واش رايكم في هذه الوصفات الوهمية

Oktavio_hinda

:: عضو بارز ::
أحباب اللمة
إنضم
15 أوت 2009
المشاركات
1,367
نقاط التفاعل
3,003
النقاط
76
محل الإقامة
الجزائر العاصمة
الجنس
أنثى
Screenshot_20230604-101248_YouTube.jpg


كل مرة ندخل اليوتوب ومع منافسات صاحبات صفحات الطبخ لفت نظري أنهم صارو كالمجنونات أو يتهيئو اننا ساذجات
تلقى وحدة حاطة حبة بيض وكأس زيت وتقلك وصفة اقتصادية والمكونات موجودة في كل بيت
ندخل نشوف نلقاها بعد إلقاء محاضرة في الاقتصاد تبدأ في تحضير وصفتها
تبدأ بكسر حبة البيض وسكب الزيت عليها وتضيف السكر وتخلط بعدها تقلك ضيفي كأس لوز وجوز وزيدي عليها زبدة ذاءبة وفرينة وضيفي ليها 500 غرام من شوكولا ذائبة وحطيها في الفرن
ومن بعد ماتوجد تزيدي غلاساج بالشوكولا البيضاء والبنية وعليها 200 غرام فسدق
ولازم يكون عندك ملون بنكهة الفراولة
ههههه
هيا يرحم والديكم وش معناها هذ التصرف
وليت وين نشوف حبة بيض وكأس زيت ماندخلش😁
 
وصفات طبخ لكن في ظاهر تبدو شهية للغاية علينا تجريبها و الحكم عليها لأني أحسها غريبة جدا و كثرت منهم هذه الوصفات الوهمية
 
كثرت هذه الوصفات الوهمية الغريبة لكن علينا تجربيها قبل الحكم عليها لأني أحسها غريبة جدا لاني من عشاق الاكل الغريب خاصة الحلال منه
 
اسلوب يستعمله الكثير من اصحاب القنوات و الهدف هو تحقيق اكبر عدد من المشاهدات و لو كان على حساب مصداقية المحتوى


ولكن هناك مشكل اخر في هذا النوع من المحتوى وهو ان هناك من يصدق انها وصفات فعلا ويقمن بتطبيقها ويقدمنها كإنجاز و طبق لذيذ في طاولات بيوتهن
ويتباهين بها امام ازواجهم 😒😒
 
كثرت هذه الوصفات الوهمية الغريبة لكن علينا تجربيها قبل الحكم عليها لأني أحسها غريبة جدا لاني من عشاق الاكل الغريب خاصة الحلال منه
الأهم هو انو الظاهر غير المحتوى هذا هوالمشكل اخي الياس
 
اسلوب يستعمله الكثير من اصحاب القنوات و الهدف هو تحقيق اكبر عدد من المشاهدات و لو كان على حساب مصداقية المحتوى


ولكن هناك مشكل اخر في هذا النوع من المحتوى وهو ان هناك من يصدق انها وصفات فعلا ويقمن بتطبيقها ويقدمنها كإنجاز و طبق لذيذ في طاولات بيوتهن
ويتباهين بها امام ازواجهم 😒😒

يا أخي دحمان الوصفات تكون شهية أو لا
المشكل في الكذب علاش تقول اقتصادية وتصور في أول الفديو مكونين اثنين وتقول مكونات موجودة في كل بيت وفي الحقيقة الوصفة مكوناته غالية الثمن وهناك من لا يوجد في مطبخ اي سيدة حفنة كاكاو هذا هو مشكل صاحبات القنوات
 
هههههههه في هته الوصفات ق الكاس
اللي كاين بالرسمي
أما باقي المكونات فموجودة عند ام وليد هههههه
 
صراتلي شحال من مرة نقول نجرب كاش طبخة جديدة نلقاهم كاتبين
وصفة بمكونين فقط أنا نفرح وغير ندخل "صدمة كبيرة" نلقى مليار مكون وكامل غاليين
 
ديما نقولها ونعاودها
كون نافسناهم حنا رواد المنتديات من زمان لكنا في المراتب الأولى .
كثرت القنوات لجني المال والمحتوى ربي يجيب
الكذب مداير حالة حتى لي كانت تطيب اقتصادي تحلبت وعادت تخرط عالغاشي 😅
 
هههههههه في هته الوصفات ق الكاس
اللي كاين بالرسمي
أما باقي المكونات فموجودة عند ام وليد هههههه
هاديك هيا خويا الأمين انا فوق الكأس والبيضة مانزيدش😁
 
صراتلي شحال من مرة نقول نجرب كاش طبخة جديدة نلقاهم كاتبين
وصفة بمكونين فقط أنا نفرح وغير ندخل "صدمة كبيرة" نلقى مليار مكون وكامل غاليين
والله كيما انا هي تبدأ تحط فلمكسرات والشوكولا وانا نخرج هو التمسخير تاعهم علاش تقول من الاول الوصفة بمكونات اقتصادية وموجودة في كل بيت 😤
 
ديما نقولها ونعاودها
كون نافسناهم حنا رواد المنتديات من زمان لكنا في المراتب الأولى .
كثرت القنوات لجني المال والمحتوى ربي يجيب
الكذب مداير حالة حتى لي كانت تطيب اقتصادي تحلبت وعادت تخرط عالغاشي 😅
أنعم اختي السلطانة كلو من زيادة المشاهدات والمال فقط وكيما قلت للأخ حاتم لو يقولو من الاول المكونات الحقيقية للوصفة لكن الكذب الي مش مليح المهم كاين ام وليد ربي يطول في عمرها 😊😄
 
هم الان يهتمون لليكات وعدد مشاهدة المهم تلقى عنوان نار ومحتوى فار ميت ههه رجع كل شيء تجارة هذا حالنا مانكذبش عليك نوعية فديوهات درلي ضغط نهرب منها صراحه
شكرا على طرح في محلووو يسلموو
 
عناوين تجذب المشاهدات
والمغزى من القناة المشاهدات وفقط
يعني متبعيهمش وخلاص
انا نتبع قنوات خاصة واكلهم مجرب وناجح

مرة جربت جنواز بزوج حبات بيض قلت بالاك تنجح هههههه

كليتها تقول بونج ههههههه
خلطتلها شوي شنتيي وقتلهم كولوها ولا قعدوا ههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top