تربية الحيوانات مع أو ضد؟

[السلطانة]

إن شاءالله أموركم تمام؟

جميعنا يحب الحيوانات، تلك المخلوقات البريئة الجميلة التي خلقها الله فجعل في كل نوع منها جمال لايضاهى فسبحان الله خالق كل شيء.



-أردت معرفة من منكم يحب تربية الحيوانات؟ ومن لايفضلها؟
منذ متى بدأ شغفك بتربية الحيوانات؟
-نوع الحيوانات التي تربيها؟
-هل تربيها داخل المنزل أم لديك مكان خاص لها؟
-نوع الأكل الذي تقدمها لها مع ذكر نوع الحيوان؟
-هل تعالجها حين تمرض؟
هل واجهت مشكلة مع عائلتك وأنت تربي هذا الحيوان؟
-بما تنصح كل من يربي حيوانا؟
صور لحيواناتكم الجميلة
اضافة أخرى من عندك اذا اردت ذلك

 

[السلطانة]

دعوة عامة للجميع

@Hakan
@Golden Man
@ريحـان
@سكون الفجر
@ذكريات
@طموحة
@Skor m@k
@*amani*
@lale çiçeği
@الحلم الوردي
@صاحبة الأثر
@Tama Aliche
@Sanaya klara
@إلياس
@ناصر dz
@حاتم خليفة
@الامين محمد
@dahman kz
@عبدالرؤوف1
@razan roza
@afnene
@Bouchra zarat
@rafid2
@الورد الندي
@فريد أبوفيصل
@الورد الأحمر
@الحلم الوردي
@بسمة القلوب
@خديجة ph


الدعوة عامة لأعضاء لم يذكروا في القائمة كذلك
للجميع شاركونا

 

[السلطانة]

أردت معرفة من منكم يحب تربية الحيوانات؟ ومن لايفضلها؟

*أحب الحيوانات لكني لا أحب تربيتها في المنزل



منذ متى بدأ شغفك بتربية الحيوانات؟

*كان أخي عاشق للحيوانات كل مرة يجيبلنا هامة
-نوع الحيوانات التي تربيها؟
-هل تربيها داخل المنزل أم لديك مكان خاص لها؟
*قطط. هامستر. عصافير
تربى في المنزل لكن في بيت زوجي رفضت تربيتها هههه كان عندو قط منحبوش كي يرقد عالفراش وكان شعور متبادل كي يشوفني يهرب حتان وحد النهار مسكين راح مولاشحزنت عليه
-نوع الأكل الذي تقدمها لها مع ذكر نوع الحيوان؟
-هل تعالجها حين تمرض؟

هل واجهت مشكلة مع عائلتك وأنت تربي هذا الحيوان؟
-بما تنصح كل من يربي حيوانا؟

انا يغيضوني لكن نخاف مسؤوليتهم امام الله نربي حيوان لازم نتبعو ونوقف عليه حاليا نخمم، في تربية السمك لانو اسهل من القطط والعصافير فيهم خدمة
والسمك مسكينة يعوم وياكل وحاكم قدرو

صور لحيواناتكم الجميلة

حاليا معنديش هههه
ان شاءالله عشاق القطط يثرولنا الموضوع

 

[السلطانة]

يشاهد هذا الموضوع: 10 (الأعضاء: 2، الزوار: 8)​

• السلطانة
• الامين محمد

 

[السلطانة]

يشاهد هذا الموضوع: 8 (الأعضاء: 2، الزوار: 6)​

• السلطانة
• ذكريات

 

[إلياس]

فكرة ممتازة و رائعة لي رجعة ان شاء الله

 

[السلطانة]

فكرة ممتازة و رائعة لي رجعة ان شاء الله

في انتظارك

 

[ذكريات]

الحقيقة أنا لعقد من الزمن قمت بتربية طيور الكناري في المنزل، ونجحت في ذلك أحبها كثيرا ولكن تخليت عن الأمر في 2017 بعد ولادة أصغر أبنائي فقد كان أولى بكل وقتي

هذه إحدى الصور لزوجين أنجبا لي الكثير من الصغار، تعلمت الكثير عن تربية طيور الكناري، شيء ممتع وجميل

 

[ريحـان]

موضوع جميل
في مجال آجمل
سآعود

 

[ذكريات]

بالإضافة للبذور المخصصة للكناري أطعمتهم سلطة الخس، والتفاح والإجاص والبيض المسلوق والخبز، خاصة في فترة التعشيش وإطعام الصغار، عائلتي كلها محبة للطيور وقد عاودت إبنتي الأمر مع طيور البادجي حاليا في مرحلت التعشيش، وإنشاء الله ينجح معها الأمر تنتظر صغارهما بحماس شديد، بالنسبة لمرض الطيور الحقيقة أني كنت أعتني بها جيدا ولا أدعها تشيخ عندي بل يبيعها إبني

 

[Hakan]

طبيب بيطري ديما مع الحيوانات ، في دارنا كانوا عندنا القطوطا بصح ما يطولوش يتزوجو يروحو سيرتو الذكورة يحكمو فيهم النساء نتاوعهم هههه .

 

[خديجة ph]

السلام عليكم
غاليتي السلطانة نداء عاجل انت على وشك الوقوع في الفخ باينة البرنسيسة بنتك او الامير وليدك طلبو منك تجيبيلهم كاش قطيطة باستعمال تقنية تذبيل العيون و تقبيل صور القطط في هاتفك و زوج دمعات و بالطبع كلمة ماما ربي يعيشك
انتباه اختك هنا وقعت في الفخ شي اربع,,,, سبع..... عشر مرات
ربينا نباتات ماتوا كي نغيبوا ما نسقيوهمش
ربينا مقنينات ماتوا ما نعرفولهمش
ربينا كاناري مات قالك لازمو عشيرة ما تخليهش وحدو مع الاولاد
جبنا مقنين تاع عجوزتي مات جبدتو بنتي و نحاتلو ريشو تلعب بيه
دورناها اسماك و اكواريوم ماتوا الحوتات كلهم لما سافرنا ما قاستهمش الشمس تعفن الاكواريوم قعدت وحدة سوداء حسبناها ماتت رميناها في المرحاض أكرمك الله قفزت فيه و راحت ههههه المهم اكيد ان مصيرها كان أقسى من الموت
جبنا الكتكوت تاع الدجاج هذاك مات يومين من بعد قالك ما يترباوش في الديار
الحمامة عششت في البالكون افترسها بوعميرة الصقر الصغير اللي ياكل الفئران
المهم حلفت لا نزيد نربي هايشة في داري كي يكثرو عليا الاولاد نقوللهم انتم القطط تاعي و المقانن هههههه

 

[sanaya mery]

مرحبا
تربية الحيوانات حاجة مليييحة ومفيدة للأبناء بحيث يتعلمو يطهلاو فيه ويحبوه ....
من جهتي نحب شوي لقطوطة اللي يجو كالم و كيوت ومتربيين و بطبوطين
مشكلتي مع القطط الشعر تاعهم
فالدار عندي سلحفاة ومعزة السلحفاة نحبها أما المعزة نن علاجال الحليب برك مي ربي يحفظها...
كان عندنا سيامو و راح و نتمنى نعاود نشري واحد...
وكان عندنا زوج بطات يهبلو
الكناري ثاني كان عندي مي يغيضني كي يظل محبوس مالقري سقسيت وقالولي عادي باسكو هو اصلا كبر في كاجة....
الحيوانات ملاح بزاف كاين اللي تستفاد منو ولازملو مساحة ورعاية كما الدجاج والمعيز وكاين اللي يونس برك ومعاه مليح بزاف بزاف سرتو للأولاد كما سلحفاة كناري بطة و كواريوم تاع الحوت يهبلو ❤❤❤

 

[*amani*]

وعليكم السلام
بالاك مكاش لي ميحبش الحيوانات قدي ههههه
كانت عندنا قطة صغيرة وتحب تلصق وتلعب وانا نمووت عشت ايام صعيبة وفي يوم من الايام ماتت مسكينة
درك كي يقولو نجيبو قط صغير نقولهم يا انا يا هو في الدار
من غير هذي القطة مكاش حيوانات اخرى ربيناهم
حاليا عندنا كناري برك كي يكون الحس بزاف يحب يزقزق خخخ
ياكل هذيك الماكلة تاعو وياكل السلاطة... محافظ على اللياقة البدنية
موضوع جميل شكراا​

 

[sanaya mery]

السلام عليكم
غاليتي السلطانة نداء عاجل انت على وشك الوقوع في الفخ باينة البرنسيسة بنتك او الامير وليدك طلبو منك تجيبيلهم كاش قطيطة باستعمال تقنية تذبيل العيون و تقبيل صور القطط في هاتفك و زوج دمعات و بالطبع كلمة ماما ربي يعيشك
انتباه اختك هنا وقعت في الفخ شي اربع,,,, سبع..... عشر مرات
ربينا نباتات ماتوا كي نغيبوا ما نسقيوهمش
ربينا مقنينات ماتوا ما نعرفولهمش
ربينا كاناري مات قالك لازمو عشيرة ما تخليهش وحدو مع الاولاد
جبنا مقنين تاع عجوزتي مات جبدتو بنتي و نحاتلو ريشو تلعب بيه
دورناها اسماك و اكواريوم ماتوا الحوتات كلهم لما سافرنا ما قاستهمش الشمس تعفن الاكواريوم قعدت وحدة سوداء حسبناها ماتت رميناها في المرحاض أكرمك الله قفزت فيه و راحت ههههه المهم اكيد ان مصيرها كان أقسى من الموت
جبنا الكتكوت تاع الدجاج هذاك مات يومين من بعد قالك ما يترباوش في الديار
الحمامة عششت في البالكون افترسها بوعميرة الصقر الصغير اللي ياكل الفئران
المهم حلفت لا نزيد نربي هايشة في داري كي يكثرو عليا الاولاد نقوللهم انتم القطط تاعي و المقانن هههههه

ياااالطيييييف تشروهم و تجرجروهم

 

[dahman kz]

مانيش ضد تربية الحيوان لاني نحب تربية بعض الحيوانات ولكن مانأيدش تربية الحيوانات المؤذية .. لان بعض الحيوانات المزعجه والمؤذية ماتستاهلش تكون في البيت من وجهة نظري كاكلاب لانها نجسة و مزعجه للسكان والجيران بالنباح
بديت تربية الحيوانات في ااصغر و الطفولة
في الطفوله ربيت الارانب بكثرة وعصافير البيريش وبعض جراء الكلاب والقنافذ
وكنت نحب القنافذ حب كبير في الطفولة وللان نربيها لانها تقضي على العقارب والحشرات
وكنت نربي ومازلت للان نربي طيور القطا وهي طيور برية ومن اجمل الطيور المتواجده في الجزائر
وكنت نربي السلوقي بكثرة ثاني لاني صياد وتوقفت على تربيتها السنوات الاخيرة لان الارانب شبه انقرضت من المنطقة
ونربي ثاني الحمام و الصقور المحلية الشاهين والوكري ونستعملها في الصيد وهاذي احد هواياتي المفضبة للان
وكل الحيوانات نربيها في المنزل الا كلاب السلوقي نخليها في المزرعه لانها مزعجه ونجسة
وفي حالات المرض نهتم بالحيوانات للي عندي ونعالجها ونخسر عليها مهما كانت التكاليف
المشاكل ما واجهتني حتى مشاكل في التربية من الطفولة للآن
ننصح كل مربي انو يهتم و لا يهمل حتى حيوان ..و الحيوان مسؤولية يتحاسب عليها المربي عند ربي سبحانه
الصور هاذا واش عندي في الارشيف
صورة سلوقية كانت عندي قبل سنوات






وهاذي صورة واحد من الصقور اللي كانت عندي

 

[خديجة ph]

مانيش ضد تربية الحيوان لاني نحب تربية بعض الحيوانات ولكن مانأيدش تربية الحيوانات المؤذية .. لان بعض الحيوانات المزعجه والمؤذية ماتستاهلش تكون في البيت من وجهة نظري كاكلاب لانها نجسة و مزعجه للسكان والجيران بالنباح
بديت تربية الحيوانات في ااصغر و الطفولة
في الطفوله ربيت الارانب بكثرة وعصافير البيريش وبعض جراء الكلاب والقنافذ
وكنت نحب القنافذ حب كبير في الطفولة وللان نربيها لانها تقضي على العقارب والحشرات
وكنت نربي ومازلت للان نربي طيور القطا وهي طيور برية ومن اجمل الطيور المتواجده في الجزائر
وكنت نربي السلوقي بكثرة ثاني لاني صياد وتوقفت على تربيتها السنوات الاخيرة لان الارانب شبه انقرضت من المنطقة
ونربي ثاني الحمام و الصقور المحلية الشاهين والوكري ونستعملها في الصيد وهاذي احد هواياتي المفضبة للان
وكل الحيوانات نربيها في المنزل الا كلاب السلوقي نخليها في المزرعه لانها مزعجه ونجسة
وفي حالات المرض نهتم بالحيوانات للي عندي ونعالجها ونخسر عليها مهما كانت التكاليف
المشاكل ما واجهتني حتى مشاكل في التربية من الطفولة للآن
ننصح كل مربي انو يهتم و لا يهمل حتى حيوان ..و الحيوان مسؤولية يتحاسب عليها المربي عند ربي سبحانه
الصور هاذا واش عندي في الارشيف
صورة سلوقية كانت عندي قبل سنوات

مشاهدة المرفق 150678



مشاهدة المرفق 150677
وهاذي صورة واحد من الصقور اللي كانت عندي

مشاهدة المرفق 150679

ما شاء الله
هذي موهبة ربي يباركلك فيهم انا ما قدرتش نهتم بهم حقيقة ما عنديش الوقت ولا العلم الكافي باحتياجاتهم
السلوقية تخوف تبان فهد الله يبارك صدرها يبين اتساع الرئتين و قدرتها على الجري

 

[dahman kz]

ما شاء الله
هذي موهبة ربي يباركلك فيهم انا ما قدرتش نهتم بهم حقيقة ما عنديش الوقت ولا العلم الكافي باحتياجاتهم
السلوقية تخوف تبان فهد الله يبارك صدرها يبين اتساع الرئتين و قدرتها على الجري

ايه موهبة وتحتاج شخص عنده صبر و اهتمام كبير ولكن لمشكلة مصاريفها ياسر كيما الطير هاذاك ياكل كل يوم حمامة وساعات نقول نطلقه وناكلهم انا خير ههه
وشي هو كي نخرج بيه للصيادة ويصيد متعة وجو تنسي لواحد هموم الدنيا وما فيها.

 

[الورد الأحمر]

-أردت معرفة من منكم يحب تربية الحيوانات؟ ومن لايفضلها؟

أحب تربيتها لكن ... حلمي نربي قطة وما قدرت نربيها لا في دارنا لا في داري دايما كاين لي يرفض الفكرة

منذ متى بدأ شغفك بتربية الحيوانات؟

منذ الصغر

-نوع الحيوانات التي تربيها؟

العصافير

-هل تربيها داخل المنزل أم لديك مكان خاص لها؟

داخل المنزل

-نوع الأكل الذي تقدمها لها مع ذكر نوع الحيوان؟

الأكل المخصص لها مع التنويع من فواكه وخضر

-هل تعالجها حين تمرض؟

أكيد البيطري يشخص الحالة ويصف الدواء

هل واجهت مشكلة مع عائلتك وأنت تربي هذا الحيوان؟

أحيانا

-بما تنصح كل من يربي حيوانا؟

الرأفة بها

صور لحيواناتكم الجميلة
اضافة أخرى من عندك اذا اردت ذلك

حاليا ما عندي