سبرينج رول بالبطاطس - أكلة صينية

غبنتني حق ربي 🥺🥺
غبننا كامل، انا اليوم كنت مخطط ندير طاكوس بالوصفة نتاعو وهو دارها بينا
يخي يخي اعداء النجاح
 
وصفة شهية بالنسبة للي ياكلوها الصينيين ههههههه
راك دورتها طبخ وتعود الشاف الصغير

مشكور
 
الكريمة الحامضة تقدر تعوضها بفرماج سائل أو بصلصة البيشاميل

أخيرا طلعلي منافس في الطبخ

أنا إختصاصي المعجنات
 
ماشاء الله ربي يباركلك
ونجربها كاش نهار كي نعود وحدي ان شاء الله
و يعطيكم الصحه راكم ظهرتو طباخين وفنانين في الطبخ ربي بارك
 
الكريمة الحامضة تقدر تعوضها بفرماج سائل أو بصلصة البيشاميل

أخيرا طلعلي منافس في الطبخ
أنا إختصاصي المعجنات
يعطيك الصحة خويا
ان شاء الله كي نعاودها ندير الفرماج 😇😇

يخي يخي، وين منافس وين، راني هااااااارب عليك، أنا مصنف من ضمن أفضل 10 شيفات، أشياف، شفف معرفتش جمع شاف 😂😂😂
صحا فطوركم 😊
 
ماشاء الله ربي يباركلك
ونجربها كاش نهار كي نعود وحدي ان شاء الله
و يعطيكم الصحه راكم ظهرتو طباخين وفنانين في الطبخ ربي بارك
يبارك فيك أخي
إن شاء الله تخرجلك شابة
ربي يوفقك وصحا فطورك وعيدك
 
يعطيك الصحة خويا
ان شاء الله كي نعاودها ندير الفرماج 😇😇

يخي يخي، وين منافس وين، راني هااااااارب عليك، أنا مصنف من ضمن أفضل 10 شيفات، أشياف، شفف معرفتش جمع شاف 😂😂😂
صحا فطوركم 😊
مزالك صغير يا ولدي وتتعلم😁

راك نتيج ولدي😉
 
يعطيك الصحة خويا
ان شاء الله كي نعاودها ندير الفرماج 😇😇

يخي يخي، وين منافس وين، راني هااااااارب عليك، أنا مصنف من ضمن أفضل 10 شيفات، أشياف، شفف معرفتش جمع شاف 😂😂😂
صحا فطوركم 😊
خخخخ
حوحو مخلوع في روحو 😂
مزالك صغير يا ولدي وتتعلم😁

راك نتيج ولدي😉

ويا وحدك نتا 😂😂😁
 
الله الله وانا نقول الحس هدا اكل منين
هداا غير انتوما قالبين المطبخ
امرحباا بيكم اسيدى
وشاف تاعناا الله يبارك وصفة خفيفة ضريفة
مشكور على المشاركة​
 
شاف رؤوف راك جايب روحك الله يبارك
 
السلام عليكم ورحمة الله وبركاته سيدتي، اليوم جبتلك وصفة شهية، خفيفة بسيطة، مقادير قليلة بزاف ومتوفرة في كل منزل، راح ترضي رب العائلة وتعجب الصغار، نبدا على بركة الله سيدتي
🙂
🙂
من نيتكم ؟ علاه أنا أم وليد ؟
😕😕😕😕😕

نيييهاو 你好 أعضاء اللمة الكرام
واليوم وحصريا لأول مرة جبتلكم ماكلة شنوية ( مشي قطوطا متخافوش )
مالغري جات كي وجهي كي ساييتها البارح مي جابلي ربي أن لي يديا مشي خاوة

أححححم أحححححم

استمتعوا بالجمال الرباني الخالص، سبرين روووول الصينية
كيشغل بوراك بصح تع لاشين اك فاهم

مشاهدة المرفق 145374


نبداااااو بالمقادير
باه تجيك 12 حبة تع سبرينج رول تسحقو المقادر التالية :

عندك، زوج كيسان بطاطا مسلوقة ومهروسة
عندك، كوب لحم مفروم
وثان، كاس بصل مفروم
زيديلها، كاس شيدار مسكرفج
ومعاها، الكريمة الحامضة نص كاس ( هاذي معرفتش شتاه مدرتهاش وقيلة علاهاذيك خرج كي وجهي، معليش إذا تعرفوها نتوما ديروها واذا متعرفوهاش اصطفوا إلى جانبي )
معاهم، نص ملعقة صغيرة ملح
ونص ملعقة حداخر فلفل لكحل
وهذوا كامل زيديلهم فالسما 4 فصوص ثوم مهروسين
ونشاء الذرة مغرف كبيرة مع كوب ماء
وأخيرا وأخيرا زوج كيسان زيت باه تقلي

والعجينة باينة الديول متسقسونيش الديول شحال ديرو لي جات جات

كملنا مع المكونات والمقادير ونروحو ضك للطريقة /:


في وعاء عميييييييق، ديرو اللحم المفروم + البطاطا المهروسة + البصل المفروم + الشيدار + البطاط المهروسة ومعاهم الكريمة الحامضة لي مازال معرفتش واشن هي، خلطوهم مليح مليح وزيدولهم الثوم و الفلفل لكحل والملح وزيدو خلطوهم مليح مليح

ضك سخنو الزيت

وديرو الحشوة فالديول كيما البوراك نورمال واقلوهم حتى يحمارو
وهذاك الماء بالنشا كيشغل برك باه تغلقو الحبة في بلاصة الماء، منيش عارف علاه نشا سقسو شناوة

وغمسوهم فالديول احيي قصدي فالمايوناز ولا الهريسة وبصحتكم

اضافة مهمة : نورمالمو هذا بوراك بصح تع لاشين مالا باه تحسو بالطعم الصيني كولو بالمطارق تع شناوا واذا مصبتوش نورمال بالستيلوات يفو بالغرض

متحصلوش فيا إذا خرجت عيانة أنا خاطيني
عندك طريقة هايلة في إلقاء معلومات ❤️🤣 تحي عليك استاذة الله يبارك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top