المرأة و السيارة و كوارث السياقة

[ليليا مرام]

في السياقة كاين نساء من نساء ، والنساء يحبو يطبقوا قانون السياقة وهذا الشيء لي يخليهم يغلطوا لأنو في الجزائر لازم تسوق بدون قانون ،تجي تخلي مسافة الأمان كمثال يصونيو عليها يحكمها ستراس تعشي دايرة كارثة ، لي شفتهم كامل يسوقوا نورمال حتى جارتي صونيا القبايلية تعرف تسوق ،بصح في وقت الخلعة يترشوا كامل وسيرتو في الباركينغ ولا المارش اريار تتلفلهم كامل ، أنا من نهار كنت خدام في حانوت وجات عندي مرا تسوق في ماستار من وهران عرفت بلي النساء هذو يديرو كلش يا بن عمي زقايق لي يديرها الراجل لازم يديروها وخلاص .

والله يا سي حكيم انا من نوع لو يزغرت مش يصوني ما نتقلق عالعكس نزيد ندير زكارة واذا قلقني نطلع فران ما وننزلو ونقولو ارواح انت سوقها مانيش متحركة ولو راجل يهدر كاين الكريك نرقدو فالانعاش...جماعة حڨارين نسا نموت عليهم ويا ربي وذاك نهار طاح فالبغلا عندي مربوطة نحلف بليمين نروح انا واياه للشرع ماني طالڨاتو والله اول شي علمهولي فالسياقة انو ما نتقلقش من لاصونات والا لي ورايا تقلق يروح جريڨ راهي قدامو هذا اول شي نحي خوف نحي ستراس وعازي واقبل نضربلك دورة لوسارة يا حكيم

 

[sana barhoumi]

صحيح النساء لا تجيد السياقة

أما شوية من الحنة شوية من رطابة اليدين

 

[سعد نايلي]

فعلا انني لست ضد المراة في القيادة لكن اغلبهم لايملكون reflexe

 

[@R@ZIK]

السلام عليكم
يعطيك الصحة على الموضوع
انا واحدة من الناس نسوق والحمد الله عندي عام ملي بديت نسوق نورمال في الاول كنت نطبق القوانين مي كي يشوفك مرا يحقروك بلعاني وليت نزدم نورمال واكدلي اذا دوبليتيه ياو يطير ويسبقك ههه وجامي درت حادث مي اليوم كنت راح ندير ليسانس وجا واحد ورايا وماشفتوش جيت نرجع للخلف اكسرليت خبطتوقالي ماشفتنيش قالي جيتيني مرا مي جات سلامات ههه

 

[أبو عاتكة]

والله ق مني بصح اذا شفت مرأة تسوق سيارة أحبس في بلاصتك واستعد للقفز حتى تفوت بسلام وتوقع اي شيء أي شيء تقدر تشوفها تسوق اونفاص ليك تلقاها ورا ظهرك تفريني عليك.
اطاصيو مكانش منها امرأة تسوق وحاطة في الطريق ممكن عقلها في لاصال وجسمها يسوق عادي.

 

[{مُدَلَّلَتُهُ}]

السلام عليكم

الحق انا كي كنت في دارنا قالولي كي تتزوجي دبري راسك و كي تزوجت قالولي كن سقتي عند باباك ما عندي بارمي ما نعرف نسوق كان عندي شوية كوراج محاوه
بصح عموما ما عنديش مشكل مع السياقة تع المرأة في حالات ضرورية تع ثم فالبلاد خاصة كي يكون الزوج غايب ولا لاهي ولا كاش ظرف خاص ما نبغيش برك لي تسوق المسافات البعيدة بين الولايات مثلا وحدها خاطر شعبنا مين يشوفوها مرا يحقروها المخلوقة و كي تخاف تتلفلها ما تعرف مين تبدا و مين تكمل