رولي الدجاج بالكريمة ولا اروع من مطبخي

[بسمة القلوب]

السلام عليكم لحباب

صح رمضانكم نتمنى كامل تكونو بخير
اليوم جبتلكم وصفة رولي الدجاج المفروم من البواقي يجي بنين يهبل

مشاهدة المرفق 165815
الوصفة
نأخذ نصف صدر دجاج نرحيه و نتبله و نفرشه فوق ورق الشفاف ونزيد فوق كانت باقيتلي حبة كورجيت قليتها و وزعتها عليه و زدت شوية فرماج ابيض و شوية فرماج شيدار قطعته بالطول و روليته و لفته في ورق الالمنيوم و ثقبته بالكردون و درته يبخر
بعدما طاب نحمره في مقلة فيها شوية زبدة و زيت.
في نفس المقلاة نقطع بصلة صغيرة نقليها و كان باقيلي شوية شوية نتاع شومبينيو و زيتون اخضر قطعته دوائر قليتهم مليح و درت ملح و فلفل اسود بعدها زدت شوية كان باقيلي كريمة الطبخ و شوية فرماج ابيض و شوية حليب و خليتهم كي عقدت شوية طفيت عليها و التقديم اختياري
 تحياتي

 

[إلياس]

شهتني سلمت أناملك الذهبية صح فطورك

 

[فريد أبو فيصل]

ماشاء الله ربي يبارك
شهية طيبة بصحتكم وربي يتقبل من الجميع

 

[آمِيْرَتُه]

السلام عليكم
يجي بنين و رائع
يعطيك الصحة

 

[السلطانة]

وصفة تشهي وتصلح في رمضان