الوحم،،كاينة منها صح🤔 تجاربكم 🌷للنساء فقط🚫

[فاتن سيلين]

السلام عليكم ورحمة الله وبركاته

اخواتي ببساطة أردت أن نتناقش في موضوع مهم الي هو الوحم ..
رأيت إحدى العزيزات على قلبي كثيرا وهي تذرف الدموع لأنها توحمت على أكلة خاصة بمدينة أخرى .تلك العزيزة التي تبدو صارمة وجدية. تبكي أمامنا دون أن تشعر والسبب انها اشتهت أكلة معينة ولم تجدها..(حاليا عرفت الطريقة وسأحاول انا وجدتي طبخها لها وربي يجازي خيرا من علمني الوصفة).

بنا اني اخر العنقود لا اعرف وحم امي . وبما اني عندما ولدت اخواتي امهات..والاخريات تزوجن بعيدا عن مدينتنا لم ارى فترة وحمهم كيف مرت ..
صحيح اعرف علميا أن هرمونات المرأة تتغير ويتغير مزاجها عند الحمل . لكن اريد أن أعرف اكثر عن الموضوع
للامهات هنا شاركونا تجاربكم مع الحمل الغريبة

وهذه اسئلتي:

هل انت وحمك صعيب أو ساهل؟
واش الحاجة الغريبة الي توحمتي عليها أكلة أو رائحة ...الخ؟
هل اي حاجة توحمتي عليها لقيتيها ولا بقات في قلبك للان؟
هل لقيتي اهل زوجك او اهلك او جاراتك داعمين لك في فترة الوحم ويوفرولك اي حاجة توحمتي عليها؟
واهم سؤال هل زوجك كان سند لك فترة وحمك يعني متفهم و واعي بهذه المرحلة فإذا قلت مثلا اشتهيت اكل الثلج يحضره لك او أن الرجل الجزائري غير واعي بهذه المرحلة من الحمل ويراه دلع زايد؟

شاركونا تجاربكم لنستفيد نحن العازبات

 

[فاتن سيلين]

@la lune rose @السلطانة

@*amani* @ريحـان

@ام أمينة

@سجينة الصمت

@طموحة @جمــآنــة

@زاد الرحيل

@سـارة @بسمة القلوب

@زهور الشوق @أحلامي @♡كارينا♡ @الورد الأحمر

@راجية الرحمة @Oktavio_hinda @صانعة الإبتسامة

@الإستثنٱئية @الحلم الوردي @Tama Aliche

@زهور الشوق @سحائب الشوق @وۣۗهۣۗہۣۗم @شجـ الروح ـون

@خديجة ph

@أم أُنٌَيسة @أفنانوه
@لمعانُ الأحداق

 

[لمعانُ الأحداق]

علميا يُعتقد أن الوحم قد يكون طريقة الجسم للتعبير عن نقص بعض العناصر الغذائية
يعني تتوحم على الأغذية لي فيها الفيتامين أو العنصر الغذائي لي ناقصها
مثلا تلقايها تتوحم على التراب ولا اللحوم الحمراء
دليل أنو ناقصها الحديد

غير ذلك مازال ماعنديش تجربة^^

نستفاد معاك فاتن

 

[فاتن سيلين]

علميا يُعتقد أن الوحم قد يكون طريقة الجسم للتعبير عن نقص بعض العناصر الغذائية
يعني تتوحم على الأغذية لي فيها الفيتامين أو العنصر الغذائي لي ناقصها
مثلا تلقايها تتوحم على التراب ولا اللحوم الحمراء
دليل أنو ناقصها الحديد

غير ذلك مازال ماعنديش تجربة^^

نستفاد معاك فاتن

بارك الله فيك إكرام على الاضافة والمشاركة ..نعم نحن في انتظار الأمهات

 

[فاتن سيلين]

سالت الان أختي الكبرى عن وحمها كيف مر..أخبرتني أن لكل امرأة وحم خاص بها وهناك نساء لا يحسون ابدأ بالوحم أو بالحمل .اما هي قالت في كل حمل وحمها يختلف عن الاخر.لكن تعجبت أنها توحمت على رائحة زوجها وكرهته بشدة. وفي حمل اخر العكس صحيح. أما الاكل قالت توحمت على بربوشة بالحليب فايض والفول ههه من طبخ زوجة عمي .والحمد لله طبخته لها

 

[أم إسراء]

و عليكم السلام و رحمة الله و بركاته
الموضوع اللي للآن نشوف فيه ساعات مبالغة من بعض الحوامل ممكن لأنه ما توحمتش على شيء كبير ههه كي نقول هكذا أمام الزوج يقولي و عصير توجة برتقال و النيكتارين اليابس و الحامض شكون هبلني عليهم ههه رغم أنه وقته لكن كنت صح نحوس غير ع الأحمر منه و اليابس و حامض.
نشوف وحمي هذا في المعقول بعكس بعض السيدات لي تتوحم ع الجير و الاسمنت و الطباشير ووو أمور غريبة
هل انت وحمك صعيب أو ساهل؟
الحمد لله في الأول و الثاني ساهل
واش الحاجة الغريبة الي توحمتي عليها أكلة أو رائحة ...الخ؟
هل اي حاجة توحمتي عليها لقيتيها ولا بقات في قلبك للان؟
السؤالين بجواب تقريب واحد.. نعم حمد لله بالخصوص وحمي الأول تقريب الحاجة الوحيدة بعيدا عن الشراء كنت أعشق حاجة اسمها كسرة (الرخسيس ) مع زيت الزيتون و لازم تكون بيدي الكسرة و ناكلها مباشرة من الطاجين هههه ماقلقت و لا واحد .
الحمل الثاني كرهت كل أنواع العطور لدرجة تشارجت مع زميلة في العمل تحط العطر كيما لفليطوكس هههه من بعد تفهمت الوضع
هل لقيتي اهل زوجك او اهلك او جاراتك داعمين لك في فترة الوحم ويوفرولك اي حاجة توحمتي عليها؟
أهل زوجي و أخواتي عرضو عليا خدماتهم بتوفير ما اشتهي لكن كيما قلتلك فترة الوحم الأول و الثاني نحب فقط أكلي لا تشهيت حاجة لازم أنا نطيبها و ناكلها.
واهم سؤال هل زوجك كان سند لك فترة وحمك يعني متفهم و واعي بهذه المرحلة فإذا قلت مثلا اشتهيت اكل الثلج يحضره لك او أن الرجل الجزائري غير واعي بهذه المرحلة من الحمل ويراه دلع زايد؟
هبلتو فقط على عصير توجة برتقال كان يدور كل المحلات باش يلقاه هههه و ي يلقاه في حانوت يجيب كمية معتبرة باش يتهنى هههه
حقيقة متفهم لأبعد درجة حتى يقولي أنت ما تشهيتي والو كاش حاجة غريبة يقولي فكري فكري بلاك نشوفلك كاش حاجة ههه

في الختام ندعو من الله عز و جل أن يرزق كل امرأة متزوجة نعمة الذرية و يسهل لها كل مراحل الحمل

 

[ام أمينة]

السلام عليكم
الوحم كاين منو يعني تتشهاي الأمور بطريقة جنونية و لا أظن أن له علاقة بنقص الفيتامينات
و ممكن أنا كان عندي أغرب وحم
ما تضحكوش عليا
توحمت على فقاعات الصابون كي نكون نغسل الماعن الحفلة عندي نقعد ننفخ و ناكلهم بصح تع الجال دوش هما المخيرين
ندوش 4 حتى 5 مرات فاليوم باش ناكل الفقاعات و ما نحسش بالمرارة تع الصابون و لا أي شيئ نحس اني كسبت الدنيا و نولي في سعادة حتى زوجي شرالي لي يديرو بيها الدراري صغار الفقاعات وليت نعمرها بالجال دوش
ما تشهيت أكل ماكرهت الاكل ما كرهت أشخاص سوى التقيئ صباحا و الفقاعات تسعة شهور و انا ناكل فيهم

و أيضا لي يطيب حاجة للمتوحمة أو يجيبلها الحاجة لي راهي حابتها عندو أجر عظيم عند الله

ربي يرزق كل محروم

 

[سـارة]

الله يكتب للأمهات الأجر " حملته أمه وهنا على وهن "
وحدة من اخواتي وحامها صعب جدا تكون فيه مريضة طريحة الفراش ووحدة من اخواتي اللبان اللي هو العلك دائم في فمها حتى في النوم لانه يخفف عليها الغثيان ما تتركه الا فقط وقت الصلاة
الله يكتب لهم الأجر

 

[فاتن سيلين]

و عليكم السلام و رحمة الله و بركاته
الموضوع اللي للآن نشوف فيه ساعات مبالغة من بعض الحوامل ممكن لأنه ما توحمتش على شيء كبير ههه كي نقول هكذا أمام الزوج يقولي و عصير توجة برتقال و النيكتارين اليابس و الحامض شكون هبلني عليهم ههه رغم أنه وقته لكن كنت صح نحوس غير ع الأحمر منه و اليابس و حامض.
نشوف وحمي هذا في المعقول بعكس بعض السيدات لي تتوحم ع الجير و الاسمنت و الطباشير ووو أمور غريبة
هل انت وحمك صعيب أو ساهل؟
الحمد لله في الأول و الثاني ساهل
واش الحاجة الغريبة الي توحمتي عليها أكلة أو رائحة ...الخ؟
هل اي حاجة توحمتي عليها لقيتيها ولا بقات في قلبك للان؟
السؤالين بجواب تقريب واحد.. نعم حمد لله بالخصوص وحمي الأول تقريب الحاجة الوحيدة بعيدا عن الشراء كنت أعشق حاجة اسمها كسرة (الرخسيس ) مع زيت الزيتون و لازم تكون بيدي الكسرة و ناكلها مباشرة من الطاجين هههه ماقلقت و لا واحد .
الحمل الثاني كرهت كل أنواع العطور لدرجة تشارجت مع زميلة في العمل تحط العطر كيما لفليطوكس هههه من بعد تفهمت الوضع
هل لقيتي اهل زوجك او اهلك او جاراتك داعمين لك في فترة الوحم ويوفرولك اي حاجة توحمتي عليها؟
أهل زوجي و أخواتي عرضو عليا خدماتهم بتوفير ما اشتهي لكن كيما قلتلك فترة الوحم الأول و الثاني نحب فقط أكلي لا تشهيت حاجة لازم أنا نطيبها و ناكلها.
واهم سؤال هل زوجك كان سند لك فترة وحمك يعني متفهم و واعي بهذه المرحلة فإذا قلت مثلا اشتهيت اكل الثلج يحضره لك او أن الرجل الجزائري غير واعي بهذه المرحلة من الحمل ويراه دلع زايد؟
هبلتو فقط على عصير توجة برتقال كان يدور كل المحلات باش يلقاه هههه و ي يلقاه في حانوت يجيب كمية معتبرة باش يتهنى هههه
حقيقة متفهم لأبعد درجة حتى يقولي أنت ما تشهيتي والو كاش حاجة غريبة يقولي فكري فكري بلاك نشوفلك كاش حاجة ههه

في الختام ندعو من الله عز و جل أن يرزق كل امرأة متزوجة نعمة الذرية و يسهل لها كل مراحل الحمل

مرحبا بك اختي سحائب الشوق وبارك الله فيك على. المشاركة وافادتنا بتجربتك.
ما شاء الله عليك اعجبني انك قمت بنفسك بنفسك ما شاء الله.
وربي يحفظ لك زوجك ويديم المودة والمحبة بينكما وربي يحفظلك اولادك.

 

[أم إسراء]

السلام عليكم
الوحم كاين منو يعني تتشهاي الأمور بطريقة جنونية و لا أظن أن له علاقة بنقص الفيتامينات
و ممكن أنا كان عندي أغرب وحم
ما تضحكوش عليا
توحمت على فقاعات الصابون كي نكون نغسل الماعن الحفلة عندي نقعد ننفخ و ناكلهم بصح تع الجال دوش هما المخيرين
ندوش 4 حتى 5 مرات فاليوم باش ناكل الفقاعات و ما نحسش بالمرارة تع الصابون و لا أي شيئ نحس اني كسبت الدنيا و نولي في سعادة حتى زوجي شرالي لي يديرو بيها الدراري صغار الفقاعات وليت نعمرها بالجال دوش
ما تشهيت أكل ماكرهت الاكل ما كرهت أشخاص سوى التقيئ صباحا و الفقاعات تسعة شهور و انا ناكل فيهم

و أيضا لي يطيب حاجة للمتوحمة أو يجيبلها الحاجة لي راهي حابتها عندو أجر عظيم عند الله

ربي يرزق كل محروم

ههه أم أمينة من أغرب ما سمعت في الوحام الحمد لله ع السلامة و يا ترى صغيرك يحب الصابون و الماء و الدوش ولا من الأطفال لي يسمعك بيك كل الجيران هههه
انا بنتي الشي لي تشهيتو تهبل عليه

 

[الديباج الرقيق]

السلام عليكم ورحمة الله وبركاته

اخواتي ببساطة أردت أن نتناقش في موضوع مهم الي هو الوحم ..
رأيت إحدى العزيزات على قلبي كثيرا وهي تذرف الدموع لأنها توحمت على أكلة خاصة بمدينة أخرى .تلك العزيزة التي تبدو صارمة وجدية. تبكي أمامنا دون أن تشعر والسبب انها اشتهت أكلة معينة ولم تجدها..(حاليا عرفت الطريقة وسأحاول انا وجدتي طبخها لها وربي يجازي خيرا من علمني الوصفة).

بنا اني اخر العنقود لا اعرف وحم امي . وبما اني عندما ولدت اخواتي امهات..والاخريات تزوجن بعيدا عن مدينتنا لم ارى فترة وحمهم كيف مرت ..
صحيح اعرف علميا أن هرمونات المرأة تتغير ويتغير مزاجها عند الحمل . لكن اريد أن أعرف اكثر عن الموضوع
للامهات هنا شاركونا تجاربكم مع الحمل الغريبة

الوحم امر حقيقي ..وليس كما يقول البعض انه مجرد تمثيليات ..باش لمرا يجيبولها واش تحب برك ..

وهذه اسئلتي:

هل انت وحمك صعيب أو ساهل؟

الصراحه صعبا جدا ..عانيت من الغثيان التقئ حشاك ..من جميع الروائح مهما كانت ..كرهتهم

واش الحاجة الغريبة الي توحمتي عليها أكلة أو رائحة ...الخ؟

ابني لاول توحمت على الملح والفلفل والسلاطة وابنتي الثانيه ..سباغيتي والملح تاني

هل اي حاجة توحمتي عليها لقيتيها ولا بقات في قلبك للان؟

لا الحمد لله لقيتهم وبكثرة خخخخخخ برك تشينا واحد الوقت في الصيف ولقيتها

هل لقيتي اهل زوجك او اهلك او جاراتك داعمين لك في فترة الوحم ويوفرولك اي حاجة توحمتي عليها؟

الحمد لله ..

واهم سؤال هل زوجك كان سند لك فترة وحمك يعني متفهم و واعي بهذه المرحلة فإذا قلت مثلا اشتهيت اكل الثلج يحضره لك او أن الرجل الجزائري غير واعي بهذه المرحلة من الحمل ويراه دلع زايد؟

لا نظن الاغلبية واعيين بهاد الشي ..واكيد رايح يوفرلك

شاركونا تجاربكم لنستفيد نحن العازبات

مووضوع ممتاز احسنتي

 

[ام أمينة]

ههه أم أمينة من أغرب ما سمعت في الوحام الحمد لله ع السلامة و يا ترى صغيرك يحب الصابون و الماء و الدوش ولا من الأطفال لي يسمعك بيك كل الجيران هههه
انا بنتي الشي لي تشهيتو تهبل عليه

الله يسلمك
كي كانت بيبي عادي ندوشلها ما تقولش و كي بدات تكبر و تعرف شوي شوي راكي تعرفي الدراري

 

[أم أُنٌَيسة]

السلام عليكم ورحمة الله وبركاته
تحدث ابن القيم رحمه الله عن هذه المسالة، وقال ان السبب هو انحباس الدورة وتصير سببا في غذاء الجنين او شيء كهذا، فلذلك يود الجسم احيانا اشياء غريبة ... قراتها ونسيت
نسيت وحمي كيف كان ..

 

[فاتن سيلين]

السلام عليكم
الوحم كاين منو يعني تتشهاي الأمور بطريقة جنونية و لا أظن أن له علاقة بنقص الفيتامينات
و ممكن أنا كان عندي أغرب وحم
ما تضحكوش عليا
توحمت على فقاعات الصابون كي نكون نغسل الماعن الحفلة عندي نقعد ننفخ و ناكلهم بصح تع الجال دوش هما المخيرين
ندوش 4 حتى 5 مرات فاليوم باش ناكل الفقاعات و ما نحسش بالمرارة تع الصابون و لا أي شيئ نحس اني كسبت الدنيا و نولي في سعادة حتى زوجي شرالي لي يديرو بيها الدراري صغار الفقاعات وليت نعمرها بالجال دوش
ما تشهيت أكل ماكرهت الاكل ما كرهت أشخاص سوى التقيئ صباحا و الفقاعات تسعة شهور و انا ناكل فيهم

و أيضا لي يطيب حاجة للمتوحمة أو يجيبلها الحاجة لي راهي حابتها عندو أجر عظيم عند الله

ربي يرزق كل محروم

وعليكم السلام ورحمة الله وبركاته
اهلا وسهلا باستاذتي الطيبة الحنونةما شاء الله ربي يحفظلك اولادك
ضحكت من قلبي وحمك غريب فقاعات الصابون ههههه الحمد لله ولدت بخير وسلامة ولم تتاذي من الصابون وربي يدوم المودة والمحبة مع زوجك المتفهم لوحمك الغريب ههه

 

[ام أمينة]

وعليكم السلام ورحمة الله وبركاته
اهلا وسهلا باستاذتي الطيبة الحنونةما شاء الله ربي يحفظلك اولادك
ضحكت من قلبي وحمك غريب فقاعات الصابون ههههه الحمد لله ولدت بخير وسلامة ولم تتاذي من الصابون وربي يدوم المودة والمحبة مع زوجك المتفهم لوحمك الغريب ههه

اهلا حبيبتي فاتن
نعم غريب لاكن حقيقة
كنت نحب جال دوش Dove بأنواعه يعني مازال للآن

 

[فاتن سيلين]

الله يكتب للأمهات الأجر " حملته أمه وهنا على وهن "
وحدة من اخواتي وحامها صعب جدا تكون فيه مريضة طريحة الفراش ووحدة من اخواتي اللبان اللي هو العلك دائم في فمها حتى في النوم لانه يخفف عليها الغثيان ما تتركه الا فقط وقت الصلاة
الله يكتب لهم الأجر

آمين .مرحبا بك اختي سارة نورتي الموضوع بمشاركتك
وربي يخفف على اختك ويؤجرها

 

[فاتن سيلين]

الوحم امر حقيقي ..وليس كما يقول البعض انه مجرد تمثيليات ..باش لمرا يجيبولها واش تحب برك ..

الصراحه صعبا جدا ..عانيت من الغثيان التقئ حشاك ..من جميع الروائح مهما كانت ..كرهتهم

ابني لاول توحمت على الملح والفلفل والسلاطة وابنتي الثانيه ..سباغيتي والملح تاني

لا الحمد لله لقيتهم وبكثرة خخخخخخ برك تشينا واحد الوقت في الصيف ولقيتها

الحمد لله ..

لا نظن الاغلبية واعيين بهاد الشي ..واكيد رايح يوفرلك

مووضوع ممتاز احسنتي

مرحبا بك اختي كارينا نورتي الموضوع بمشاركتك
وربي يحفظ لك اولادك ويديم المودة مع زوجك
ههه توحمت على الملح حقا الوحم غريب لكن الحمد لله لم يؤثر على صحتك بارتفاع الضغط

 

[فاتن سيلين]

السلام عليكم ورحمة الله وبركاته
تحدث ابن القيم رحمه الله عن هذه المسالة، وقال ان السبب هو انحباس الدورة وتصير سببا في غذاء الجنين او شيء كهذا، فلذلك يود الجسم احيانا اشياء غريبة ... قراتها ونسيت
نسيت وحمي كيف كان ..

وعليكم السلام ورحمة الله وبركاته
بارك الله فيك اختي أم أنيسة على الاضافة

 

[أم عبد الله]

السلام عليكم ورحمة الله وبركاته

وعليكم السلام والرحمة غاليتي

اخواتي ببساطة أردت أن نتناقش في موضوع مهم الي هو الوحم ..
رأيت إحدى العزيزات على قلبي كثيرا وهي تذرف الدموع لأنها توحمت على أكلة خاصة بمدينة أخرى .تلك العزيزة التي تبدو صارمة وجدية. تبكي أمامنا دون أن تشعر والسبب انها اشتهت أكلة معينة ولم تجدها..(حاليا عرفت الطريقة وسأحاول انا وجدتي طبخها لها وربي يجازي خيرا من علمني الوصفة).

ربي يجازيكم خيرا يارب ماشي بغرضها ياختي ساعفوها
المتوحمة ك المهبولة جيبولها حاجتها وخلوها تتمتع بيها

بنا اني اخر العنقود لا اعرف وحم امي . وبما اني عندما ولدت اخواتي امهات..والاخريات تزوجن بعيدا عن مدينتنا لم ارى فترة وحمهم كيف مرت ..
صحيح اعرف علميا أن هرمونات المرأة تتغير ويتغير مزاجها عند الحمل . لكن اريد أن أعرف اكثر عن الموضوع
للامهات هنا شاركونا تجاربكم مع الحمل الغريبة

وهذه اسئلتي:

سأجيبك من خلال تجربتي

هل انت وحمك صعيب أو ساهل؟

الحمد لله سآهل هههه

واش الحاجة الغريبة الي توحمتي عليها أكلة أو رائحة ...الخ؟

تضحكي ك نقولك توحمت ع راجلي مانحملش نشوفو ف الدار ك يكون طالع ف الدروج نشم ريحتو حشاك نولي نتقيا وكان اول وحم ليا مسكين ك عدت داري وحدي وشيخي كان حي ذاك الوقت الله يرحمو ويوسع عليه كان زوجي يباات عند عتبة الباب برى باه مايولهش باباه و الحمد لله كان متفهم بنتو طبق الأصل عليه طباعو صفاتو زينو كل شيء
ربي يغفرنا برك مي والله ما بيدي كان فوق طاقتي وكان يشوف بعينو

هل اي حاجة توحمتي عليها لقيتيها ولا بقات في قلبك للان؟

ف ابني الثاني توحمت ع لاكريم ف الشتا ربي يحفظ ل جابلي كريبوني وف الكورني هههه

هل لقيتي اهل زوجك او اهلك او جاراتك داعمين لك في فترة الوحم ويوفرولك اي حاجة توحمتي عليها؟

اهل زوجي وأهاي وهو وصحابوو صبت الكل واقفين معايا ربي يحفظهم ويعطيهم ويمنيهم يارب

واهم سؤال هل زوجك كان سند لك فترة وحمك يعني متفهم و واعي بهذه المرحلة فإذا قلت مثلا اشتهيت اكل الثلج يحضره لك او أن الرجل الجزائري غير واعي بهذه المرحلة من الحمل ويراه دلع زايد؟

شاركونا تجاربكم لنستفيد نحن العازبات

شاركتك اهم النقاط واكيد كان الزوج متفهم يعني ك يكون زوجك متفهم والله حاجا ماتقيسك
مثلا نعرف وحدة راجلها جا يديها من دارهم بهيليكس معمرة بوشويكة ممم البطيخ الاصفر قاتلنا ك ركبت فيها الريحة تنفنف قاتلو مدلي حبة قالها لالا تع الناس من باب الامانة وهيا ليومنا هاذا تبكي بالشهقة مع انو شرالها وجايلها مي ك عز عليها هاذاك خرج ف بنتها حبة تبان ف كتفها
اه نقولك الوحم الا توحمت وحكت الجسد ديالها ف اي مكان يخرج ع ذيك يقولو ناس زمان ك تتوحمي ع حاجة حكيت يدك ف الحيط وبالاكي تمسي وجهك
كاين ل عندها حبة فريزة جبهاها
كأين ل جي وحمتهم باينة مساكن ويضطرو يديرو عمليات ازالة
ماتستخفوش بالوحم احنا ف عاداتنا المرأة الحال حتى ف الباب ماتطبطبيش وتخلعيها وتخليها ترقد ع راحتها وتنوض ع راحتها وممنوع تزعف ولا تتقلق
ونزيدك هاذي مرت لوسي كانت تسرق الماكلة ف ومحمها قاتلنا ك تمدوهالي نعيفها وك نسرقها نحسها عسل ع قلبي

 

[فاتن سيلين]

وعليكم السلام والرحمة غاليتي

ربي يجازيكم خيرا يارب ماشي بغرضها ياختي ساعفوها
المتوحمة ك المهبولة جيبولها حاجتها وخلوها تتمتع بيها

سأجيبك من خلال تجربتي

الحمد لله سآهل هههه

تضحكي ك نقولك توحمت ع راجلي مانحملش نشوفو ف الدار ك يكون طالع ف الدروج نشم ريحتو حشاك نولي نتقيا وكان اول وحم ليا مسكين ك عدت داري وحدي وشيخي كان حي ذاك الوقت الله يرحمو ويوسع عليه كان زوجي يباات عند عتبة الباب برى باه مايولهش باباه و الحمد لله كان متفهم بنتو طبق الأصل عليه طباعو صفاتو زينو كل شيء
ربي يغفرنا برك مي والله ما بيدي كان فوق طاقتي وكان يشوف بعينو

ف ابني الثاني توحمت ع لاكريم ف الشتا ربي يحفظ ل جابلي كريبوني وف الكورني هههه

اهل زوجي وأهاي وهو وصحابوو صبت الكل واقفين معايا ربي يحفظهم ويعطيهم ويمنيهم يارب

شاركتك اهم النقاط واكيد كان الزوج متفهم يعني ك يكون زوجك متفهم والله حاجا ماتقيسك
مثلا نعرف وحدة راجلها جا يديها من دارهم بهيليكس معمرة بوشويكة ممم البطيخ الاصفر قاتلنا ك ركبت فيها الريحة تنفنف قاتلو مدلي حبة قالها لالا تع الناس من باب الامانة وهيا ليومنا هاذا تبكي بالشهقة مع انو شرالها وجايلها مي ك عز عليها هاذاك خرج ف بنتها حبة تبان ف كتفها
اه نقولك الوحم الا توحمت وحكت الجسد ديالها ف اي مكان يخرج ع ذيك يقولو ناس زمان ك تتوحمي ع حاجة حكيت يدك ف الحيط وبالاكي تمسي وجهك
كاين ل عندها حبة فريزة جبهاها
كأين ل جي وحمتهم باينة مساكن ويضطرو يديرو عمليات ازالة
ماتستخفوش بالوحم احنا ف عاداتنا المرأة الحال حتى ف الباب ماتطبطبيش وتخلعيها وتخليها ترقد ع راحتها وتنوض ع راحتها وممنوع تزعف ولا تتقلق
ونزيدك هاذي مرت لوسي كانت تسرق الماكلة ف ومحمها قاتلنا ك تمدوهالي نعيفها وك نسرقها نحسها عسل ع قلبي

مرحبا بك اختي أم عبد الله ما شاء الله تبارك الله ربي يدوم المودة بينك وبين زوجك .
وحمك الاول صعب ههه صدقت في كلامك حول مراعاة حال الحامل شكرا لمرورك ومشاركتك بالموضوع