تجربتي creme vaseline Protelisse

[secret de coeur]

هاااي أهل اللمة و الجزائر كاملة
جبتلكم تجربتي مع احسن كريم ترطيب لليدين جربتو لحد الآن
منتج جزائري بسيط ورخيس وملييييييييح بزااااف أنا عجبني صراحة
أنا مهووسة نظافة وعندي بشرة حساسة وماقدرتش نعادل بين هوس التنظيف و حماية بشرتي
بصح ياخوتي والله غير عاونني سيرتو كي نيفيا غلات

وزيفطولي vichy creme a main و عجبني خير منها مالغري فيشي منتجاتها لايعلى عليها

السعر رآه ملصق وماشي معيار للجودة.. التجربة تحكي

 

[أم إسراء]

انا ثان مجربتو مليح،
شكرا على مشاركة التجربة

 

[ام أمينة]

انا كنت نستعملو وقت فات
الآن راني نستعمل هاذو
جابوهوملي ما عنديش معلومات عليهم
المهم الترطيب تاعهم هايل خاصة تع جوز الهند

 

[secret de coeur]

@سحائب الشوق
@ام أمينة

شكرا على المرور والراي تاعكم
كنت تاني سمعت بلي She عندها كريم يدين مليح بصح مزال ماجربتو شريت وحدخرين وعجزت نجي نفضح الكارثة تاعهم هنا ههه
نخاف الكونترول يجي مورا اللمة

 

[فاتن سيلين]

بارك الله فيك اختي

 

[ام أمينة]

@سحائب الشوق
@ام أمينة

شكرا على المرور والراي تاعكم
كنت تاني سمعت بلي She عندها كريم يدين مليح بصح مزال ماجربتو شريت وحدخرين وعجزت نجي نفضح الكارثة تاعهم هنا ههه
نخاف الكونترول يجي مورا اللمة

قالولي لي جربو she ريحتها ماشي مليحة
و الله أعلم

 

[Oktavio_hinda]

شكرا عزيزتي لمشاركتنا التجربة
انا عن نفسي استعمل ماركة ارفيا والمتني بزاف

 

[secret de coeur]

قالولي لي جربو she ريحتها ماشي مليحة
و الله أعلم

اها صااااااار وانا سفتهم يشكرو في ريحتها هديك الي جاية فيها وردة حمرا وقيل اسمها كاليندولا ول منعرف
مهم انا دك جد رااااااضية ببروتليس وجربت كلارينس ريحتها تهبل بصح لا ترطيب لاوالو بالعكس نشفتلي يديا .. دك نوريهالكم مزال باقيتيلي حرت كيفاش نستعملها قلت بلاك نزيدلها زبدة الشيا

 

[secret de coeur]

شكرا عزيزتي لمشاركتنا التجربة
انا عن نفسي استعمل ماركة ارفيا والمتني بزاف

مشاهدة المرفق 172727​

هند ماتحاوليش شوية على دراهمك ؟

هههه مليحة هادي تاع ارفيا سييتها بصح غالية دير 120 الف ... صح صح انا عجبوني منتجات ارفيا بصح نفسهم نفس سعر الكابة ملا نشري يا جزايري يا كابا .... نونو مانشريش على عمو التونسي قاعد يدخل فالسلعة تاعو مع الحدود وعندو امتيازات جمركة وووو ملا لسبب اقتصادي وللامتيازات الي يدي فيها نورمالمون نشري سلعتو بسومة ارخص ملا نوووووووو .. عمو تونسي خلي سلعتك عندك
بروتيليس روعة جربيها راني نقولك متندميش

 

[أم إسراء]

شكرا عزيزتي لمشاركتنا التجربة
انا عن نفسي استعمل ماركة ارفيا والمتني بزاف

مشاهدة المرفق 172727​

بالفعل أرفيا تاع اليدين ولا المرطب اليومي (نهار/ليل) ملاح بزاف جربتهم مدة