كيفاش نقولوا بالفرنسية == ساهلة ماهلة ==

[جليلوس]

كي تقولوا لواحد merci و تسمعوه يقولكم
C'est moi
هنا حب يقولكم
de rien, avec plaisir, je t'en prie...etc. ️️
️​

 

[جليلوس]

مبدع كعادتك سلمت يداك اخي الكريم عبد الجليل

شكرا لك

 

[جليلوس]

هيا يا اشغاغ منبقاوش ديما نقولو :
En tout cas

نبدلوها شوي ب :
De toute manière
De toute façon
Quoi qu'il en soit

والمعنى تاعهم : على أية حال، على كل حال.

exemple : En tout cas, appelle-moi quand tu rentres.
على كل حال، عيطلي كي تروح للدار

En toute façon, je vous aime

 

[جليلوس]

#5كلمات_يوميا

☛Mon amour : حبي

☛Mon âme : روحي

☛Mon Trésor : كنزي

☛Mon coeur : قلبي

☚Mon chéri : حبيبي

سامحوني حرقتلكم مشاعركم مع صباح ربي

 

[جليلوس]

بعض اسماء الأمراض
La migraine : الشقيقة
النطق : ميڨغان
_____________
La rougeole : بوحمرون/الحصبة
النطق: غوجول
_____________
La tuberculose :السل
النطق:توباغكولوز
_____________
une hépatite : إلتهاب كبدي
النطق: إيباتيت
_____________
Le rachitisme : الكساح
النطق : غاشيتيسم
_____________
L'asthme:الربو
النطق: آزم
_____________
une épilepsie:الصرع
النطق:ايبيليبسي

________________________
ربي يشفي جميع المرضى

 

[جليلوس]

البارح وحدة سقاستني وقتاش نستعملو
le pronom relatif : Dont
ووعدتها نحطها اليوم ان شاء الله منكونش طولت عليك
تبعو معايا
Dont
نستعملوها باش نرومبلاصيو/نعوضو Un complément لي يكون يبدا ب De

علابالي تفهموا بالأمثلة، باش تفهمو مليح :
Je t'ai parlé de mon fils
هدرتلك على ولدي
=> Voici mon fils, dont je t'ai parlé
هاهو ليك ولدي لي هدرتك عليه
______________________
C’est le chien de Mohammed. Imen a peur de ce chien.
هذا الكلب تاع محمد. إيمان تخاف من هاذا الكلب
=> C’est le chien de Mohammed dont Imen a peur.
هذا هو الكلب تاع محمد لي تخاف منو ايمان
(هنا تفادينا التكرار وهو الهدف الاساسي اصلا تاع هذا le pronom)
______________________

 

[جليلوس]

إذا جات Tout قبل un nom(إسم) واش نكتب؟ Tous أو Toute أو Toutes أو Tout
سااااهلة ماهلة
إذا جات قبل إسم مذكر مفرد masculin singulier نكتب Tout :

-Ex: Tout le monde est là! (monde : un nom masculin singulier)
الجميع هنا!

إذا جات قبل إسم مؤنث مفرد Féminin singulier نكتب : Toute:
-Ex:J'ai travaillé toute la journée(journée : un nom féminin singulier)
عملت كل/طوال النهار.

إذا جات قبل إسم مذكر جمع Masculin pluriel نكتب : Tous
-Ex: Tous ses amis sont fidèles (amis:un nom masculin pluriel)
جميع/كل أصدقائه أوفياء

إذا جات قبل إسم مؤنث جمع Féminin pluriel نكتب Toutes:
-Ex:Toutes ces filles sont belles (filles: un nom féminin pluriel)
كل هاته الفتيات جميلات.

 

[جليلوس]

علاش لازم نقول Je me rappelle cette histoire وملزمش نقول Je me rappelle de cette histoire
صحا صحا بلعقل دوك تفهمو...
اولا جامي تقول Je me rappelle de cette histoire
لأن الفعل se rappeler ديييما يكون وراه كلمة عادي جامي تجي وراه De
je me rappelle quelque chose
اي نشفا على كاش حاجة
مثال نقولك :
Je me rappelle cette femme
راني شافية على هاذ المرا(أنا أتذكر هذه المرأة)
ولكن الفعل se souvenir هو لي نديرو وراه de يعني se souvenir de quelque chose وعندو نفس المعنى تاع لوخرا لي لفوق
مثال نقول :
Je me souviens de cette femme
راني شافية على هاذ المرا
_____________________
ايا وكي نجي نعوض واش نقول :
صحا شوفوا معايا هاذ المعادلة البسيطة :
Je me rappelle cette histoire = je me la rappelle
انا اتذكر هذه القصة = أنا أتذكرها
هنا La ترجع على histoire
Je me souviens de cette histoire = je m'en souviens
انا اتذكر هذه القصة = انا اتذكرها
ولكن هنا en ترجع على histoire بسكو جات قبلها de وولات COI وكيما نعرفو الضمير en عادة يعوض COI....
___________
ولكن حذاااااار
نقول Je me rappelle de في حاااالة وااحدة وهي كي يكون وراها ضمير شخصي
مثال :
Je me rappelle d'elle أنا ٱتذكرها
جامي نقول Je me rappelle elle *
أمثلة أخرى :
-Je me rappelle de toi أنا أتذكرك
-Il se rappelle de toi هو يتذكرك
_____________________
طاب يومكم نتمنى تكون وصلت المعلومة
نلتقي في الغد مع دروس جديدة

 

[إلياس]

شكرا لك

العفو اخي عبد الجليل

 

[جليلوس]

المرأة لي ماشي متحجبة نعيطولها

Une femme non-voilée
ماشي

Une femme civilisée (مرأة متحضرة)​

 

[جليلوس]

ليوم نعلمكم les formules de politesse
كيعطس واحد si quelqu'un éternue
On dit : à tes souhaits !
الا عاود عطس للمرة الثانية نقولولو
À tes amours !
كواحد يجي رايح للخدمة بالسيارةمثلا ، si quelqu'un part au travail en voiture par exemple
نقولولو :
Bonne route !
Rentre bien !
Bon retour !
كواحد يجي يدير حاجة صعيبة مثلا ( اختبار / مشروع .....)
Si quelqu'un doit faire quelque chose de difficile
نقولولو
Bon courage !
Bonne chance

 

[جليلوس]

كي يقولك واحد شكرا وكرهت من كلمة De rien تقدر تعوضها ب :

Y a pas de quoi / il n'y a pas de quoi

Avec plaisir

Merci à toi

Je t'en prie / je vous en prie

C'est moi​

 

[جليلوس]

شوفو مرة جاية كي نقولكم
➵Langage courant
➵langage familier
➵langage soutenu
متدوخوش
هوما راهم نسموهم des registres de langue

➩Le langage courant:​

هو المتداول، يعني الكلمات والجمل والعبارات المتداولة في حياتنا اليومية وديما نسمعوهم (راني نحكي على الفرنسية كي تعود تتحدث بيها يوميا) يعني هو نوع من اللغة لي تلقاها بارتو
مثلا كلمة : voiture هاذي في اي وضعية نقولها عادي
____________________

➩Le langage familier :​

هذا النوع من اللغة ميصلحش نستعملو بارتو، نستعملوه غير مع لافامي والصحاب وفي وضعيات غير رسمية تماما، وهي نوعا ما كيما نقولو حنا : الدارجة (كاين العربية الفصحى وكاين دارجة) ..
مثلا نقولك : Bagnole هي معنتها : سيارة... مي كلمة هاذي لا تستعمل في جميع الوضعيات، غير في الوضعيات غير الرسمية
_____________

➩Le Langage soutenu / savant :​

هذا رسمي بزااااف وكلماته وعباراته نستعمولهم غير في وضعيات رسمية مثلا في محاضرة، مقابلة عمل... إلخ ، تلقاو فيه ساعات كلمات لي جااامي سمعتو بيهم علاخاطر جاييين غير متداوليين يعني منستعملوهمش بزاف.
مثلا نقولك : véhicule لي هي : سيارة

 

[جليلوس]

5 كلمات يوميا

vraiment : حقا
فغيمون

Évidemment :بالطبع
إيفيدامون

Effectivement : فعلا
ايفاكتيفمون

Apparemment : ظاهر/ يظهرلي
آباغامون

Franchement : بصراحة
فخونشمون​

 

[جليلوس]

كلمات متداولة يوميا وكيفية كتابتها :
Zalamit

الزالاميت
les allumettes

عيدان الثقاب
______________
Cofficient

coefficient

المعامل تاع المادة او الموديل
______________
Scalope

Escalope

قطعة لحم...

ناكل الخضرة مناكلش سكالوب ريجيم خويا

وردة شارلومانتي خخخ
_____________
Toxication

intoxication

تسمم

Intoxication alimentaire تسمم غذائي
______________
Piper

Biper

كيما تقولو نبيبيلو خخخخخ
​

 

[ذكريات]

شكرا على الموضوع القيم، متابعة بإذن الله.
كانت محيرتني هاذي وراك حليتها، يبقى إسم المهنة باللغة العربية إن وجد.

عادة مهنة التوليد(القابلة) مخصصة للنساء من بكري دونك جامي يخممو يعطيو اسم للراجل في هاذ المهنة
وفي 1982 فتحو المجال في فرنسا للرجال باش يمارسو المهنة

ايا حارو واش يسموهم :

كاين لي يسميهم:
Sage-femme homme
Homme sage-femme
ولكن في القواميس كي تحوسو راكم قادرين تصادفو كلمة :
Un maïeuticien
(médecine) Homme exerçant le métier de sage-femme.

النطق الصحيح تاعها : مايوتيسيان
​

 

[جليلوس]

شكرا على الموضوع القيم، متابعة بإذن الله.
كانت محيرتني هاذي وراك حليتها، يبقى إسم المهنة باللغة العربية إن وجد.

ايا مزية الحمد لله ياربي
وله كي نلقاه نقولكم عليه
موفقة

 

[جليلوس]

✓ Rire beaucoup = s'esclaffer (يضحك كثيرا)

✓ pleurer beaucoup = sangloter (يبكي كثيرا)

 

[جليلوس]

- je m'appelle Hania (إسمي هانية )
=
J'arbore le nom de Hania ( أنا احمل إسم هانية)​

 

[جليلوس]

salle : قاعة

sale : متسخ

Ex : la salle est sale : القاعة متسخة​