محكمة كوزينتنا 😁 تفضلوا للشرع

[جليلوس]

السلام عليكم
تمكنت اليوم مصالح الأمن المنزلي من الاطاحة، بشخص ينشط في مجال سرقة الحلويات يبلغ من العمر 4 سنوات حيث صدرت في حقه مذكرة التفتيش اين تم ضبط 5 حبات بقلاوة وصابلي و8 قطع من الحلوى بالإضافة إلى قطعة كبيرة من المرطبات و بضع قطع من الشكلاطة حيث كان على وشك إستهلاكها ...
وسيتم تقديم المتهم الى الجهات القضائية، أمام السيد وكيل النيابة المنزلية ( الأم ) لتقول كلمتها ، بحضور محامي المتهم ( الأب) اليوم على الساعة 8 ليلا في جلسة مغلقة
وستكون الحراسة مشددة عليه لأنه يعتبر عنصر خطير .
انتظرونا ليلة الشك للإعلان عن الحكم النهائي


في الجلسة الثانية تمت محاكمة الجارة بالسجن المؤبد مع الاشغال الشاقة







والجلسة الثالثة لي قاتلهم ارقدوا انا نغطيكم​

قاللها القاضي عظم الله اجرك
روحي لميه وسكتينا يرحم باباك

 

[جليلوس]

@السلطانة @Asseli Queen @*amani* @"viola" @Rayhan @سكون الفجر

ارواحوا تتفرجوا

 

[حاتم خليفة]

هذا ما يكون غير أصغر واحد باللمة لي دارها @عبدالرؤوف1
😂😂😂

 

[A-Boudjema]

هذا ما يكون غير أصغر واحد باللمة لي دارها @عبدالرؤوف1
😂😂😂

لالا أنا خاطيني، غير متلصقوش فيا التهمة، أعترض على حكم القاضي

 

[حاتم خليفة]

لالا أنا خاطيني، غير متلصقوش فيا التهمة، أعترض على حكم القاضي

راك أنت أصغر واحد في اللمة يعني أنت المتهم الرئيسي في القضية

 

[*amani*]

وعليكم السلام
الجلسة الاولى يادرا وش هو الحكم كان الله في عونه
الثانية ااا السجن من حقها مكذبوش
الثالثة والله تشدك لاكريز ويديرلك شلل نصفي منها ماساهلاش

 

[السلطانة]

صدمة كبييييرة
هاذي الام تتغاشى ومتنوضش

الحكم بالمؤبد

 

[خديجة ph]

والله راني فيها خويا
هههه من يومين درت المقرود راح نص البلاطو و المشكل مش من اولادي الكبار من الفقس الصغير يبدا يقولي "ماما حبيني؟" نقولو هيه يقولي "ماما عطيني مرودة (مقرودة) " و الله كل يوم فوق الخمسة هههههه قوتلو جات عجوزتي داتو المهم راهو يتحلف فيها

 

[خديجة ph]

اما المحكمة الثانية
المشكل في هذيك اللي اخترعت تاع ديري عشرين نوع بعجينة وحدة ربي يهديها

 

[إلياس]

هذا لازم حكم الإعدام هههه

 

[صاحبة الأثر]

ههه والله ما قدرت نتخيل ردة الفعل تاعي تالمو تصدمت مالجريمة ..
راني حايرة فالجاني كيفاش قدر يرتاكبها
يالبرودة قلبه !

 

[همس الوُرود]

هذا وين كنت مع القاطو .. بعد.كون تصرا لا قدر الله ديراكت للكومة الله المستعان

 

[سكون الفجر]

هاي مش صدمة وبس متأكدة انو الام فقدت عقلها
شغل ساعات راح بح
اطالب باقسى العقوبات
مؤبد واعمال شاقة

 

[جليلوس]

هذا ما يكون غير أصغر واحد باللمة لي دارها @عبدالرؤوف1
😂😂😂

باينة هادو غ خدايمه
يا ماشي هو يا فكرة تاعو وحدة فيهم

لالا أنا خاطيني، غير متلصقوش فيا التهمة، أعترض على حكم القاضي

راك متلبس بالجرم المشهود
المتهم رقم واحد

راك أنت أصغر واحد في اللمة يعني أنت المتهم الرئيسي في القضية

خلي دوك نشوفوا مع وكيل الجمهورية يديرلو عقوبة بدنية

 

[جليلوس]

وعليكم السلام
الجلسة الاولى يادرا وش هو الحكم كان الله في عونه
الثانية ااا السجن من حقها مكذبوش
الثالثة والله تشدك لاكريز ويديرلك شلل نصفي منها ماساهلاش

راهم يقولوا على المتهم الاول دارولوا اقصاء من ملابس العيد موسمين كامل بتحريض من @عبدالرؤوف1

الزاوجة تستاهل وراني ماحطيتش الادلة تاع البقلاوة لقساوة المشهد

الثالثة راهم يقولوا راها تنوض تزغرت فليل وترجع ترقد من الصدمة

معكم كاتب الضبط والتحرير جليلوس

 

[جليلوس]

صدمة كبييييرة
هاذي الام تتغاشى ومتنوضش

الحكم بالمؤبد

راها فالكومة

حكمولوا بالعض من كل بلاصة

زوج صباح وزوج فليل زير وخلي المارة

الله غالب هادي اقسى العقوبات

 

[جليلوس]

والله راني فيها خويا
هههه من يومين درت المقرود راح نص البلاطو و المشكل مش من اولادي الكبار من الفقس الصغير يبدا يقولي "ماما حبيني؟" نقولو هيه يقولي "ماما عطيني مرودة (مقرودة) " و الله كل يوم فوق الخمسة هههههه قوتلو جات عجوزتي داتو المهم راهو يتحلف فيها

يا عيني على مرودة تخيلي صرالك كيفها
نشوفوك في مبتسمون رغم الاعاقة
مزيا جات القوات الخاصة وسلكاتك في اخر لحظة
سلكتي وسلكك ربي من الجلطة

 

[جليلوس]

اما المحكمة الثانية
المشكل في هذيك اللي اخترعت تاع ديري عشرين نوع بعجينة وحدة ربي يهديها

هههههه كور واعطي لعور
قاتلهم المهم الفال اودي عدوك وماتحطهلهش بن عمي تقايس بيه يهودي يشهد

 

[جليلوس]

هذا لازم حكم الإعدام هههه

ااااا وي لازم مكاش كيفاش

 

[جليلوس]

ههه والله ما قدرت نتخيل ردة الفعل تاعي تالمو تصدمت مالجريمة ..
راني حايرة فالجاني كيفاش قدر يرتاكبها
يالبرودة قلبه !

مسكين قالك كان في حالة لا وعي
خاصاتو قرعة بيبرون وطاح في يدو السني
دار بارتية فيه

سلامتك من الصدمة
تخيلو الام كيفاش راهي