خطافة الراجل من يماه!

[السلطانة]

السلام عليكم ورحمة الله وبركاته


كثيرا مانسمع عبارة:{جات مرتو داتو من أمو!}
{جات اللفعة دارت بيه دوراتو علئ ماليه }

يعني لما يتزوج الرجل يصبح ملك وتحت تصرف زوجته
وكأنه رضيع


او ربما يوجد من هو رجل ورضيع فعلا! او هي مجرد اتهامات في حق الزوجة المسكينة؟

ولانسمع مقولة:{الطفلة لما تتزوج داوها من والديها ومن دارهم لي تربات فيها كانت معززة مكرمة تزوجت راحت تعيش مع راجل وأهله ويصبحون أهلها!}



يعني تجيهم عادي كي يتهموا المرى بلي خطفت ابنهم !
ومتجيهمش عادي لما يفكرو انهم هوما تاني خطفو الطفلة من عز والديها!







ركزوا مع الساعة لي كتبت فيها الموضوع


احتراماتي للجميع

 

[إلياس]

لي رجعة ان شاء الله للموضوع

 

[Hakan]

السلام عليكم صباح الخير ، المشكلة هذي مشكلة وعي إجتماعي زرعاتوا ثقافة المسلسلات في دول العالم العربي ،فلو جئنا مثلا لجيل الصحابة فلا أذكر أني وجدت صحابي كان مقيما عند اهل بيته فكل ينفرد ببيته المستقل ،لكن عندنا الأمر أشبه بأنك تعق والديك بغض النظر عن ايجابيات السكن مع العائلة وسلبياته ، يعني صعب باش تقنع الاهل تاع الزوج أنو الابن راح يجي يستقل يوما ما بنفسه ،وهنا ترجع لطريقة الابن والزوجة تاعو بالاستقلال عن البيت ،فالاحسن يكون بطريقة ذكية بحيث ما يخرجش واهلوا أعداء الزوجة تاعه والزوجة لازم تعرف كيفاه تخرج بطريقة حسنة كما نقولوا بدعاوي الخير ، أما غير ذالك فهذه عقلية النساء و غريزة الأمومة الخاطئة ، الشي لي يحير تدخل الاخوات الام ممكن نقولوا و نساعفوها أما الأخوات لي راهم مشروع زوجات مستقبلا الشي لي دخلهم واش هو ؟
نعاود ونكرر هنا ترجع الشخصية الرجل .
الزوجة تبع لزوجها وكلام النساء عنها لن ينتهي أبدا ارادت ذالك ام لم ترد .

 

[بسمة القلوب]

هههه ايه ديتو من امو وأصبح لي وين راه المشكل لي معجبوش الحال يضرب راسو في الحيط
ارضاء الناس غاية لا تدرك

 

[أستاذ الفلسفة]

السلام عليكم
بورك فيك على الموضوع
يعني بحكم ان الرجال ضعفاء امام نساء
تستطعين القول ان الزوجة تاثر بشكل كثير على الرجل
صحيح ان الرجل ياثر على زوجته
لكن تاثير المراة اقوى من تاثير الرجل ...... ان كيدهن لعظيم
لذلك يشاع على المراة انها تخطف الرجل حتى من كيانه
قال شاعر
الام مدرسة ان اعددتها اعددت شعب طيب الاعراف

نجد هنا تاثير المراة حتى في التربية
يعني بصراحة المراة لها دور كبير في الرجل والمجتمع
لذلك نرى ان المراة هي من تغير الرجل



كذلك لاننسى تضحيات الزوجة في الابتعاد على بيتها الذي نشائة به
لكن يبقى الاسلام يكرمها
لانه لها الحق بصلة رحمها ويمنع على زوجها ان يمنعها من حقها

 

[dahman kz]

وعليكم السلام
الغيرة والحسد وحب التعالي على الغير هي السبب و وراء كل ما يحدث..

 

[aljentel]

هنا خاطف ومخطوف والغالبيه تنظر نظرة ريبه للمرأه من انها هي الخاطف بينما هي في الحقيقة مخطوفه والرجل حينما يكون عاقلا يميز الغث من السمين سيكون هو خصيم نفسه لن تؤثر عليه زوجته فيما لايرغب ويكون لديه حجة الاقناع لها فيما لو تجاوزت خط الرشد ..

 

[{مُدَلَّلَتُهُ}]

السلام عليكم

منظومة الزواج فالجزاير قائمة على أسس ماهيش صحيحة .. مازالت العايلة تزوج ولدها باش يرفد أهلو و مازال الراجل يحسب المرا خدامة و مازالت العجوزة تحسب ولدها كي يبغي مرتو راهي ساحراتو بصح نسيبها كي يبغي بنتها معناتها بنتها بنت أصل و مازالت لي دير الدار على عجوزتها ماهيش بنت فاميليا و هكذا .. خطرات تصيبي الإنسان محسوب مثقف و الله الله و كي تناقشيه في هاذ الموضوع يقولك " امي دخلني للجنة و مرتي دخلني للنار" و يبر بوالديه على حساب بنت الناس لي هو تعب باش جابها مشي هي جات و طبطبت عليه .. شحال لازملنا وعي و ثقافة باش نبدلو هاذ العقلية ما نعرف . . المهم راه الحل في يدينا باه كي نطلعو الجيل الجاي ان شاء الله نفهموه بلي لكل ذي حق حقه و امك واجبة عليك ولدي مشي على بنت الناس و عيش حياتك الزوجية بكل أريحية خاطر كل عش كبير يخرطو منه أعشاش صغيرة .. ربي يفرج على كل مومن و يفتح على كل واحد بيبان الخير

 

[أبو عاتكة]

هي عملية خطف حقيقية اذا حللناها من زاوية الام و عاطفة الامومة تبقى الام متعلقة بولدها ولوكان مول 100 سنة وترى في كنتها المنافسة والمزاحمة على حبه وولاءه ووفائه وربما يصل للاولاد يحكي لنا الكبار كانو لا يجرؤون على حمل اطفالهم امام اعين والديهم خشية وهيبة وخجلا هذا فقط الاطفال فمابالكم زوجاتهم اما الان تحدث بعض الاحيان استفزازات مقصودة او عفوية تجعل الام ترى نفسها دجاجة تم اختطاف كتكوتها من أفعى غريبة.
لهذا وجب الانتباه نحو عاطفة الامومة الامر ليس هين وستدور الدائرة على الزوجات ويكررون رمي الاقوال والامثال على اولادهم.

في الاول والاخير متتفاهم العزوج والكنة حتى يدخل ابليس.