بيبيوتاك الزمن الجميل ممنوع اللمس والاقتراب.

[السلطانة]

رانا نشوفو فيكم نقطة مع ما كنا نعيشه.
لكن انتم ايضا في زمن صعب ومبهم وحليلكم.

انت هو المبدع خونا عبد الرؤوف

علابالك جيلهم كي يكبر ويبدا يحكي يقول ناس بكري
شكون يقصد بناس بكري؟

هههههه حنا

 

[السلطانة]

كانت كامل العايلات تشري بيبليوتاك وتعمرها بلماعن من الشط للشط
البيبليوتاك في الاصل مكتبة هههههه عند الجزايرية لا تخبي فيها المصروف ولماعن

مزية تخلاو عليها ذرك وعادو يفرغو الصالون مبقاش المتحف هذا هههههه

 

[إلياس]

لي رجعة ان شاء الله

 

[حاتم خليفة]

ياحسراه رجعتني ل 30 سنة

بكري ماما ربي يرحمها كانت تقولنا هذو حتان نموت باه تستعملوهم، كان الإقتراب من البيبليوتاك من المستحيلات

كان النص الفوقاني أواني نتاع الوالدة والتحتاني فيه كتابات نتاع بابا ربي يرحمو

من 8 سنين تزوج خويا ومرتوا كسرت 90٪ من الماعن هذوك بحجة أنهم قدم بزاف ربي يكسر يديها إن شاء الله

ضرك الماعن لي بقاو والكتابات نتاع بابا راهم عندي