نصائح زميلي في العمل 🤌

[Andy_Delort]

موقف في العمل:

السمانة لي فاتت كنت خدام المناوبة كعادتي على ساعة23سا 00... سمعني صحبي نحكي مع الواليدة اهاه مليحة صافا دار ملاح... ومبعد قاتلي الوالدة كشما بانلك مكتوب في اشارة ليها على كاش مادبرت نعناعة تاع زواج ولا مزال... فكان رد تاعي تلقائي وروتيني عادي مزال يما.. مكتبش ربي... كي كملت الهدرة... نطق زميلي فالعمل... الزواج مكتوب وتدبيرتو عام... قتلو نعم وهوكذالك... ومبعد استحفل وجاء ماشيا... وبدا يدبر عليا... هيا لازم تكون متخلقة... الكشة متهمش قد ما تهم العقلية... واذا شفتها قبايلية ولا جيجلية ولا جلفاوية ثاني مليحة معروفين بشطارتهم... سكتت لبرهة ومبعد قتلو بصح شكون قلك راني نحوس ولا راك تدبر عليا اكاك برك ... قلي ااه لالا اني ندبر على صحبي برك... وكمل قائلا... لازم نتا ثاني تكون ذارڨاز ويلزم تكون كلمتك لي تمشي ومن لول افرض روحك... خليتو هدر شوية...المهم تماك طاحتلنا خدمة ... كملناها مع5تاع صباح... واذا بيا نسمعو يحكي فالتيلفون... لالا نسرين متفهمنيش غالط... كنت خدام... نسرين متكوبيش اصبري نفهمك... نيسو اسمعيني برك... بلع اشت خاين...

خويا البيطراف.... طيح خشين... عصعص شوية... زير روحك... افرض روحك... حكماتلك لادياري كي شفت لابال تاعها... ختي نعناعة ميزيدش يعاود... في خاطر خوك... عندااك كان خدام برك

العبرة: كي يكون واحد يهدر فالتيلفون سيي متسرقش الهدرة ومتدخلش روحك فشؤون غيرك ومتعطيش مواعض نتا اصلا مشك قادر تطبقها ومكش عايشها...

 

[bouchra bouchra]

دي حاجة باينة كاين عباد مزالوا لدوك يدخلوا رواحهم في صوالح خاطيهم بصح ميش تربية خلاص

 

[Oktavio_hinda]

فعلا توصيل الفكرة راااائع اخي
صح الإنسان الي يكون مربي مايدخل روحو في حتى حاجة وما بالك في مكالمة هاتفية لا تخصو من بعيد ولا من قريب
(عجبتني مكالمة نسرين )​

 

[أم عبد الله]

شوف كاين عيباد يلعبوها رانا هنا الريح مايقيسكش وهوما ف الصح ريح ف الشبك وداخلا ف كلش لوكان جات ع دخلو روحهم ف آبال راهي ساهلة تلقاهم عايشين حياتك كثر منك هههه والبروبلام يجو تاع نورمال لاحشمة لاسيدي زكري هههه
المهم نسرين لي زوم زيراتو

 

[Hakan]

صاحبك صاريلوا كي واحد السيد هبلنا كي كنا صغار بالفتاوى ومرتك وماللزمش تخرج ،وبنتك حبسها من القرايا ووووو ياودي وهر امة معاه وكي تزوج مرتوا من الوذنة حاكماتوا رجع كثر من الفلون يترعد وحدو ،التنضيراات كامل نعرفوهم في الصح معدن الانسان يخرج يجري ،الله يقدرنا ونعناع ضركي ماهوش نعناع بكري

 

[إلياس]

اسمع لي يبكيك و لا تسمع كلام ليضحك

 

[وۣۗهۣۗہۣۗم]

اخلايااا شكون نسرين .... ​

مش انا خاطي خااطى ​

ههههه عجبنى الطرح ​

​

المهم كاين شي عيباد الذبيحة وقليل فيهم ناسيين كياتهم وعايشين حياة غير يا خووياا جاي تنصح معليش بصح المومن يبداا برحووو افريها مع حياتك برك ومبعد حياة غيرك ساهلة ​

 

[Andy_Delort]

دي حاجة باينة كاين عباد مزالوا لدوك يدخلوا رواحهم في صوالح خاطيهم بصح ميش تربية خلاص

اييه هذاك بيت القصيد
مشكورة على المرور

 

[Andy_Delort]

فعلا توصيل الفكرة راااائع اخي
صح الإنسان الي يكون مربي مايدخل روحو في حتى حاجة وما بالك في مكالمة هاتفية لا تخصو من بعيد ولا من قريب
(عجبتني مكالمة نسرين )​

/

فما بالك مكالمة هاتفية شغل خصوصيات تاع الخصوصيات هههه

اوا طاطا نيسو تحكم بحكامها
زايدة فدوميل ڪات

 

[Andy_Delort]

شوف كاين عيباد يلعبوها رانا هنا الريح مايقيسكش وهوما ف الصح ريح ف الشبك وداخلا ف كلش لوكان جات ع دخلو روحهم ف آبال راهي ساهلة تلقاهم عايشين حياتك كثر منك هههه والبروبلام يجو تاع نورمال لاحشمة لاسيدي زكري هههه
المهم نسرين لي زوم زيراتو

/

نيسو دارتو زبادييي ملخر ههههه

مغلطتيش ختي عندك صح

 

[Andy_Delort]

اخلايااا شكون نسرين .... ​

مش انا خاطي خااطى ​

ههههه عجبنى الطرح ​

​

المهم كاين شي عيباد الذبيحة وقليل فيهم ناسيين كياتهم وعايشين حياة غير يا خووياا جاي تنصح معليش بصح المومن يبداا برحووو افريها مع حياتك برك ومبعد حياة غيرك ساهلة ​

/

هههههه ضحكني ردك اختي

افري صوالح ومبعد دور لصوالح الناس... صحيتي ختي

 

[Andy_Delort]

صاحبك صاريلوا كي واحد السيد هبلنا كي كنا صغار بالفتاوى ومرتك وماللزمش تخرج ،وبنتك حبسها من القرايا ووووو ياودي وهر امة معاه وكي تزوج مرتوا من الوذنة حاكماتوا رجع كثر من الفلون يترعد وحدو ،التنضيراات كامل نعرفوهم في الصح معدن الانسان يخرج يجري ،الله يقدرنا ونعناع ضركي ماهوش نعناع بكري

/

هههههههه هاا شفت هذاك هو مشكل لي راه صااري...

صحيت خويا على المرور

 

[Andy_Delort]

اسمع لي يبكيك و لا تسمع كلام ليضحك

كاااينة خوياا