قالو ناس بكري

[Oktavio_hinda]

ياليل علاش هكذا اناني
قصير على الي ناعس هاني
وطويل على لي سهران مع همومو يعاني
*****
الكلمة من عند الرخيس ماتزعزع ماتقيس
ومن عند الغالي تسهرك الليالي
ضربة بدمها ولا كلمة بسمها
*****
الرجلة عندها ميزان
ومعدن بنادم مع الوقت يبان
*****
​

 

[أفنانوه]

كلاااام صووووواب

ربي يرحم لي قالو

شكرا لك على النقل

 

[Oktavio_hinda]

إذا شفت العيب في خوك
جيب لبرة ورقع
ماشي تجيب الموس وتقطع​

 

[Oktavio_hinda]

نسكر و نسوق راقد

سبابي قلبها البارد​

 

[الامين محمد]

واش رايك يكون موضوع فقط للمعاني
يعني حتى الردود تكون بالمعاني تاع بكري

 

[السلطانة]

قالو ناس زمان | اللسان يبني ديار ويهدم ديار

 

[Oktavio_hinda]

ما نلومك وما نفسرلك
نضحك معاك ونخليها تخدملك
​

 

[Oktavio_hinda]

قالو ناس زمان

قبل ما تلومو الذيب
شوفو نعاجكم وين كانت تسرح​

 

[Oktavio_hinda]

الضو مايعاشر الظلمة
والنية ماتعاشر الحيلة​

 

[ام أمينة]

قالو ناس زمان
كل عساس يتحاسب على بابو
و كل زاحد يدي معاه أفعالو
يعيا الطير يطير و يرجع لمكانو
واحد ما يطمع فالوقت يرجعلو زمانو
ما يغيضو غير السبوعة كي يتهانو
اما الكلاب من بكري هكذا كانو
يجي الزمان وين الرجلة فيه تغيب
و ساس الشهامة يريب
كاين النية و كاين الذيب
كاين الخاين و كاين الحبيب
كاين السهال و كاين الصعيب
و كيف ماكان الحال ربي هو لي القريب
.....​