرة ونفس الامور مكان لا وهران لا باتنة لا بوسعادة لا تونس لا السعودية. المواسم والمواعيد تحيي التجارة والتلاهف عالبيع والشراء. تقدر تشري جمل وتديه معاك للدار بلا ماتفيق.

الامر معني بالتجارة وكانه موسم التجارة عند العرب قديما وقت القوافل ورحلة الصيف والشتاء وطريق الحرير هكذا كلما اقترب رمضان نشطت التجارة ولكن هذه المرة تحس ان الناس ملزمة ولا تشتري بطواعية كالسابق وبطمأنينة وروية وكانهم روبوتات هجومية لاتبقي ولا تذر يعني اخي الكريم لم يتغير شيء ولكن تغير طريقة القضيان ونوعيته وطبيعة الانسان وتفكيره والظغوط التي يعيشها الناس راها تقضي بعصبية وغضب وبدون وعي المهم تشري وخلاص لاتوجد ثقة لا توجد قناعة لا يوجد بما معناه أمان غذائي الكل متوجس وخائف من الجوع. وهذه علامة خطيرة الله يسترنا منها.

 

[السلطانة]

وعليكم السلام ورحمة الله وبركاته
مام لحوانت تاع لماعن قبل رمضان
النساء تتشكى من الغلاء ولي تخرج تخرج بصاشيات معمرين

 

[rycerz]

أنت تقصد هاذوك لي تلقاهم رافدين قفة باليمين و أخرى باليسار و لما تقولو واش راك لاباس يقولك ما تشكرش رانا في حالة

 

[sana barhoumi]

تقول يوم الحشر أمام الدكاكين

 

[أشــواق 19]

راهي بارتووو الظاهرة هذي
حتا كاين لي قالولي مراكز تجارية كبرى كيما ارديس ووو قبل رمضان بيومين فرغووو مبقا والو فيهم

 

[الرومنسي الجاد]

أنت تقصد هاذوك لي تلقاهم رافدين قفة باليمين و أخرى باليسار و لما تقولو واش راك لاباس يقولك ما تشكرش رانا في حالة

توشيتها.. هي بعد
مكنتش قاصد لاشان